كوكتەمگى تەمپەراتۋرانىڭ بىرتىندەپ ورلەۋىنە بايلانىستى، كوكتەمگى ەگىس دايىندىعى قىزمەتى شەشۋشى كەزەڭگە ٴوتتى. 4 - ايدىڭ 6 - كۇنى شاعانتوعاي اۋدانى قارابۋرا اۋىلى قوسقاباق قىستاعىندا قىستاق ”ەكى كوميتەتى“ قىزمەت اترەتىمەن بىرگە دەرەۋ ٴۇن قوسىپ، جوعارى ٴونىمدى ارەكەتتەنۋ قۋاتىن ايگىلەدى. ولار بەلسەنە كۇش ۇيىمداستىرىپ، كۇرەۋ ماشيناسىن ورنالاستىرىپ، حوتاناشى تاس جولىنداعى قاردى ٴساتتى تازالاپ، جەرگىلىكتى ورىننىڭ ٴوندىرىسى مەن تۇرمىسىنا بارىنشا قولايلىلىق جاراتتى.
ٴتىلشى جۇمىس ۇستىندە قالىڭ قاردىڭ بەينە ”كەدەرگى تاس“ سياقتى قىستاق تۇرعىندارىنىڭ كوكتەمگى ەگىس زاتتىق ماتەريالدارىن الۋىنا اۋىر كەدەرگىلىك جاساعاندىعىن كوردى. قوسقاباق قىستاعىنىڭ ”ەكى كوميتەتى“ مەن قىزمەت اترەتى وسى جاعدايدان حابار تاپقاننان كەيىن، دەرەۋ شەشىم جاساپ، كۇرەۋ ماشيناسىن شۇعىل ورنالاستىردى ٴارى قىزمەتكەرلەردى دەرەۋ جيناپ، قار جاۋعان جول بولەكتەرىنە تىزگىن ۇشىمەن بارىپ جۇمىس جۇرگىزدى. كۇرەۋ ماشيناسىنىڭ موتورى گۇرىلدەپ، الىپ كۇرەۋىش قاردى ارت - ارتىنان جول شەتىنە جەتكىزدى، قىزمەتكەرلەر ٴبىر شەتتە تىعىز سايكەسىپ، قالدىق قاردى مۇقيات تازالاپ، جول بەتىنىڭ تەگىستەلۋىنە بار كۇشپەن كەپىلدىك ەتتى. نەشە ساعات قاجىماي - تالماي كۇرەس جۇرگىزۋ ارقىلى بۇرىن قاسات قارمەن بىتەلگەن تاس جول اقىرى قايتادان ىركىلىسسىزدەندى.
وسى رەتكى قيمىلدا قوسقاباق قىستاعىنداعى 50 نەشە وتباسىنىڭ كوكتەمگى ەگىس زاتتىق ماتەريالدارىن تاسىمالداۋ قيىن بولۋ ماسەلەسى ٴتۇيىندى تۇردە شەشىلدى، قامتىعان ەگىستىك جەر كولەمى 5800 مۋ بولدى. سونىمەن بىرگە، جول بويىنداعى 20 نەشە مالشى وتباسىنىڭ كوشى - قون جولىن بەرىك كەپىلمەن قامدادى. قوسقاباق قىستاعىنىڭ ٴبىرىنشى گرۋپپاسىنداعى قىستاق تۇرعىندارى جونىنەن العاندا، تاس جولدىڭ ىركىلىسسىزدەنگەن سوڭ كوكتەمگى ەگىس بۇيىمدارى قىستاققا ٴساتتى جەتكىزىلدى. تۇقىم، حيميالىق تىڭايتقىش سياقتى اۋىل شارۋاشىلىق ٴوندىرىس قۇرال - جابدىقتارى دەر كەزىندە اكەلىنىپ، باستالۋ الدىندا تۇرعان تۇقىم ٴسىڭىرۋ ماۋسىمىنا بەرىك نەگىز قالادى.
قىستاق تۇرعىنى ليۋ چيڭشۋ بىلاي دەدى: ” الدىداعى جولدا قار قالىڭ بولىپ، العا ىلگەرىلەۋىمىزگە قولايسىزدىق اكەلدى، بۇگىن قوسقاباق قىستاعى پارتيا ياچەيكاسى مەن قىزمەت اترەتى جول بويىنداعى قاردى تازالاپ، بۇقارانىڭٴجۇرىس ـ تۇرىسىنا قولايلىلىق جاراتىپ، كوكتەمگى ەگىس دايىندىعىن قامتاماسىز ەتتى“.
قوسقاباق قىستاعىندا تۇراتىن قىزمەت اترەتىنىڭ ٴبىرىنشى شۋجيى، قىزمەت اترەتىنىڭ باستىعى ليۋ چۇنيىڭ بىلاي دەدى: ”قوسقاباق قىستاعىنىڭ ەكى كوميتەتى مەن قىزمەت اترەتى ارناۋلى تۇردە حوتاناشىعا باراتىن جولداعى قاردى تازالايدى، باستىسى، قىستاق تۇرعىندارىنىڭ ٴجۇرىس ـ تۇرىسىنا قولايلىلىق جاراتىپ، كوكتەمگى ەگىس دايىندىعىنا قاجەتتى زاتتىق ماتەريالداردى تاسۋىنا دايىندىق جاساۋ“.
(شاعانتوعاي اۋداندىق توعىسپالى مەديا ورتالىعىنىڭ تىلشىلەرى ليۋ زىنيڭ، بەگزات)
