انار بۇلت \ شينجياڭ گازەتىنىڭ ٴتىلشىسى ٴپاريزات ابدۇل
”تۇرسۇن اعا، سۋرەتىڭىزدى الا كەلدىم“.
3 ـ ايدىڭ 26 ـ كۇنى حوتان اۋدانى اۋات اۋىلى قۇمەعيل قىستاعىنداعى ٴجۇزىم باعىندا ٴجۇزىمدى توپىراقتان شىعارىپ جاتقان تۇرسۇن نايىپ ٴوزىنىڭ ”تيان ـ انمىنمەن“ بىرگە تۇسكەن سۋرەتىن الدى.
سۋرەتتە ۇستىنە قىزىل بوپايكى، قارا جاكەت كيگەن تۇرسۇن كەۋدەسىن كەرە ەكى قولىمەن مىقىنىن تايانىپ، ”تيان ـ انمىندى“ ارتقى كورىنىس ەتكەن پەردەنىڭ الدىندا تۇر، جۇزىنەن كۇلكى ەسەدى. ”سول كەزدە ٴبىراز تەبىرەندىم، ويىمداعى سۋرەتكە تۇسپەكشى بولعان بەينەلەردى تۇگەل ۇمىتىپ قالىپپىن“، ـ دەدى تۇرسۇن.
تۇرسۇننىڭ اۋىلى قۇمەعيل قىستاعى تاكلاماكان ٴشولىنىڭ قويناۋىنا ورنالاسقان، حوتان اۋدانىنىڭ اۋدان قالاشىعىنان 100 نەشە كيلومەتر قاشىقتىقتا. تۇرسۇننىڭ جۇرەگىندە استانا بەيجيڭ ۇلى وتاننىڭ سيمۆولى. ”قازىر بۇقارانىڭ تۇرمىسىندا زور وزگەرىستەر جارىققا شىقتى، ىستەيتىن جۇمىسىمىز بار، قالتامىزدا اقشا بار، سىرتقا شىعىپ كورگىمىز كەلەدى“، ـ دەدى ول.
بيىل 42 جاستاعى تۇرسۇن بىرنەشە قوسىمشا مىندەتى بار قىستاقتاعى ەڭ قاربالاس ادام.
”مەن قىستاقتاعى كىشى اترەت باستىعىمىن، قوسىمشا قىستاق تازالىقشىسىمىن. ەگىستىك جەرىمە ەگىن ەگۋگە، سيىر باعۋعا تۇگەلدەي مەن جاۋاپتىمىن“. 3 ـ ايدىڭ 29 ـ كۇنى تىلشىگە سۇحبات بەرگەندە تۇرسۇننىڭ سوزىنەن ماقتانىش لەبى ەستى.
ول ٴار كۇنى ساعات 8 جارىمدا سىرتقا شىعىپ، ٴبىر ساعاتتا الدىمەن ٴوزى جاۋاپتى بولعان اۋماقتىڭ تازالىعىن ىستەپ، ۇيگە قايتىپ كەلگەننەن سوڭ سيىرعا جەم دايىنداپ، جەم بەرىپ، ونان سوڭ قىستاق تۇرعىندار كوميتەتىنە بارىپ قىزمەت ىستەيدى. كىشى اترەت باستىعىنىڭ قىزمەتى نەگىزىنەن وتباسىلارىن ارالاۋ، ساياسات ۇگىتتەۋ، ديقانداردىڭ اتىزداعى ەگىمشىلىك جاعدايىن تەكسەرۋ سياقتىلاردى نەگىز ەتەدى. قىزمەت ارەدىگىندە ول ەگىس جۇمىسىن ىستەۋى، وتباسىنا قاجەتتى تۇرمىستىق بۇيىمداردى ساتىپ الۋى كەرەك.
تۇرسۇننىڭ 15 مۋ جەرىنە ٴبيداي، جۇگەرى، ماقتا، شىلان، جاڭعاق، ٴجۇزىم ەگىلگەن، جىلدىق كىرىسى 60 مىڭ يۋانعا تايايدى. ول تاعى باعىپ وتىرعان 6 سيىرىنان جىلىنا 12 مىڭ يۋان كىرىس كىرگىزەدى. كىشى اترەت باستىعى جانە تازالىقشى بولعانداعى ەڭبەكاقىسىن قوسقاندا، جىلدىق كىرىسى 100 مىڭ يۋانعا تايايدى.
”ۇلكەن ۇلىمنان سىرت، باسقا بالالارىمنىڭ ٴبارى مەكتەپتە وقيدى، ٴتىپتى دە قۇلشىنعاندا عانا وتباسىمداعىلاردىڭ ارمانىن ٴبىر ـ بىرلەپ جۇزەگە اسىرا الامىن“. تۇرسۇن بيىل جەڭىل اۆتوكولىك ساتىپ الىپ، وتباسىنداعىلاردى الىپ شينجياڭنىڭ وزگەرىسىن كورگىسى كەلەتىندىگىن، تاعى كوبىرەك اقشا تاۋىپ، 5 ـ جىلدىقتا وقيتىن قىزىنا ساباقتان سىرتقى كىتاپتاردى كوبىرەك ساتىپ الىپ بەرگىسى كەلەتىندىگىن ايتتى. ”قىزىم وقۋدا وزات، وعان ٴتىپتى دە كوپ ٴبىلىم ۇيرەتىپ، بولاشاقتا بەيجيڭگە جىبەرىپ داشۋەدە وقىتسام دەيمىن“.
تۇرسۇن وتباسىنىڭ باقىتتى تۇرمىسى قۇمەعيل قىستاعىنىڭ دامۋىنان باستاۋ العان. سوڭعى جىلدارى قۇمەعيل قىستاعى جەرگىلىكتى جاعدايعا قاراي ىستەپ، ٴجۇزىم، قاۋىن سياقتى ەرەكشە كاسىپتەردى دامىتۋ ارقىلى قىستاقتاعى بايۋعا باستاۋشىلاردى باستاماشىلدىقپەن سەلبەستىك كووپەراتيۆىن، قىستاق زاۆودىن قۇرۋعا شابىتتاندىرىپ، قىستاق تۇرعىندارىنىڭ كىرىستى ارتتىرۋ ارناسى اناعۇرلىم كەڭەيىپ، قايراتى اناعۇرلىم تاسقىندادى.
”پارتيا مەن ۇكىمەت بارلىق ٴادىس ـ امالدى قولدانا وتىرىپ ٴبىزدىڭ تۇرمىسىمىزدى اناعۇرلىم جاقسارتتى، ۇزدىكسىز كۇرەس جۇرگىزىپ، ەڭبەكشىل قوس قولىممەن اناعۇرلىم تاماشا باقىتتى تۇرمىس جاراتامىن“، ـ دەدى تۇرسۇن.
