انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 13 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 ـ ايدىڭ 13 ـ كۇنى ۇرىمجىدە تايلاند كايتاي بانكەسىنىڭ ٴتوراعاسى چىن بوۋىنمەن جانە ونىڭ ساپارلاستارىمەن كەزدەستى.
ما شيڭرۇي چىن بوۋىننىڭ جانە ونىڭ ساپارلاستارىنىڭ شينجياڭعا اۋىس ـ كۇيىس جاساپ، ساپارلاي كەلگەندىگىن قارسى الدى. ول بىلاي دەدى: جۇڭگو — تايلاند دوستىعى مىڭ جىل جالعاستى. سوڭعى جىلداردان بەرى، ٴتوراعا شي جينپيڭ مەن ەلدەرىڭىزدىڭ باسشىسى جۇڭگو — تايلاند تاعدىرلاس ورتاق تۇلعاسى قۇرىلىسىنىڭ ۇزدىكسىز تەرەڭدەۋىنە، ناقتىلانۋىنا جەتەكشىلىك ەتىپ، ەكى ەلدىڭ جەرگىلىكتى ورىندار ارا اۋىس ـ كۇيىسىن، سەلبەستىگىن تەرەڭدەتۋگە تىڭ وراي اكەلدى. جۇڭگونىڭ شينجياڭى — ”ٴبىر بەلدەۋ، ٴبىر جولداعى“ وزەكتى رايون، ەسىك اشۋ باسىمدىعى كورنەكتى، دامۋ كومەسكى كۇشى وراسان زور. ٴبىز جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورىندى كوزدەپ، جوعارى دەڭگەيدە سىرتقا ەسىك اشۋدى بۇلجىماي كەڭەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ۇزدىكسىز كەڭ ٴورىس اشتىق. جاڭا جورىقتا جۇڭگو شينجياڭىنىڭ اشىلعان قاقپاسى بارعان سايىن ايقارا اشىلادى. ٴبىز ەلىمىزدىڭ سىرتقا ەسىك اشۋ كەلەلى جاعدايىمەن بەلسەنە توعىسىپ، شىعىس وڭتۇستىك ازيا ەلدەرى وداعى سياقتى وڭىردەگى مەملەكەتتەرگە باعىتتالعان سىرتقا ەسىك اشۋدى ۇزدىكسىز تەرەڭدەتىپ، اناعۇرلىم زور كولەمدە ٴوزارا پايدا جەتكىزۋ سەلبەستىگىن، بىرگە يگىلىككە كەنەلىپ دامۋدى جۇزەگە اسىرامىز. كايتاي بانكەسى مەن تايلاندتاعى كاسىپورىنداردىڭ جۇڭگو شينجياڭىمەن اۋىس ـ كۇيىس جاساۋدى ونان ارى جيىلەتىپ، فينانس جانە كاسىپ سالاسى سەلبەستىگىن تەرەڭدەتىپ، ٴوزدى ـ ٴوزىنىڭ دامۋىن اناعۇرلىم ويداعىداي ىلگەرىلەتىپ، ەكى ەلدىڭ اۋىس ـ كۇيىس، سەلبەستىك جاساسۋىنا كۇش قوسۋىن ٴۇمىت ەتەمىن.
چىن بوۋىن مىنالاردى ٴبىلدىردى: تايلاند — جۇڭگو قارىم ـ قاتىناسىنىڭ تەرەڭدەي دامۋىنا ىلەسە، كايتاي بانكەسى جۇڭگونىڭ ٴار جاعىمەن سەلبەستىكتى كۇشەيتۋدە تىڭ ورايعا ٴدوپ كەلدى. شينجياڭ — جۇڭگونىڭ باتىسقا ەسىك اشۋداعى الدىڭعى شەپ قاقپاسى، ەكونوميكالىق دامۋ جاعدايى تاماشا، كومەسكى كۇشى زور. كايتاي بانكەسى شينجياڭمەن اۋىس ـ كۇيىستى، سەلبەستىكتى كۇشەيتىپ، كاسىپ سالالارىنىڭ دامۋىنا، ساۋداعا، قارجى قوسۋعا بەلسەندى تۇردە اناعۇرلىم كوپ فينانستىق قىزمەت وتەپ، تايلاند پەن جۇڭگو ساۋداسىنىڭ ۇزدىكسىز دامۋىنا دەم بەرۋدى، سونىمەن قاتار شينجياڭنىڭ وڭىرلىك ورىن باسىمدىعىنان ويداعىداي پايدالانىپ، ورتا ازيا، ەۆروپا سياقتى وڭىرلەر بازارىن زور كۇشپەن اشىپ، ٴار جاقتىڭ بىرگە دامۋىن جەبەۋدى ٴۇمىت ەتەدى.
كەزدەسۋگە قاتىناسقان ٴىشىنارا تايلاند كاسىپورىندارىنىڭ جاۋاپتىلارى تاعى سەلبەستىكتى تەرەڭدەتۋ جونىندە نيەتتەرىن ورتاعا قويدى.
چىن ۋيجۇن، جين جىجىن، اۆتونوميالى رايوننىڭ قاتىستى ورىندارىنداعى جاۋاپتى جولداستار كەزدەسۋگە قاتىناستى.
