بۇقارانى باستاپ ٴشول دالادا ”قازىنا“ ىزدەدى
انار بۇلت \ شينجياڭ گازەتىنىڭ ٴتىلشىسى فان چيۇڭيان، پراكتيكانت ليۋ دان
”جاڭا ٴبىر جىلدا سۋ ونىمدەرى باعىمشىلىعى نىسانى جەدەل ىلگەرىلەتىلەدى، ۋاقىتتى ۇتىپ شاباق سالايىق“. تاياۋدا حوتان اۋدانى يىڭەرىق اۋىلى پارتكومىنىڭ شۋجيى چاڭ جيشين جەرگىلىكتى ورىن ەنگىزگەن ٴبىرقانشا سۋ ونىمدەرى باعىمشىلىعى سەرىكتەستىگىن ارالاپ، سۋ ونىمدەرى باعىمشىلىعىنىڭ دامۋى جونىندە كاسىپورىننىڭ جاۋاپتىسىمەن اڭگىمەلەسىپ، كاسىپورىندا ورىن تەۋىپ وتىرعان قيىنشىلىق جاعدايىن ۇعىستى.
وسىنداي قۋاڭشىلىق جايلاعان، جاۋىن ـ شاشىنى از، قۇمدى بوران ازىناعان جەردە اۋىلدىق پارتكوم شۋجيىنىڭ سۋ ونىمدەرى باعىمشىلىعىمەن قاربالاستانىپ جۇرگەنىنە ويىڭىز جەتپەيدى.
چاڭ جيشيننىڭ ٴۇيى حيلۇڭجياڭ ولكەسىنىڭ دۇڭنيڭ قالاسىندا، 2015 ـ جىلى باۋجي قوعامدىق، جاراتىلىستىق ٴپان شۋەيۋانىنان وقۋ تاۋىسقاننان كەيىن، حوتان اۋدانىنا قىزمەتكە قابىلدانىپ كەلىپ، نەگىزگى ساتىداعى اۋىل ـ قالاشىق قىزمەتكەرى بولادى.
چاڭ جيشين ىلگەرىندى ـ كەيىندى حوتان اۋدانىنىڭ بۇزاق اۋىلى، حوتان اۋدانى بۇقارالىق قىزمەت جونىنەن قىزمەت وتەۋ ورتالىعى قاتارلى جەرلەردە قىزمەت ىستەيدى، 2023 ـ جىلى 6 ـ ايدا حوتان اۋدانىنىڭ يىڭارىق اۋىلىنا كەلىپ پارتكوم شۋجيى بولادى، ول سارى قۇمدى جانە سورتاڭ جەردە ٴداستۇرلى ەگىنشىلىك ۇلگىسىن جۇرگىزۋ قيىن دەپ قاراپ، ٴشول دالا سۋ ونىمدەرى باعىمشىلىعىن نىسانا ەتۋگە بەل بايلايدى.
”باستابىندا كوپتەگەن قيىنشىلىققا جولىقتىق، باعىمشىلىق ورنى، سۋ قاينارى، ساۋداگەر شاقىرىپ قارجى ەنگىزۋ سياقتى ماسەلەلەردىڭ بارلىعى وراسان زور سىناق بولدى“. چاڭ جيشين بىلاي دەدى: شينجياڭ كۇنلۇن يوۋپين ەكولوگيالىق اۋىل شارۋاشىلىعىن دامىتۋ شەكتى سەرىكتەستىگى، حوتان يۇيجيانجياڭلاي سۋ ونىمدەرى باعىمشىلىعى شەكتى جاۋاپكەرشىلىك سەرىكتەستىگى سياقتى سۋ ونىمدەرى باعىمشىلىعى كاسىپورنىن ەنگىزدىك، ودان توڭىرەكتەگى ورتانىڭ شەشۋشى كورسەتكىشتەرىن جالپى بەتتىك ولشەپ، يۇرۇڭقاش وزەنىندەگى ەرىگەن مۇز، قار سۋىن باستاپ، باعىمشىلىق كولشىگىنىڭ تۇزدى سۋىن سۇيىلتتىق.
2024 ـ جىلى جەرگىلىكتى ورىن 1000 مۋلىق قۇرىلعىلى اۋىل شارۋاشىلىعىنا پايدالانىلاتىن جەردى بىرىكتىرىپ اشىپ، سۋ شايانى، قىسقىش، شاباق جەتىلدىرۋ بازاسىن قۇردى، ەنگىزىلگەن كاسىپورىندار ٴشول دالاداعى سورتاڭ جەردە تۇڭعىش رەت قىسقىش ٴوسىردى. سول جىلى 9 ـ ايدا ٴشول دالادا باعىلعان تۇڭعىش توپتاعى قىسقىشتان مول ٴونىم الىنىپ، ٴونىم مولشەرى 18 تونناعا جەتتى، ٴونىم قۇنى 2 ميلليون يۋاننان استى. سول جىلى 11 ـ ايدا اۋە تاسىمالىمەن جەتكىزىلگەن 60 مىڭ چىڭدۋ شاباعى باعىمشىلىق كولشىگىنە ٴساتتى سالىنىپ، قازىر بازارعا شىعۋ الدىندا تۇر، مەجەلەۋىمىزشە، جىلدىق ٴونىم مولشەرى 280 تونناعا جەتەتىن كورىنەدى، ٴونىم قۇنى 50 ميلليون يۋاننان اسۋى مۇمكىن.
”سورتاڭ جەردە وسىرىلگەن قىسقىشتىڭ ٴدامى ٴتىل ۇيىرەدى، بازارعا ەرتە سالىنادى، بازار كومەسكى كۇشى زور، قىسقىش وسىرۋدەن شارۋا وتباسىلارى ٴبىر جىلدا كىرىسىن 40 مىڭ يۋان ارتتىرادى“. چاڭ جيشين بىلاي دەدى: وسى جولى جاڭالىق اشىپ سىناپ كورۋىمىز يىڭارىق اۋىلىنا ناقتى ەكونوميكالىق ونىمدىلىك اكەلىپ قانا قويماي، ونان دا ماڭىزدىسى، جەرگىلىكتى ورىنداعى شارۋالارعا كىرىستى ارتتىرىپ بايۋ قاقپاسىن دا اشتى.
چاڭ جيشين بىلاي دەدى: كەلەسى قادامدا ”كاسىپورىن + قىستاق كوللەكتيۆ ەكونوميكالىق سەلبەستىك كووپەراتيۆى + باعىمشى وتباسى“ ۇلگىسىن قولدانىپ، باعىمشى وتباسىلارىن ەرەكشە سۋ ونىمدەرى باعىمشىلىعى كاسىبىنە ارالاسۋعا جەتەلەپ، يىڭارىق اۋىلىنىڭ سۋ ونىمدەرى ماركاسىن تۇلعالاۋدى جوسپارلادىق، مەجەلەۋىمىزشە، ٴار مۋ بالىق كولشىگىنەن كىرەتىن كىرىس 5000 يۋاننان استام ارتادى ەكەن.
”ٴونىمدى ساتۋ جولىن اشۋ ٴۇشىن، ٴبىز بيىل ەكى سەرىكتەستىكتى تىزىمگە الدىرىپ، اۋىل شارۋاشىلىق ونىمدەرىن العاشقى باسقىشتا وڭدەدىك“. چاڭ جيشين بىلاي دەدى: ينتەرنەت جەلىسىندە جالپىلاستىرۋ، جەلىدەن تىسقارى ساتىپ الۋ ۇلگىسى ارقىلى ٴونىمدى ساتۋ ارناسىن اشىپ، ٴونىمنىڭ ۇستەمە قۇنىن جوعارىلاتىپ، ٴبىر تۇتاس ماركا اسەرىن قالىپتاستىرىپ، كاسىپ سالاسىنىڭ كىرىستى ارتتىرۋدى جەبەۋىن ٴۇمىت ەتەمىز.
چاڭ جيشين تاعى قىستاق تۇرعىندارىن باستاپ ٴشول دالادا جىڭعىل، ۇلكەن سۇڭعىلا ەكتى. ”العاشىندا كوپتەگەن قىستاق تۇرعىنى قۇپتاي قويمادى. سونىمەن ٴبىز وتباسىلارى سايىن ۇگىت جۇرگىزىپ، باعىمشىلىقتا تابىسقا جەتكەن ٴبىر ٴبولىم شارۋالاردىڭ كوپشىلىكتى باعىمشىلىققا بەلسەندى تۇردە ارالاسۋعا جەتەكتەۋىنە مۇمكىندىك جاسادىق“. چاڭ جيشين بىلاي دەدى: بايۋ باستاماشىلارىن شارۋالار كاسىپتىك سەلبەستىك كووپەراتيۆىن قۇرۋعا جەتەكتەپ، شارۋالارعا باعىمشىلىق تاجىريبەسىن جالپىلاستىرىپ، جىڭعىل، ۇلكەن سۇڭعىلا ەگۋ تەحنولوگياسىن ۇزدىكسىز ساپالىلاندىرىپ، بىلتىر 10 ـ ايدا ٴونىمدى ۇلگىنى ٴساتتى تاۋىپ، حوتان ايماعىندا جاپپاي جالپىلاستىردىق.
ونىڭ جەتەكشىلىگىندە اۋىلداعى ىقتاسىن ورمانى ەگىلگەن جەر اۋدانى بۇرىنعى 200 مۋدان كوبەيىپ، قازىرگى 22 مىڭ 900مۋعا جەتتى.
جالىقپاي قۇلشىنۋ ارقىلى چاڭ جيشين يىڭارىق اۋىلىنىڭ قىستاق تۇرعىندارىن باستاپ ٴشول دالاداعى ”التىن ۇيا“ قالىپتاستىردى. بىرنەشە جىلدان بەرى، قىستاق تۇرعىندارىنىڭ قالتاسى قامپايدى، كوللەكتيۆ ەكونوميكا دا 2022 ـ جىلداعى ٴبىر ميلليون 500 مىڭ يۋاننان استامنان ارتىپ، 2024 ـ جىلعى 5 ميلليون يۋاننان استى.
