«ەكولوگيالىق ورتانى قورعاۋ بويىنشا باقىلاۋ ـ تەكسەرۋ قىزمەت ەرەجەسىن»، «20 ـ كەزەكتى ورتالىق كوميتەتتىڭ 4 ـ رەتكى شارلاۋ جاعدايى جونىندەگى جالپىلىق باياندامانى» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 3 ـ ايدىڭ 31 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 3 ـ ايدىڭ 31 ـ كۇنى ٴماجىلىس اشىپ، «ەكولوگيالىق ورتانى قورعاۋ بويىنشا باقىلاۋ ـ تەكسەرۋ قىزمەت ەرەجەسىن»، «20 ـ كەزەكتى ورتالىق كوميتەتتىڭ 4 ـ رەتكى شارلاۋ جاعدايى جونىندەگى جالپىلىق باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس مىنالاردى اتاپ كورسەتتى: ورتالىقتىڭ ەكولوگيالىق ورتانى قورعاۋ بويىنشا باقىلاۋ ـ تەكسەرۋى — پارتيا ورتالىق كوميتەتىنىڭ ەكولوگيالىق وركەنيەت قۇرىلىسىن ىلگەرىلەتۋدەگى كەلەلى شاراسى، ٴار دارەجەلى باسشى كادرلاردىڭ ەكولوگيالىق ورتانى قورعاۋ ساياسي جاۋاپكەرشىلىگىن ناقتىلاندىرۋدان باستاپ كىرىسىپ، ەكولوگيالىق ورتانى بۇلدىرەتىن ٴبىر توپ ەلەۋلى تيپتىك دەلونى قاتاڭ تەكسەرىپ ٴبىر جاقتى ەتىپ، حالىق بۇقاراسىنىڭ اڭىسى كۇشتى ٴبىر توپ كورنەكتى قورشاعان ورتا ماسەلەسىن شەشۋدى ىلگەرىلەتىپ، تاماشا ونىمدىلىككە قول جەتكىزۋ كەرەك.
ٴماجىلىس مىنالاردى باسا دارىپتەدى: پارتيانىڭ ەكولوگيالىق ورتانى قورعاۋ بويىنشا باقىلاۋ ـ تەكسەرۋ قىزمەتىنە باسشىلىعىنا تاباندى بولىپ جانە ونى كۇشەيتىپ، باقىلاۋ ـ تەكسەرۋدىڭ وتكىر قانجارلىق رولىن ۇزدىكسىز ساۋلەلەندىرىپ، جەر ـ جەردىڭ، تاراۋلاردىڭ كورىكتى جۇڭگو قۇرىلىسىن ويداعىداي يگەرۋ ساياسي جاۋاپكەرشىلىگىن اناعۇرلىم ناقتىلاندىرۋ كەرەك. جاۋاپكەرشىلىك ٴتۇزىمى سىندى وسى ”بۇيدانى“ مىقتى يگەرىپ، كەلەلى جاعداي تانىمىن كۇشەيتىپ، قاتاڭ بولۋ نەگىزگى اۋەنىن ساقتاپ، باتىلدىقپەن شىنداپ كىرىسىپ، ماسەلەلەردى ۇزدىكسىز بايقاپ، ماسەلەلەردى مۇقيات شەشىپ، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جونىندەگى شەشىمدەرى مەن ورنالاستىرۋلارىن اتقارۋ قۋاتىن جوعارىلاتۋ كەرەك. باقىلاۋ ـ تەكسەرۋ قوسىنى قۇرىلىسىن كۇشەيتىپ، جۇيەلى باسقارۋدى كۇشەيتىپ، ستيلدى، ٴتارتىپتى قاتايتۋ كەرەك.
ٴماجىلىس مىنالاردى اتاپ كورسەتتى: ورتالىق كوميتەتتىڭ شارلاۋ گرۋپپاسى ٴىشىنارا ورتالىق پەن مەملەكەت ورگاندارىنا، ورىندارىنا شارلاۋ جۇرگىزىپ، ٴىشىنارا ماسەلەلەردى بايقادى، رەتتەۋ ـ تۇزەتۋدى قاتاڭ، مۇقيات ويداعىداي يگەرۋ كەرەك. ساياسي دەڭگەيدى جوعارىلاتىپ، پارتيا ورتالىق كوميتەتى جۇكتەگەن قىزمەت جاۋاپكەرشىلىگىن، بورىشىن تىڭعىلىقتى اتقارىپ، ٴىس جۇزىندىك ارەكەت ارقىلى ”ەكىنى قورعاۋدى“ ورىنداۋ كەرەك. ساياسي جاۋاپكەرشىلىكتى كۇشەيتىپ، تۋراشىلدىقتان اينىماي جاڭالىق اشۋعا تاباندى بولىپ، جوعارى دەڭگەيدە جوبالاۋدى، جالپى تۇلعالىق جوسپارلاۋدى كۇشەيتىپ، ٴتۇرلى رەفورما مىندەتتەرىنىڭ تياناقتانۋىن باتىل ىلگەرىلەتۋ كەرەك. باسشىلىق القا قۇرىلىسىن كۇشەيتىپ، بەتالدى ىستەۋ، ٴىس تىندىرماۋ، ىسكە باتىلى بارماۋ، ىسكە شەبەر بولماۋ ماسەلەلەرىن كۇش سالا شەشىپ، باسشى كادرلاردىڭ شىعا الاتىن، تۇسە الاتىن بولۋىن ۇدايىلاندىرۋدى ىلگەرىلەتۋ كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن مۇقيات اتقارىپ، جوعارى ولشەمگە، قاتاڭ تالاپقا تاباندى بولىپ، ستيلدى تۇزەتۋدى جەبەۋدى، ٴتارتىپتى قاتايتۋدى، شىرىكتەسۋگە قارسى تۇرۋدى تاباندىلىقپەن جالعاستىرىپ، ستيلى پاك، سالتى دۇرىس ساياسي ورگان قۇرۋ كەرەك.
ٴماجىلىس مىنالاردى باسا دارىپتەدى: 2025 ـ جىل — شارلاۋ قىزمەتىنىڭ جاپپاي قامتۋىن ىلگەرىلەتۋدەگى شەشۋشى ٴبىر جىل، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، شارلاۋ قىزمەتىنىڭ جوعارى ساپالى دامۋىن ۇزدىكسىز ىلگەرىلەتۋ كەرەك. وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، ساياسي شارلاۋدى تەرەڭدەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتانۋ جاعدايىن باقىلاۋ ٴتۇيىنى ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەۋ كەرەك. ماسەلەنى باعدار ەتۋگە، قاتاڭ بولۋ نەگىزگى اۋەنىنە تاباندى بولىپ، ٴتۇيىندى ماسەلەلەردى، ٴتۇيىندى سالالاردى، ٴتۇيىندى وبيەكتىلەردى قاداعالاپ، ”ٴبىرىنشى باسشى“ مەن باسشىلىق القاسىن باقىلاۋدى كۇشەيتۋ كەرەك. جۇيە كوزقاراسىنا، جالپىلىق باقىلاۋ رولىن ساۋلەلەندىرۋگە تاباندى بولىپ، شارلاۋ مەن باسقا دا باقىلاۋدىڭ ساباقتاسۋىن، سايكەسۋىن كۇشەيتىپ، قىزمەت بىرىككەن كۇشىن قالىپتاستىرۋ كەرەك. شىندىقتى ٴىس جۇزىنەن ىزدەۋگە، ەرەجە، ٴتارتىپ، زاڭ بويىنشا ىستەۋگە تاباندى بولىپ، ساياساتتى دالمە ـ ٴدال يگەرىپ، ماسەلەلەردى قاز ـ قالپىندا اڭىس ەتىپ، ٴتارتىپ تانىمى مەن زاڭمەن باسقارۋ تانىمىن كۇشەيتىپ، ىشكى باسقارۋدى، باقىلاۋدى قاتايتۋ كەرەك.
ٴماجىلىس باسقا دا ىستەردى اقىلداستى.
