3 ـ ايدىڭ 30 ـ كۇنى قۇتىبي اۋدانىنىڭ دافىڭ قالاشىعى حۇڭشان سۋ قويماسىنا جانە حۇڭشان تومەنگى سۋ قويماسىنا سۋ تولتىرىلىپ، بيىلعى كوكتەمگى ەگىستىڭ سۋارۋ جۇمىسىنا دايىندىق جاسالۋدا. سوڭعى جىلدارى قۇتىبي اۋدانى سۋ قويمانىڭ ۇلەستىرۋ، ساقتاۋ قابىلەتىن ۇزدىكسىز جوعارىلاتىپ، سۋارمالى اۋماقتىڭ سۋ سۇرانىسىن قامتاماسىز ەتتى.
□ سۋرەتتى تاۋ ۋيميڭ تۇسىرگەن
انار بۇلت \ شينجياڭ گازەتىنىڭ ٴتىلشىسى كاڭ حاۋيان 3 ـ ايدىڭ 30 ـ كۇنى ۇرىمجىدەن حابارلايدى. اۆتونوميالى رايوندىق سۋ يگىلىگى مەڭگەرمەسىنەن ۇعىسۋىمىزشا، تاياۋدا «اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ 2025 ـ جىلعى قىزمەت تۇيىندەرى» باسىپ تاراتىلىپ، 7 جاقتان 24 ٴتۇرلى ٴتۇيىندى قىزمەت ورنالاستىرىلىپ، سۋ ۇنەمدەۋ، سۋ ساقتاۋ، سۋ جەتكىزۋ، سۋ مولايتۋ قىزمەتتەرىن ٴبىر تۇتاس جوسپارلاپ ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە اناعۇرلىم پارمەندى سۋ بايلىعى تىرەگىن، قامتاماسىزدىعىن ازىرلەدى.
سۋ بايلىعىن باسقارۋ ٴتۇزىلىسىن، مەحانيزمىن ٴۇرتىس كەمەلدەندىرۋ، سۋ بايلىعىن ۇنەمدى، شوعىرلى، جوعارى ٴونىمدى پايدالانۋ دەڭگەيىن جوعارىلاتۋ جاعىندا «قىزمەت تۇيىندەرىندە» مىنالار العا قويىلدى: سۋ بايلىعىن باسقارۋ ٴتۇزىلىسىن، مەحانيزمىن ٴۇرتىس كەمەلدەندىرىپ، سۋمەن قامداۋ بويىنشا قىزمەت وتەۋدى، قامتاماسىز ەتۋدى كۇشەيتىپ، كەلەلى ستراتەگيالىق كاسىپ سالالارىنىڭ سۋدان پايدالانۋ قاجەتىن بار كۇشپەن قامتاماسىز ەتۋ؛ سۋ بايلىعى جونىندەگى قاتاڭ تەجەۋ ٴتۇزىمىن تياناقتاندىرىپ، سۋ ۇنەمدەۋ قىزمەتىن ٴبىر تۇتاس جوسپارلاپ ويداعىداي ىستەپ، سۋارىلمالى اۋماقتى وسىزامانداندىرىپ قۇرۋ مەن جاڭالاۋدى كۇشەيتىپ، جەر استى سۋىن شەكتەن تىس اشۋدى كەشەندى جونگە سالۋدى كۇشەيتۋ كەرەك.
”سۋ ۇنەمدەۋدى تەتىك، سۋ ساقتاۋدى نەگىز، سۋ جەتكىزۋدى تولىقتاما، سۋ مولايتۋدى قامتاماسىزدىق ەتۋ“ تالابى بويىنشا «قىزمەت تۇيىندەرىندە» مىنالار العا قويىلدى: سۋ يگىلىگى ينجەنەريا قۇرىلىسى اياق الىسىن جەدەلدەتىپ، سۋ يگىلىگى بويىنشا جەتكىزۋ، ساقتاۋ نەگىزدىك قۇرىلعىلارىمەن قامتاماسىز ەتۋ قابىلەتىن كۇشەيتۋ؛ سۋ بايلىعىن ۇلەستىرۋدى ۇيلەسىمدى جاقسارتىپ، سۋ بايلىعىن ورنالاستىرۋدى، باسقارۋدى كۇشەيتىپ، سۋ بايلىعىن جۇيەلى ۇلەستىرۋ قابىلەتىن كۇشەيتۋ؛ سۋ مولايتۋ قىزمەتى جۇيەسىن كەمەلدەندىرىپ، تاياز قاباتتاعى اششى سۋدى جەدەل اشىپ پايدالانىپ، سۋ قويماسىندا تۇنبانى تازالاۋدى، سۋ جەتكىزۋدى، سۋ ساقتاۋدى كۇشەيتىپ، سۋ بايلىعىن مولايتۋ، تولىقتاۋ ارناسىن كوبەيتۋ، كەڭەيتۋ كەرەك.
سۋ يگىلىگى رەفورماسىن ٴۇرتىس تەرەڭدەتۋ، سۋ ەكولوگيالىق ورتاسىن وڭاۋدى، قورعاۋدى ٴبىر تۇتاس جوسپارلاپ ويداعىداي ىستەۋ جاعىندا «قىزمەت تۇيىندەرىندە» مىنالار ايقىندالدى: سۋ بايلىعى سالىعى رەفورماسىن تۇيىندە سىناق ەتۋ قىزمەتىن جاپپاي ىلگەرىلەتىپ، سۋ يگىلىگى بويىنشا قارجى قوسۋ، قارجى قۇراۋ رەفورماسىن تەرەڭدەتىپ، نەگىزگى ساتى سۋ يگىلىگى بويىنشا قىزمەت وتەۋ جۇيەسىن اقاۋسىزداندىرۋ؛ سۋ مەن توپىراقتىڭ زايا بولۋىنان ساقتانۋ ـ تىزگىندەۋدى كۇشەيتىپ، ٴتۇيىندى وزەن ـ كولدەردى قورعاۋدى، وڭاۋدى كۇشەيتىپ، باقىتتى وزەن ـ كول، كورىكتى وزەن ـ كول قۇرىلىسىن ىلگەرىلەتىپ، سۋ ەكولوگيالىق ورتاسى ساپاسىنىڭ ۇزدىكسىز جاقسارۋىن ىلگەرىلەتۋ كەرەك.
2022 ـ جىلدان بەرى شينجياڭ اۆتونوميالى رايوندىق پارتكوم سۋ بايلىعىن باسقارۋ كوميتەتى ٴبىر تۇتاس باسشىلىق ەتەتىن، ايماقتىق، وبلىستىق، قالالىق پارتكومداردىڭ سۋ بايلىعىن باسقارۋ كوميتەتتەرى ساتىلار بويىنشا باسشىلىق ەتەتىن، اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ ماماندار كوميتەتى شەشىمدىك تىرەك بولاتىن قىزمەت جۇلگەسىن جاسامپازدىقپەن ورناتىپ، وڭتۇستىك شينجياڭنىڭ تارىم وزەنى الابىندا ”توعىز قاينار، ٴبىر نەگىزگى اعاردى“، سولتۇستىك شينجياڭدا ”التى وزەن، ٴبىر كولدى“ ٴتۇيىن ەتكەن سۋ بايلىعىن باسقارۋ مەحانيزمىن تياناقتى اتقارىپ، بۇكىل شينجياڭ ٴبىر تۇتاس جۇيە بولعان، جوعارعى اعار مەن تومەنگى اعار ساباقتاسىپ ٴبىر تۇتاس تۇلعا بولعان، بيڭتۋان مەن جەرگىلىكتى ورىن توعىسپالى داميتىن سۋ تىزگىندەۋ، سۋ باسقارۋ جۇيەسىن قالىپتاستىردى. 2024 ـ جىلعا جەتكەندە رايونىمىز سۋ بايلىعىن باسقارۋ بويىنشا ”ٴتورت كوپ، ٴبىر از“ (كوپ قامداۋ، كوپ سۋارۋ، كوپ ساقتاۋ، كوپ تولىقتاۋ، از اشۋ) نىساناسىن جۇزەگە اسىرىپ، سۋ بايلىعىن ۇنەمدى، شوعىرلى پايدالانۋ دەڭگەيىن ۇزدىكسىز جوعارىلاتىپ، سۋ بايلىعىن ۇلەستىرۋ جانە جەتكىزۋ، ساقتاۋ قابىلەتىن ۇزدىكسىز نىعايتتى.
