انار بۇلت \ شينجياڭ گازەتىنىڭ ٴتىلشىسى جاڭ تيڭ
بۇگىنگى كۇندە قول تەلەفونمەن ـ اق شالعايدا جاتقان تۇتىنۋشىلاردىڭ ”قوي يەسى“ بولۋىنا بولاتىن بولدى. قابا اۋدانى سارتام اۋىلى كۇرمىش قىستاعىندا ”بۇلتتىق تەرمينال ارقىلى ۋاكىلاتان مال باعۋ“ دەپ اتالاتىن جاڭالىق اشۋ ۇلگىسى سيفرلانعان ٴتاسىلدىڭ كومەگىندە ٴداستۇرلى مال شارۋاشىلىعىندا شىت جاڭا دامۋ جولىن اشتى.
3 ـ ايدىڭ 29 ـ كۇنى كۇرمىش قىستاعى قىستاق تۇرعىندار كوميتەتىندە جالىندى راي كوتەرىلىپ، قىستاق كادرلارى، قىستاقتا تۇراتىن قىزمەت اترەتىنىڭ مۇشەلەرى، قىستاق تۇرعىندارى ٴبىر ارادا جينالىپ بيىلعى ”بۇلتتىق تەرمينال ارقىلى ۋاكىلاتان مال باعۋدى“ اقىلداسىپ جاتتى.
”قازىر قىستاعىمىزداعى قويلاردىڭ ٴبارى بۇكىل ەلدىڭ جەر ـ جەرىندەگى بۇقارالاردىڭ قول تەلەفونىندا باعىلىپ جاتىر“، ـ دەدى جۇڭگو بانكەسى جارنا شەكتى سەرىكتەستىگى التاي ايماقتىق بولىمشە بانكەسىنىڭ كۇرمىش قىستاعىندا تۇراتىن قىزمەت اترەتىنىڭ ٴبىرىنشى شۋجيى جوۋ كاي كۇلىمسىرەپ. ٴاسىلى بۇنىڭ ٴبارى قىستاقتا جاڭالىق اشۋ بويىنشا شىعارىلعان ”بۇلتتىق تەرمينال ارقىلى ۋاكىلاتان مال باعۋ“ ۇلگىسىنىڭ ارقاسى ەكەن. تەك ۋيشين شاعىن باعدارلاماسىندا اقىرىن عانا ٴتۇرتىپ قويساڭىز، مىڭ شاقىرىم شالعايدا جاتقان تۇتىنۋشىلار وزدەرى ۇناتقان قوزىنى تاڭداپ، قاينارىن تاۋىپ ورگانيكالىق جولمەن مال باقتىراتىن ”قوي يەسىنە“ اينالۋىڭىزعا بولادى. ال سوڭعى ۋاكىلاتان باعۋ قىزمەتىنە جەرگىلىكتى ورىنداعى تاجىريبەسى مول مالشىلار جاۋاپتى بولادى. تۇتىنۋشىلار قول تەلەفون ارقىلى قويدىڭ باعىلۋ ورتاسىن كەزكەلگەن ۋاقىتتا كورىپ، باعىمشىلىق جالپى بارىسىنىڭ قاينارىن تابۋدى شىن مانىندە جۇزەگە اسىردى.
جوۋ كايدىڭ كۇرمىش قىستاعىندا تۇراتىن قىستاق قىزمەت اترەتىنىڭ ٴبىرىنشى شۋجيلىگى مىندەتىن ارقالاعانىنا 8 جىل بولدى. ٴبىر رەتكى كەزدەيسوق ورايدا ول شينجياڭ نۇڭتوۋ ليشين زەردەلى عىلىم ـ تەحنولوگيا شەكتى سەرىكتەستىگى ارقىلى ينتەرنەت جەلىسىندە قوي تاڭداپ باعۋ سىندى ۋاكىلاتان مال باعۋ ٴتاسىلى بار ەكەنىن ۇعىسىپ، بازاردى باقىلاۋداعى قىراعى قۋاتىمەن ول مۇنداعى ساۋدا ورايىن بايقايدى.
”التاي قويىنىڭ ەتى ٴدامدى بولعانىمەن، بۇرىن ساتۋ ارناسى كەمشىل بولعاندىقتان باعاسى جوعارىلامادى. قازىر وسى سەرىكتەستىك ورناتقان تۇعىر ارقىلى مالشىلار ۋاكىلاتان مال باعۋعا جاۋاپتى بولادى، بازاردىڭ جوعارى ساپالى قوي ەتىنە سۇرانىسىن قاناعاتتاندىردىق ٴارى مالشىلاردىڭ كىرىسىن ناقتى ارتتىردىق“، ـ دەدى جوۋ كاي.
مۇقيات دايىندالۋ ارقىلى 2024 ـ جىلى 3 ـ ايدا كۇرمىش قىستاعى ”ناقتى ۋاقىتتا زات ينتەرنەتىندە قاينارىن تابۋ + كورۋگە بولاتىن قاداعالاۋ + مادەنيەت ـ ساياحات + تىكە تاراتۋ“ سىندى ورتاق يگىلىكتەنەتىن ۋاكىلاتان مال باعۋ ۇلگىسىن رەسمي شىعاردى. قويعا زات ينتەرنەتىندە قاينارىن تابۋ ورىن تۇراقتاندىرۋ اسپابىن تاقتى ٴارى ناقتى ۋاقىتتاعى قاينارىن تابۋ تۇعىرىنا بايلادى، تۇتىنۋشىلار كەزكەلگەن ۋاقىتتا، كەزكەلگەن جەردە قويدىڭ ٴوسۋ جاعدايىن انىق بىلە الادى، الارمانداردىڭ ساتىپ الۋ ٴادىسى دە توتەنشە قولايلى، قول تەلەفون تەرمينالىندا الىس ارالىقتان ناقتى ۋاقىتتا تاپسىرىس بەرىپ كەزكەلگەن ۋاقىتتا، كەزكەلگەن جەردە قويدىڭ ٴوسۋ جاعدايىن تەكسەرە الادى، تاعى ٴوزى ورگانيكالى مال فەرماسىنا بارىپ سول جەردە ۇناتقان قويىن تاڭداپ، ونان سوڭ جۇيەگە بايلاپ كەيىن ۇزدىكسىز نازار اۋدارۋىنا بولادى. ساتىپ العاننان كەيىن مالشىلار ۇقىپتىلىقپەن باعادى، 6 اي دەن قويا باعۋ ارقىلى بۇل قويلار قاتاڭ ولشەمدەنگەن سويۋ، تازالاۋ، جىلىكتەۋ، مۇزداتۋ، سۋىقتاي ساقتاۋ، سۋىق تىزبەكتى تاسىمالداۋ سياقتى باسقىشتاردان وتەدى، ەڭ سوڭىندا جاس، ٴدامدى قوي ەتى تۇتىنۋشىلاردىڭ وتباسىنا جەتكىزىلەدى.
جوۋ كاي بىلاي دەپ تانىستىردى: بىلتىر قىستاعىمىزداعى 1000نان استام قوي ”بۇلتتىق تەرمينال ارقىلى ۋاكىلاتان مال باعۋ“ ٴتاسىلى ارقىلى باعىلدى، ٴاربىر قوي 950 يۋانعا ساتىلىپ، بۇرىنعىعا سالىستىرعاندا ٴاربىر قوي 100 نەشە يۋان قىمبات ساتىلىپ، 1000نان استام قويدان 100 نەشە مىڭ يۋان كىرىس كىردى. مالشى سابىربەك قاپاس قۋانا بىلاي دەدى: ”مۇنداي مال باعۋ ٴتاسىلى جاڭا سالت بولىپ قانا قويماي، قىستاق تۇرعىندارىنىڭ كىرىسى دە بۇرىنعىدان كوبەيدى“.
تەك بۇل عانا ەمەس، ”بۇلتتىق تەرمينال ارقىلى ۋاكىلاتان مال باعۋ“ ۇلگىسى جەرگىلىكتى ورىننىڭ ساياحات كاسىبىنىڭ دامۋىن جەبەدى. قىستاق ”بۇلتتىق تەرمينال ارقىلى ۋاكىلاتان مال باعۋ“ تۇعىرىنا سۇيەنىپ كوركەم مال فەرماسى كورىنىسى مەن جەرگىلىكتى ورىننىڭ ٴداستۇرلى مادەنيەتىن ۇشتاستىرىپ، قىرۋار ساياحاتشىنى كەلىپ تاماشالاۋعا باۋرادى.
” ’بۇلتتىق تەرمينال ارقىلى ۋاكىلاتان مال باعۋ‘ ۇلگىسىنە ۇشتاستىرىپ، بيىل ٴبىز قىستاق تۇرعىندارىن حالىقتىق تۇسەلحانانى جانە اۋلا ەكونوميكاسىن دامىتۋعا ىنتالاندىرىپ، قابا اۋدانىنىڭ ساياحات كاسىپ كۇيىن ونان ارى مولايتىپ، اۋىل ـ قىستاقتى گۇلدەندىرۋدىڭ تىڭ ساتىعا كوتەرىلۋىنە دەم بەردىك“، ـ دەدى جوۋ كاي.
