انار بۇلت \ شينجياڭ گازەتىنىڭ ٴتىلشىسى مايگۇل ايتقازى
چيڭميڭ دەمالىسىندا بۇكىل شينجياڭداعى مادەنيەت الاڭ ـ سارايلارى مەن كورىنىس وڭىرلەرى مادەنيەتتى، ونەردى جالعاستىرۋ، بالاسىمەن بىرگە كىتاپ وقۋ، شاپتول گۇلىن تاماشالاۋ سالتاناتى سياقتى كوپتەگەن قيمىلداردى ۇسىنىپ، ساياحاتشىلارعا جۇڭحۋانىڭ ٴداستۇرلى مادەنيەتىن تىكەلەي سەزىندىرىپ، كوكتەمدەگى تيانشان الابىن ساياحاتتاۋىنا مۇمكىندىك جاساپ، ولارعا الۋن ٴتۇرلى مادەنيەت ساياحاتىنىڭ ۇزىن كارتيناسىن جايىپ سالدى.
شينجياڭ اسەمونەر سارايى شاعىن دەمالىس كۇنىندە قالىپتى اشىلدى ٴارى كوپتەگەن كوركەمونەرلىك دەڭگەيى ٴبىرشاما جوعارى سۋرەت كورمەسىن جانە ٴمۇسىن كورمەسىن وتكىزدى. مۇنىڭ ىشىندە ”يشى يجيە“ ماركالى مادەنيەت قيمىلىندا بالاسىمەن بىرگە باتپىراۋىق جاساۋ، رەڭدى اشەكەيلەۋ تۇتاس بارىسىن سەزىنۋ قيمىلى ۇيىمداستىرىلدى ٴارى قالا ماڭىندا باتپىراۋىق ۇشىرىلدى. ”كوبەلەكتى كوكتەم دۋمانىنىڭ“ يكەمدىلىگىنەن ”جىل سايىن مول تابىس بولسىن“ دەگەن باق تىلەۋىنە دەيىن، ۇستىندە جاسالعان ٴتۇرلى باتپىراۋىقتار ٴداستۇرلى ورنەكتەردىڭ تاماشا ماعىناسىن ايگىلەپ، جەلمەن بىرگە اسپانعا كوتەرىلۋگە دايىن تۇر. ”ٴبىز ٴداستۇرلى قولونەر ارقىلى مادەنيەت ەستەمەلەرىن وياتىپ، چيڭميڭ كەزىندە جالعاستىرۋ كوپىرىن ورناتىپ، تاڭداۋلى ٴداستۇرلى مادەنيەتتىڭ تىرشىلىك تىنىسىن قاۋلاتۋدى ٴۇمىت ەتەمىز“، ـ دەدى شينجياڭ اسەمونەر سارايى الەۋمەتتىك تاربيە ٴبولىمىنىڭ مەڭگەرۋشىسى ياڭ فان.
كىتاپ قۇمارلىق كوكتەم لەبىمەن بىرگە كوتەرىلدى. چيڭميڭ كەزىندە شينجياڭ كىتاپحاناسى كوكتەم ماۋسىمىندا كىتاپ وقۋ باسەكەلى جارىسى، ”اسەمدىك تاربيەسى الەمى“ چيڭميڭ شاي قوناعاسىسى · «اجەمنىڭ چيڭتۋانى» سياقتىلاردى قامتىعان ”ٴتورت ماۋسىمدا بالالاردىڭ كىتاپ وقۋى“ اتتى كىتاپ قۇمارلىقپەن بولاشاق جاراتۋ جەلىلەس قيمىلىن وتكىزىپ، كىشكەنتاي دوستاردىڭ جۇرەگىنە كىتاپ وقۋدىڭ ۇرىعىن سەۋىپ، ۋاقىت پەن كەڭىستىكتى ەندەي وتكەن سۇيىسپەنشىلىك جاڭعىرىعىن قالىپتاستىردى.
4 ـ ايدىڭ 3 ـ كۇنى حوتان ايماعىنىڭ ”گۇل ماۋسىمى ساياحاتى“ قيمىلى ون مىڭ مۋلىق شاپتول ورمانى اراسىندا شىمىلدىعىن اشتى. ”شاپتول گۇلى باعىندا كوكتەم ٴلاززاتىنا شومۋ“ نەگىزگى تاقىرىبىنا ادەبيەت ـ كوركەمونەر كورمەلىك قويىلىمى، حۋافۋ ٴسانى، جاياۋ ٴجۇرۋ، تاۋعا شىعۋ سياقتى 10 نەشە ٴتۇرلى قيمىلدى قوسا جۇرگىزدى؛ ەرەكشە اۋىل شارۋاشىلىعى ونىمدەرىن كورمەلەۋ ـ ساتۋ اۋماعىندا ساياحاتشىلار ”تاۋ گۇلىن تاماشالاپ، اۋىل ساعىنىشىن الا كەتۋدىڭ“ قىزىعىنا شومدى. حوتان ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى تۇرسۇنگۇل ٴماتتوحتى قيمىل 4 ـ ايدىڭ 18 ـ كۇنىنە دەيىن جالعاسىپ، حوتاننىڭ مادەنيەت ـ ساياحات بايلىعى جالپى بەتتىك ايگىلەنەتىندىگىن ٴبىلدىردى.
سونىمەن بىرگە كوكتەمگى جانبۇلاق كورىنىس وڭىرىنە ٴبيداي كوكتەيتىن، سامىرسىن بۇرشىك جاراتىن، دالا شۇعىنىقتارى مەن ايۋبالدىرعان گۇل اشاتىن مەزگىل كەلىپ جەتتى. 3 كۇندىك دەمالىستا كورىنىس ٴوڭىرى بۇكىل ەلدەگى ساياحاتشىلارعا قاقپاسىن بەلەتسىز اشىق ۇستاپ، ٴدارى شوپتەردىڭ اڭقىعان ٴيىسى مەن ەرىگەن قاردىڭ شاتتىق جىرىن كوكتەمدەگى ەڭ ادەمى شاقىرتۋعا اينالدىردى.
