انار بۇلت \ شينجياڭ گازەتىنىڭ ٴتىلشىسى سى لۋلۋ
ٴار كۇنى ٴۇرىمجى قالاسى تيانشان رايونى ازاتتىق سولتۇستىك جولى ٴمالى باسقارماسى جيانكاڭ جولى الەۋمەتتىك اۋماق قىزمەت وتەۋ زالىندا اقىل ـ كەڭەس سۇراۋعا، ٴىس بىتىرۋگە، نارسە الۋعا كەلگەندەردىڭ اياعى ۇزىلمەدى، قاراستى رايونداعى تۇرعىندار وسى اراعا كەلسە ٴوز ۇيىنە قايتقانداي سەزىنەدى.
جيانكاڭ جولى الەۋمەتتىك اۋماعى پارتيا باس ياچەيكاسىنىڭ ورىنباسار شۋجيى ما لۋلۋ الدارىنان شىعىپ، شىعارىپ سالىپ تىنىم تاپپايدى. ونىڭ بويى بيىك ەمەس، شاشىن جيناقى ەتىپ بۋىپ العان، سويلەگەندە كۇلىمسىرەپ ادامعا ٴۇيىرىلىپ تۇرادى. اتايلار مەن اجەيلەر ونى قىزىم دەپ شاقىرادى، جاستار ونى اپەكە دەيدى، جۇرتتىڭ ٴبارى ونى جاقسى كورەدى.
ما لۋلۋدىڭ شينجياڭمەن بايلانىسى ونىڭ بولە اعاسىنىڭ باتىس بولىكتە ەرىكتى بولۋ ساپارىنان باستالعان. 2014 ـ جىلى بايىنعولين موڭعۇل اۆتونوميالى وبلىسىندا قىزمەت وتەيتىن بولە اعاسى شينجياڭنىڭ كوركەم كورىنىسى مەن گۋمانيتارلىق سالت ـ ساناسىن وقۋ تاۋىسۋ الدىندا تۇرعان ما لۋلۋعا ايتىپ بەرىپ ونىڭ اڭسارىن اۋدارادى. سول جىلى ول جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىنا باتىلدىقپەن تىزىمدەلىپ، سانجى حۇيزۋ اۆتونوميالى وبلىسىنا بارىپ 2 جىل نەگىزگى ساتى قىزمەت وتەۋىن باستادى.
”شينجياڭنىڭ وزگەشە تارتىمدىلىعى مەن قاراپايىم حالىق سالتى مەنىڭ وسىندا قالۋدى تاڭداۋىما سەبەپ بولدى“. ما لۋلۋ بىلاي دەدى: 2016 ـ جىلى ەرىكتى قىزمەت وتەۋ اياقتاعاننان كەيىن ومىردەگى ماڭىزدى تالعامعا ٴدوپ كەلدىم، اتا مەكەنىم گانسۋعا قايتۋىم كەرەك پە، الدە ۇزدىكسىز شينجياڭدا قالىپ ارمانعا قۇلاش سەرمەۋىم كەرەك پە. ٴبىر مەزگىل ويلانىپ ـ تولعانعاننان كەيىن مەن ۇرىمجىدە قالىپ، الەۋمەتتىك اۋماق قىزمەتكەرى بولۋعا بەكىدىم.
”الەۋمەتتىك اۋماق، سان مىڭداعان وتباسى، بۇقارا ٴىسى سان سالالى، مەن الەۋمەتتىك اۋماق قىزمەت وتەۋىندە بۇقارانىڭ كوڭىلىنەن شىعامىن، ولاردىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋىنە شىن جۇرەكتەن كومەكتەسەمىن“، ـ دەدى. ما لۋلۋ الەۋمەتتىك اۋماقتى ”وتباسىنداي“ كورىپ، تۇرعىنداردى ”جان اشىرىنا“ بالاپ، بۇقارانىڭ ”كوكەيىندەگى ٴىستى“ دەن قويا، سۇيىسپەنشىلىكپەن، كۇش سالا ويداعىداي ىستەپ، الەۋمەتتىك اۋماقتاعى بۇقارانىڭ باقىت سەزىمىنە بولەنۋىنە مۇمكىندىك جاسادى.
بارلىق الەۋمەتتىك اۋماق كادرلارى سياقتى ما لۋلۋ ٴار كۇنى وتباسىلارىن ارالايدى، كورشىلەر اراسىنداعى داۋ ـ شاردى جاراستىرادى، پارتيا مەن ۇكىمەتتىڭ جاقسى ٴۇنىن جەتكىزەدى. ول ٴتۇرلى جولدارمەن بۇكىل ەلدىڭ جەر ـ جەرىندەگى الەۋمەتتىك اۋماقتاردىڭ قىزمەت وتەۋدەگى جاقسى ادىستەرىن، جاقسى ۇستانىمدارىن ۇيرەندى ٴارى اماليات بارىسىندا ۇزدىكسىز سىناق ەتىپ، ”ٴۇش كوپ ىستەۋ“ قىزمەت ٴادىسىن تاپتى.
” ’ ٴۇش كوپ ىستەۋ‘ دەگەنىمىز تۇرعىندار كوڭىل ٴبولىپ وتىرعان ىستەردى كوپ سۇراستىرۋ، بۇقارا كوڭىل ٴبولىپ وتىرعان ىستەردى كوپ ايتۋ، بۇقارا ٴۇمىت ەتكەن ىستەردى كوپ ىستەۋ“، ـ دەدى ما لۋلۋ كۇلىمسىرەپ. الدىڭعى ٴبىر مەزگىلدە گۋاڭحۋا جولىنداعى ٴبىر اۋلادا لاس سۋ قۇبىرىنىڭ توسىلۋىنان قوجالىق داۋ ـ شارى تۋىلىپ، ما لۋلۋ سول جەرگە بارىپ داۋ ـ شاردى جاراستىردى ٴارى تۇرعىنداردى شاقىرىپ بۇكپەسىز اڭگىمە وتكىزدى. ماجىلىستە ول ەكى جاقتى ماسەلەنى شەشۋدەگى قيىن ٴتۇيىن مەن تالاپ ـ تىلەكتەردى ورتاعا قويۋعا جەتەكتەپ، ماسەلەنى سەلبەسىپ شەشىپ، سوڭىندا تۇرعىندار ٴار وتباسى 20 يۋان قارجى شىعارۋ، قالعان اقشانى قوجالىق سەرىكتەستىگى ارقالاۋ سىندى شەشۋ جوباسىن جاسادى.
”ۋشىققان جاعدايدى قول الىستىرىپ راقايلاستىرۋدىڭ ٴبارى شياۋمانىڭ بىزگە كوپىر بولۋىنىڭ ارقاسى“، ـ دەدى تۇرعىندار ۋاكىلى چىن شياۋمەي تەبىرەنە. مۇنداي شىن نيەت ارقىلى شىنايى سۇيىسپەنشىلىككە يە بولۋ سىندى قىزمەت ۇستانىمى ما لۋلۋدى بۇقارانىڭ سەنىمىنە يە ەتتى.
”اتاي، بۇگىن جۇقا كيىنىپ الىپسىز، دەرەۋ قالىڭىراق كيىنىڭىز“، ”اپاي، بۇگىن شاشىڭىز ادەمى بولىپتى“... ما لۋلۋ الەۋمەتتىك اۋماقتاعى قارتتار قاۋىمىنا ەرەكشە نازار اۋدارادى. ول الەۋمەتتىك اۋماقتا كوپ ۇلت شوعىرلى قونىستانعان، قارتتار مەن بالالار كوپ بولۋداي ەرەكشەلىككە نەگىزدەلىپ، ”قارتتار مەن بالالار“ قىزمەت وتەۋى ماركاسى ارقىلى عىلىم جالپىلاستىرۋ، حاتكەرلىك سياقتى ەرەكشە قيمىلداردى ورىستەتىپ، كوپشىلىكتى جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋعا، جۇڭحۋا ۇلتى ورتاق تۇلعا تانىمىن بەكەمدەۋگە بىرتىندەپ جەتەكتەپ، ٴار ۇلت بۇقاراسىن بىرگە تۇرۋ، بىرگە ۇيرەنۋ، بىرگە جۇمىس ىستەۋ، بىرگە شاتتانۋ بارىسىندا ۇيىسۋ قۋاتىن، سەنترگە تارتۋ قۋاتىن ۇزدىكسىز كۇشەيتۋگە جەتەكتەدى.
”جۇبايىم دا باتىس بولىك جوسپارىنىڭ ەرىكتىسى، مۇراتىمىز ٴبىر بولعاندىقتان باسىمىز قوسىلدى“. وتباسىنداعىلارىن اۋىزعا العاندا، ما لۋلۋدىڭ جۇزىنەن باقىت لەبى ەستى، ول شاعىن وتباسىنىڭ باقىتىن شەكارا ٴوڭىردىڭ زور دامۋىمەن توعىستىردى.
”ٴۇرىمجى مەنىڭ ەكىنشى مەكەنىم، مەن شىن نيەتىم ارقىلى ۇزدىكسىز شىنايى سۇيىسپەنشىلىككە يە بولىپ، الەۋمەتتىك اۋماقتى باسقارۋعا جانە شەكارا ٴوڭىر قۇرىلىسىنا كۇش ـ قۋاتىمدى ارنايمىن“، ـ دەدى ما لۋلۋ.
