4 - ايدىڭ 11 - كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق ورمان شارۋاشىلىعى جانە جايلىم مەكەمەسىنە بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي شينجياڭنىڭ ورمان، جايلىم، سازدىق، ءشول دالا سياقتى ەكولوگيالىق جۇيەلەرىنىڭ نەگىزگى جاعدايى، قورعاۋ، قالپىنا كەلتىرۋ جەتىستىكتەرى سياقتىلاردى ەگجەي - تەگجەيلى ۇعىسىپ، قاتىستى جاۋاپتى جولداستارمەن ەگجەي - تەگجەيلى پىكىر اۋىستىرۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 11 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 ـ ايدىڭ 11 ـ كۇنى اۆتونوميالى رايوندىق ورمان شارۋاشىلىعى جانە جايلىم مەكەمەسىنە كەلىپ، شينجياڭنىڭ مەملەكەت جەرىن جاسىلداندىرۋ، ەكولوگيانى قورعاۋ، قالپىنا كەلتىرۋ، تاكلاماكان ٴشول جيەگىن تورلاۋ جەتىستىكتەرىن بەكەمدەۋ، كەڭەيتۋ سياقتى ٴتۇيىندى قىزمەتتەر جونىندە ىشكەرىلەي تەكسەرۋ ـ زەرتتەۋ جۇرگىزدى.
ما شيڭرۇي قىزمەت تانىستىرۋىن مۇقيات تىڭداپ، شينجياڭنىڭ ورمان، جايلىم، سازدىق، ٴشول دالا سياقتى ەكولوگيالىق جۇيەلەرىنىڭ نەگىزگى جاعدايى، قورعاۋ، قالپىنا كەلتىرۋ جەتىستىكتەرى سياقتىلاردى ەگجەي ـ تەگجەيلى ۇعىسىپ، قاتىستى جاۋاپتى جولداستارمەن ەگجەي ـ تەگجەيلى پىكىر اۋىستىردى. ول بىلاي دەپ باسا دارىپتەدى: شي جينپيڭ ەكولوگيالىق وركەنيەت يدەياسىن جانە باس شۋجي شي جينپيڭنىڭ استانادا مىندەتتى اعاش ەگۋ قيمىلىنا قاتىناسقانداعى ماڭىزدى ٴسوزىنىڭ رۋحىن ىشكەرىلەي ۇيرەنىپ، ٴتۇسىنىپ، تۇنىق سۋ، جاسىل تاۋ _ باعالى بايلىق ۇستانىمىن بەرىك ورناتىپ، ورمان باستىعى ٴتۇزىمىن جاپپاي تياناقتاندىرىپ، ورمان، جايلىم، سازدىق، ٴشول دالا ەكولوگياسىن قورعاۋدى، قالپىنا كەلتىرۋدى ٴبىر تۇتاس جوسپارلاپ، قۇمدى تىزگىندەۋدە، سۋدى تىزگىندەۋدە، تاۋدى تىزگىندەۋدە بارلىق فاكتوردى سايكەستىرۋدى جانە باسقارۋدى كۇشەيتىپ، شينجياڭ ورمانىنىڭ، جايلىمىنىڭ جوعارى ساپالى دامۋىن تىڭعىلىقتى ىلگەرىلەتىپ، كورىكتى شينجياڭنىڭ جاسىل نەگىزگى ٴتۇسىن ونان ارى جارقىراتۋ كەرەك. ما شيڭرۇي تاعى ورمان بايلىعىن باسقارۋ باسقارماسىنا، جاراتىلىستىق قورىق باسقارۋ باسقارماسىنا كەلىپ، ٴتۇرلى قىزمەتتەردىڭ ىلگەرىلەتىلۋ احۋالىن ۇعىسىپ، بىلاي دەپ باسا دارىپتەدى: مەملەكەت باقشاسى قۇرىلىسى قىزمەتىن عىلمي، ناقتى ىلگەرىلەتىپ، مەملەكەت باقشاسىنىڭ تابيعي ەكولوگيا جۇيەسىن، ورگانيزمدەردىڭ الۋان تۇرلىلىگىن، باعالى تابيعي مۇرالاردى قورعاۋ جاعىنداعى رولىن شىن مانىندە ساۋلەلەندىرۋ كەرەك.
تەكسەرۋ ـ زەرتتەۋ بارىسىندا ما شيڭرۇي شينجياڭنىڭ ”ٴۇش تەرىستىك“ ينجەنەرياسىن ىلگەرىلەتۋ اياق الىسىن جانە ٴادىس جەتىستىگىن ەگجەي ـ تەگجەيلى ۇعىستى. ول بىلاي دەپ باسا دارىپتەدى: تاكلاماكان ٴشول جيەگىن تورلاۋ جەتىستىگىن بەكەمدەۋدى، كەڭەيتۋدى بيىلعى قىزمەتتىڭ ەڭ ماڭىزدى ٴتۇيىنى ەتىپ، ۇقىپتىلىقپەن زەرتتەپ، جوسپارلاپ، قۇنتتىلىقپەن ۇيىمداستىرىپ اتقارىپ، جيەكتى كەڭەيتۋ نىسانا ـ مىندەتىن زەيىندى شوعىرلاندىرا ورىنداپ، تاكلاماكان ٴشولىنىڭ ”جاسىل ٴشارپىسىن“ ٴتىپتى دە قالىڭداتۋ كەرەك. جوبا ـ جوسپاردى جوعارى ساپامەن ويداعىداي ىستەۋ، ٴارى جۇيەلى جوبالاپ، تۇتاس جوبانى تىڭعىلىقتى ويداعىداي جاساپ، اتقارىلۋىنا، تياناقتانۋىنا شىنايى كەپىلدىك ەتۋ؛ ٴارى مۇقياتتىلىقپەن جان ـ جاقتى ىستەپ، ٴار جاقتىڭ تىعىز سەلبەسۋىن، ٴار بۋىننىڭ ٴساتتى ۇلاسۋىن جەبەپ، قىزمەتتى شىنايى، ەگجەي ـ تەگجەيلى، ناقتى تياناقتاندىرۋ كەرەك. نازاردى ٴتۇيىندى وڭىرلەرگە شوعىرلاندىرا وتىرىپ بار كۇشپەن ىلگەرىلەتىپ، وڭتۇستىك شينجياڭداعى ايماق، وبلىستار مەن قاتىستى اۋدان، قالالاردىڭ بەلسەندىلىگىن تولىق جۇمىلدىرىپ، ٴار جاقتاعى بايلىق كۇشتەرىن ٴبىر تۇتاس جوسپارلاپ، جاسىلداندىرىپ جيەكتى كەڭەيتۋدى نەگىزگى مازمۇن ەتىپ، قۇمعا ۇيلەسەتىن داقىلداردى عىلمي تۇراقتاندىرىپ، جەر استى سۋ بايلىعىنان ٴونىمدى پايدالانىپ، تورلاناتىن جاسىل قالتقى بەلدەۋىنىڭ كەڭدىگىن ورنىقتى كەڭەيتۋ كەرەك. باياندى دامۋعا ونان ارى ٴمان بەرىپ، اياق الىستى يگەرۋ مەن ساپاعا كەپىلدىك ەتۋدى ٴبىر تۇتاس ويداعىداي جوسپارلاپ، تۇتاس بارىستىق نىساندى ىلگەرىلەتۋ مەحانيزمىن ورناتىپ، كەمەلدەندىرىپ، مەردىگەرلىككە شاقىرۋدى، مەردىگەرلىككە قاتىناسۋدى باقىلاپ ـ باسقارۋدى كۇشەيتىپ، جاسىلدى كەڭەيتۋدىڭ پارمەندى، جاسىلداندىرۋ ٴتاسىلىنىڭ جاقسى، جاسىلدى قورعاۋدىڭ ٴونىمدى بولۋىنا شىنايى كەپىلدىك ەتىپ، ەڭبەگى بۇگىنگە، يگىلىگى ەرتەڭگە ٴتان جاسىل ينجەنەريانى، ساپالى ينجەنەريانى، حالىق تۇرمىسى ينجەنەرياسىن قۇلشىنا قۇرۋ كەرەك.
ما شيڭرۇي ورمان، جايلىم تاراۋلارىنداعى ٴار دارەجەلى كادرلاردان يدەيانى ونان ارى ازات ەتىپ، جاۋاپكەرشىلىك ارقالاپ ناقتى ىستەپ، ناقتى ورىنعا ىشكەرىلەي بارىپ تەكسەرۋ ـ زەرتتەۋ جۇرگىزىپ، كوڭىلدە سان، قولدا ٴادىس بولۋدى جۇزەگە اسىرىپ، قىزمەت قابىلەتىن، دەڭگەيىن ۇزدىكسىز جوعارىلاتىپ، ٴتۇرلى ٴتۇيىندى مىندەتتىڭ ناقتى ونىمدىلىككە قول جەتكىزۋىن ىلگەرىلەتۋدى تالاپ ەتتى.
مۇقيات جارمۇقامەت تەكسەرۋ ـ زەرتتەۋگە قاتىناستى.
