الدىڭعى 2 ايدا شينجياڭنىڭ ينتەرنەتتەگى بولشەك ساتۋ سوماسى ورنىقتى ارتتى
اۋىل ـ قىستاقتاردىڭ ەلەكتروندى ساۋداسىندا ”قىزمەت وتەۋ تۇتىنۋىنىڭ قايتادان باسىپ وزۋى“ سىندى جاڭا ەرەكشەلىك جارىققا شىقتى
انار بۇلت \ شينجياڭ گازەتىنىڭ ٴتىلشىسى حي حۇڭۋي 3 ـ ايدىڭ 29 ـ كۇنى ۇرىمجىدەن حابارلايدى. 3 ـ جاقتىڭ ساناق ساندى مالىمەتى بويىنشا 1 ـ، 2 ـ ايدا شينجياڭنىڭ ينتەرنەتتەگى بولشەك ساتۋ سوماسى ورنىقتى ارتىپ، سايكەس مەزگىلدەگىدەن %10.32 جوعارىلاعان، مۇندا ناقتى زات تۇرىندەگى ينتەرنەتتەگى بولشەك ساتىلۋ سوماسىنىڭ، قىزمەت وتەۋ تۇرىندەگى ينتەرنەتتەگى بولشەك ساتۋ سوماسىنىڭ ارتۋ قارقىنى تۇگەلدەي %10تەن اسقان. اۋىل ـ قىستاق ەلەكتروندى ساۋداسىنىڭ دامۋ ارىنى كۇشتى بولىپ، ”قىزمەت وتەۋ تۇتىنۋىنىڭ قايتادان باسىپ وزۋى“ سىندى ەرەكشەلىك جارىققا شىققان.
1 ـ، 2 ـ ايدا شينجياڭنىڭ اۋىل ـ قىستاق ينتەرنەتتەگى بولشەك ساتۋ سوماسى 7 ميلليارد 314 ميلليون يۋانعا جەتتى، مۇنىڭ ىشىندە ناقتى زات تۇرىندەگى ينتەرنەتتەگى بولشەك ساتۋ سوماسى 3 ميلليارد 564 ميلليون يۋان بولىپ، اۋىل ـ قىستاق ينتەرنەتتەگى بولشەك ساتۋ سوماسىنىڭ %48.73ىن ۇستادى؛ ال اۋىل ـ قىستاق قىزمەت وتەۋ تۇرىندەگى ينتەرنەتتەگى بولشەك ساتۋ سوماسى 3 ميلليارد 750 ميلليون يۋان بولىپ، يەلەگەن سالىستىرماسى%51.27كە جەتتى، قىزمەت وتەۋ تۇرىندەگى تۇتىنۋدىڭ اۋىل ـ قىستاق ەلەكتروندى ساۋداسىنداعى سالىستىرماسى ناقتى زات تۇرىندەگى تۇتىنۋدان اسىپ ٴتۇسىپ، اۋىل ـ قىستاق ەلەكتروندى ساۋداسى دامۋىنىڭ جاڭا جارقىن تۇيىنىنە اينالدى.
كاسىپ سالاسى قۇرىلىمى جاعىندا الدىڭعى 2 ايدا شينجياڭنىڭ ينتەرنەتتىك تۇتىنۋ قۇرىلىمى ۇزدىكسىز ساپالىلاندى. ناقتى زات تۇرىندەگى ينتەرنەتتىك تۇتىنۋدا ازىق ـ تۇلىك، سالاماتتىق ونىمدەرى، ٴىنجۋ ـ مارجان، اشەكەي بۇيىمدار، ٴۇي جيھازدارى الدىڭعى 3 ورىندى يەلەپ، تۇتىنۋشىلاردىڭ سالاماتتىق، سىمبات جانە ٴۇي جيھازدارى وتباسى تۇرمىسى قاجەتىن قاناعاتتاندىردى. ال قىزمەت وتەۋ تۇرىندەگى تۇتىنۋدا ينتەرنەت جەلىسىندەگى اس ـ سۋ، ينتەرنەت جەلىسىندەگى ساياحات، تۇرمىستىق قىزمەت وتەۋ الدىڭعى 3 ورىندى يەلەپ، تۇتىنۋشىلاردىڭ تۇرمىس ساپاسى مەن قىزمەت وتەۋدى سەزىنۋ جونىندەگى تالپىنىسىن ايگىلەدى.
بۇدان سىرت، تىكە تاراتۋ ەلەكتروندى ساۋداسى جاڭادان گۇلدەنگەن تۇتىنۋ ۇلگىسى رەتىندە، تۇتىنۋدىڭ جاڭا جاعدايىن قايتا سومداۋدا. 1 ـ، 2 ـ ايدا شينجياڭدا تىكە تاراتۋداعى بولشەك ساتۋ سوماسى ٴبىر ميلليارد 42 ميلليون يۋانعا جەتىپ، 20 ميلليون 90 مىڭ تاۋاردىڭ ساتىلۋىنا جەبەۋ بولدى، تىكە تاراتۋ ەلەكتروندى ساۋداسى تۇتىنۋدىڭ ارتۋىن جەبەيتىن ماڭىزدى قوزعالتقىشقا اينالدى.
ٴتىلشىنىڭ اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىنشا، ينتەرنەت جەلىسىندە جانە ينتەرنەت جەلىسىنەن تىسقارى توعىسپالى تۇتىنۋ جاڭا جاعدايىنىڭ ۇزدىكسىز جارىققا شىعۋىنا ىلەسە، شينجياڭنىڭ ينتەرنەتتە بولشەك ساتۋ بازارى ۇزدىكسىز جاندانا تۇسكەن. بولاشاقتا شينجياڭ ەلەكتروندى ساۋدا باسىمدىعىن ۇزدىكسىز ساۋلەلەندىرىپ، اۋىل ـ قىستاق ەلەكتروندى ساۋداسى مەن قىزمەت وتەۋ تۇرىندەگى تۇتىنۋدىڭ اناعۇرلىم دامۋىن ىلگەرىلەتىپ، ەكونوميكانىڭ جوعارى ساپالى دامۋىنا تىڭ ومىرشەڭ كۇش ۇستەيدى ەكەن.
