تيانشان تورى
تيانشان تورى   ›   جاڭالىقتار   ›   ەل ءىشى حابارى

پارتيانىڭ جان تامىرى بولعان بۇقارالىق لۋشيانمەن ويداعىداي جۇرەيىك

پارتيانىڭ جان تامىرى بولعان بۇقارالىق لۋشيانمەن ويداعىداي جۇرەيىك

شينحۋا اگەنتتىگىنىڭ ٴتىلشىسى ليۋ شۋو

  بۇقارالىق لۋشيان — پارتيانىڭ جان تامىرى جانە ٴتۇبىرلى قىزمەت لۋشيانى. پارتيانىڭ بۇقارالىق لۋشيانىنا تاباندى بولۋ، پارتيانىڭ حالىق بۇقاراسىمەن ەتەنە بايلانىسىن باستان ـ اياق ساقتاۋ بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋداعى، ستيل قۇرىلىسىن ىلگەرىلەتۋدەگى ”مىندەتتى ساباق“. قالىڭ پارتيالى كادرلار بۇقارامەن ىستىق ىقىلاسپەن بايلانىس جاساپ، بۇقارامەن شىنايى ارالاسىپ، بۇقاراعا جالىندى تۇردە قىزمەت وتەپ، بۇقارامەن تىلەكتەس بولۋدى، بۇقارامەن كوڭىل توعىستىرۋدى مىندەت اتقارىپ، جاۋاپكەرشىلىكتى ادا ەتۋدىڭ جالپى بارىسىندا، ٴارقايسى جاعىندا ايگىلەپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرىپ، پارتيانىڭ بيلىك جۇرگىزۋ نەگىزىن بەكەمدەۋى كەرەك.

  پارتيانىڭ حالىق بۇقاراسىمەن ەتەنە بايلانىسىن ساقتاي الۋ ـ الماۋ پارتيا ىستەرىنىڭ جەڭىسى مەن جەڭىلىسىن بەلگىلەيدى. يان ـ انداعى مەزگىلدە پارتيا بۇكىل ىنتا ـ پەيىلىمەن حالىق ٴۇشىن قىزمەت ىستەۋ تۇپكى ماقساتىن العا قويۋدان ٴارى ونى پارتيا ۋستاۆىنا جازۋدان، بۇكىل پارتيادا پارتيانىڭ بۇقارالىق لۋشيان تاربيەسى امالياتتىق قيمىلىن ىشكەرىلەي ورىستەتۋگە، ودان قازىر قالىڭ پارتيالى كادرلار جوعارى ساپالى دامۋدى ىلگەرىلەتۋ، نەگىزگى ساتىنى باسقارۋدى كۇشەيتۋ، شۇعىل، قيىن، قاتەرلى، اۋىر مىندەتتەردى ورىنداۋ بارىسىندا جاۋاپكەرشىلىك ارقالاپ ىسكەرلىك كورسەتۋگە، بۇقاراعا قىزمەت وتەۋگە دەيىن تاريح پەن شىندىق بۇقارالىق لۋشيان باستان ـ اياق پارتيانىڭ جالىندى ومىرشەڭ كۇشىن جانە جاۋىنگەرلىك كۇشىن ماڭگى ساقتاۋدىڭ ماڭىزدى اسىل مۇراسى ەكەندىگىن تولىق دالەلدەدى.

  سۋ قايىقتى كوتەرە دە الادى، سونداي ـ اق اۋدارا دا الادى. پارتيانىڭ ەڭ ۇلكەن ساياسي ابزالدىلىعى — بۇقارامەن تىعىز بايلانىستا بولۋ، پارتيا بيلىك جۇرگىزگەننەن كەيىنگى ەڭ ۇلكەن حاۋىپ — بۇقارادان الشاقتاۋ. ٴبىر مەزگىل ۋاقىتتان بەرى، ٴىشىنارا پارتيا مۇشەلەرى مەن كادرلار بۇقارادان الىستاپ، بۇقارادان قول ٴۇزىپ، بۇقاراعا سۇيىسپەنشىلىگى سولعىندادى، حالىقتىڭ حال ـ جايىن بىلە بەرمەدى، حالىق رايىن ەلەپ ـ ەسكەرمەدى، ماسەلەنى ٴبىر ـ بىرىنە يتەرىپ ايتىسىپ كەلدى. ۇزاق ۋاقىت وسىلاي بولسا بۇقارامەن تىلدەسە الماي، بۇقارامەن ٴبىر ورىندا بىرگە وتىرا الماي، بۇقارالىق كوزقاراستى تاستاسا، بۇقارالىق تۇرعىسى دۇرىس بولماسا، بۇقارالىق لۋشياننان اۋىتقيتىن بولسا، بۇل بۇقارانىڭ كوڭىلىن سۋىتىپ قانا قويماي، ٴتىپتى، پارتيانىڭ بەدەلى مەن وبرازىنا زيان جەتكىزىپ، پارتيانىڭ بيلىك جۇرگىزۋ نەگىزىن شىرىتەدى.

  جۇرت جۇرەگىنە يە بولعاندار ەل بيلەيدى. ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋدىڭ جانە ستيل قۇرىلىسىن كۇشەيتۋدىڭ ٴتۇرلى تالاپتارىن كوكەيدە ۇيالاتىپ، ٴىس ـ ارەكەتتە ايگىلەپ، پارتيالى كادرلاردان، ٴسوز جوق، پارتيانىڭ حالىق بۇقاراسىمەن ەتەنە بايلانىسىن ساقتاۋ سىندى وسى تەتىكتەن جازباي، شەشىم جاساۋ، قىزمەتتى يگەرۋ، تياناقتاندىرۋدى جەبەۋ سياقتى ٴارقايسى بۋىنداردا تۇگەلدەي پارتيانىڭ بۇقارالىق لۋشيانىن دايەكتىلەندىرىپ، بۇقاراعا تولىق سۇيىسپەنشىلىكتە بولىپ، بۇقارامەن زەينەت پەن بەينەتتى بىرگە وتكەرۋدى تالاپ ەتۋ كەرەك.

  بۇقارالىق لۋشيانمەن ويداعىداي جۇرۋدە بۇقارانىڭ ويلاعانىن ويلاپ، بۇقارانىڭ اسىققانىنا اسىعۋ كەرەك. پارتيالى كادرلار حالىق قىزمەتكەرى تانىمىن بەرىك ورناتىپ، حالىق رايىنا قۇلاق اسىپ، حالىقتى ۋايىمنان ارىلتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن كوپتەپ شەشىپ، بۇقارانىڭ ٴتۇبىرلى مۇددەسىن قورعاۋى كەرەك. بۇقارادان كىشى پەيىلدىكپەن ۇيرەنىپ، حالىقتىڭ اقىل ـ پاراساتىن شوعىرلاندىرىپ، جۇرت تىلەگىن ۇيىستىرىپ، بۇقارانىڭ پىكىر ـ ۇسىنىسىن جوعارى ساپالى دامۋدى ىلگەرىلەتۋدەگى سارقىلماس قوزعاۋشى كۇشكە اينالدىرۋ كەرەك.

  بۇقارالىق لۋشيانمەن ويداعىداي جۇرۋدە يدەياداعى ەسكى كىناراتتاردى الاستاپ، ناقتى ىستەۋ ستيلىن بارىنشا ساۋلەلەندىرۋ كەرەك. پارتيالى كادرلار باستان ـ اياق حالىق بۇقاراسىمەن تىنىستاس، تاعدىرلاس، جۇرەكتەس بولىپ، بۇقارانىڭ اڭىسى كۇشتى ماسەلەلەردىڭ بارلىعىنا قاتاڭ، مۇقيات مامىلە جاساپ، بۇقارانىڭ مۇددەسىنە زيان سالاتىن ارەكەت اتاۋلىنى باتىل تۇزەتىپ، ستيل قۇرىلىسىنىڭ تىڭ ونىمدىلىگى ارقىلى رەفورمانى، دامۋدى ىلگەرىلەتۋدىڭ وڭ ەنەرگياسىن ۇيىستىرۋى كەرەك.

  (شينحۋا اگەنتتىگىنىڭ 4 ـ ايدىڭ 9 ـ كۇنى بەيجيڭنەن بەرگەن حابارى)

جاۋاپتى رەداكتور : 热依扎·海米提

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.