بايتاق تا كورىكتى شينجياڭدى سەزىنىپ، دوستىق سۇيىسپەنشىلىكتى بىرگە اڭگىمەلەدى
شينجياڭ بەيجيڭدە قاتىستى ەلدەردىڭ جۇڭگودا تۇراتىن ەلشىلەرى اۋىس ـ كۇيىس ٴماجىلىسىن وتكىزدى
ما شيڭرۇي قاتىناستى، ەركىن تۇنياز جاعدايدى تانىستىردى، ەرمەكبايەۆ، چىن شياۋدۇڭ ٴسوز سويلەدى، لي كىشين، جاۋ شىتۇڭ، يۋان مينداۋ قاتىناستى
3 ـ ايدىڭ 31 ـ كۇنى شينجياڭ بەيجيڭدە قاتىستى ەلدەردىڭ جۇڭگودا تۇراتىن ەلشىلەرى اۋىس ـ كۇيىس ٴماجىلىسىن وتكىزدى. اۆتونوميالى رايوندىق پارتكومنىڭ شۋجيى ما شيڭرۇي قيمىلعا قاتىناستى. سۋرەتتە: اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۋىس ـ كۇيىس ماجىلىسىندە شينجياڭنىڭ ەكونوميكالىق، قوعامدىق دامۋ جانە ادامدىق ۇقىقتى قامتاماسىز ەتۋ جەتىستىكتەرىن تانىستىرۋدا.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 31 ـ كۇنى بەيجيڭنەن حابارلايدى. 3 ـ ايدىڭ 31 ـ كۇنى تۇستەن كەيىن، شينجياڭ بەيجيڭدە قاتىستى ەلدەردىڭ جۇڭگودا تۇراتىن ەلشىلەرى اۋىس ـ كۇيىس ٴماجىلىسىن وتكىزىپ، شينجياڭنىڭ رەفورما، دامۋ، ورنىقتىلىق ىستەرىنىڭ جاڭا جەتىستىكتەرىن ٴبولىسىپ، شينجياڭنىڭ اشىق، سيىسىمدى، سەنىمدى جاڭا بەت ـ بەينەسىن ايگىلەپ، ٴداستۇرلى دوستىقتى ونان ارى بەكەمدەپ، تۇسىنىستىكتى، ٴوزارا سەنىمدىلىكتى نىعايتىپ، جۇڭگو شينجياڭىنىڭ ٴار ەلدىڭ جەرگىلىكتى ورىندارىمەن دوستىق اۋىس ـ كۇيىسىنىڭ جانە ناقتى سەلبەستىگىنىڭ تىڭ ساتىعا كوتەرىلۋىن جەبەدى. اۆتونوميالى رايوندىق پارتكومنىڭ شۋجيى ما شيڭرۇي قيمىلعا قاتىناستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قيمىلعا قاتىناستى ٴارى شينجياڭنىڭ ەكونوميكالىق، قوعامدىق دامۋ جانە ادامدىق ۇقىقتى قامتاماسىز ەتۋ جەتىستىكتەرىن تانىستىردى. شاڭحاي سەلبەستىك ۇيىمىنىڭ باس حاتشىسى ەرمەكبايەۆ، سىرتقى ىستەر مينيسترلىگىنىڭ ورىنباسار مينيسترى چىن شياۋدۇڭ ٴسوز سويلەدى. ورتالىق كوميتەت سىرتقى ىستەر كەڭسەسىنىڭ ورىنباسار مەڭگەرۋشىسى لي كىشين، ورتالىق كوميتەت شەتەلدەرمەن بايلانىس جاساۋ ٴبولىمى باستىعىنىڭ كومەكشىسى جاۋ شىتۇڭ، مەملەكەتتىك دوستىق قوعامىنىڭ ورىنباسار باستىعى يۋان مينداۋ قاتىناستى.
بەيجيڭدەگى شينجياڭ سارايىنىڭ مۇقام زالى شىت جاڭا تۇسكە ەنىپ، سيلى قوناقتارعا تولدى، 43 ەلدىڭ جۇڭگودا تۇراتىن باس ەلشىلەرى، ديپلوماتتارى جانە قاتىستى حالىقارالىق ۇيىمداردىڭ ۋاكىلدەرى ٴبىر ارادا شاتتىقپەن باس قوستى. ٴماجىلىس نەگىزگى ۇستەل اۋماعىنداعى ”شينجياڭ جاقسى جەر“ نەگىزگى تاقىرىبى وزگەشە كوركەم جوبالانعان. قارلى تاۋ، كول، ٴشول ـ جازيرا، جايلىم، گۇل تەڭىزى سياقتى فاكتورلار ٴوزارا توعىسىپ نۇر شاشىپ، اسەم جۇڭگو تۇيىنشەگى ۇلگىسىن اينالا بايتاق تا كورىكتى شينجياڭنىڭ الۋان ٴتۇستى كارتيناسىن كەسكىندەپ تۇر.
اۋىس ـ كۇيىس ٴماجىلىسى قىزۋ مەرەيدە باستالدى.
ەركىن تۇنياز بىلاي دەدى: جۇڭگو كوممۋنيستىك پارتياسى 18 ـ قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ”بەس ۇلكەن ستراتەگيالىق ورنىن“ كوزدەپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى تىڭعىلىقتى ىلگەرىلەتىپ، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىقتى. ەركىن تۇنياز جاڭا دامۋ ارناسىن قالىپتاستىرۋدا نىق قادام تاستاۋ، دامۋ جەتىستىكتەرىمەن حالىق تۇرمىسىنا اناعۇرلىم كوپ، اناعۇرلىم جاقسى تيىمدىلىك جەتكىزۋ، جۇڭحۋا ۇلتى ورتاق تۇلعا تانىمىن جۇرت جۇرەگىنە اناعۇرلىم تەرەڭ ۇيالاتۋ، از ۇلتتاردىڭ ٴتۇرلى ۇقىقتارىن زاڭ بويىنشا قامتاماسىز ەتۋ، حالىقارالىق اۋىس ـ كۇيىستە، سەلبەستىكتە تاريحي سيپاتتى سەرپىلىستى جۇزەگە اسىرۋ سياقتى جاقتاردان ەگجەي ـ تەگجەيلى تانىستىرۋ جاسادى. ول بىلاي دەپ اتاپ كورسەتتى: شينجياڭنىڭ ەكونوميكالىق، قوعامدىق دامۋ جانە ادامدىق ۇقىقتى قامتاماسىز ەتۋ تابىستارى جۇرتقا ايان، ٴبىراق كەيبىر باتىس ەلدەرىنىڭ ساياسي الاياقتارى بار كۇشىن سالىپ، ايتىلمىس ”ٴناسىل جويۋ“، ”زورلىقپەن ەڭبەككە سالۋ“ سياقتى قۇيداي وتىرىكتى قاساقانا ويدان ويىپ شىعارىپ، قۇراستىرىپ، پاسىق زىمياندىق قاسكۇنەمدىگىن جۇزەگە اسىرۋعا ۇرىندى. شينجياڭداعى ٴار ۇلت حالقىنىڭ تاماشا تۇرمىسقا تالپىنعان قادامىن قيسىنسىز جازعىرۋ مەن جات نيەتتەگى كيلىگۋ استە توسا المايدى. شينجياڭ، ٴسوز جوق، وتان قۇشاعىندا اناعۇرلىم شۇعىلالى بولاشاق جاراتادى.
ەرمەكبايەۆ مىنالاردى ٴبىلدىردى: شينجياڭ جۇڭگونىڭ باتىسقا ەسىك اشۋداعى الدىڭعى شەبى جانە جىبەك جولى ەكونوميكالىق بەلدەۋىنىڭ وزەكتى رايونى رەتىندە، شاڭحاي سەلبەستىك ۇيىمى سىندى ۇلكەن شاڭىراقتاعى كوپتەگەن ەلمەن شەكارالاسادى، سەلبەستىك جاساۋ كومەسكى كۇشى اسا زور، شاڭحاي سەلبەستىك ۇيىمىنا مۇشە ەلدەر شينجياڭنىڭ ماڭىزدى دانەكەرلىك رولىن جوعارى باعالايدى. تاياۋ جىلداردان بەرى، شينجياڭ وزگەشە جاعراپيالىق ابزالدىلىعىن، مول بايلىعى مەن مادەنيەتىنىڭ الۋان تۇرلىلىگىن تياناق ەتىپ، شاڭحاي سەلبەستىك ۇيىمىنداعى ەلدەرمەن جاپپاي سەلبەستىكتى كۇشەيتىپ، وڭىرلىك سەلبەستىكتىڭ ماڭىزدى تۇيىنىنە جانە ۇلگى رايونىنا اينالدى. ۇزاق ۋاقىتتان بەرى، شينجياڭ شاڭحاي سەلبەستىك ۇيىمىنداعى ەلدەر اراسىندا حاۋىپسىزدىك، ورنىقتىلىق سياقتى سالالاردا سەلبەستىك ورىستەتۋگە ماڭىزدى ۇلەس قوستى، جۇڭگو (شينجياڭ) ەركىن ساۋدا سىناق رايونىنىڭ جەدەل قۇرىلۋىنا، ٴتۇرلى ىستەردىڭ ۇزدىكسىز دامۋىنا ىلەسە، جۇڭگونىڭ شاڭحاي سەلبەستىك ۇيىمىنداعى ەلدەرمەن سەلبەستىگىن جەبەۋدە بارعان سايىن ماڭىزدى رول اتقاراتىن بولادى. شاڭحاي سەلبەستىك ۇيىمى حاتشىلار باسقارماسى شينجياڭنىڭ قاتىستى قىزمەتتەردى ورىستەتۋىنە بەلسەنە سەلبەسەدى، شينجياڭنىڭ حاۋىپسىزدىك پەن ورنىقتىلىقتى، ەكونوميكانىڭ گۇلدەنىپ ـ كوركەيۋى جانە ۇلتتار ىنتىماعىن قورعاۋ سياقتى جاقتاردا ۇزدىكسىز تىڭ تابىستارعا قول جەتكىزۋىن تىلەيمىز.
چىن شياۋدۇڭ مىنالاردى ٴبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى شينجياڭ قىزمەتىنە وسكەلەڭ ٴمان بەرىپ، ستراتەگيالىق جالپى جاعداي تۇرعىسىنان ۇزاق بولاشاقتىق جوبا ـ جوسپار جاساپ، نەگىزدى بەكەمدەۋ شارالارىن اتقارىپ، باياندى تىنىشتىق جاعدايىن ساقتاپ، ۇزاق ۋاقىت جونگە سالۋدى جۇزەگە اسىردى. بۇگىنگى شينجياڭدا قوعام جاراسىمدى، ورنىقتى، حالىق تىنىش ٴومىر، شات ـ شادىمان تىرشىلىك كەشىرۋدە، جوعارى ساپالى دامۋدا ۇزدىكسىز جاڭا جاعداي اشىلىپ، اشىق ەكونوميكا جاڭا ۇلگىسى ۇزدىكسىز كەڭەيىپ، ٴار ۇلتتىڭ تاڭداۋلى ٴداستۇرلى مادەنيەتى جاقسى قورعالدى جانە دامىتىلدى، ۇلتتار تەڭدىگى جانە ٴدىني سەنىم ەركىندىگى بۇقارانىڭ تۇرمىسىمەن توعىستى. ٴىشىنارا ەلدەردەگى از ساندى ادامدار ساياسي ماقساتتى كوزدەپ، شينجياڭنىڭ دامۋ جەتىستىكتەرىنە ”تالعامپاز سوقىر بولىپ الىپ“، وتىرىكتى ويدان قۇراستىرۋعا، دۇرىس پەن بۇرىستى شاتاستىرۋعا، اق پەن قارانى شاتاستىرۋعا بوي ۇرىپ، جۇڭگو ۇكىمەتىنىڭ شينجياڭدى باسقارۋ ساياساتىنا جات نيەتپەن سوقتىعىپ جانە كۇيە جاعىپ، جۇڭگونىڭ دامۋىنا كەدەرگىلىك جاساۋعا جانە بوگەت بولۋعا ۇرىندى. جۇڭگو سىرتقى ىستەر مينيسترلىگى ٴار ەلدەن كەلگەن سيلى قوناقتاردىڭ ۇزاق ۋاقىتتان بەرى جۇڭگونىڭ شينجياڭىنا كوڭىل بولگەندىگىنە جانە قولداۋ كورسەتىپ كەلگەندىگىنە شىن جۇرەكتەن العىس ايتادى، كوپشىلىكپەن بىرگە كورىكتى شينجياڭنىڭ اتاعىن اسپانداتۋدى، گۇلدەنگەن شينجياڭعا بىرگە كۇش ۇستەۋدى، مىڭ بوياۋلى شينجياڭدى بىرگە نۇرلاندىرۋدى ٴۇمىت ەتەدى.
وزبەكستاننىڭ جۇڭگودا تۇراتىن باس ەلشىسى ارزيەۆ مىنالاردى ٴبىلدىردى: جۇڭگونىڭ شينجياڭى جۇڭگونىڭ ورتا ازيامەن تۇتاساتىن ماڭىزدى قاقپاسى، وزبەكستان ”ٴبىر بەلدەۋ، ٴبىر جولدى“ بىرگە قۇرۋ باستاماسىنداعى ستراتەگيالىق سەرىك، ەكى جاقتىڭ سەلبەستىك قارىم ـ قاتىناسى تاياۋ جىلداردان بەرى تىڭ دەڭگەيگە كوتەرىلدى. وزبەكستان — جۇڭگو ەكى ەل قاتىناس، زات اينالىمى، ساۋدا جانە قارجى قوسۋ سەلبەستىگىن بەلسەنە ىلگەرىلەتۋدە، وزبەكستان جۇڭگونىڭ شينجياڭىمەن ساۋدا سەلبەستىگىن بەلسەنە جەبەپ، وقۋ ـ اعارتۋ، عىلىم ـ تەحنولوگيا جانە ساياحات سياقتى سالالارداعى سەلبەستىك ٴورىسىن ۇزدىكسىز كەڭەيتەدى.
پاكيستاننىڭ جۇڭگودا تۇراتىن باس ەلشىسى حاشيمي مىنالاردى ٴبىلدىردى: جۇڭگونىڭ شينجياڭى پاكيستان — جۇڭگو ەكى ەلدى تۇتاستىرىپ تۇرعان كۇرە تامىر، ەكى ەل حالقىنىڭ دوستىق بارىس ـ كەلىس جاساۋىنىڭ كوپىرى، تاياۋ جىلداردان بەرى، جۇرتتى جالت قاراتقان دامۋ مەن ىلگەرىلەۋشىلىككە قول جەتكىزدى، پاكيستانمەن اۋىس ـ كۇيىس، سەلبەستىك جاساۋ ٴورىسى كەڭ. پاكيستان جۇڭگونىڭ يەلىك ۇقىعىن، حاۋىپسىزدىگىن جانە تەرريتوريا تۇتاستىعىن قورعاۋىن ۇزدىكسىز زور كۇشپەن قولدايدى، جۇڭگونىڭ شينجياڭىمەن ەكونوميكا، ساۋدا، قارجى قوسۋ، ساياحات جانە گۋمانيتارلىق ىستەر سياقتى سالالاردا سەلبەستىكتى تەرەڭدەتۋدى بەلسەنە ىلگەرىلەتەدى.
ورتالىق كوميتەت ۇگىت بولىمىندەگى، ورتالىق كوميتەت بىرلىكساپ بولىمىندەگى جانە ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى، جۇڭگو الەۋمەتتىك ديپلوماتيا قوعامىنداعى قاتىستى جولداستار، جۇڭگو مەن شەتەل مەديالارىنىڭ تىلشىلەرى قيمىلعا قاتىناستى.
چىن ۋيجۇن قيمىلدى باسقاردى. ۋاڭ جيانشين، ەلزات احمەتجان، قادەن كابەن، اۆتونوميالى رايوننىڭ قاتىستى ورىندارىنداعى جاۋاپتى جولداستار قيمىلعا قاتىناستى.
