انار بۇلت \ شينجياڭ گازەتىنىڭ ٴتىلشىسى ياڭ شۋحان، پراكتيكانت لين شياڭچىڭ 4 ـ ايدىڭ 13 ـ كۇنى ۇرىمجىدەن حابارلايدى. 4 ـ ايدىڭ 11 ـ كۇنى ”جاسىل مەكەندى قورعاپ، ورتتەن ساقتانۋ دابىلىن ۇزاق قاعايىق“ نەگىزگى تاقىرىبىنداعى 2025 ـ جىلعى اۆتونوميالى رايوننىڭ ورمان، جايلىم ورتىنەن ساقتانۋ ۇگىت ايى قيمىلىن باستاۋ سالتى ٴۇرىمجى قالاسىنداعى حالىق باقشاسىندا وتكىزىلدى.
قازىر ٴدال كوكتەمگى ورتتەن ساقتانۋدىڭ شەشۋشى مەزگىلى، اۋا تەمپەراتۋراسى جەدەل جوعارىلاپ، بوراندى اۋا رايى جيىلەپ، اۋىل شارۋاشىلىعى ٴوندىرىسى، ورمان، مال شارۋاشىلىعى وڭىرلەرىندە قۇرىلىس جۇرگىزۋ سياقتى قيمىلدار كوبەيىپ، دالاداعى ٴورت قاينارىن باسقارۋ، تىزگىندەۋ قيىندىعى ارتىپ، ٴورت اپاتى قاتەرى دەڭگەيى ۇزدىكسىز جوعارىلادى. ورمان، جايلىم ورتىنەن ساقتانۋ، ٴورت ٴسوندىرۋ قىزمەتىن ويداعىداي ىستەۋ قالىڭ بۇقارانىڭ قيمىلعا بەلسەنە ات سالىسىپ، جاسىل مەكەندى بىرگە قورعاۋىن قاجەت ەتەدى.
قيمىل الاڭىندا ورتتەن ساقتانۋ بويىنشا باي مازمۇندى، الۋان ٴتۇرلى عىلىم جالپىلاستىرۋ قيمىلى كوپتەگەن بۇقارانى ات سالىسۋعا باۋرادى. قىزمەتكەرلەر ۇگىت تاقتاسىن ورنالاستىرۋ، كەرمە تۋ ٴىلۋ، ۇگىت ماتەريالدارىن تاراتۋ سياقتى تاسىلدەر ارقىلى بۇقاراعا ورمان، جايلىم ورتىنەن ساقتانۋعا قاتىستى زاڭداردى، زاڭ ەرەجەلەردى، ورتتەن ساقتانۋ حاۋىپسىزدىگى بىلىمدەرىن جانە ورمان ٴورت اپاتىنىڭ اۋىر زيانى سياقتى بىلىمدەردى جالپىلاستىردى.
ۇگىت كورمە تاقتاسى اۋماعىندا جاندى دا وبرازدى سۋرەتتەر مەن ىقشام ماتىندەر ورمان ٴورت اپاتى تۋدىرعان سۇمدىق زارداپتاردى جانە ورتتەن ساقتانۋ قىزمەتىنىڭ ماڭىزدى ٴمانىن كورنەكتى كورسەتىپ، ارلى ـ بەرلى وتكەن بۇقارانى ايالداپ كورۋگە، ۇيرەنۋگە باۋرادى.
قىزمەتكەرلەر تاعى سول جەردە ٴورت ٴسوندىرۋ، ورتتەن ساقتانۋ ۇشقىش اپپاراتى، ورماندا ٴورت ٴسوندىرۋ، ورتتەن ساقتانۋ سۋ كولىگى، جوعارى قىسىمدى سۋ تۇمانداتۋ سۋ مىلتىعى، قاشىقتان اتىلاتىن ٴورت ٴسوندىرۋ زەڭبىرەگى، جەل كۇشىمەن ٴورت ٴسوندىرۋ ماشيناسى سياقتى ورتتەن ساقتانۋ، ٴورت ٴسوندىرۋ وزىق جابدىقتارىن كورسەتپەلى ٴتۇسىندىردى.
سول جەردەگى بۇقارا جابال بارىپ كورىپ، كەڭەس الىپ، وسى جابدىقتاردىڭ فۋنكتسيالىق رولىن ەگجەي ـ تەگجەيلى ۇعىسىپ، ٴوز باستارىنان سەزىنۋ ارقىلى ورمان، جايلىم ٴورت اپاتىنا توتەپ بەرۋدىڭ ٴونىمدى تاسىلدەرى مەن ادىستەرىن اناعۇرلىم تىكە تانىپ جەتتى.
قيمىلعا قاتىناسقان قالا تۇرعىنى جوۋ رۇڭرۇڭ تەبىرەنىپ بىلاي دەدى: ”قيمىل وتە ٴماندى ەكەن، ورتتەن ساقتانۋ، ٴورت ٴسوندىرۋ جونىندەگى كوپتەگەن پايدالى بىلىمدەردى ۇيرەندىك. بۇدان بىلاي مەن، ٴسوز جوق، ورمان، جايلىم ورتىنەن ساقتانۋعا اناعۇرلىم كوڭىل ٴبولىپ، جاسىل مەكەندى قورعاۋعا ٴبىر كىسىلىك ۇلەسىمدى قوسامىن“.
كەلەسى باسقىشتا جەر ـ جەر، قاتىستى تاراۋلار ورمان، جايلىم ورتىنەن ساقتانۋ بىلىمدەرى بويىنشا ”بەستى جەتكىزۋ“ قيمىلىن ىشكەرىلەي ورىستەتىپ، ارناۋلى تاقىرىپتىق لەكسيا وتكىزۋ، ۇگىت ماتەريالدارىن تاراتۋ، شۇعىل جاعدايعا توتەپ بەرۋ جاتتىعۋىن ورىستەتۋ سياقتى تاسىلدەر ارقىلى ورمان، جايلىم ورتىنەن ساقتانۋ ساۋاتتارىن جانە زاڭداردى، زاڭ ەرەجەلەردى كەڭىنەن ۇگىتتەپ، جالپى حالىقتىڭ ورتتەن ساقتانۋ تانىمىن جوعارىلاتىپ، ”بارلىق ادام ورتتەن ساقتانۋعا نازار اۋداراتىن، بارلىق ادام ورتتەن ساقتانۋعا ات سالىساتىن“ قويۋ قوعامدىق رايدى قۇلشىنا قالىپتاستىرىپ، ورمان، جايلىم بايلىعى حاۋىپسىزدىگىن قورعاۋ، ەكولوگيالىق ورتانىڭ ورنىقتىلىعىن قورعاۋ ٴۇشىن بەرىك نەگىز قالايدى.
