انار بۇلت \ شينجياڭ گازەتىنىڭ ٴتىلشىسى شىن زۋشياۋ
3 ـ ايدىڭ 31 ـ كۇنى — 30 ـ رەتكى مەملەكەتتىك ورتا، باستاۋىش مەكتەپ وقۋشىلارىنىڭ حاۋىپسىزدىك تاربيەسى كۇنى، بىرنەشە كۇننەن بەرى رايونىمىزدىڭ جەر ـ جەرىندەگى ورتا، باستاۋىش مەكتەپتەر الۋان ٴتۇرلى فورماداعى حاۋىپسىزدىك تاربيەسى قيمىلىن ۇيىمداستىرىپ ورىستەتىپ، وقىتۋشى ـ وقۋشىلاردىڭ قيمىلعا قاتىناسۋ بارىسىندا حاۋىپسىزدىك تانىمىن كۇشەيتىپ، حاۋىپسىزدىك بىلىمدەرىن يگەرىپ، ٴوزىن ـ ٴوزى قورعاۋ، ٴوزىن ـ ٴوزى قۇتقارۋ قابىلەتىن جوعارىلاتۋىنا مۇمكىندىك جاسادى.
3 ـ ايدىڭ 28 ـ كۇنى ٴۇرىمجى قالالىق 10 ـ ورتا مەكتەپتىڭ زاڭمەن باسقارۋعا جاۋاپتى ورىنباسار مەكتەپ باستىعى، ٴۇرىمجى قالالىق قوعام حاۋىپسىزدىگى مەكەمەسى سايباق رايوندىق بولىمشە مەكەمەسى حوتان كوشەسى ساقشى بولىمشەسى حوتان كوشەسى الەۋمەتتىك اۋماعىنىڭ حالىق ساقشىسى پان جىنجوۋ وسى مەكتەپتەگى وقۋشىلارعا مازمۇنى باي، قولدانىلمالىلىعى كۇشتى حاۋىپسىزدىك بىلىمدەرى لەكسياسىن جاسادى.
لەكسيا بارىسىندا پان جىنجوۋ مەكتەپ توڭىرەگىندە تۋىلعان مىسالدار ارقىلى ازامات جاسىنا تولماعانداردىڭ قىلمىس وتكىزۋىنەن ساقتانۋ، مەكتەپتە جابىرلەنۋدەن ساقتانۋ سياقتى حاۋىپسىزدىك بىلىمدەرىن جاندى ٴتۇسىندىرىپ، وقۋشىلاردىڭ حاۋىپسىزدىك ساقتىق تانىمىن جانە زاڭمەن باسقارۋ كوزقاراسىن جوعارىلاتتى.
لەكسيا ۇيىمداستىرۋمەن بىرگە، بۇل ورتا مەكتەپ تاعى مەكتەپ راديو پۋنكتى، كورمە تاقتاسى، ەلەكتروندى ەكران سياقتىلاردان پايدالانىپ وقۋشىلارعا حاۋىپسىزدىك تاربيەسىن جۇرگىزدى.
3 ـ ايدىڭ 26 ـ كۇنى قارامايلى قالالىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ تارماق اترەتىنىڭ ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قىزمەتكەرلەرى قارامايلى قالاسى نانشين باستاۋىش مەكتەبىنە بارىپ، وسى مەكتەپتىڭ وقۋشىلارىنا ٴورت ٴسوندىرۋ، ورتتەن ساقتانۋ حاۋىپسىزدىگى تاربيەسى جونىندە جاندى ساباق ٴوتتى.
ساباقحانادا ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قىزمەتكەرلەرى سۋرەت پەن تۇسىندىرمە بىرلەسكەن PPT جانە ناقتى مىسالمەن الىنعان بەينەجازبا ارقىلى ٴورت اپاتىنىڭ تۋىلۋ سەبەبىن، زيانىن، سونداي ـ اق الدىن الۋ شارالارىن ەگجەي ـ تەگجەيلى تانىستىرىپ، ورتتەن ساقتانۋ ساۋاتتارى، قالاي 119 ساقشىعا مالىمدەۋ تەلەفونىن شالۋ، ٴورت ورنىنان جان ساۋعالاپ ٴوزىن قۇتقارۋ، ٴورت سوندىرگىشتى ىستەتۋ ٴادىسى سياقتى بىلىمدەردى ٴتۇيىندى تۇردە ٴتۇسىندىرىپ، وقۋشىلاردىڭ ورتتەن ساقتانۋ حاۋىپسىزدىك بىلىمدەرىن يگەرۋدىڭ ماڭىزدىلىعىن تانىپ جەتۋىنە مۇمكىندىك جاسادى.
”سەن سۇرا، مەن جاۋاپ قايتارايىن“، ”كومەسكى حاۋىپتەر بويىنشا ماسەلە تابۋ“، ”قۇرال ـ جابدىقتاردى ۇستاپ كورۋ“... 3 ـ ايدىڭ 26 ـ كۇنى ٴپايزاۋات اۋدانى بارىن قالاشىعى 1 ـ باستاۋىش مەكتەبى وزگەشە ”حاۋىپسىزدىك تاربيەسى ساباعىن“ ٴوتتى، ٴپايزاۋات اۋداندىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ ۇلكەن اترەتى ساتى تيەگەن ٴورت ٴسوندىرۋ، ورتتەن ساقتانۋ اۆتوكولىگىن مەكتەپ اۋلاسىنا ەنگىزىپ، وقۋشىلاردىڭ ٴورت ٴسوندىرۋ، ورتتەن ساقتانۋ جاعدايىن ەلىتە سەزىنۋىنە، حاۋىپسىزدىكتى بىلۋىنە مۇمكىندىك جاسادى.
ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قىزمەتكەرلەرى وسى مەكتەپتىڭ وقۋشىلارىنا ٴورت سوندىرگىشتى مەڭگەرۋدىڭ ماڭىزدى تۇيىندەرىن ٴتۇسىندىرىپ، ٴورت سوندىرگىشتى دۇرىس ىستەتۋ شارالارىن ناقتى ورىندا كورسەتىپ، وقۋشىلارعا ٴورت سوندىرگىشتى ىستەتكەندە حاۋىپسىز ارالىقتى ساقتاۋعا كوڭىل ٴبولۋ، ورتكە تىكە جاناسۋدان ساقتانۋ سياقتىلاردى ەسكەرتتى.
”حاۋىپسىزدىك تانىمىن كىشكەنتايىنان ٴسىڭىرۋ كەرەك“. ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قىزمەتكەرى ۋي جىپىڭ بىلاي دەدى: وسىنداي ”كوزبەن كورۋ، قولمەن ۇستاۋ، ەستە ساقتاۋ“ سىندى ۇگىت ـ تاربيە ٴتاسىلى ارقىلى حاۋىپسىزدىك تانىمىن قالىپتاستىرۋمەن بىرگە وقۋشىلاردىڭ ورتتەن ساقتانۋ شەبەرلىگىن يگەرۋىنە مۇمكىندىك جاسادى.
3 ـ ايدىڭ 28 ـ كۇنى باي اۋداندىق 6 ـ ورتا مەكتەپتە باي اۋداندىق قوعام حاۋىپسىزدىگى مەكەمەسى قاتىناس باسقارۋ ۇلكەن اترەتىنىڭ حالىق ساقشىلارى PPT تۇسىندىرمەسى، ۇگىت ماتەريالدارىن تاراتۋ سياقتى فورمالار ارقىلى وقۋشىلارعا حاۋىپسىزدىك قالپاعىن كيمەۋ، قارسى ٴجۇرۋ، قىزىل شىراققا قاراماي وتە شىعۋ، جولدان وتكەندە جولاقتى جولمەن جۇرمەۋ قاتارلى قاتىناستاعى زاڭعا قايشى ارەكەتتەردىڭ زيانى مەن اۋىر زاردابىن ٴتۇسىندىردى ٴارى وقۋشىلاردىڭ ”كىشكەنتاي قاتىناس حاۋىپسىزدىگى ۇگىتشىسى“ بولىپ، ”كىشكەنتاي قول ۇلكەن قولدى جەتەكتەۋ“ ارقىلى اتا ـ انالاردىڭ قاتىناس زاڭ ـ ەرەجەلەرىنە بويسۇنۋىن باقىلاۋىنا مۇمكىندىك جاسادى.
”بۇگىن ەرەكشە ولجالى بولدىم، كوپتەگەن قاتىناس حاۋىپسىزدىگى بىلىمدەرىن ۇيرەندىم، بۇدان كەيىن قاعيداعا، ٴسوز جوق، بويسۇنىپ، كىشكەنتاي حاۋىپسىزدىك قورعاۋشىسى، ٴۇيدىڭ قاتىناس حاۋىپسىزدىگى كومەكشىسى بولامىن“، ـ دەدى وسى مەكتەپتىڭ وقۋشىسى ٴبۇاجار تۇردى.
