حى جۇڭيوۋ كەزدەسۋگە قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 ـ ايدىڭ 14 ـ كۇنى ۇرىمجىدە وزبەكستان فەرعانا وبلىسىنىڭ باستىعى بوزاروۆپەن جانە ونىڭ ساپارلاستارىمەن كەزدەستى، كەزدەسۋدە ەكى جاق ناقتى ىستەر سەلبەستىگىنىڭ ساپاسىن جوعارىلاتىپ ونىمدىلىگىن ارتتىرۋدى ىلگەرىلەتۋ جونىندە ىشكەرىلەي اۋىس ـ كۇيىس جاسالىپ، جەرگىلىكتى ورىندار ارا سەلبەستىكتى تەرەڭدەتۋ ارقىلى جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم ـ قاتىناستى دامىتۋعا كۇش ۇستەلدى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ كەزدەسۋگە قاتىناستى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان بوزاروۆتىڭ جانە ونىڭ ساپارلاستارىنىڭ شينجياڭعا اۋىس ـ كۇيىس جاساۋ، ساپارلاۋ، سەلبەستىكتى جەبەۋ ٴۇشىن كەلگەندىگىن قارسى الدى. ول بىلاي دەدى: سوڭعى جىلدارى جۇڭگونىڭ شينجياڭى مەن وزبەكستاننىڭ جەرگىلىكتى ورىندارى اراسىنداعى سەلبەستىك ۇزدىكسىز تەرەڭدەپ، ەكى جاقتىڭ اۋىس ـ كۇيىسى، بارىس ـ كەلىسى كۇن سايىن جيىلەپ، ساۋدا، قارجى قوسۋى ۇزدىكسىز كەڭەيىپ، ٴتۇيىندى سەلبەستىك ىستەرى ورنىقتى ىلگەرىلەپ، بەلسەندى ونىمدىلىككە قول جەتكىزدى. بۇل ٴتوراعا شي جينپيڭ مەن ەلدەرىڭىزدىڭ مەملەكەت باسشىسىنىڭ ستراتەگيالىق جەتەكشىلىك ەتىپ، جۇڭگو — وزبەكستان تاعدىرلاس ورتاق تۇلعاسىن قۇرۋدى اناعۇرلىم جوعارى باستامادا ىلگەرىلەتىپ، ەكى ەل قارىم ـ قاتىناسىنىڭ جاڭا تاراۋىن باستاعاندىعىنىڭ ارقاسى. اسىرەسە، جۇڭگو — قىرعىزستان — وزبەكستان تەمىر جولى جورامالدان رەالدىققا اينالىپ، جۇڭگو مەن وزبەكستاننىڭ جەرگىلىكتى ورىندار ارا سەلبەستىكتى تەرەڭدەتۋىنە تىڭ قۋاتتى قوزعاۋشى كۇش ۇستەدى. قازىر شينجياڭ نازاردى ازيا — ەۆروپا التىن ارناسى مەن جۇڭگونىڭ باتىسقا ەسىك اشۋىنىڭ الدىڭعى شەبىن تۇلعالاۋعا شوعىرلاندىرىپ، ورتا ازياداعى مەملەكەتتەرمەن جان ـ جاقتى، تەرەڭ قاتپارلى، كەڭ سالاداعى سەلبەستىكتى ۇزدىكسىز كەڭەيتۋدە، وزبەكستان جاقپەن ەكى ەلدىڭ مەملەكەت باسشىلارىنىڭ ماڭىزدى ورتاق تانىمىن اناعۇرلىم ويداعىداي تياناقتاندىرىپ، باسىمدىقتار ارقىلى ٴوزارا تولىقتاۋدى ونان ارى كۇشەيتىپ، ەسىك اشۋدى، سەلبەسۋدى تەرەڭدەتىپ، كاسىپ سالاسىنا قارجى قوسۋ ساياساتىن ۇزدىكسىز كەمەلدەندىرىپ، كاسىپورىندارعا قولداۋ كورسەتۋ مەن جەتەكشىلىك ەتۋدى كۇشەيتىپ، نازاردى ەنەرگيا، اۋىل شارۋاشىلىعى، كەن بايلىعى، ساۋدا ـ زات اينالىمى، ساياحات سياقتى باسىمدىققا يە سالالارعا شوعىرلاندىرىپ، ٴبىر توپ ٴتۇيىندى نىسانداردىڭ جەدەل تياناقتانىپ ونىمدىلىك كورسەتۋىن ىلگەرىلەتۋدى ناقتى جوسپارلاپ، ٴوز ـ ٴوزىنىڭ دامۋىن اناعۇرلىم ويداعىداي ىلگەرىلەتىپ، ەكى جاق حالقىنا باقىت جاراتۋدى ٴۇمىت ەتەمىز.
بوزاروۆ مىنالاردى ٴبىلدىردى: ەكى ەلدىڭ مەملەكەت باسشىلارىنىڭ ستراتەگيالىق جەتەكشىلىگىندە، وزبەكستان — جۇڭگو قارىم ـ قاتىناسى قارىشتاپ دامۋدى جۇزەگە اسىرىپ، ەكى ەلدىڭ جەرگىلىكتى ورىندار ارا سەلبەستىگىنىڭ تەرەڭدەۋىنە كەڭ ٴورىس ازىرلەندى. جۇڭگونىڭ شينجياڭى مەن وزبەكستاننىڭ فەرعانا وبلىسى تۇگەلدەي جىبەك جولىنداعى ماڭىزدى توراپ، ەكى ەلدىڭ ٴوزارا سەلبەستىك ورىستەتۋىندەگى ماڭىزدى قاقپا. فەرعانا وبلىسى جۇڭگونىڭ شينجياڭىمەن ٴار سالاداعى، ٴار جىكتەگى اۋىس ـ كۇيىستى، سەلبەستىكتى جاپپاي دامىتىپ، تۇقىم شارۋاشىلىعىنا، جەمىس ـ ورمان شارۋاشىلىعىنا قاتىستى سالالارداعى تەحنولوگيا، دارىندىلار، كاسىپ سالاسى باقشا رايونى سەلبەستىگىن كۇشەيتىپ، اۋىل شارۋاشىلىعى ونىمدەرى ساۋداسىن كەڭەيتىپ، قالا قۇرىلىسى، ەمدەۋ، ٴدارى ـ دارمەك، ينفورماتسيا تەحنولوگياسى سياقتى سالالارداعى سەلبەستىكتى كۇشەيتىپ، حالىقتىق اۆياتسيا جەلىسىن كەڭەيتىپ، ۇلاستىرۋ ـ تۇتاستىرۋدى جەبەپ، مادەنيەت ـ ساياحات سەلبەستىگىنىڭ جەدەل دامۋىن ىلگەرىلەتۋدى قالايدى. فەرعانا وبلىسى شينجياڭنىڭ كەدەيلىكتى ازايتۋ تاجىريبەسىن ۇيرەنىپ، حالىقتىڭ تۇرمىس دەڭگەيىن جوعارىلاتۋدى قالايدى.
وزبەكستاننىڭ جۇڭگوداعى باس ەلشىسى جانە فەرعانا وبلىستىق ۇكىمەت، كاسىپورىن سياقتىلاردىڭ ۋاكىلدەرى كەزدەسۋگە قاتىناستى.
چىن ۋيجۇن، ٴيۇسۇپجان مامەت، اۆتونوميالى رايونداعى جانە ورتالىقتىڭ شينجياڭدا تۇراتىن قاتىستى ورىندارىنداعى جاۋاپتى جولداستار كەزدەسۋگە قاتىناستى.
