تاماشا زاڭ ەرەجە ارقىلى شينجياڭدى قورعادى
انار بۇلت \ شينجياڭ گازەتىنىڭ ٴتىلشىسى جاڭ لەي
”قايتكەندە مىڭ جىلدىق ەپوستىڭ تىڭ ومىرشەڭدىگىن قاۋلاتۋعا بولادى؟ دەگەن ماسەلە ماناس ەپوسىن جالعاستىرۋدا، قورعاۋدا شۇعىل شەشۋگە ٴتيىستى قيىن ماسەلە بولعان ەدى“. اۆتونوميالى رايوندىق كوركەمونەر زەرتتەۋ ورنىنىڭ ورىنباسار باستىعى جاڭ يۇن بىلاي دەدى: قازىر بۇل قيىن ماسەلە زاڭ ەرەجە شىعارۋ ارقىلى دالمە ـ ٴدال جاۋاپقا يە بولدى.
3 ـ ايدىڭ 26 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 19 ـ ٴماجىلىسى «شينجياڭ ۇيعۇر اۆتونوميالى رايونىنىڭ ماناس بەيزاتتىق مادەنيەت مۇراسىن قورعاۋ ەرەجەسىن» قاراپ ماقۇلدادى، «ەرەجە» بيىل 5 ـ ايدىڭ 1 ـ كۇنىنەن باستاپ اتقارىلادى.
زاڭمەن باسقارۋ — جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى، زاڭ ەرەجە شىعارۋ — زاڭمەن باسقارۋدىڭ العى شارتى جانە نەگىزى. سوڭعى جىلدارى اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتتەرى دامۋ كەلەلى جاعدايىنا قىزمەت وتەۋدى تياناق ەتىپ، ٴداۋىر تالابىن ايگىلەيتىن، جەرگىلىكتى ەرەكشەلىكتى بەينەلەيتىن ٴبىر توپ جەرگىلىكتى زاڭ ەرەجەنى جاساپ جانە وعان وزگەرىس ەنگىزىپ، جەرگىلىكتى زاڭ ەرەجە شىعارۋدىڭ اتقارۋ سيپاتتى، تولىقتاۋ سيپاتتى، ىزدەنىس جاساۋ سيپاتتى فۋنكتسياسىن شىن مانىندە ساۋلەلەندىرىپ، شينجياڭ ەرەكشەلىگىنە يە جەرگىلىكتى زاڭ ەرەجە جۇيەسى ۇزدىكسىز اقاۋسىزداندى جانە كەمەلدەندى.
”دامۋدى كوزدەۋدىڭ“ پايدالى زاڭ ەرەجەسىن شىعاردى
جاڭا جىل باستالىسىمەن اۆتونوميالى رايوندىق حالىق قۇرىلتايى تۇراقتى كوميتەتى 2025 ـ جىلعى جەرگىلىكتى زاڭ ەرەجە شىعارۋ قىزمەتى ٴماجىلىسىن جەدەل اشىپ، اۆتونوميالى رايوننىڭ 2024 ـ جىلعى جەرگىلىكتى زاڭ ەرەجە شىعارۋ قىزمەتىن قورىتىندىلاپ، 2025 ـ جىلعى زاڭ ەرەجە شىعارۋ مىندەتىن ورنالاستىرىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ٴتيىمدى بولۋدى قامتاماسىز ەتۋ رولىن تولىق ساۋلەلەندىردى.
وتكەن ٴبىر جىلدا اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوننىڭ جالپى 16 زاڭ ەرەجەسىن، 10 زاڭ ەرەجە سيپاتتى قاۋلى ـ قارارىن قاراپ ماقۇلدادى، اۆتونوميالى رايوننىڭ 7 زاڭ ەرەجەسىن العاشقى قادامدا قارادى، بەكىتۋگە جولدانعان 39 زاڭ ەرەجەنى تەكسەرىپ بەكىتتى. ”زاڭ ەرەجە شىعارۋ قىزمەتىندە سانى كوپ، سالماعى اۋىر، ساپاسى جوعارى بولۋداي ايقىن ەرەكشەلىك جارىققا شىقتى“، ـ دەدى اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتىنىڭ مەڭگەرۋشىسى لي جۋان.
شينجياڭ — ەلىمىزدەگى ماڭىزدى كەن بايلىعىن اشۋ رايونى. سوڭعى جىلدارى كەن بايلىعىن باسقارۋ بارىسىندا شينجياڭدا ٴبىر ٴبولىم كەن بارلاۋ ۇقىعى بارلاردىڭ زاڭدا بەلگىلەنگەن بارلاۋ ـ تەكسەرۋ ۇسىنىلىمىن ورىنداماۋ ماسەلەسى جارىققا شىعىپ، كەن بايلىعىنىڭ ٴونىمدى اشىلىپ پايدالانىلماۋىنا اپارىپ سوقتى. اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىنىڭ كەن بايلىعىن بارلاۋ ـ تەكسەرۋ ۇسىنىلىمىن باقىلاۋ ـ باسقارۋ بەلگىلەمەسىن» جاسامپازدىقپەن جاساپ، ”شاعىن كىرىسۋ تۇيىنىنەن باستاپ“ زاڭ ەرەجە شىعارۋ ارقىلى كەن بارلاۋ ۇقىعىنداعى ”قورشاپ الىپ بارلاماۋ“ ماسەلەسىن زاڭ بويىنشا شەشىپ، كەن بايلىعىن اشۋ ٴتارتىبىن زاڭ بويىنشا ارناعا ٴتۇسىردى.
قارىشتاپ دامىعان مادەنيەت جانە ساياحات بازارىن ارقاۋ ەتىپ، اۆتونوميالى رايوندىق حالىق قۇرىلتايى تۇراقتى كوميتەتى جانە بۇكىل رايونداعى ٴار دارەجەلى زاڭ ەرەجە شىعارۋ ۇقىعى بار حالىق قۇرىلتايلارى «شينجياڭ ۇيعۇر اۆتونوميالى رايونىنىڭ قاشقار بايىرعى قالاسىن قورعاۋ ەرەجەسى»، «ىلە قازاق اۆتونوميالى وبلىسىنىڭ حالىقتىق تۇسەلحانالاردى باسقارۋ جانە جەبەۋ ەرەجەسى»، «قارامايلى قالاسىنىڭ قالا باقشاسى الاڭىن باسقارۋ ەرەجەسى» سياقتى ٴبىر توپ ەرەكشەلىگى ايقىن جەرگىلىكتى زاڭ ەرەجەنى جاساپ، مادەنيەت ـ ساياحات كاسىبىنىڭ اقاۋسىز دامۋىن زاڭمەن باسقارۋ ارقىلى قامتاماسىزداندىردى. 2024 ـ جىلى شينجياڭ 302 ميلليون ساياحاتشى (رەت) قابىلداپ، ٴتۇرلى كورسەتكىش تاريحتاعى تىڭ دەڭگەيگە جەتىپ، ساياحات ورلەۋى بۇكىل ەل بويىنشا 2 ـ ورىندى يەلەدى.
”مادەنيەت ـ ساياحات كاسىبىن اۆتونوميالى رايوننىڭ ’ون ٴىرى كاسىپ سالاسى شوعىرىنا‘ ەنگىزۋ ورايىن مىقتاپ يگەرىپ، جەرگىلىكتى زاڭ ەرەجەلەردى كەڭەيتۋ قىزمەتىن ويداعىداي ىستەۋگە تاباندى بولۋ كەرەك“. اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جاڭ يۇڭدۇڭ مىنالاردى ٴبىلدىردى: قاتىستى ساياساتتىق حۇجاتتار، ارناۋلى جوبالار جانە كاسىپتىك قىزمەت شارالارى سياقتىلاردىڭ ٴۇرتىس شىعارىلۋىنا ىلەسە، زاڭ ەرەجە شىعارۋدىڭ ”ۇتىلامالى تاياقشاسىنىڭ“ اسەرى ۇزدىكسىز كورنەكتىلەندى.
”حالىقتىڭ مۇڭ ـ مۇقتاجىن شەشۋدىڭ“ ٴونىمدى زاڭ ەرەجەسىن شىعاردى
حالىقتىڭ قۇت ـ ىرىسى — زاڭنىڭ ارقاۋى. سوڭعى جىلدارى اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى حالىق تۇرمىسى، قوعامدىق سالالارداعى زاڭ ەرەجە شىعارۋدى جەدەل ىلگەرىلەتىپ، حالىققا ٴتيىمدى، حالىققا پايدالى ناقتى ىستەردى شىنايى ويداعىداي ىستەۋگە دەم بەرىپ، حالىق بۇقاراسى تىنىش ٴومىر، شات ـ شادىمان تىرشىلىك كەشىرەتىن تاماشا قوعامدىق ورتانى قۇلشىنا جاراتۋعا زاڭمەن باسقارۋ كۇشىن قوستى.
3 ـ ايدىڭ سامالى تاكلاماكان ٴشولىن وپكەندە، ۇشى ـ قيىرسىز سارى قۇمدى قورشاپ تۇرعان ”جاسىل ٴشارپى“ ەرەكشە كوز تارتادى. ”قۇم ىلگەرىلەپ، ادام شەگىنۋدەن” “جاسىل القاپ ىلگەرىلەپ، قۇمدى شەگىندىرۋگە“، ودان ”ادام مەن قۇمنىڭ جاراسىمدىلىعىنا“ دەيىن بۇل وزگەرىس جەرگىلىكتى زاڭ ەرەجە شىعارۋدىڭ ۇلەسىندە جارىققا شىقتى. 1 ـ ايدىڭ 1 ـ كۇنى جاڭادان وزگەرىس ەنگىزىلگەن «شينجياڭ ۇيعۇر اۆتونوميالى رايونىنىڭ ›ۇجۋحڭا حالىق رەسپۋبليكاسىنىڭ قۇمايتتانۋدان ساقتانۋ، قۇمدى تىزگىندەۋ زاڭىن> اتقارۋ ٴادىسى» رەسمي اتقارىلدى. بۇل ادىستە قۇمايتتانۋدان ساقتانۋ، قۇمدى تىزگىندەۋ جوباسى، جەردىڭ قۇمايتتانۋىنان ساقتانۋ، قۇمايتتانعان جەرلەردى وڭاۋ، قۇمايتتانعان جەردەن پايدالانۋ سياقتى مازمۇندار ەگجەي ـ تەگجەيلى بەلگىلەنىپ، قۇمايتتانۋدان ساقتانۋ، قۇمدى تىزگىندەۋ قىزمەتىنىڭ جوعارى ساپالى دامۋىن زاڭ بويىنشا ىلگەرىلەتتى.
تاماشا ەكولوگيالىق ورتا — ەڭ ٴتيىمدى حالىق تۇرمىسى قۇت ـ ىرىسى. «قۇمىل وزەنى مەملەكەتتىك سازدىق باقشاسىن قورعاۋ ەرەجەسى»، «تۇرپان قالاسىنىڭ ايدىنكول سازدىعىن قورعاۋ ەرەجەسى» سياقتى ەكولوگيالىق زاڭ ەرەجە شىعارۋ ارقىلى اسپانى قاشاندا اشىق، تۇنىق سۋى سىلدىراي اققان، تاۋى ماڭگى جاسىل كورىكتى شينجياڭ قۇرۋدى زاڭمەن باسقارۋدىڭ پارمەندى تىرەگىنە يە ەتتى.
سوڭعى جىلدارى كەيبىر جەرلەردە قوماقتى قالىڭمال الۋ، استا ـ توك ىسىراپشىلدىق، كىسىلىك تارتۋ ـ تارالعىسى سان الۋان بولۋ سياقتى جايتتەر جارىققا شىعىپ، ۇيلەنۋ كوپتەگەن جاستاردىڭ ”كوتەرە المايتىن اۋىر جۇگىنە“ اينالدى. ەسكى سالت ـ سانانى وزگەرتۋدىڭ ٴتۇيىندى سالالارداعى ٴتۇرلى ماسەلەلەرىنە مەڭزەس، تۇرپان قالاسى بۇكىل شينجياڭ بويىنشا ەڭ الدىمەن «تۇرپان قالاسىنىڭ توي ـ تومالاق، ٴولىم ـ ٴجىتىم ىستەرىندە ەسكى سالت ـ سانانى وزگەرتۋ بەلگىلەمەسىن» شىعارىپ، اسا مول قالىڭمالدى، توي ـ تومالاقتى استا ـ توك وتكىزۋدى تەجەپ، ۇيلەنۋ تويىن جاڭاشا وتكىزۋدى دارىپتەپ، توي ـ تومالاق، ٴولىم ـ ٴجىتىم ىستەرىندە وركەنيەتتى جاڭا بەينە جارىققا شىعارۋدى ىلگەرىلەتتى.
تاماشا تۇرمىس ورتاسىن قالىپتاستىرۋ، بۇقارانىڭ نەگىزگى ۇقىق ـ مۇددەسىن قامتاماسىز ەتۋ، بۇقارانىڭ رۋحاني مادەنيەت قاجەتىن قاناعاتتاندىرۋ سياقتى حالىق تۇرمىسىندا كوڭىل ٴبولىپ وتىرعان ماسەلەلەردى ارقاۋ ەتىپ، بىلتىر اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىنىڭ قالا ـ قالاشىق تۇرمىستىق قوقىر ـ قوقسىقتارىن باسقارۋ ەرەجەسى»، «شينجياڭ ۇيعۇر اۆتونوميالى رايونىنىڭ < جۇڭحۋا حالىق رەسپۋبليكاسىنىڭ جۇمىستاندىرۋدى جەبەۋ زاڭىن> اتقارۋ ٴادىسى» سياقتى كوپتەگەن جەرگىلىكتى زاڭ ەرەجەنى قاراپ ماقۇلدادى. ٴاربىر زاڭ ەرەجەنىڭ ماقۇلدانۋى حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن اناعۇرلىم ويداعىداي شەشىپ، ٴاربىر زاڭ ەرەجەنىڭ حالىق تىلەگىن تولىق ايگىلەۋىنە، حالىق تۇرمىسىنا جاناسۋىنا، حالىق تىلەگىنە ۇيلەسۋىنە مۇمكىندىك جاساۋ ٴۇشىن بولىپ تابىلادى.
جاڭالىق اشۋعا شەبەر بولۋدىڭ ۇتىمدى زاڭ ەرەجەسىن شىعاردى
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋ جونىندە جۇيەلى ورنالاستىرۋ جاسادى، زاڭ شىعارۋ سالاسىنداعى رەفورمانى تەرەڭدەتۋ مۇنداعى ماڭىزدى مىندەتتەردىڭ ٴبىرى. اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسى نازاردى شينجياڭدى زاڭمەن باسقارۋ ٴتۇزىلىس ـ مەحانيزمىن كەمەلدەندىرۋگە شوعىرلاندىرىپ، ٴتۇيىندى سالالاردا، جاڭادان گۇلدەنگەن سالالاردا، شەتەلگە ساياتىن سالالاردا زاڭ ەرەجە شىعارۋدى كۇشەيتۋ جونىندە ايقىن تالاپتار قويدى.
” 2024 ـ جىلى اۆتونوميالى رايوننىڭ جەرگىلىكتى زاڭ ەرەجە شىعارۋ تابىسى مول بولىپ، شەتەلگە ساياتىن زاڭمەن باسقارۋ سالاسىندا جاڭالىق اشۋدا تىڭ تابىستارعا قول جەتتى“، ـ دەدى 2025 ـ جىلعى شينجياڭ ەكى ٴماجىلىسىنىڭ 2 ـ رەتكى اقپار جاريالاۋ ماجىلىسىندە اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ اقپارات مالىمدەمەشىسى جاۋ ۋىنچۋان.
شەتەلگە ساياتىن زاڭمەن باسقارۋ قۇرىلىسىن كۇشەيتۋ — جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ ۇزاق ۋاقىتتىق قاجەتى ٴارى شينجياڭنىڭ جوعارى دەڭگەيدە سىرتقا ەسىك اشۋدى ىلگەرىلەتۋىنىڭ كەزەك كۇتتىرمەيتىن مىندەتى. بىلتىر 8 ـ ايدىڭ 23 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 13 ـ ٴماجىلىسى «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ امەريكانىڭ شينجياڭعا ساياتىن جازالاۋ جەلىلەس زاڭدارىنا باتىل قارسى تۇرىپ، جازالاۋعا ۇشىراعان كاسىپورىنداردىڭ جانە قاتىستى كاسىپ سالاسىنىڭ دامۋىنا قولداۋ كورسەتۋ جونىندەگى قارارىن» ماقۇلداپ، ادىلەت ٴۇنىن تاراتىپ، امەريكانىڭ قيسىنسىز جازالاۋىنا قايتارما سوققى بەرىپ، ٴار ۇلت ەڭبەكشىلەرىنىڭ باقىتتى تۇرمىسقا تالپىنۋ ۇقىعىن قامتاماسىز ەتتى.
”بۇل ٴبىزدىڭ زاڭ قارۋىن الىپ زورەكەرلىك پەن وكتەمدىك ساياسيعا قايتارما سوققى بەرۋدەگى پارمەندى شارامىز“. 3 ـ ايدىڭ 7 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناسقان شينجياڭ ۋاكىلدەر ۇيىرمەسى جالپى جيىن وتكىزدى ٴارى ەل ٴىشى ـ سىرتىنداعى مەديالارعا اشىق ۇستالدى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ۋاڭ ميڭشان مىنالاردى ٴبىلدىردى: ”تاياۋدا جۇڭگونىڭ كەيبىر كاسىپورىندارى شينجياڭدا ايتىلمىس’زورلىقپەن ەڭبەككە سالۋ‘ ٴومىر ٴسۇرىپ وتىر دەپ ۇزاق ۋاقىت وسەك ـ اياڭ، ساندىراق تاراتقان ۇيىمدار مەن قۇرىلىمداردىڭ ۇستىنەن شاعىم ايتتى، ٴبىز دە ٴتىپتى دە كوپ كاسىپورىندى قولدارىنا زاڭ قارۋىن الىپ وزدەرىنىڭ زاڭدى ۇقىق ـ مۇددەسىن قورعاۋعا شابىتتاندىرامىز جانە وعان قولداۋ كورسەتەمىز“.
3 ـ ايدىڭ 1 ـ كۇنى شينجياڭنىڭ تۇڭعىش قۇبا ٴتۇز ەكولوگياسىن قورعاۋ جەرگىلىكتى زاڭ ەرەجەسى «قۇمىل قالاسىنىڭ قۇبا ٴتۇز ەكولوگيالىق قورشاعان ورتاسىن قورعاۋ ەرەجەسى» رەسمي اتقارىلدى.
سوڭعى جىلدارى قۇمىلدا قۇمدى بوراندى اۋا رايى ٴجيى جارىققا شىعىپ، قۇبا ٴتۇز ەكولوگيالىق ورتاسىن قورعاۋ جونىندە زاڭ ەرەجە شىعارۋ كەزەك كۇتتىرمەيتىن ىسكە اينالدى. قۇمىل قالالىق حالىق قۇرىلتايى تۇراقتى كوميتەتى ەكولوگيالىق ورتا مينيسترلىگى نانجيڭ قورشاعان ورتا عىلىمىن زەرتتەۋ ورنى سىندى ”سىرتقى اقىل ـ پاراساتتان“ پايدالانىپ تىكەلەي ساي كەلەتىن جوعارى مارتەبەدەگى زاڭ جانە پايدالانۋعا بولاتىن باسقا دا جەرگىلىكتى زاڭ ەرەجەلەر كەمشىل بولعان جاعدايدا، قۇمىل قالالىق حالىق قۇرىلتايى تۇراقتى كوميتەتى زاڭ ەرەجە شىعارۋ قىزمەت مەحانيزمىندە جاڭالىق اشىپ، ەكولوگيالىق ورتا مينيسترلىگى نانجيڭ قورشاعان ورتا عىلىمىن زەرتتەۋ ورنىن زاڭ ەرەجە شىعارۋ قىزمەتىنىڭ تۇتاس بارىسىنا ىلەسۋگە ۇسىنىس ەتتى، حىنان داشۋەسىندە، حىنان قازىنا ـ ەكونوميكا، ساياسي ـ زاڭ داشۋەسىندە زاڭ ەرەجە شىعارۋ جونىندە اقىل ـ كەڭەس بەرۋ بازاسىن قۇرىپ، كوپ رەت پىكىر ـ ۇسىنىس الدى.
ٴشول دالا، جاسىل القاپتان قالا كوشەلەرىنە دەيىن، ەكونوميكانىڭ دامۋىنان حالىق تۇرمىسىنىڭ ٴاربىر قىرىنا دەيىن زاڭمەن باسقارۋدىڭ شۇعىلاسى تيانشان الابىن نۇرلاندىردى. ”زاڭ ەرەجە شىعارۋ — داۋىرمەن بىرگە ىلگەرىلەيتىن قىزمەت، تەك داۋىرگە تىعىز ىلەسكەندە عانا ەكونوميكالىق، قوعامدىق دامۋمەن قادامداس بولىپ، ۇندەستىك تابۋعا بولادى“. لي جۋان بىلاي دەدى: 2024 ـ جىلى اۆتونوميالى رايوندىق حالىق قۇرىلتايى تۇراقتى كوميتەتى جوعارى ساپالى زاڭ ەرەجە شىعارۋ ارقىلى جوعارى ساپالى دامۋدى قامتاماسىز ەتىپ، اۆتونوميالى رايوندىق پارتكومنىڭ قىزمەت كەلەلى جاعدايىن تىعىز ارقاۋ ەتۋمەن بىرگە، حالىق بۇقاراسىنىڭ جاڭا تالابىمەن، جاڭا تىلەگىمەن ”قوس باعىتتا ۇمتىلدى“. بيىل اۆتونوميالى رايوندىق حالىق قۇرىلتايى تۇراقتى كوميتەتى ورنىقتىلىقتى قورعاۋ، جاڭاشا وندىرگىش كۇشتەردى دامىتۋ، ”ون ٴىرى كاسىپ سالاسى شوعىرى“ قۇرىلىسى، جوعارى دەڭگەيدە سىرتقا ەسىك اشۋ، شينجياڭدى مادەنيەتپەن نارلەندىرۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتاردى ارقاۋ ەتىپ، 46 زاڭ ەرەجە شىعارۋ ٴتۇرىن بەلگىلەپ، زاڭ ەرەجە شىعارۋ رولىن تولىق ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى زاڭمەن باسقارۋ قامتاماسىزدىعىن ازىرلەدى.
جاڭا تاريحي باستامادا شينجياڭ زاڭ ەرەجە شىعارۋ قالامىمەن جوعارى ساپالى دامۋ مەن جوعارى دەڭگەيلى باسقارۋ توعىسقان كوركەم كارتينانى كەسكىندەۋدە.
