انار بۇلت \ شينجياڭ گازەتىنىڭ ٴتىلشىسى ياۋ گاڭ 4 ـ ايدىڭ 13 ـ كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، جەرگىلىكتى ۋاقىت 4 ـ ايدىڭ 11 ـ كۇنى تۇستەن بۇرىن 2025 ـ جىلعى ”شينجياڭ جاقسى جەر“ — شينجياڭنىڭ مادەنيەت جانە ساياحات بايلىعىن شەتەلدە جالپىلاستىرۋ قيمىلى فرانسيانىڭ پاريجىندە وتكىزىلگەن. قيمىلدا ساياحات ۇگىتتەۋ ـ تانىستىرۋ، ادەبيەت ـ كوركەمونەر كورمەلىك قويىلىمى، سۋرەت كورمەسى، كيىم ـ كەشەك جانە بەيزاتتىق مادەنيەت مۇرالارى كورمەسى سياقتى كوپ ٴتۇرلى فورمامەن فرانسيا حالقىنا شىنايى، ستەرەولدى، جاندى جۇڭگونىڭ شينجياڭى ايگىلەنگەن.
بۇل قيمىلدى مادەنيەت جانە ساياحات مينيسترلىگى جۇڭگو — شەتەل مادەنيەت اۋىس ـ كۇيىس ورتالىعى، شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسى، پاريج جۇڭگو مادەنيەت ورتالىعى باس بولىپ ۇيىمداستىرعان، فرانسيانىڭ مادەنيەت ـ ساياحات، كاسىپورىن سالاسى ۋاكىلدەرىنەن 100گە تارتا ادام قيمىلعا قاتىناستى.
شينجياڭنىڭ تابيعاتى، تاريحى، مادەنيەتى جانە ەكونوميكالىق دامۋ جاعدايى قيمىلعا قاتىناسقان سيلى قوناقتاردىڭ نازارىن اۋداردى. اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار باستىعى يۇي جيە مىنالاردى ٴبىلدىردى: شينجياڭ ”ٴبىر بەلدەۋ، ٴبىر جولدى“ بىرگە قۇرۋ كەلەلى ورايىن مىقتى يگەرىپ، دۇنيە جۇزىلىك ساياحات نىسانالى جەرىن قۇرۋ اياق الىسىن بار كۇشپەن جەدەلدەتۋدە. شينجياڭداعى اشىق ـ جارقىن، مەيماندوس ٴار ۇلت حالقى ەل ٴىشى ـ سىرتىنداعى دوستاردى ٴبىر رەتكى ”شينجياڭ ساپارىن“ باستاۋعا شىن ىقىلاسپەن ۇسىنىس ەتەدى. فرانسيالىق دوستاردىڭ جۇڭگونىڭ شينجياڭىنا بارىپ ساياحاتتاپ تاماشالاپ، شينجياڭنىڭ كوركەم كورىنىسىن جانە كوپ ٴتۇرلى مادەنيەتىن شىنايى سەزىنۋىن قارسى الامىز.
فرانسيا ساياحات دامىتۋ مەكەمەسىنىڭ بۇرىنعى ورىنباسار باس حاتشىسى جان لۋيس باراندرو مىنالاردى ٴبىلدىردى: جۇڭگونىڭ شينجياڭى بايىرعى جىبەك جولىنداعى ماڭىزدى ٴتۇيىن، جۇڭگو مەن باتىس مادەنيەتى وسى ارادا توپتالعان، توعىسقان، باي مازمۇندى تاريحي مادەنيەتى ادامدى قيماستىق سەزىمگە بولەيدى، اناعۇرلىم كوپ فرانسيا حالقىنىڭ بارىپ كورۋىن، جۇڭگو شينجياڭىنىڭ گۋمانيتارلىق كوركەمدىگىن سەزىنۋىن ٴۇمىت ەتەمىن.
