تاياۋدا اۆتونوميالى رايوندىق پارتكومنىڭ قوعامدىق قىزمەت ٴبولىمى پارتيالى كادرلاردى تاماق جەتكىزۋشى بولۋعا ۇيىمداستىرىپ، ٴۇرىمجى كوشەسىندە ”ەلىتە سەزىنۋ فورماسىندا تەكسەرۋ ـ زەرتتەۋ“ جۇرگىزۋدى باستاپ، جۇرت نازارىن اۋداردى.
”گۇلدى تاماشالاۋ وڭاي، كەستەلەۋ قيىن“، كوپتەگەن ىستەردى ٴوز باسىنان كەشكەندە عانا تەرەڭ سەزىنۋگە بولادى. تاڭەرتەڭگى جيىننان سوڭ قىزمەت ورنىندا ىلەسە ۇيرەنۋدەن قاتىناستىڭ قاۋىرت مەزگىلىندە تاماق جەتكىزۋگە دەيىن، مەكەن ـ جايدان اعاتتىق جىبەرىپ ىڭعايسىزدانۋدان جول جەلىسىن جوبالاۋ جاعىنداعى الاڭداۋشىلىققا دەيىن ورگان كادرلارى تاماق جەتكىزۋشىلەردىڭ جاپا ـ ماشاقاتىنىڭ وڭاي ەمەستىگىن تەرەڭ سەزىندى. وسى ”رولدى سەزىنۋ“ بىزگە قاتىستى تاراۋلاردىڭ شىنايى كىرىسىپ، ورىن اۋىستىرىپ وي جۇگىرتۋ سىندى قىزمەت ستيلىن كورسەتتى، مۇنى بۇقارالىق لۋشيان امالياتى جونىندەگى جاندى ساباق دەۋگە بولادى ٴارى ٴبىر رەتكى ”باسقارۋشىنىڭ ويلاۋىنان“ ”قىزمەت وتەۋشىنىڭ كوز اياسىنا“ قاراي بۇرىلىس جاساۋ سانالادى.
الايدا، سەزىنۋدىڭ ٴمانى مۇنىمەن عانا شەكتەلمەيدى، سەزىنۋ بارىسىندا ماسەلەنى بايقاۋ ماقساتتىڭ ٴبىرى سانالادى. مىسالى، ٴبىر كادر مۇنى باستان كەشىرگەننەن كەيىن: ”كەي جەرلەر وتە تار، جاياۋلار جولىندا جارتى كۇن جۇرۋگە تۋرا كەلەدى ەكەن“، ـ دەدى، ونىڭ ايتقانى جولدىڭ تارلىعى ەمەس، قايتا ٴۇرىمجىنىڭ قالا جولدارىنىڭ كوبىندە ۆەلوسيپەد جولى جوق، تاماق جەتكىزۋشىلەر جۇرگىنشىلەرمەن، اۆتوكولىكتەرمەن ٴبىر جولدا جۇرەتىندىگىن ايتىپ وتىر، بۇل دا تاياۋ جىلداردان بەرى تاماق جەتكىزۋشىلەرگە ساياتىن قاتىناس شىرعالاڭىنىڭ كوپ تۋىلۋ سەبەپتەرىنىڭ ٴبىرى. تەك وسى تۇيىننەن قاراعاندا، ٴۇرىمجىنىڭ جول قۇرىلىسىندا ٴالى دە ٴبىرشاما جوعارى دەڭگەيگە كوتەرۋ كەڭىستىگى بار.
سەزىنۋ تەك باستاما عانا، سەزىنگەننەن كەيىن ماسەلەنى شەشۋ عانا ”ورىن اۋىستىرىپ تاماق جەتكىزۋ“ ناعىز ونىمدىلىگى سانالادى. سەزىنگەننەن كەيىن ماسەلەنى تەز ارادا جوعارىعا مالىمدەۋ كەرەك پە، جوق پا؟ ونى قايسى تاراۋلار شەشەدى؟ ونى قالاي شەشۋ كەرەك؟ قاي كەزدە شەشۋ كەرەك... ٴبارى دە جۇيەلى تۇردە كىرىسەتىن قىزمەت. ارينە، بۇل ٴبىر ورىنداعى ٴىشىنارا كادرلاردىڭ ٴبىر كۇندىك تاماق جەتكىزۋ قىزمەتىن باستان كەشىرۋىمەن ورىندالمايدى، قايتا تاراۋ اتتاپ سايكەسۋدى، سەلبەسۋدى قاجەت ەتەدى.
مەيلى قانداي فورمامەن تەكسەرىپ ـ زەرتتەۋ جۇرگىزۋدە بولسىن، قىزمەتتى جاقسارتىپ، ٴتۇزىم جوباسىن كەمەلدەندىرىپ، قاتىستى قاۋىمنىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋ ٴبارى دە سەزىنگەننەن كەيىنگى سوڭعى ماقسات سانالادى. وسىلاي ىستەگەندە عانا، سەزىنۋ ”ەلگە كورسەتۋ ٴۇشىن ات ٴۇستى ىستەيتىن ىسكە“ اينالمايدى.
(”جياڭ شياۋيان“ ماقالا جولداۋ پوچتا ساندىعى: xjrbplb@126 .com)
