4 - ايدىڭ 11 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ دياۋيۇيتاي مەملەكەتتىك قوناق ۇيىندە جۇڭگوعا ساپارلاي كەلگەن يسپانيا باس ءۋازىرى سانچەسپەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
شينحۋا اگەنتتىگىنىڭ 4 ـ ايدىڭ 11 ـ كۇنى بەيجيڭنەن بەرگەن حابارى (ٴتىلشى شاۋ يبو). 4 ـ ايدىڭ 11 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ دياۋيۇيتاي مەملەكەتتىك قوناق ۇيىندە جۇڭگوعا ساپارلاي كەلگەن يسپانيا باس ٴۋازىرى سانچەسپەن كەزدەستى.
شي جينپيڭ بىلاي دەپ اتاپ كورسەتتى: بۇگىنگى تاڭدا دۇنيە ٴجۇزىنىڭ 100 جىلدىق وزگەرىسى جەدەل قۇبىلۋدا، قات ـ قابات حاۋىپ ـ قاتەرلەر مەن سىن ـ سايىستار قاباتتاستى، ٴار ەل ىنتىماقتاسا ىستەستىك جاساعاندا عانا دۇنيە ٴجۇزىنىڭ بەيبىتشىلىگى مەن ورنىقتىلىعىن قورعاپ، دۇنيە ٴجۇزىنىڭ دامۋىن، گۇلدەنۋىن جەبەي الادى. حالىقارالىق جاعدايدا وزگەرىس پەن بىلىقپالىق قاباتتاسقان سايىن، جۇڭگو — يسپانيا قارىم ـ قاتىناسىنىڭ تاماشا، ورنىقتى دامۋىنىڭ ماڭىزدىلىعى سولعۇرلىم كورنەكتىلەنە تۇسەدى. بيىل جۇڭگو مەن يسپانيانىڭ جالپى بەتتىك ستراتەگيالىق سەرىكتەستىك قارىم ـ قاتىناس ورناتقاندىعىنىڭ 20 جىلدىعى، جۇڭگو جاق يسپانيامەن اناعۇرلىم ستراتەگيالىق تاباندىلىققا يە، اناعۇرلىم دامۋ ومىرشەڭدىگىنە باي جالپى بەتتىك ستراتەگيالىق سەرىكتەستىك قارىم ـ قاتىناس ورناتىپ، ەكى ەل حالقىنىڭ قۇت ـ ىرىسىن مولايتىپ، جۇڭگو — ەۆروپا وداعى قارىم ـ قاتىناسىنا قوزعاۋشى كۇش ۇستەۋدى ٴارى دۇنيە ٴجۇزىنىڭ بەيبىتشىلىگىن، ورنىقتىلىعىن، دامۋىن جەبەۋگە اناعۇرلىم زور ۇلەس قوسۋدى قالايدى.
شي جينپيڭ بىلاي دەپ باسا دارىپتەدى: توڭىرەككە قاراعان ٴجون، كوز جىبەرىپ كەڭ ـ جىراق. جۇڭگو مەن يسپانيانىڭ دوستىعى — ەكى ەل حالقىنىڭ ٴداستۇرلى دوستىق، رەال قاجەت، ۇزاق بولاشاقتىق مۇددە نەگىزىندە جاساعان دۇرىس تالعامى. ەكى جاق ٴوزارا قولداۋدىڭ ساياسي نەگىزىن ۇزدىكسىز بەكەمدەپ، ٴبىر ـ بىرىنە سەنىم ارتىپ، ٴوزارا قۇرمەت ەتىپ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴبىرىن ـ ٴبىرى قولداۋى، اسىرەسە، ٴبىر ـ ٴبىرىنىڭ يەلىك ۇقىعى مەن تەرريتوريا تۇتاستىعىن قورعاۋىن قولداۋى كەرەك. جۇڭگونىڭ ٴبىر ميلليارد 400 ميلليوننان استام جان سانىنىڭ تۇتىنۋ دارەجەسىن جوعارىلاتۋ قاجەتى جانە كاسىپ سالاسىنىڭ تيبىن جاڭالاۋ كومەسكى كۇشى دۇنيە ٴجۇزى ەكونوميكاسىن پارمەندى قوزعاۋشى كۇشپەن قامدايدى. جۇڭگو جاق يسپانيامەن ٴوزارا پايدا جەتكىزىپ، ٴبىرىن ـ ٴبىرى تولىقتايتىن سەلبەستىك باسىمدىعىنان ويداعىداي پايدالانىپ، ەكونوميكا ـ ساۋدا، عىلىم ـ تەحنولوگيا سەلبەستىك مەحانيزمىنىڭ رولىن ويداعىداي ساۋلەلەندىرىپ، جاڭا ەنەرگيا، جوعارى تەحنولوگيالى جاساۋ كاسىبى، زەردەلى قالا سياقتى سالالارداعى سەلبەستىك كومەسكى كۇشىن ىشكەرىلەي اشىپ، ٴوزارا پايدا جەتكىزەتىن سەلبەستىك جەتىستىكتەرىن اناعۇرلىم كوپ قالىپتاستىرۋدى قالايدى. ٴوزارا ٴتۇسىنىسۋ، ٴوزارا ەتەنە بولۋ سىندى دوستىق ٴداستۇردى جالعاستىرىپ، ەكى ەل حالقىنىڭ تەرەڭ ”وليمپيادا سۇيىسپەنشىلىگىن“، ”مىسىق ايۋ سۇيىسپەنشىلىگىن“ ويداعىداي جالعاستىرىپ، ”كوڭىلدى كوكتەم مەرەكەسى“ سياقتى جاڭا ”التىن ماڭدايشالىقتى“ قالىپتاستىرىپ، ٴوزارا وقۋشى جىبەرۋ كولەمىن كەڭەيتىپ، ٴتىپتى دە كوپ جاستاردى جۇڭگو — يسپانيا دوستىعىنىڭ جالىندى كۇشىنە اينالدىرۋ كەرەك. جۇڭگو مەن يسپانيا ەكەۋى دە كوپ جاقتىلىقتى جانە ەسىك اشۋدى، سەلبەسۋدى قولدايتىن بەلسەندى كۇش، ەكى جاق ٴادىل، ۇيلەسىمدى الەمدىك باسقارۋ جۇيەسىن ورناتۋدى ىلگەرىلەتىپ، دۇنيە ٴجۇزىنىڭ بەيبىتشىلىگى مەن حاۋىپسىزدىگىن قورعاپ، بىرگە دامۋدى، گۇلدەنۋدى جەبەۋى كەرەك.
شي جينپيڭ بىلاي دەپ اتاپ كورسەتتى: جۇڭگو ەۆروپا وداعىن كوپ ۇيەكتى دۇنيە ٴجۇزىنىڭ ماڭىزدى ٴبىر ۇيەگى دەپ قاراپ كەلەدى، ەۆروپا وداعىنىڭ ىنتىماعىن، دامۋىن، زورايۋىن ايقىن قولدايتىن نەگىزگى ٴىرى ەل. قازىرگى جاعدايدا جۇڭگو مەن ەۆروپا وداعىنىڭ بەيبىتشىلىك، ارتۋ، رەفورما، وركەنيەت سىندى 4 ۇلكەن سەرىكتەستىك قارىم ـ قاتىناسىن بىرگە ورناتۋ ماڭىزدى رەال مانگە يە. جۇڭگو مەن ەۆروپا وداعى سەرىكتەستىك ورنىنا، ەسىك اشۋ سەلبەستىگىنە تاباندى بولۋى كەرەك. جۇڭگو جاق ەۆروپا وداعى جاقپەن بىرگە ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن بىرگە قۇتتىقتاپ، جۇڭگو — ەۆروپا وداعى قارىم ـ قاتىناسىنىڭ الدىڭعىلاردىڭ ٴىزىن باسىپ بولاشاققا جول اشۋىن ىلگەرىلەتىپ، ستراتەگيالىق ورنىقتىلىق پەن ٴبىرىن ـ ٴبىرى تابىسقا جەتكىزۋ بەتالىسىنا قاراي دامىپ، جۇڭگو مەن ەۆروپا وداعى حالقىن جانە حالىقارالىق قوعامدى اناعۇرلىم ويداعىداي باقىتقا كەنەلتۋدى قالايدى.
شي جينپيڭ بىلاي دەپ باسا دارىپتەدى: كەدەن باجىسى شايقاسىندا جەڭىمپاز بولمايدى، دۇنيە جۇزىمەن قارسىلاسۋ ٴوزىن وقشاۋ قالدىرادى. 70 نەشە جىلدان بەرى جۇڭگونىڭ دامۋى باستان ـ اياق ٴوز كۇشىنە سۇيەنىپ ٴومىر سۇرۋدەن، قاجىرلىلىقپەن كۇرەس جۇرگىزۋدەن كەلگەن، ەشكىمنىڭ مۇسىركەۋىنە سۇيەنبەيدى، ٴارقانداي جولسىز قىسپاققا الۋدان ٴتىپتى دە تايسالمايدى. سىرتقى ورتادا مەيلى قانداي وزگەرىستەر تۋىلسا دا، جۇڭگو سەنىمدى بەكەمدەپ، تاباندىلىقتى ساقتاپ، زەيىن ـ زەردەنى شوعىرلاندىرا وتىرىپ ٴوز ٴىسىن ويداعىداي ىستەيدى. جۇڭگو مەن ەۆروپا وداعى دۇنيە جۇزىندەگى نەگىزگى ەكونوميكالىق تۇلعالار، ەكەۋى دە ەكونوميكانىڭ جاھاندانۋى مەن ەركىن ساۋدانىڭ باتىل قولداۋشىلارى، ەكى جاقتىڭ ەكونوميكالىق جالپى مولشەرى دۇنيە ٴجۇزى ەكونوميكاسى جالپى مولشەرىنىڭ ۇشتەن بىرىنەن اسىپ، ەكونوميكادا بىرگە ٴومىر ٴسۇرۋ تىعىز قارىم ـ قاتىناسىن قالىپتاستىردى. جۇڭگو مەن ەۆروپا وداعى حالىقارالىق جاۋاپكەرشىلىكتى اتقارىپ، ەكونوميكانىڭ جاھاندانۋ اعىمى مەن حالىقارالىق ساۋدا ورتاسىن بىرگە قورعاپ، سىڭار جاقتى زورەكەرلىك ارەكەتتەرگە بىرگە قارسى تۇرىپ، ٴوزىنىڭ ورىندى ۇقىق ـ مۇددەسىن قورعاۋمەن بىرگە، حالىقارالىق ادىلدىك پەن ادىلەتتىلىكتى دە قورعاپ، حالىقارالىق ەرەجە مەن ٴتارتىپتى قورعاۋى كەرەك.
سانچەس مىنالاردى ٴبىلدىردى: يسپانيا مەن جۇڭگو جالپى بەتتىك ستراتەگيالىق سەرىكتەستىك قارىم ـ قاتىناس ورناتقان 20 جىلدان بەرى باستان ـ اياق ٴوزارا قۇرمەت ەتىپ، دوستىق سەلبەستىك جاساپ، ەكى ەل قارىم ـ قاتىناسى ۇزدىكسىز تەرەڭدەپ دامىدى. ٴتوراعا شي جينپيڭنىڭ باسشىلىعىندا، جۇڭگو ەلەۋلى دامۋ تابىستارىنا قول جەتكىزىپ، دۇنيە ٴجۇزىنىڭ گۇلدەنۋى مەن ورنىقتىلىعىنا كەلەلى ۇلەس قوستى. يسپانيا جۇڭگومەن قارىم ـ قاتىناسىنا ٴمان بەرەدى، ٴبىر جۇڭگو ساياساتىن تاباندىلىقپەن اتقارادى، جۇڭگو جاقپەن جوعارى جىكتەگىلەردىڭ بارىس ـ كەلىسىن ساقتاپ، ساۋدا، قارجى قوسۋ، عىلىم ـ تەحنولوگيادا جاڭالىق اشۋ، جاسىل ەنەرگيا سياقتى سالالارداعى ٴوزارا پايدا جەتكىزۋ سەلبەستىگىن تەرەڭدەتىپ، وقۋ ـ اعارتۋ، مادەنيەت، ساياحات سالالارىنداعى اۋىس ـ كۇيىستى كۇشەيتىپ، ەكى ەل قارىم ـ قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. جۇڭگو ەۆروپا وداعىنىڭ ماڭىزدى سەلبەستىك سەرىگى، يسپانيا ەۆروپا وداعى — جۇڭگو قارىم ـ قاتىناسىنىڭ ورنىقتى دامۋىن باستان ـ اياق قولدايدى. ەۆروپا وداعى جاق اشىق، ەركىن ساۋداعا تاباندى بولىپ، كوپ جاقتىلىقتى قورعاۋعا كۇش سالىپ، سىڭار جاقتى كەدەن باجىسىن ۇستەمەلەپ الۋعا قارسى تۇرادى. ساۋدا شايقاسىندا جەڭىمپاز بولمايدى. كۇردەلى دە قاتاڭ حالىقارالىق جاعداي الدىندا يسپانيا مەن ەۆروپا وداعى جۇڭگو جاقپەن بايلانىستى، ىستەستىكتى كۇشەيتىپ، حالىقارالىق ساۋدا ٴتارتىبىن قورعاپ، كليمات وزگەرىسى، كەدەيلىك سياقتى سىن ـ سايىستارعا قول ۇستاسا توتەپ بەرىپ، حالىقارالىق قوعامنىڭ ورتاق مۇددەسىن قورعاۋدى قالايدى.
ەكى جاق تاعى ۋكراينا داعدارىسى سياقتى ماسەلەلەر جونىندە پىكىر اۋىستىردى.
ۋاڭ ي كەزدەسۋگە قاتىناستى.
