4 ـ ايدىڭ 14 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنامدا مەملەكەتتىك ساپاردا بولۋ ٴۇشىن حانويعا جەتتى. سول كۇنى تۇستەن كەيىن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لين شي جينپيڭگە ارناپ سالتاناتتى قارسى الۋ سالتىن وتكىزدى. سۋرەتتە: شي جينپيڭ سۋ ليننىڭ سەرىك بولۋىندا قۇرمەت قاراۋىلىن كوزدەن كەشىرۋدە.
□ سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن
شينحۋا اگەنتتىگىنىڭ 4 ـ ايدىڭ 14 ـ كۇنى حانويدان بەرگەن حابارى (تىلشىلەر جىڭ كايجۇن، حۋ جيالي). 4 ـ ايدىڭ 14 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنامدا مەملەكەتتىك ساپاردا بولۋ ٴۇشىن حانويعا جەتتى. سول كۇنى تۇستەن كەيىن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لين شي جينپيڭگە ارناپ سالتاناتتى قارسى الۋ سالتىن وتكىزدى.
4 ـ ايداعى حانوي نۋ ورمانمەن كومكەرىلگەن، تىرشىلىك تىنىسى قاۋلايدى. ٴتوراعا سارايى الاڭىندا بەس جۇلدىزدى قىزىل تۋ مەن التىن جۇلدىزدى قىزىل تۋ جەلمەن بىرگە جەلبىرەپ، ۆيەتنامدىق 200دەن استام ورەن جالاۋ بۇلعاپ، شي جينپيڭنىڭ ساپارلاي كەلگەندىگىن قىزۋ قارسى الدى.
شي جينپيڭ وتىرعان اۆتوكولىك جەتكەندە، سۋ لين اۆتوكولىكتەن تۇسەتىن جەردە قىزۋ قارسى الدى، ۆيەتنامدىق ورەن شي جينپيڭگە گۇل ۇسىندى. شي جينپيڭ سۋ لينمەن بىرگە كوزدەن كەشىرۋ مىنبەسىنە شىقتى. اسكەري وركەستر جۇڭگو مەن ۆيەتنام ەكى ەلدىڭ مەملەكەت ٴانىن ورىندادى، 21 رەت قۇرمەت ساليۋتى اتىلدى. شي جينپيڭ سۋ ليننىڭ سەرىك بولۋىندا قۇرمەت قاراۋىلىن كوزدەن كەشىردى. ەكى پارتيانىڭ باس شۋجيلەرى ەكى جاقتان سەرىك بولىپ كەلگەندەرمەن جەكە ـ جەكە قول الىسىپ قۇرمەت ٴبىلدىردى، سوڭىنان سالتانات قاتارىن تاماشالادى.
قارسى الۋ سالتىنان كەيىن، شي جينپيڭ مەن سۋ لين بىرگە ۆيەتنام كوممۋنيستىك پارتياسى ورتالىق كوميتەتى تۇرعان جەرگە جاياۋ بارىپ كەڭەس وتكىزدى. جول بويىندا نەشە ٴجۇز ۆيەتنام حالىق جۇرتشىلىعى ەكى پارتيانىڭ، ەكى ەلدىڭ تۋىن بۇلعاپ، شي جينپيڭدى قىزۋ قارسى الاتىندىقتارىن ٴبىلدىردى. شي جينپيڭ قارسى الۋعا كەلگەن ادامدار شوعىرىنا قول بۇلعاپ قۇرمەت ٴبىلدىردى.
ساي چي، ۋاڭ ي، ۋاڭ شياۋحۇڭ قاتارلىلار قاتىناستى.
