دوربىلجىندەگى كوپ تاراۋ كۇش بىرىكتىرىپ ”كوكتەمگى ەگىس سۇراۋىنا“ جارىسا جاۋاپ قايتاردى
انار بۇلت \ شينجياڭ گازەتىنىڭ ٴتىلشىسى ٴرايدا، ەرىكتى ٴتىلشى ليۋ پىڭ
”ٴالعازى، ۇيدەسىڭ بە؟ ساعان تولەم اقشا بەرەيىن دەپ كەلدىم“! 3 ـ ايدىڭ 14 ـ كۇنى ٴدوربىلجىن اۋدانى قۇجىرتى موڭعۇل اۋىلىنىڭ ورىنباسار باستىعى جاسقانات نۇربولات ٴالعازى قاھاربايدىڭ ٴۇيىنىڭ ەسىگىنەن كىرە داۋىستادى.
بيىل 49 جاستاعى ٴالعازى قۇجىرتى موڭعۇل اۋىلى جايىر قىستاعىنىڭ مالشىسى. 2024 ـ جىلى G335 تاس جول قۇرىلىسىندا ونىڭ 70 مۋ كەلەتىن جايلىمى پايدالانۋعا الىندى، ٴاسىلى 125 مىڭ يۋان تولەم اقشا الىپ، ٴوزىنىڭ باعىمشىلىق كولەمىن كەڭەيتپەكشى بولعان ەدى، ٴبىراق ٴىس ونداي ٴساتتى بولمادى.
”بىرگە وتكىزىپ الىنعان تاعى 17 مالشى وتباسىنىڭ جايلىمى بار، بۇل جايلىمدار تولى اۋدانى شەكاراسى ىشىندەگى جايىر تاۋىنا ورنالاسقان، ٴوڭىر اتتاپ پايدالانۋعا جاتادى، ونىڭ ۇستىنە ٴتۇزىلىس رەفورماسى جۇرىلگەندىكتەن ٴبىر ٴبولىم مالشىلاردىڭ قاتىستى كۋالىكتەردى تولىقتاۋى كەرەك بولدى، وسىلايشا تولەم اقشا تاراتىلماي كەلگەن ەدى“. ٴالعازى بىلاي دەدى: ەندى كوكتەمگى ەگىس دايىندىعى مەزگىلى كەلدى، قولىمىزدا اقشا جوق، ٴار كۇندى ابىرجىپ وتكىزۋدەمىز.
بۇل ماسەلەنى تەز ارادا شەشۋ ٴۇشىن، بيىل جىل باسىندا اۋىلدىق پارتكوم، قىستاقتا تۇراتىن قىزمەت اترەتى جانە قىستاق ”ەكى كوميتەتى“ ٴىس ٴبىتىرۋ گرۋپپاسىن ۇيىمداستىرىپ، قاتىستى ورىندارعا ىرىقتىلىقپەن بارىپ جۇمىس ٴبىتىرىپ، سايكەستىرىپ، اقىرى G335 تاس جول قۇرىلىسى بويىنشا جەرگە تولەم بەرۋ قىزمەتىن ورىندادى.
ٴدوربىلجىن اۋداندىق حالىق ىستەرى مەكەمەسىنىڭ جايىر قىستاعىندا تۇراتىن ٴبىرىنشى شۋجيى نۇرلاش جۇماش بىلاي دەدى: قازىر 18 مالشى تولەم قاراجاتىن تاپسىرىپ الدى، كوپشىلىكتىڭ كوكتەمگى ەگىس دايىندىعى قىزمەتىنە ىقپال جەتكەن جوق.
جىل باسىنان بەرى ٴدوربىلجىن اۋدانى كوكتەمگى ەگىس ٴوندىرىسىن مىقتاپ ارقاۋ ەتىپ، ”پارتيا مۇشەلەرى مەن كادرلار ناقتى ٴىس ىستەۋمەن باسەكەلەسۋ، تاراۋ كۇش بىرىكتىرىپ قيىن ماسەلەلەردى شەشۋگە قۇلشىنۋ“ دابىلىن قاقتى. بۇكىل اۋدانداعى ٴارقايسى تاراۋ سايكەسە كۇش سالىپ، بۇقارانىڭ ٴوندىرىس، تۇرمىس بارىسىندا جولىققان الاڭدايتىن، ۋايىمدايتىن، مازالاناتىن ىستەرىنە مەڭزەس، ”ٴبىر جولدا“ تۇبەگەيلى دايەكتىلەندىرىپ، ”ٴبىر جولدا“ تىڭعىلىقتى تياناقتاندىرىپ، تالاي ـ تالاي ٴىس جۇزىندىك قيىن ماسەلەنى شىن مانىندە شەشتى، ٴالعازىنىڭ ٴىسى مۇنىڭ ٴبىر تيپتىك مىسالى عانا.
ٴدوربىلجىن اۋدانى ارداۋچياۋ اۋىلى كوكسۋ قىستاعىندا 18 وتباسى كوكتەمگى ەگىس قارجىسى جەتىسپەۋ ماسەلەسىنە ٴدوپ كەلەدى، ٴدوربىلجىن اۋداندىق بازار باقىلاۋ ـ باسقارۋ مەكەمەسىنىڭ قىستاقتا تۇراتىن قىزمەت اترەتى جاعدايدى بىلگەننەن كەيىن فينانس قۇرىلىمدارىمەن بەلسەنە بايلانىس جاساپ، سايكەسىپ، قىستاق تۇرعىندارىنىڭ ٴبىر ميلليون 600 مىڭ يۋان قارىز اقشا ٴوتىنىش ەتىپ الۋىنا ٴساتتى كومەكتەسىپ، ولاردىڭ كوكەي تەستى قيىنشىلىعىن شەشتى.
ٴدوربىلجىن اۋدانى چۇنفىڭ اۋىل شارۋاشىلىق ٴوندىرىس قۇرال ـ جابدىقتارى ماتەريالدار سەرىكتەستىگى ساتۋ ٴبولىمىنىڭ جاۋاپتىسى ۋاڭ چۇنفىڭ جەلاعاش قالاشىعىنداعى سۇڭ حىليننىڭ، قالاماڭى اۋىلى بارلىق كۇرە 2 ـ قىستاعىنداعى جاڭ يۇڭگۇيدىڭ، قالاماڭى اۋىلى سولتۇستىك قالاماڭى قىستاعىنداعى ۋاڭ ليننىڭ كوكتەمگى ەگىس قارجىسىنىڭ تاپشى ەكەندىگىن ەستىپ، جەكە ـ جەكە قۇنى 5000 يۋاندىق جۇگەرى تۇقىمىن، 2600 يۋاندىق جاڭاشا سۇيىق تىڭايتقىشتى، 10 نەشە مىڭ يۋاندىق شەكىلدەۋىك تۇقىمىن، بيولوگيالىق بەلوكتى تىزگىندەۋ تىڭايتقىشىن تەگىن جەتكىزىپ بەرىپ، ديقانداردىڭ كوكتەمگى ەگىس دايىندىعى قاجەتىن شەشۋمەن بىرگە، اۋىل شارۋاشىلىعى ەگىمشىلىك قۇرىلىمىندا بۇرىلىس جاساۋ ارقىلى ديقانداردىڭ ”قان جاساۋ فۋنكتسياسىن“ جوعارىلاتىپ، كىرىستى ارتتىرۋ نىساناسىنا جەتتى.
قىستاق تۇرعىندارىنىڭ ”الاڭسىز اتىزدا“ ەگىن ەگۋىنە مۇمكىندىك جاساۋ ٴۇشىن، ٴدوربىلجىن اۋداندىق اۋىل شارۋاشىلىعى، اۋىل ـ قىستاق مەكەمەسى دە بوس وتىرمادى. ولار مەكەمەدەن 30 نەشە پارتيا مۇشەسىن، تەحنولوگيالىق، كاسىپتىك تىرەكتى تاڭداپ، پارتيا مۇشەلەرىنىڭ كوكتەمگى ەگىس بويىنشا ”اۋىل شارۋاشىلىعىنا كومەكتەسۋ“ قىزمەت وتەۋى اترەتىنەن ۇشەۋىن قۇرىپ، اۋىل شارۋاشىلىعى ٴوندىرىسى ٴبىرىنشى شەبىنە ىشكەرىلەي باردى. قىزمەت وتەۋ اترەتى ”جىلجىمالى عىلىم ـ تەحنولوگيا ۇلكەن ساباقحاناسىن“ اشىپ، شارۋا وتباسىلارىنا ناقتى ورىندا ”تامىر ۇستاپ، دياگنوز قويىپ“، 110نان استام تەحنولوگيالىق قيىن ماسەلەنى شەشۋمەن بىرگە، استىق ەگۋ قوسىمشا قاراجاتى، تاپسىرىس بويىنشا ساتىپ الۋ، ساياساتتىق قامسىزداندىرۋ سياقتى ساياساتتارعا ۇستىندە تۇسىنىك جاساپ، زاڭ جالپىلاستىرىپ تۇسىنىك جاساۋدى ”بۇقارانىڭ جۇرەگىنە تىكە جەتكىزدى“.
ٴدوربىلجىن اۋداندىق اۋىل شارۋاشىلىعى، اۋىل ـ قىستاق مەكەمەسى پارتيا باسشىلىق گرۋپپاسىنىڭ شۋجيى فان ۋىنتيان: ”كوكتەمگى ەگىس ٴوندىرىسى اياقتامايىنشا قىزمەت وتەۋ قوسىنى قايتپايدى“، ـ دەدى.
ٴار جاقتىڭ بىرگە قۇلشىنۋىندا، ٴدوربىلجىن اۋدانىنىڭ كوكتەمگى ەگىستى قامتاماسىزداندىرۋ قىزمەتى ٴتارتىپتى ىلگەرىلەدى. كەزەكتە ٴدوربىلجىن اۋدانىنداعى ٴبىر ميلليون 370 مىڭ مۋ كەلەتىن كوكتەمگى ەگىس اۋماعىنا قاجەتتى 3 ميلليارد 530 ميلليون يۋان قارىز اقشا، 1250 توننا تۇقىم، 32 مىڭ 500 توننا حيميالىق تىڭايتقىش، 2500 توننا سۋلياۋ جارعاق تۇگەلدەي دايىندالىپ بولدى.
