تيانشان تورى - شينجياڭ گازەتىنىڭ ٴتىلشىسى جاڭ جىلي
”لي شۋجي، ’تيان ـ انمىن‘ توپتىق سۋرەتىن تۇسىرەتىن شياۋحۋ قاشان كەلەدى؟ مەن ٴالى سۋرەتكە تۇسپەدىم“! 4 ـ ايدىڭ 3 ـ كۇنى حوتان اۋدانى اۋات اۋىلى قۇمعىل قىستاعى تۇرعىندار كوميتەتى اۋلاسىندا 64 جاستاعى ساقا پارتيا مۇشەسى ٴامات بارات حوتان اۋداندىق ەمدەۋ قامتاماسىزداندىرۋ مەكەمەسىنىڭ قۇمعىل قىستاعىندا تۇراتىن قىزمەت اترەتىنىڭ باستىعى، ٴبىرىنشى شۋجي لي يۇنفىڭعا بارىپ وسىلاي دەپ سۇرادى.
”ٴامات اعاي، اسىقپاڭىز، شياۋحۋ جۋىقتان بەرى توتەنشە قاربالاس. اۋىلىمىزدىڭ 20 قىستاعىندا قانشاما ادام ونىڭ كەلۋىن كۇتۋدە، ٴبىز كەشە تەلەفون سوعىپ قۋزادىق، بىرنەشە كۇننەن كەيىن كەلەدى ەكەن“، ـ دەدى لي يۇنفىڭ ٴاماتتى جۇباتىپ.
شياۋحۋ دەپ وتىرعانىمىز اۋات اۋىلىنىڭ ۇگىت كادرى حۋ چۇنفاڭ، بىرنەشە كۇننىڭ الدىندا ول قىزمەتتەستەرىمەن بىرگە ”تيان ـ انمىندى“ ارتقى كورىنىس ەتكەن كورىنىستىك پەردەنى الىپ قۇمعىل قىستاعىنا كەلىپ، قىستاق تۇرعىندارىن تەگىن سۋرەتكە ٴتۇسىردى. قۇمعىل قىستاعى 500گە جۋىق وتباسى، 2100دەن استام ادامى بار ۇلكەن قىستاق. ”تيان ـ انمىنمەن“ بىرگە سۋرەتكە تۇسەتىن حاباردى ەستىسىمەن قىستاق تۇرعىندارى تۇس ـ تۇستان جەتىپ كەلدى. ٴبىر كۇندە سۋرەتكە ٴتۇسىرىپ بولا الماي، حۋ چۇنفاڭ مەن قىزمەتتەستەرى تاعى ٴبىر كۇن سۋرەتكە ٴتۇسىردى، ٴالى دە 100دەن استام قىستاق تۇرعىنى سۋرەتكە تۇسە المادى.
3 - ايدىڭ 30 - كۇنى حوتان اۋدانى اۋات اۋىلى قۇمعىل قىستاعىنىڭ قىستاقتا تۇراتىن قىزمەت اترەتى كادرلارى، قىستاق كادرلارى، قىستاق تۇرعىندارى ۋاكىلدەرى ”تيان ـ انمىن“ الدىندا توپتىق سۋرەتكە ٴتۇستى. سول جاق شەتتە: حوتان اۋداندىق ەمدەۋ قامتاماسىزداندىرۋ مەكەمەسىنىڭ وسى قىستاقتا تۇراتىن قىزمەت اترەتىنىڭ باستىعى، ٴبىرىنشى شۋجي لي يۇنفىڭ. سۋرەتتى باۋجيان تۇسىرگەن
لي يۇنفىڭ تىلشىگە: قىستاق تۇرعىندارىنىڭ ”تيان ـ انمىنمەن“ جاپا ـ تارماعاي سۋرەتكە ٴتۇسۋ كوڭىل كۇيى ٴوزىنىڭ ويلاعانىنداي بولعانىن ايتتى: ”ۇزاپ شىعىپ كورمەگەن قىستاق تۇرعىندارىن ايتپاعان كۇننىڭ وزىندە، بەيجيڭگە 4 رەت بارىپ تيان ـ انمىن الاڭى الدىندا سۋرەتكە تۇسكەن ٴوزىم دە قازىر ’تيان ـ انمىندى‘ ارتقى كورىنىس ەتكەن كورىنىستىك پەردەنى كورگەندە، جۇگىرىپ بارىپ تاعى دا سۋرەتكە تۇسكىم كەلىپ تۇر“.
3 ـ ايدىڭ 30 ـ كۇنى لي يۇنفىڭ قىستاقتاعى ”زاڭمەن باسقارۋ شاعىن ساباقحاناسىندا“ ۇگىت لەكسيا جاساعاندا قىزىعۋشىلىق تانىتقان ٴىشىنارا قىستاق تۇرعىندارىنىڭ قۋزاۋىندا بەيجيڭدەگى تيان ـ انمىن الاڭىندا باستان كەشكەن جان تەبىرەنتەرلىك كورىنىستەردى اڭگىمەلەدى.
”وراتى كەلسە ٴبىز دە بەيجيڭگە، تيان ـ انمىن الاڭىنا بارىپ مەملەكەت تۋىن شىعارۋدى كورەمىز“! ”سىرتقا شىعىپ ساياحاتتاسام، الدىمەن بەيجيڭگە بارامىن“!... قىستاق تۇرعىندارى بەيجيڭگە بارىپ تيان ـ انمىندى كورۋ ارمانىن جارىسا تىلگە تيەك ەتتى.
لي يۇنفىڭ بىلاي دەدى: قىستاق تۇرعىندارىنىڭ بۇل ارمانى كوپ ۇزاماي جۇزەگە اساتىن بولادى، ناقتاپ ايتقاندا، بيىل قىستاقتا تۇراتىن قىزمەت اترەتى مەن قىستاق ”ەكى كوميتەتى“ ٴبىر توپ ساقا پارتيا مۇشەسىن بەيجيڭدى بارىپ كورۋگە ۇيىمداستىرادى.
اسىلىندە، قۇمعىل قىستاعى جەردىڭ تىلكىمدەلۋ جاعدايىن جونگە سالۋ نىسانىن اتقارىپ جاتىر ەكەن، 1000 مۋدان استام قىستاق كوللەكتيۆ جەرى بىرىكتىرىلىپ جونگە سالىنعاننان كەيىن ٴار مۋ جەر 600 يۋاننان استام ماي اقىمەن اينالىمعا سالىنىپتى. بۇل نىساننىڭ اتقارىلۋىنىڭ ناتيجەسىندە بىلتىرعى 200 مىڭ يۋانعا جەتپەيتىن قىستاق كوللەكتيۆ كىرىسى ٴبىر ميلليون يۋاننان استى. قىستاق كوللەكتيۆ شارۋاشىلىعى بايىسا، قىستاق تۇرعىندارىنا ٴتىپتى دە كوپ يگى ىستەر، ناقتى ىستەر ىستەپ بەرۋگە بولادى.
3 - ايدىڭ 30 - كۇنى حوتان اۋداندىق ەمدەۋ قامتاماسىزداندىرۋ مەكەمەسىنىڭ وسى اۋداننىڭ اۋات اۋىلى قۇمعىل قىستاعىندا تۇراتىن قىزمەت اترەتىنىڭ باستىعى، ٴبىرىنشى شۋجي لي يۇنفىڭ (الدىڭعى قاتار وڭ جاق) ۇگىت-لەكسيا جاساۋدا . سۇحبات قابىلداۋشى سۋرەتپەن قامدادى
”قىرۋار قىستاق تۇرعىندارىنىڭ ٴوز قاراجاتىمەن بەيجيڭگە ساياحاتتاي بارۋى دانەڭە ەمەس“. لي يۇنفىڭ بىلاي دەپ تانىستىردى: قازىر بۇكىل قىستاقتا 700گە تارتا ادام سىرتتا جۇمىس ىستەيدى، مۇنىڭ 90 پايىزى شينجياڭ سىرتىندا جۇمىس ىستەيدى، شينجياڭ سىرتىندا جۇمىس ىستەيتىندەردىڭ اراسىندا 344 ادام دۇكەن اشىپ قوجايىن بولدى، 120دان استام وتباسى جەڭىل اۆتوموبيل ساتىپ الدى، ۇرىمجىدەن عيماراتتان ٴۇي ساتىپ العان قىستاق تۇرعىندارى دا بار.
قىستاقتا تۇراتىن قىزمەت اترەتى شينجياڭ سىرتىندا جۇمىس ىستەيتىن قىستاق تۇرعىندارىمەن ۇنەمى بايلانىس جاساپ تۇرادى. 4 ـ ايدىڭ 1 ـ كۇنى گۋاڭدۇڭ ولكەسىنىڭ فوشان قالاسىندا كاۋاپحانا اشقان قىستاق تۇرعىنى اكىم ابەي لي يۇنفىڭمەن تەلەفوندا سويلەستى: ”لي شۋجي، ٴسىز ’شينجياڭنان سىرتقا شىعىپ جۇمىس ىستەيتىندەر ۋيشين توبىنا‘ جولداعان قىستاق تۇرعىندارىنىڭ ’تيان ـ انمىنمەن‘ بىرگە تۇسكەن سۋرەتىن كورگەننەن كەيىن قاتتى تەبىرەنىپ، القاۋ ايتىپ، جالعاپ تاراتتىق. وكىنەرلىگى، ٴبىز قازىر قىستاقتا جوقپىز، ’تيان ـ انمىنمەن‘ بىرگە سۋرەتكە تۇسە المادىق، ٴبىراق ٴبىز ورايىن تاۋىپ بەيجيڭگە بارىپ، وسى ارماندى، ٴسوز جوق، جۇزەگە اسىرامىز“.
”شينجياڭ بەيجيڭنەن شالعاي بولعانىمەن، كوڭىلىمىز بەيجيڭگە وتە جاقىن. شينجياڭ بەيجيڭنەن شالعاي بولعانىمەن، ٴبىزدىڭ بەيجيڭگە بارۋ ارمانىمىز شالعاي ەمەس“، ـ دەدى 4 ـ ايدىڭ 4 ـ كۇنى لي يۇنفىڭ قىزمەتتەستەرىمەن بىرگە وتباسىلارىن ارالاپ حالىققا تيىمدىلىك جاساۋ ساياساتىن ۇگىتتەگەندە.
