«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
عىلىم ـ تەحنولوگيادا قۋاتتى ەل قۇرۋ ۇلى نىساناسىنا قاراي ەرلىكپەن العا ىلگەرىلەۋ كەرەك
شينحۋا اگەنتتىگىنىڭ 3 ـ ايدىڭ 31 ـ كۇنى بەيجيڭنەن بەرگەن حابارى. 4 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 7 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «عىلىم ـ تەحنولوگيادا قۋاتتى ەل قۇرۋ ۇلى نىساناسىنا قاراي ەرلىكپەن العا ىلگەرىلەۋ كەرەك» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: عىلىم ـ تەحنولوگيا گۇلدەنسە، ۇلت گۇلدەنەدى، عىلىم ـ تەحنولوگيا كۇشەيسە، مەملەكەت كۇشەيەدى. پارتيا 18 ـ قۇرىلتايىنان بەرى، پارتيا ورتالىق كوميتەتى دامۋعا جاڭالىق اشۋ ارقىلى دەم بەرۋ ستراتەگياسىن اتقارۋدى ىشكەرىلەي ىلگەرىلەتىپ، جاڭاشىل مەملەكەتتى جەدەل قۇرۋ ستراتەگيالىق مىندەتىن العا قويىپ، 2035 ـ جىلى عىلىم ـ تەحنولوگيادا قۋاتتى ەل قۇرۋ كۇرەس نىساناسىن تۇراقتاندىرىپ، عىلىم ـ تەحنولوگيا ٴتۇزىلىس رەفورماسىن ۇزدىكسىز تەرەڭدەتىپ، عىلىم ـ تەحنولوگيا قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن تولىق تاسقىنداتىپ، عىلىم ـ تەحنولوگيادا ٴوز كۇشىنە سۇيەنۋدى، ٴوزىن الۋەتتەندىرۋدى پارمەندى ىلگەرىلەتتى، ەلىمىزدىڭ عىلىم ـ تەحنولوگيا ىستەرىندە تاريحي سيپاتتى تابىسقا قول جەتىپ، تاريحي سيپاتتى وزگەرىس تۋىلدى.
ماقالادا مىنالار اتاپ كورسەتىلدى: جاڭا داۋىردەگى عىلىم ـ تەحنولوگيا ىستەرىنىڭ دامۋ امالياتىندا ٴبىز زاڭدىلىق سيپاتتى تانىمدى ۇزدىكسىز تەرەڭدەتىپ، كوپتەگەن ماڭىزدى تاجىريبە توپتادىق. باستىسى، مىنالار: پارتيانىڭ جالپى بەتتىك باسشىلىعىنا تاباندى بولۋ، جۇڭگوشا ەرەكشەلىككە يە دەربەس جاڭالىق اشۋ جولىمەن جۇرۋگە تاباندى بولۋ، جاڭالىق اشۋ ارقىلى دامۋعا جەتەكشىلىك ەتۋگە تاباندى بولۋ، ”ٴتورتتى بەتكە الۋ“ ستراتەگيالىق باعدارىنا تاباندى بولۋ، رەفورمانى تەرەڭدەتۋ ارقىلى جاڭالىق اشۋدىڭ جالىندى كۇشىن تاسقىنداتۋعا تاباندى بولۋ، وقۋ ـ اعارتۋ، عىلىم ـ تەحنولوگيا، دارىندىلاردىڭ ۇتىمدى اينالىمىن ىلگەرىلەتۋگە تاباندى بولۋ، جاڭالىق اشۋ مادەنيەتىن جەتىلدىرۋگە تاباندى بولۋ، عىلىم ـ تەحنولوگيا اشىق سەلبەستىگى ارقىلى ادامزاتقا باقىت جاراتۋعا تاباندى بولۋ. وسى تاجىريبەلەر اسا باعالى، وعان، ٴسوز جوق، ۇزاق ۋاقىت تاباندى بولۋ ٴارى اماليات بارىسىندا ۇزدىكسىز بايىتۋ، دامىتۋ كەرەك.
ماقالادا مىنالار اتاپ كورسەتىلدى: جۇڭگو ۇلگىسىندەگى وسىزامانداندىرۋدا عىلىم ـ تەحنولوگيانىڭ وسىزاماندانۋىن تىرەك ەتۋگە سۇيەنۋ، جوعارى ساپالى دامۋدى جۇزەگە اسىرۋدا عىلىم ـ تەحنولوگيادا جاڭالىق اشۋ ارقىلى جاڭا قوزعالىس قۋاتىن جەتىلدىرۋگە سۇيەنۋ كەرەك. عىلىم ـ تەحنولوگيانىڭ ستراتەگيالىق جەتەكشىلىك ورنى مەن ٴتۇبىرلى تىرەكتىك رولىن، ٴسوزسىز، تولىق تانىپ، 2035 ـ جىلى عىلىم ـ تەحنولوگيادا قۋاتتى ەل قۇرۋ ستراتەگيالىق نىساناسىن كوزدەپ، جوعارى دەڭگەيدە جوبالاۋ مەن ٴبىر تۇتاس جوسپارلاۋدى كۇشەيتىپ، جوعارى دەڭگەيدەگى عىلىم ـ تەحنولوگيادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋ كەرەك. ٴبىز قۇراتىن عىلىم ـ تەحنولوگيادا قۋاتتى ەل، ٴسوز جوق، مىناداي نەگىزگى فاكتورلاردى ازىرلەۋى كەرەك: ٴبىرىنشى، قۋاتتى نەگىزدىك زەرتتەۋ مەن العاشقى جاڭالىق اشۋ قابىلەتىنە يە بولىپ، كەلەلى ٴتول جاسامپازدىق سيپاتتى، توڭكەرىس سيپاتتى عىلىم ـ تەحنولوگيا جەتىستىكتەرىن ٴۇرتىس جاراتۋى كەرەك. ەكىنشى، قۋاتتى شەشۋشى، وزەكتى تەحنولوگيالاردان قامال الۋ قابىلەتىنە يە بولىپ، جوعارى ساپالى دامۋ مەن جوعارى دەڭگەيدەگى حاۋىپسىزدىككە پارمەندى تىرەك بولۋى كەرەك. ٴۇشىنشى، قۋاتتى حالىقارالىق ىقپالعا جانە جەتەكشىلىك قۋاتقا يە بولىپ، دۇنيە جۇزىندەگى ماڭىزدى عىلىم ورتالىعىنا جانە جاڭالىق اشۋ بيىگىنە اينالۋى كەرەك. ٴتورتىنشى، قۋاتتى جوعارى دەڭگەيلى عىلىم ـ تەحنولوگيا دارىندىلارىن تاربيەلەۋ جانە شوعىرلاندىرۋ قابىلەتىنە يە بولىپ، حالىقارالىق وزىق عىلىم ـ تەحنولوگيا دارىندىلار قوسىنى مەن مەملەكەتتىڭ ستراتەگيالىق عىلىم ـ تەحنولوگيا كۇشىن ۇزدىكسىز زورايتۋى كەرەك. بەسىنشى، قۋاتتى عىلىم ـ تەحنولوگيانى باسقارۋ جۇيەسى مەن باسقارۋ قابىلەتىنە يە بولىپ، دۇنيە ٴجۇزى بويىنشا ماڭداي الدى جاڭالىق اشۋ ەكولوگياسى مەن عىلمي زەرتتەۋ ورتاسىن قالىپتاستىرۋى كەرەك.
ماقالادا مىنالار اتاپ كورسەتىلدى: ”قاجىرلىلىقپەن ىزدەنىس جاساۋ“ سىندى بەرىك بەكىممەن جانە قايىسپاس جىگەرمەن، ۋاقىتپەن جارىسىپ، قاجىرلىلىقپەن ىستەپ، عىلىم ـ تەحنولوگيادا قۋاتتى ەل قۇرۋ ستراتەگيالىق نىساناسىن نىق قاداممەن رەالدىققا اينالدىرۋ كەرەك. ٴبىرىنشى، جاڭاشا بۇكىل مەملەكەتتىك ٴتۇزىلىس باسىمدىعىن تولىق ساۋلەلەندىرىپ، جوعارى دەڭگەيدەگى عىلىم ـ تەحنولوگيادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل ىلگەرىلەتۋ كەرەك. پارتيا ورتالىق كوميتەتىنىڭ عىلىم ـ تەحنولوگيا قىزمەتىنە ورتالىقتانعان ٴبىر تۇتاس باسشىلىق ەتۋ ٴتۇزىلىسىن كەمەلدەندىرىپ، بازاردىڭ عىلىم ـ تەحنولوگيا بايلىعىن ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ ٴار جاقتاعى رولىن اناعۇرلىم ويداعىداي ساۋلەلەندىرىپ، مەملەكەتتىڭ ستراتەگيالىق عىلىم ـ تەحنولوگيا كۇشى قۇرىلىسىن كۇشەيتىپ، نەگىزدىك زەرتتەۋدى ۇيىمداستىرۋ دەڭگەيىن جوعارىلاتۋ كەرەك. ەكىنشى، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن تىڭعىلىقتى ىلگەرىلەتىپ، جاڭاشا وندىرگىش كۇشتەردى دامىتۋعا دەم بەرۋ كەرەك. توعىسۋدىڭ نەگىزى جوعارى ساپالى عىلىم ـ تەحنولوگيامەن قامداۋدى ارتتىرۋ، توعىسۋدىڭ تەتىگى كاسىپورىنداردىڭ عىلىم ـ تەحنولوگيادا جاڭالىق اشۋداعى نەگىزگى تۇلعالىق ورنىن كۇشەيتۋ، توعىسۋ جولى عىلىم ـ تەحنولوگيا جەتىستىكتەرىن كادەگە جاراتۋدى، قولدانۋدى جەبەۋ. ٴۇشىنشى، عىلىم ـ تەحنولوگيا ٴتۇزىلىسى مەحانيزمى رەفورماسىن جاپپاي تەرەڭدەتىپ، جاڭالىق اشۋدىڭ، جاسامپازدىقتىڭ ومىرشەڭدىگىن تولىق تاسقىنداتۋ كەرەك. عىلىم ـ تەحنولوگيا باسقارۋ ٴتۇزىلىسى رەفورماسىن تەرەڭدەتىپ، ٴتۇرلى جاڭالىق اشۋ تۇعىرلارى قۇرىلىسىن ٴبىر تۇتاس جوسپارلاپ، جاڭالىق اشۋ بايلىعىن ٴبىر تۇتاس جوسپارلاۋدى جانە كۇشتەردى ۇيىمداستىرۋدى كۇشەيتۋ كەرەك. وڭىرلىك عىلىم ـ تەحنولوگيادا جاڭالىق اشۋ ورنالاسىمىن كەمەلدەندىرىپ، عىلىم ـ تەحنولوگيا جوسپارىن باسقارۋدى جاقسارتىپ، عىلمي زەرتتەۋ قيمىلدارىنىڭ زاڭدىلىعىنا ۇيلەسەتىن تۇرگە ٴبولىپ باعالاۋ جۇيەسى مەن تەكسەرۋ مەحانيزمىن جەدەل اقاۋسىزداندىرىپ، عىلىم ـ تەحنولوگيا سيلىعى، كىرىس ٴبولىسى، جەتىستىكتەرگە ۇقىق بەرۋ سياقتى شابىتتاندىرۋ تۇزىمدەرىن كەمەلدەندىرۋ كەرەك. ٴتورتىنشى، وقۋ ـ اعارتۋ، عىلىم ـ تەحنولوگيا، دارىندىلار ىستەرىنىڭ دامۋىن ٴبىر تۇلعالى ىلگەرىلەتىپ، دارىندىلاردىڭ باسەكەلىك باسىمدىعىن قالىپتاستىرۋ كەرەك. وقۋ ـ اعارتۋ، عىلىم ـ تەحنولوگيا، دارىندىلار ٴتۇزىلىس ـ مەحانيزمىن ٴبىر تۇلعالاندىرۋ رەفورماسىن تەرەڭدەتىپ، كولەمى زور، قۇرىلىمى ۇيلەسىمدى، ساپاسى تاماشا جاڭاشىل دارىندىلار قوسىنىن جەدەل باۋلۋ، تۇلعالاۋ كەرەك. عىلىم ـ تەحنولوگيادا جاڭالىق اشۋ قاجەتىن جەتەكشى ەتۋگە تاباندى بولىپ، مەملەكەتتىڭ ستراتەگيالىق دارىندىلار كۇشىن جەدەل قۇرۋدى ەڭ ماڭىزدى ورىنعا قويىپ، جاس عىلىم ـ تەحنولوگيا دارىندىلارىن باۋلۋدى كۇشەيتۋدى كورنەكتىلەندىرۋ كەرەك. بەسىنشى، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن امالياتتا ىشكەرىلەي ايگىلەپ، عىلىم ـ تەحنولوگيا جاعىنداعى ەسىك اشۋدى، سەلبەستىك جاساۋدى ىلگەرىلەتۋ كەرەك. حالىقارالىق عىلىم ـ تەحنولوگيا سەلبەستىگى باستاماسىن امالياتتا ىشكەرىلەي ايگىلەپ، الەمدىك جاڭالىق اشۋ تورىمەن بەلسەنە توعىسىپ، كليمات وزگەرىسى، استىق حاۋىپسىزدىگى، ەنەرگيا حاۋىپسىزدىگى سياقتى الەمدىك سىن ـ سايىستارعا بىرگە توتەپ بەرىپ، عىلىم ـ تەحنولوگيانىڭ ادامزاتتى ٴتىپتى دە ويداعىداي باقىتقا كەنەلتۋىنە مۇمكىندىك جاساۋ كەرەك.
ماقالادا مىنالار اتاپ كورسەتىلدى: عىلىم ـ تەحنولوگيادا قۋاتتى ەل قۇرۋ — بۇكىل پارتيانىڭ، بۇكىل ەلدىڭ ورتاق جاۋاپكەرشىلىگى. ۇلى مۇرات، اسقاق جىگەر ورناتىپ، قايراتتى تاسقىنداتىپ، كوركەيتۋ جولىندا جىگەر كورسەتىپ، ىنتىماقتاسا كۇرەس جۇرگىزىپ، عىلىم ـ تەحنولوگيادا قۋاتتى ەل قۇرۋ ۇلى نىساناسىنا قاراي ەرلىكپەن العا ىلگەرىلەۋ كەرەك!
