چىن ۋىنچيڭ شينجياڭدا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتىلىعىن باتىل ساقتاۋ كەرەك
شينحۋا اگەنتتىگىنىڭ 4 ـ ايدىڭ 13 ـ كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي ـ زاڭ كوميتەتىنىڭ شۋجيى چىن ۋىنچيڭ 4 ـ ايدىڭ 10 ـ كۇنىنەن 13 ـ كۇنىنە دەيىن شينجياڭدا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى: ساياسي ـ زاڭ ورگاندارى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتىلىعىن باتىل ساقتاۋى كەرەك.
چىن ۋىنچيڭ ىلگەرىندى ـ كەيىندى حوتان، قاشقار، اقسۋ، ٴۇرىمجى قاتارلى جەرلەرگە بارىپ، قاتىستى ساياسي ـ زاڭ ورىندارىن، كاسىپ سالاسى باقشا رايوندارىن، ەگىمشىلىك بازالارىن ىشكەرىلەي ارالاپ، لاڭكەستىككە قارسى تۇرۋ، لاڭكەستىكتەن ساقتانۋ، ورنىقتىلىقتى قورعاۋ، ورنالاستىرۋ، كومەكتەسۋ ـ تاربيەلەۋ سياقتى قىزمەتتەردىڭ جاعدايىن ەگجەي ـ تەگجەيلى ۇعىستى. ول بىلاي دەپ اتاپ كورسەتتى: پارتيا 20 ـ قۇرىلتايىنان بەرى، باس شۋجي شي جينپيڭنىڭ پارمەندى باسشىلىعىندا، شينجياڭنىڭ لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋىندا، ۇدايىلاندىرۋىندا نىق قادام تاستالىپ، زورلىقتى كۇش لاڭكەستىك قىلمىستارىنىڭ توپىراعى پارمەندى الاستالىپ، شينجياڭنىڭ باياندى تىنىشتىعىنا نەگىز قالاندى. بيىل _ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى، بولشەكتەۋشىلىككە قارسى تۇرۋ، لاڭكەستىككە قارسى تۇرۋ مىندەتى توتەنشە اۋىر. ٴدوپ كەلگەن جاعدايدى، مىندەتتى سەرگەكتىكپەن تانىپ، زورلىقتى كۇش لاڭكەستىكتى قاتاڭ جازالاۋدان اۋىتقىماۋعا تاباندى بولىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، زورلىقتى كۇش لاڭكەستىك دەلولارى، وقيعالارى تۋىلماۋ تومەنگى شەگىن باتىل ساقتاۋ كەرەك. زاڭ بويىنشا قاتاڭ جازالاۋعا تاباندى بولىپ، زورلىقتى كۇش لاڭكەستىك قىلمىستارىنا زاڭ بويىنشا سوققى بەرىپ، ٴدىني ۇشقارى يدەيانىڭ توپىراعىن زاڭ بويىنشا الاستاپ، ”لاڭكەستىك“ اتاۋلىنىڭ بارلىعىنا، ٴسوز جوق، سوققى بەرۋدى، قىلپى بىلىنگەن زامان سوققى بەرۋدى ورىنداۋ كەرەك. زاڭ بويىنشا باسقارۋعا تاباندى بولىپ، قاتىستى قاۋىمنىڭ جۇمىستانۋىن ورنىقتىرۋ، وتباسىن ورنىقتىرۋ، جۇرت كوڭىلىن ورنىقتىرۋ سياقتى قىزمەتتەردى ىشكەرىلەي، تىڭعىلىقتى ويداعىداي ىستەپ، ورنىقتىلىق نەگىزىن ۇزدىكسىز بەكەمدەۋ كەرەك. زاڭ بويىنشا ساقتانۋعا، تىزگىندەۋگە تاباندى بولىپ، شەكارالىق ساقتانۋ ـ تىزگىندەۋ ”قۇرىش قورعانىن“ بەكەمدەپ، شەكارا سىرتىنداعى ”ٴۇش ٴتۇرلى كۇشتىڭ“ قايتا اعىلىپ كىرۋىن، ٴسىڭىپ كىرۋىن بوگەپ، باتىل تۇردە زورلىقتى كۇش لاڭكەستىك حاۋپىن مەملەكەت قاقپاسىنىڭ سىرتىندا بوگەۋ كەرەك. جازالاۋ مەن ساقتانۋدى قاتار قولدانۋعا، كەڭشىلىك ەتۋ مەن قاتاڭ بولۋدى ٴوزارا ۇشتاستىرۋعا تاباندى بولۋ كەرەك.
چىن ۋىنچيڭ بىلاي دەپ باسا دارىپتەدى: شينجياڭنىڭ قوعام ورنىقتىلىعى مەن باياندى تىنىشتىعىنا شىنايى كەپىلدىك ەتۋدە، ٴسوز جوق، دامۋ مەن حاۋىپسىزدىك، ەل ٴىشى مەن حالىقارا، ۇستىنەن وڭاۋ مەن تۇبىرىنەن وڭاۋ، شينجياڭ ٴىشى مەن شينجياڭ سىرتى سياقتى جاقتارداعى قىزمەتتەردى ويداعىداي ٴبىر تۇتاس جوسپارلاۋ كەرەك. مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىن، باۋلۋىن تىڭعىلىقتى ىلگەرىلەتىپ، ٴار ۇلت بۇقاراسىن جۇڭحۋا ۇلتى ورتاق تۇلعا تانىمىن بەكەمدەۋگە جەتەكتەۋ كەرەك. جان ـ جاقتى باسقارۋ ورتالىعىن جۇيەلىلەندىرۋ قۇرىلىسىن ىلگەرىلەتىپ، قايشىلىقتاردى، داۋ ـ شارلاردى شەشۋدە ”ەڭ كوپ بولعاندا ٴبىر جەرگە بارۋدى“ جۇزەگە اسىرۋ كەرەك.
تەكسەرۋ ـ زەرتتەۋ كەزىندە چىن ۋىنچيڭ تاعى ٴبىرىنشى شەپتەگى كادر ـ ساقشىلارعا امانداسا بارىپ، ولاردان حال سۇراپ، ولاردىڭ ادالدىقپەن مىندەت اتقارىپ، قاجىرلىلىقپەن كۇرەس جۇرگىزىپ، مەملەكەت حاۋىپسىزدىگىن جانە قوعام ورنىقتىلىعىن قورعاۋعا بەلسەندى ۇلەس قوسقاندىعىن تۇراقتاندىرىپ، قالىڭ ساياسي ـ زاڭ كادر ـ ساقشىلارىنىڭ ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن مۇقيات ورىستەتىپ، حاۋىپسىزدىكتى، ورنىقتىلىقتى قورعاۋ ساياسي جاۋاپكەرشىلىگىن كۇشەيتىپ، ستيلدى شىڭداپ، جاۋاپكەرشىلىك ارقالاپ، مىندەت اتقارىپ، شينجياڭنىڭ قوعام ورنىقتىلىعىنا، ۇلتتار ىنتىماعىنا، باياندى تىنىشتىعىنا بار كۇشپەن شىنايى كەپىلدىك ەتۋىن ٴۇمىت ەتتى.
