ورازا ايت قارساڭىندا مەكەمەنىڭ اسحاناسىنان ٴبىر تاباق ساڭزى ساتىپ الدىم، كەڭسەگە قايتقان ليفتتە ٴبىر قىزمەتتەسىم قوراپتى كورىپ: ”بۇل ارداۋچياۋداعى بازاردا ٴوتىمدى بالكۇلشە ماركاسى عوي“، ـ دەدى. ونىڭ تۇراقتاندىرۋى مەنى اسىل زات ساتىپ العانداي قۋانتتى. ساڭزى سىندى چۇنچيۋ ٴداۋىرىنىڭ جين بەكتىگىنەن باستاۋ العان وسى بايىرعى ۇن تاعامى بۇل كۇندەرى نەشە مىڭ جىلدىق ۋاقىتتى كوكتەي ٴوتىپ، بەينە التىنداي جارقىراعان سەنترلەس تۇيىنشەك سياقتى جۇڭحۋاداعى ٴارقايسى ۇلتتىڭ ٴدامدى تاعام ۇندەستىگىن بايلانىستىردى.
انام سىچۋاندىق، ول ۇن تاعامىن جاساۋعا تىم ەبى جوق بولعانىمەن، ساڭزىنى جاقسى پىسىرادى. بالالىق شاقتاعى ەستەمەلەردە ٴدامى ٴتىل ۇيىرەتىن ساڭزى ەجەلدەن وتباسىنىڭ كەم بولسا بولمايتىن مەرەكەلىك ٴدامدى تاعامى بولىپ كەلەدى. شينجياڭداعى كوپتەگەن وتباسىلارىندا ساڭزى مەرەكەنىڭ بەلگىسى، كوكتەم مەرەكەسى، ورازا ايت، قۇربان ايت... بارىندە وسىنداي؛ سىچۋاننىڭ وتباسىلىق قوناعاسىسى، شاندۇڭنىڭ وتباسىلىق قوناعاسىسى، حىناننىڭ وتباسىلىق قوناعاسىسى... ٴبارى دە بۇدان قاعىس قالمايدى.
ساڭزى ەرتەدە حانجۇي دەپ اتالعان، ساڭزى جونىندەگى كەيبىر ولەڭدەر كۇنى بۇگىنگە دەيىن ايتىلىپ كەلەدى، مۇنىڭ ىشىندە ەڭ ايگىلىسى سۋ دۇڭپونىڭ ”حانجۇي ولەڭى“ ، ”نازىك قولمەن ەسىلىپ جىلتىرايدى قاس تاسىنداي، قىزعان مايدا پىسادى سارعايعانشا“، قازانداعى ساڭزى وسىنداي كوركەم ولەڭگە استار بولعان. بايىرعى حانجۇيدان جىبەك جولىنداعى ساۋدا، ساياحات، ازىق ـ تۇلىككە، ونان تيانشان الابىنداعى مەرەكە ـ مەيرامداردا ٴسوزسىز دايىندالاتىن تاعامعا دەيىن ساڭزىنىڭ يرەك ـ يرەك ورامى وركەنيەتتىڭ توعىسۋ ارناسىنا ۇقسايدى، بۇقارانىڭ كۇندەلىكتى تۇتىنۋىندا سەزىلمەيتىن جاي دامدەردىڭ ىشىندە جۇڭحۋا مادەنيەتىنىڭ كوپ نەگىزدى، ٴبىر تۇلعالى بولۋىنىڭ جاندى كۋاسىنا اينالدى.
ساڭزىدا بەينەلەنگەن ورتاق سالت. جياڭسۋدىڭ حۋاي ـ ان شاي ساڭزىسى، شاندۇڭنىڭ دانشيان حۋاڭگاڭ ساڭزىسى، سانشيدىڭ حۇڭدۇڭ ساڭزىسى... دۇڭحاي تەڭىزى جاعاسىنان تيانشان قويناۋىنا دەيىن ساڭزىنىڭ التىن سارى دوعا سىزىعى جۇڭحۋا ۇلتىنىڭ ورتاق سۇيىسپەنشىلىگىن ارقالاپ، جۇڭگو توپىراعىنىڭ تىنىسىن بايلانىستىرىپ، ٴار ۇلت حالقىنىڭ باقىتتى باس قوسۋىن تۇتاستىردى.
(”جياڭ شياۋيان“ ماقالا جولداۋ حات ساندىعى: xjrbplb@126 .com)
