ٴوز حابارىمىز. اۆتونوميالى رايوندىق پارتكومنىڭ ورنالاستىرۋىنا ساي، اۆتونوميالى رايوندىق 10 ـ كەزەكتى پارتكومنىڭ 6 ـ رەتكى شارلاۋى بويىنشا اڭىس ەتۋ قىزمەتى تاياۋدا تۇگەلدەي اياقتالدى. وسى رەتكى شارلاۋ بويىنشا اڭىس ەتۋ شوعىرلى اڭىس ەتۋ مەن شارلاۋ گرۋپپاسىنىڭ ”بىرگە ٴبىر“ اڭىس ەتۋىن ٴوزارا ۇشتاستىرۋ تاسىلىمەن جۇرگىزىلدى.
3 ـ ايدىڭ 21 ـ كۇنى اۆتونوميالى رايوندىق 10 ـ كەزەكتى پارتكومنىڭ 6 ـ رەتكى شارلاۋى بويىنشا شوعىرلى اڭىس ەتۋ ٴماجىلىسى اشىلدى. ٴماجىلىس شارلاۋدا بايقالعان كورنەكتى ماسەلەلەردى شوعىرلى حابارلاپ، شارلاۋ بويىنشا رەتتەۋ ـ تۇزەتۋدى تىڭعىلىقتى ويداعىداي ىستەۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى.
تاياۋدا 14 شارلاۋ گرۋپپاسى جەكە ـ جەكە وسى رەت شارلاۋ جۇرگىزىلگەن اۆتونوميالى رايونعا توتە قاراستى 34 تاراۋعا (ورىنعا) ”بىرگە ٴبىر“ بويىنشا اڭىس ەتتى. اۆتونوميالى رايوندىق پارتكوم مەن ۇكىمەتتەگى قاتىستى باسشى جولداستار وزدەرى جاۋاپتى تاراۋلاردىڭ، ورىنداردىڭ شارلاۋ جاعدايىن اڭىس ەتۋ ماجىلىسىنە قاتىناستى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ مۇشەلەرى اڭىس ەتۋ ماجىلىسىنە قاتىناستى. ٴماجىلىس اۆتونوميالى رايوندىق پارتكوم شۋجيى ارناۋلى تاقىرىپتىق ٴماجىلىسىنىڭ، تۇراقتى كوميتەت ٴماجىلىسىنىڭ 6 ـ رەتكى شارلاۋ جالپى جاعدايى جونىندەگى مالىمەتتى تىڭداعانداعى قاتىستى رۋحىن جانە ما شيڭرۇي شۋجيدىڭ اۆتونوميالى رايوندىق 10 ـ كەزەكتى پارتكومنىڭ 6 ـ رەتكى شارلاۋى بويىنشا شوعىرلى اڭىس ەتۋ ماجىلىسىندە سويلەگەن ٴسوزىنىڭ رۋحىن جەتكىزىپ، ۇيرەنىپ، شارلاۋ جۇرگىزىلگەن پارتيا ۇيىمدارىنداعى نەگىزگى جاۋاپتى جولداستارعا شارلاۋدا بايقالعان كورنەكتى ماسەلەلەردى حابارلادى ٴارى باسشىلىق القاسىنا شارلاۋ جاعدايىن اڭىس ەتتى.
اڭىس ەتۋدە مىنالار اتاپ كورسەتىلدى: الدىڭعى رەت شارلاۋ جۇرگىزىلگەننەن بەرى، شارلاۋ جۇرگىزىلگەن پارتيا ۇيىمدارى شي جينپيڭ جاڭا ٴداۋىر جۇڭگوشا سوتسياليزم يدەياسىن جانە پارتيا 20 ـ قۇرىلتايىنىڭ، سونداي ـ اق 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن مۇقيات ۇيرەنىپ، دايەكتىلەندىرىپ، نازاردى جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، رەفورمانى، دامۋدى، ورنىقتىلىقتى ٴبىر تۇتاس جوسپارلاپ ىلگەرىلەتىپ، ٴتۇرلى قىزمەتتەردە بەلگىلى ىلگەرىلەۋشىلىكتەرگە قول جەتكىزدى.
اڭىس ەتۋدە شارلاۋ جۇرگىزىلگەن پارتيا ۇيىمدارىندا ورىن تەپكەن ماسەلەلەر قاتاڭ اتاپ كورسەتىلدى. مۇندا كەيبىرەۋىنىڭ نازاريامەن قارۋلانۋدى كۇشەيتۋ سانالىلىعى، كوكەي تەستىلىگى كۇشتى بولماعان، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ مايەكتى ٴمانىن، عىلمي ىشكى ٴمانىن، امالياتتىق تالابىن ٴتۇسىنۋى، يگەرۋى تەرەڭ بولماعان، وندا قامتىلعان تۇرعىمەن، كوزقاراسپەن، ادىسپەن وي ـ سانانى قارۋلاندىرۋعا، قىزمەتتى ىلگەرىلەتۋگە شەبەر بولماعان؛ كەيبىرەۋىنىڭ ساياسي دەڭگەيى بيىك بولماعان، ساياسي تۇجىرىمداۋ قابىلەتى، ساياسي ٴتۇسىنۋ قابىلەتى، ساياسي اتقارۋ قابىلەتى كۇشتى بولماعان، قىزمەتتى پارتيا مەن مەملەكەتتىڭ جالپى جاعدايى تۇرعىسىنان ويلاستىرۋ، جوسپارلاۋ تانىمى جەتكىلىكسىز بولعان، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاۋ قابىلەتى ٴبىرشاما جەتكىلىكسىز بولعان، كەلەلى جاعدايدى تياناق ەتىپ ماسەلەگە وي جۇگىرتۋگە، شەشىم جاساۋعا، ٴىس بىتىرۋگە شەبەر بولماعان؛ كەيبىرەۋىنىڭ مىندەت وتەۋ قابىلەتى كۇشتى بولماعان، جاۋاپكەرشىلىك ارقالاپ ىسكەرلىك كورسەتۋگە باتىل بولماعان، قىزمەت ونىمدىلىگى جوعارى بولماعان، قۇلشىنا ٴىس تىندىرۋ جاۋاپكەرشىلىك سەزىمى مەن ٴىس تىندىرىپ ناتيجە شىعارۋ كوكەي تەستىلىك سەزىمى جەتكىلىكتى بولماعان؛ كەيبىرەۋىنىڭ پارتيانى جاپپاي قاتاڭ باسقارۋ جاۋاپكەرشىلىگى ناقتى بولماعان، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن ارقالاۋى بەرىك بولماعان، شەشۋشى ازشىلىقتى، ٴتۇيىندى سالالاردى باقىلاۋ ـ باسقارۋى جەتكىلىكسىز بولعان، ”ٴتورت ٴتۇرلى بۇرىس ستيلدى“ تۇزەتۋى پارمەندى بولماعان، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايى تۇبىرىنەن الاستالماعان، پارتيا مۇشەلەرى مەن كادرلاردىڭ ستيل ماسەلەسى ٴالى دە كورنەكتى بولىپ وتىر؛ كەيبىرەۋىنىڭ جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋى تەرەڭ بولماعان، باسشىلىق القالارىنىڭ وزىندىك قۇرىلىسى، كادر ـ دارىندىلار قوسىنى قۇرىلىسى سياقتى جاقتاردا ٴالى دە ولقىلىقتار ورىن تەۋىپ وتىر، دەموكراتيالىق ورتالىقتاندىرۋ ٴتۇزىمىن اتقارۋى تىڭعىلىقتى بولماعان.
اڭىس ەتۋدە مىنالار تالاپ ەتىلدى: شارلاۋ جۇرگىزىلگەن پارتيا ۇيىمدارى باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ، پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىنىڭ، شارلاۋ قىزمەتى جونىندەگى ماڭىزدى بايىمداۋلارىنىڭ جانە شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنۋ، ”ەكىنى قورعاۋدى“ باتىل ورىنداۋ تۇرعىسىنان شارلاۋ بويىنشا رەتتەۋ ـ تۇزەتۋدى ويداعىداي يگەرۋ ساياسي سانالىلىعىن شىنايى كۇشەيتۋى كەرەك. شارلاۋ بويىنشا رەتتەۋ ـ تۇزەتۋ تۇلعالىق جاۋاپكەرشىلىگىن مىقتاپ ارقالاپ، ”ٴبىرىنشى باسشى“ ٴبىرىنشى جاۋاپتى ادام بولۋ جاۋاپكەرشىلىگىن اتقارۋى، القا مۇشەلەرى ”ٴبىر قىزمەت ورنىندا ەكى جاۋاپكەرشىلىك ارقالاۋدى“ تياناقتاندىرۋى كەرەك، رەتتەۋ ـ تۇزەتۋدى كۇندەلىكتى تۇرمىسپەن توعىستىرىپ، سوڭىنا دەيىن قاتاڭ جۇرگىزىپ، قىزمەتتى ىلگەرىلەتۋدىڭ ٴىس جۇزىندىك ونىمدىلىگىنە اينالدىرۋ كەرەك. شارلاۋ بويىنشا رەتتەۋ ـ تۇزەتۋدىڭ ناقتى ونىمدىلىگىن كۇش سالا ارتتىرىپ، ٴتۇيىندى ماسەلەلەردى رەتتەۋ ـ تۇزەتۋدى يگەرۋ ارقىلى جاپپاي رەتتەۋ ـ تۇزەتۋگە جەتەكشىلىك ەتىپ، حالىق بۇقاراسىنىڭ ٴتول مۇددەسىنە ساياتىن، كوپ تاراۋدىڭ سايكەسىپ شەشۋىن قاجەت ەتەتىن ٴتۇيىندى، قيىن ماسەلەلەرگە مەڭزەس ٴونىمدى شارالار قولدانىپ، جەتىستىكتەردەن پايدالانۋدى تەرەڭدەتىپ، تۋ باستان وڭاۋدى ىلگەرىلەتىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى جەبەپ، شارلاۋ ارقىلى تۇزەتۋدى جەبەۋدى، شارلاۋ ارقىلى قۇرۋدى جەبەۋدى، شارلاۋ ارقىلى وڭاۋدى جەبەۋدى ۇزدىكسىز تەرەڭدەتۋ كەرەك.
اڭىس ەتۋدە مىنالار تالاپ ەتىلدى: ٴتارتىپ تەكسەرۋ، باقىلاۋ ـ تەكسەرۋ ورگاندارى جانە ۇيىمداستىرۋ تاراۋلارى شارلاۋ بويىنشا رەتتەۋ ـ تۇزەتۋدەگى كۇندەلىكتى باقىلاۋدى ناقتىلاندىرىپ، باتىلدىقپەن شىنداپ كىرىسىپ، ٴتۇيىندى ادامداردى، ٴتۇيىندى ىستەردى بوساڭسىماي قاتتى قاداعالاپ، ٴبىر ـ بىردەن تىزىمگە سالىستىرىپ، تىزىمنەن ٴوشىرىپ، ماسەلەلەردى شىنايى تۇزەتۋدى، ناقتى تۇزەتۋدى ىلگەرىلەتىپ، رەتتەۋ ـ تۇزەتۋى پارمەندى بولماعانداردىڭ، ات ٴۇستى رەتتەپ ـ تۇزەتكەندەردىڭ، جالعان رەتتەپ ـ تۇزەتكەندەردىڭ جاۋاپكەرشىلىگىن بەلگىلەمە، ٴتارتىپ بويىنشا قاتاڭ قۋزاستىرۋى كەرەك. اۆتونوميالى رايوندىق پارتكومنىڭ شارلاۋ كەڭسەسى ٴبىر تۇتاس جوسپارلاپ سايكەستىرۋدى، ىزىنە ٴتۇسىپ قۋزاۋدى، مالىمەتتى جيناقتاۋدى كۇشەيتىپ، شارلاۋ بويىنشا رەتتەۋ ـ تۇزەتۋدىڭ ناقتاپ تياناقتانۋىنا، تىڭعىلىقتى، ٴونىمدى بولۋىنا شىنايى كەپىلدىك ەتۋى كەرەك. قاتىستى فۋنكتسيالىق تاراۋلار شارلاۋ ۇسىنىسىن مۇقيات ٴبىر جاقتى ەتىپ، شارلاۋدا بايقالعان كاسىپتىك، سالالىق كورنەكتى ماسەلەلەردى مۇقيات زەرتتەپ، تۇرگە ايىرىپ تۇزەتۋ جۇرگىزىپ، رەفورما ادىسىنەن، جۇيەلى ويلاۋدان پايدالانىپ ماسەلەلەردى شەشۋگە شەبەر بولىپ، شارلاۋ بويىنشا رەتتەۋ ـ تۇزەتۋ قىزمەتىنىڭ ساپاسىن، ونىمدىلىگىن جوعارىلاتۋى كەرەك.
ۇعىسۋعا قاراعاندا، اۆتونوميالى رايوندىق پارتكومنىڭ شارلاۋ گرۋپپالارى ٴىشىنارا باسشى كادرلاردىڭ ماسەلەسى اڭىس ەتىلگەن دەرەكتەردى دە تاپسىرىپ الىپ، قاتىستى بەلگىلەمەلەر بويىنشا اۆتونوميالى رايوندىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى، اۆتونوميالى رايوندىق پارتكوم ۇيىمداستىرۋ ٴبولىمى سياقتى قاتىستى جاقتاردىڭ ٴبىر جاقتى ەتۋىنە تاپسىرعان.
