جالعان ىستەۋدەن كۇش سالا ساقتانۋ، ناقتى ونىمدىلىككە ۇمتىلۋ كەرەك
شينحۋا اگەنتتىگىنىڭ تىلشىلەرى جوۋ يۋان، ۋاڭ ياحۇڭ
ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدە ٴار دارەجەلى پارتيا مۇشەلەرى، كادرلار، ٴسوز جوق، جالعان ىستەن كۇش سالا ساقتانىپ، ناقتى ونىمدىلىككە ۇمتىلىپ، ٴىس جۇزىندىك جاعدايدى نەگىزگە الۋعا تاباندى بولىپ، ”فورماعا“ عانا ٴمان بەرىپ، ”ونىمدىلىككە“ ٴمان بەرمەۋدەن ساقتانىپ، ستيل قۇرىلىسىن تىڭعىلىقتى ىستەۋى، تياناقتى ىستەۋى كەرەك.
قازىر كەيبىر جەرلەر مەن تاراۋلاردا جالعاندىققا بوي ۇرىپ، ناقتى ىستەمەۋ احۋالدارى ٴالى دە ٴومىر سۇرۋدە. كەيبىرەۋى ٴماجىلىس ارقىلى ٴماجىلىستى تياناقتاندىرىپ، حۇجات ارقىلى حۇجاتتى تياناقتاندىرىپ، دابىرا قىلۋعا، ٴوزىن كورسەتۋگە پەيىلدەنە كىرىسەدى؛ كەيبىرەۋى نەگىزگى ساتىعا ٴتۇسىپ ”ويىن قويۋ تۇرىندە“، ”كورىنىس تۇرىندە“ تەكسەرۋ ـ زەرتتەۋ جۇرگىزەدى؛ كەيبىرەۋى مەديالار الدىندا ٴبارىن قيسىندى سويلەپ، مالىمەتتە ەمەۋرىن بىلدىرگەندە كەسەتىپ ايتقانىمەن، تياناقتاندىرعاندا ”باسى تاۋداي، اياعى قىلداي بولادى“... مۇنداي كوز بوياۋشىلىق ىستەۋ، سىرعاقتاۋ ارەكەتتەرىنە مەڭزەس، ٴسوز جوق، ناقتى بولۋ تالابىن ۇيرەنۋ تاربيەسىنىڭ جالپى بارىسىنا ٴسىڭىرىپ، پارتيا مۇشەلەرىن، كادرلاردى نازاريالىق ۇيرەنۋ مەن تەكسەرۋ ـ زەرتتەۋدى شىنايى ويداعىداي يگەرىپ، كورنەكتى ماسەلەلەردى شىنايى قاداعالاپ، رەتتەپ ـ تۇزەتىپ، حالىققا ٴتيىمدى، حالىققا پايدالى ناقتى ىستەردى شىنايى ويداعىداي ىستەپ، ناقتى ىستەۋ ارقىلى دامۋدى ىلگەرىلەتۋگە، حالىقتىڭ سەنىمىنە يە بولۋعا تاربيەلەۋ، جەتەكتەۋ كەرەك.
”جالعان ىستەۋدەن“ تيىلۋدا، نىسانانى ٴدال تاۋىپ، ناقتى ونىمدىلىككە ۇمتىلۋ كەرەك. ستيل ماسەلەسىنىڭ بەينەسى الۋان ٴتۇرلى، قالىپتاسۋ سەبەبى كۇردەلى بولادى، فورماشىلدىق، تورەشىلدىك، راحاتقۇمارلىق جانە ىسىراپشىلدىق — ستيل ماسەلەسىنىڭ شوعىرلى بەينەسى، قاي ماسەلە كورنەكتى بولسا، سول ماسەلەنى كۇش سالا شەشۋ، قاي ماسەلە شۇعىل بولسا، سول ماسەلەنى جەدەل شەشۋ كەرەك. فوكۋس ارالىعىن تۋرالاپ، ۇياشىقتى ٴدال تاۋىپ، تالماۋ جەرىن يگەرىپ، قىزمەتتىڭ ناقتى بولماۋى ماسەلەسىن كۇش سالا شەشۋ، حالىق بۇقاراسىنىڭ مۇددەسى جاعىنداعى قورعاماۋ، ىسكەرلىك كورسەتپەۋ ماسەلەسىن كۇش سالا شەشۋ، ٴساتى كەلسە سايران قۇرۋ يدەياسىن جانە ەرەكشە ۇقىق جايتتەرىن كۇش سالا جەڭۋ، توگىپ ـ شاشىپ راحاتقا بەرىلۋ جانە وركوكىرەكتىك، اسەمقويلىق، ارسىزدىق، داراقىلىق سىندى ناشار سالتتى كۇش سالا تيۋ كەرەك.
”جالعان ابىرويدان“ تيىلۋدا، ٴىس جۇزىندىككە ىشكەرىلەي ارالاسىپ، تەكسەرۋ ـ زەرتتەۋدى اناعۇرلىم ناقتى ىستەۋ كەرەك. تەكسەرۋ ـ زەرتتەۋ — جۇمىس ىستەۋ نەگىزى، ٴىس تىندىرۋ جولى، حالىقتى ۇستاز تۇتىپ، حالىقتان ۇيرەنىپ، تاكاپپارلىقتى تاستاپ، كىشى پەيىلدىك كورسەتىپ، بۇقارامەن جاناسىپ، تومەندەگى حالىقتىڭ جاعدايىن ٴبىلۋ كەرەك. ٴارى قىزمەت جاعدايى جاقسى جانە وزىق جەرلەرگە بارىپ تاجىريبە قورىتىندىلاۋ، ٴارى بۇقارانىڭ پىكىرى كوپ، قىزمەتتىڭ ىستەلۋى ناشار جەرلەرگە بارىپ، قيىنشىلىعى ٴبىرشاما كوپ، احۋالى كۇردەلى، قايشىلىعى شيەلەنىستى جەرلەرگە بارىپ تەكسەرۋ ـ زەرتتەۋ جۇرگىزىپ، ناقتى جاعدايدى تەكسەرۋگە، ناقتى امال شىعارۋعا، ناقتى ٴىس ىستەۋگە، ناقتى ونىمدىلىككە ۇمتىلۋعا كۇش جۇمساۋ كەرەك.
”جالعان ارەكەتتەن“ تيىلۋدا، ماسەلەنى باعدار ەتۋدىڭ، نىسانانى باعدار ەتۋدىڭ، ناتيجەنى باعدار ەتۋدىڭ بىرلىگىنە تاباندى بولۋ كەرەك. ٴبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى، بار پەيىلمەن شىنايى ەڭبەك ەتىپ، بار قايراتپەن ناقتى ونىمدىلىككە ۇمتىلعاندا عانا قىزمەتتى، شىنىمەن، ناقتاپ تياناقتاندىرۋعا بولادى. قىزمەتتە ”كوپىرمەلىكتى“ دوعارىپ، ”قۇرعاق ۋادەنى“ قويىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز ـ قالپىندا دايەكتىلەندىرىپ، تياناقتاندىرىپ، بەلسەندى دە ىرىقتى تۇردە تياناقتاندىرۋدى يگەرىپ، كوپتىڭ كۇشىن توپتاي وتىرىپ تياناقتاندىرۋدى يگەرىپ، شەگە قاعۋ رۋحىمەن تياناقتاندىرۋدى يگەرىپ، نازاردى ٴىس جۇزىندىك ماسەلەلەرگە شوعىرلاندىرا تياناقتاندىرۋدى يگەرىپ، تياناقتاندىرۋدى يگەرۋ جاعىندا ناقتى ونىمدىلىككە قول جەتكىزۋ كەرەك.
قىزمەتتىڭ ونىمدىلىگى قانداي بولعاندىعى جونىندە حالىق بۇقاراسىنىڭ ەڭ سويلەۋ ۇقىعى بار. قالىڭ پارتيا مۇشەلەرى، كادرلار ٴارقاشان وزىنە ٴۇڭىلىپ، جالعاندىقتان ساقتانىپ، ناقتى ونىمدىلىككە ۇمتىلۋعا قۇلشىنىپ، ۇيرەنۋ تاربيەسىنىڭ كوكەيگە ۇيالاپ ساناعا ٴسىڭۋىن، ستيل قۇرىلىسىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، حالىق بۇقاراسىنا رازى بولاتىنداي جاۋاپناما تاپسىرۋى كەرەك.
(شينحۋا اگەنتتىگىنىڭ 4 ـ ايدىڭ 11 ـ كۇنى بەيجيڭنەن بەرگەن حابارى)
