باتىس بولىكتە 14 جىل تاپجىلمادى، جاستىق شاعىن وكىنىشسىز وتكىزدى
انار بۇلت \ شينجياڭ گازەتىنىڭ ٴتىلشىسى گو ليڭ
ٴاربىر قىزمەت ورىننىڭ جۇمىس تارتبىنە قانىق، 300 جۇمىس ورنىنىڭ پارامەترىن ەسىندە ساقتادى ... 14 جىلدان بەرى جۋ چياڭ مۇناي حيميا ونەركاسىبى ٴوندىرىسىنىڭ ٴبىرىنشى شەبىندە تاپجىلماي، ”مۇلدە اعاتتىق وتكىزبەۋ“ رەكوردىن ساقتادى.
37 جاستاعى جۋ چياڭ شيحۋ قالاسى ميڭيۋان مۇناي حيميا ونەركاسىبى شەكتى سەرىكتەستىگى تەحنولوگيا ٴبولىمىنىڭ مەڭگەرۋشىسى، 2011 ـ جىلى ٴوندىرىستىڭ ٴبىرىنشى شەبىندە تامىر تارتقاننان بەرى قاراپايىم قىزمەتكەردەن تەحنولوگيا تىرەكتىسىنە اينالۋعا دەيىن ”مۇلدە اعاتتىق وتكىزبەۋ“ جۇمىس رەكوردىنا جانە ”جاۋاپ قايتارا المايتىن سۇراۋى جوق“ دەيتىن اتاعىنا سۇيەنىپ، مۇناي حيميا سالاسىنىڭ ونەگەسىنە اينالدى. ىلگەرىندى ـ كەيىندى شينجياڭدى اشۋ، وركەندەتۋ مەدالى، مەملەكەتتىك 1 ـ مامىر ەڭبەك مەدالى سياقتىلارعا يە بولدى.
سەحتاعى ناسوس ۇيىندە ىستىق لەپ ەسىپ تۇر، قاتار ـ قاتار ناسوستار، قابات ـ قابات جىلۋ اۋىستىرعىشتار، تاعى ونداعان مەتر بيىكتىكتەگى ماشينا ـ جابدىقتار قاتار ـ قاتار ٴتىزىلىپ، جۇمىس ىستەۋشىنىڭ كوز جانارى قىسىم، تەمپەراتۋرا سياقتى پارامەترلەردەن ايرىلمادى، ٴبىر قولىمەن ماشينانى جاتىق جۇرگىزسە، تاعى ٴبىر قولىمەن ساندى مالىمەتتەردى جىلدام ەستەلىككە الۋدا ... بۇگىنگى تاڭدا جۋ چياڭ ٴوزى العاش رەت سەحقا كىرگەندەگى كورىنىستەردى انىق ەسىنە كەلتىرە الادى.
2010 ـ جىلى ول جياڭشي جاراتىلىستىق عىلىمدار داشۋەسىنىڭ ەلەكتر ينجەنەرياسى جانە اۆتوماتتاندىرۋ ماماندىعىنان وقۋ تاۋىسقان سوڭ، شيحۋ قالاسىنداعى ٴبىر مۇناي حيميا ونەركاسىبى سەرىكتەستىگىنە جۇمىسقا تۇردى. ول كەزدە ٴدال شيحۋدىڭ مۇناي حيميا ونەركاسىبى سالاسىنىڭ ەڭسە كوتەرە باستاعان كەزى ەدى، جوعارى مەكتەپ تاۋىسىپ قىزمەتكە تۇرعان ولاردى كاسىپورىن شاندۇڭداعى ٴبىر كاسىپورىنعا مۇناي ايىرۋ تەحنولوگياسىن ۇيرەنۋگە جىبەردى.
”كۇندە جۇمىس باسىندا ’ٴجۇرىپ‘، ٴار ٴتۇرلى قۇرىلعىلاردىڭ جۇمىس جۇرگىزۋ احۋالىن ەستەلىككە الىپ، تۇسىنبەسەك تۇس ـ تۇستان ماتەريال اقتاردىق“. جۋ چياڭ وسى رەتكى ۇيرەنۋ ورايىن قاباعات قاستەرلەدى. كاسىپورىنعا قايتىپ كەلگەننەن كەيىن ۇيرەنگەن ماماندىق بىلىمدەرىنە سۇيەنىپ، كاسىپورىننىڭ ٴوندىرىس، دايىندىق جۇمىستارىنا بەلسەنە ات سالىستى. ەلەكتر جابدىقتارىن دەن قويا ورنالاستىرۋدان قوزعاۋشى كۇش ەلەكتر كابەلدەرى مەن كورسەتكىش اسپاپتاردىڭ كابەلدەرىن جۇيەلى تارتۋعا، ودان ەلەكتر جابدىقتارىن جانە كورسەتكىش اسپاپ جابدىقتارىن دالمە ـ ٴدال ورناتۋعا دەيىن ٴاربىر بۋىننىڭ بارىنە ٴوزى كىرىسىپ، ۇقىپتىلىقپەن ەگجەي ـ تەگجەيلى ىستەپ، كاسىپورىن ٴۇشىن ٴبىر ايلىق جابدىق ورناتۋ ۋاقىتىن، 200 مىڭ يۋان قاراجات ۇنەمدەدى. ۇزدىك قىزمەت بەينەسى ەسكەرىلگەندىكتەن، نەبارى جارتى جىلدان كەيىن ول قاراپايىم جۇمىسشىدان بانجاڭعا كوتەرىلدى، ىلە ـ شالا سەح مەڭگەرۋشىسى بولدى.
2014 ـ جىلى جۋ چياڭ جاڭادان قۇرىلعان شيحۋ قالالىق ميڭيۋان مۇناي حيميا ونەركاسىبى شەكتى سەرىكتەستىگىنە كەلىپ تەحنولوگيا ٴبولىمىنىڭ مەڭگەرۋشىسى بولدى. جوبالاۋ كەزەڭىندە جۋ چياڭ مەن تەحنولوگيا ٴبولىمىنىڭ قىزمەتكەرلەرى زەرتتەۋ ارقىلى مەحانيكالىق بوساتۋ تەحنولوگياسىنىڭ ەنەرگيانى تىپتەن ۇنەمدەيتىندىگىن، لاس سۋ ىعىستىرمايتىندىعىن، سىناق رەتىندە ٴوندىرۋ مەرزىمىندە قولدانۋ ونىمدىلىگىنىڭ ەرەكشە جاقسى ەكەندىگىن بايقايدى.
سوڭعى جىلدارى ٴوزىنىڭ مىعىم تەحنولوگيالىق نەگىزىنە جانە بولجامپاز كوز اياسىنا سۇيەنىپ، جۋ چياڭ تەحنولوگيا بولىمىندەگى قىزمەتتەستەرىن باستاپ، تەحنولوگيالىق جاڭالىق ارقىلى كەيبىر اۋىستىرىلعان، قاتاردان قالدىرىلعان جابدىقتاردى ساپالىلاندىرىپ دارەجەسىن جوعارىلاتىپ، ٴوندىرىس بارىسىندا ولاردىڭ تىڭ ومىرشەڭدىگىن ايگىلەۋگە مۇمكىندىك جاسادى.
وسى سەرىكتەستىك جۋ چياڭ باس بولعان ۇستالار، ەڭبەك ەرلەرى جاڭالىق اشۋ جۇمىس كەڭسەسىن قۇردى، جۇمىس كەڭسەسى مۇشەلەرىنىڭ ٴبارى تۇگەل ٴوندىرىستىڭ ٴبىرىنشى شەبىنەن كەلگەن. جۋ چياڭنىڭ جەتەكشىلىگىندە جۇمىس كەڭسەسى قۇرىلعىنىڭ ۇزاق پەريودتى جۇمىس جۇرگىزۋ ونىمدىلىگىنە ىقپال جاسايتىن 8 ٴتۇرلى ەلەۋلى ماسەلەنى شەشتى. مۇنىڭ ىشىندە 3 ٴتۇرلى جەتىستىك وتە ـ موتە كورنەكتى بولىپ، جەكە ـ جەكە كوندەنساتسيالىق سۋدى قايتا جيناپ الۋ نىسانى، جىلۋ اۋىستىرۋدى ساپالىلاندىرۋ نىسانى جانە قۇرعاق گازدى كۇكىرتسىزدەندىرىپ جيناپ الۋ نىسانى.
قۇرعاق گازدى كۇكىرتسىزدەندىرىپ جيناپ الۋ نىسانى جۋ چياڭنىڭ اسفالت ٴوندىرۋ بارىسىندا شىققان ٴىشىنارا كوندەنساتسيالانبايتىن گازدىڭ قورشاعان ورتانى لاستايتىن زالالى بار ەكەندىگىن، حاۋىپسىزدىگىن باعالاۋدان كەيىن كوندەنساتسيالانبايتىن گازدى پەشكە جاندىرۋدان بۇرىن كۇكىرتسىزدەندىرۋ جۇيەسىن ورناتۋ ارقىلى كوندەنساتسيالانبايتىن گازدىڭ ىشىندەگى كۇكىرتتى قوسىلىستاردى ٴبىر جاقتى ەتۋگە بولاتىندىعىن بايقاعاندىعىنان شىقتى. وسى جۇيە قولدانىسقا تۇسكەننەن كەيىن لاستانۋ ماسەلەسىن شەشىپ قانا قويماي، تاعى ٴار كۇنگى تابيعي گازدىڭ جۇمسالۋ مولشەرىن وسىنىڭ الدىنداعىدان 700 تەكشەمەتر ازايتادى. قازىر ونىڭ بارلىق تەحنولوگيالىق جاقسارتۋلارى كاسىپورىن ٴۇشىن جيىنى 34 ميلليون 600 مىڭ يۋان وزىندىك قۇن ۇنەمدەدى.
يگەرگەن شەبەرلىگىن اناعۇرلىم كوپ جاسقا ۇيرەتۋ ٴۇشىن جۋ چياڭ ساباق ٴوتۋ جوباسىن دەن قويا جاساپ، كۇندەلىكتى توپتاعان جۇمىس تاجىريبەسى مەن باۋلۋ ماتەريالدارىن ىجداعاتپەن سارالاپ، مۇقيات قورىتىندىلاپ، باۋلىناتىن ٴاربىر ادامعا لايىقتاپ باۋلۋ توپتاماسىن جاساپ بەردى.
بۇگىنگى تاڭدا جۋ چياڭ باستاعان ەڭبەك ەرى جاڭالىق اشۋ جۇمىس كەڭسەسى 47 تەحنولوگيا تىرەكتىسىن جەتىلدىرىپ، 37 شاكىرت تاربيەلەپ، كاسىپورىننىڭ ەنەرگيا ۇنەمدەپ، شىعىندى ازايتۋىن جانە ٴوندىرىس حاۋىپسىزدىگىن ىلگەرىلەتتى. ”مەن وسىندا تامىر تارتىپ، اناعۇرلىم كوپ تەحنولوگيا تىرەكتىسىن تاربيەلەپ، شينجياڭنىڭ ەكونوميكالىق دامۋىنا كۇش ـ قۋاتىمدى ارنايمىن“، ـ دەدى جۋ چياڭ.
