شينحۋا اگەنتتىگىنىڭ 4 ـ ايدىڭ 14 ـ كۇنى حانويدان بەرگەن حابارى. 4 ـ ايدىڭ 14 ـ كۇنى «كوكەيگە قونىمدى ”سوزدەر“ — شي جينپيڭ ۇناتاتىن قاناتتى سوزدەر» (ۆيەتنام تىلىندەگى نۇسقاسى) ۆيەتنامدا تاراتىلا باستادى. سول كۇنى جۇڭگو ورتالىق راديو ـ تەلەۆيزيا باس ستانسياسى مەن ۆيەتنام تەلەۆيزيا ستانسياسىنىڭ سەلبەستىك سالتى — جۇڭگو مەن ۆيەتنامنىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن قۇتتىقتاۋ گۋمانيتارلىق اۋىس ـ كۇيىس قيمىلى حانويدا وتكىزىلدى.
«كوكەيگە قونىمدى ”سوزدەر“ — شي جينپيڭ ۇناتاتىن قاناتتى سوزدەردە» (ۆيەتنام تىلىندەگى نۇسقاسى) باس شۋجي شي جينپيڭنىڭ ماڭىزدى سوزدەرىندە، ماقالالارىندا جانە سۇحباتتارىندا ناقىل كەلتىرىلگەن جۇڭگونىڭ ارعى زامان كىتاپتارى مەن كلاسسيكالىق شىعارمالارىنداعى ايگىلى ٴسوز ـ سويلەمدەر تاڭداپ الىنىپ، باس شۋجي شي جينپيڭنىڭ ەرەن ساياسي پاراساتى، تەرەڭ تاريحي مادەنيەت نەگىزى، سونداي ـ اق ۇشان ـ تەڭىز ۇلكەن تاريح كوزقاراسى مەن دۇنيە كوزقاراسى جاندى بەينەلەنگەن، ۆيەتنامداعى تىڭدارماندارعا جۇڭگو ۇلگىسىندەگى وسىزامانداندىرۋدىڭ مادەنيەت قاينارىن ايگىلەدى.
سول ورىندا تاعى ”جۇڭگو — ۆيەتنام مەديا جاستارىنىڭ ەل اتتاعان ساپارى“ قيمىلى باستالدى، جۇڭگو مەن ۆيەتنامنىڭ جاس تىلشىلەرى بىرگە گۋاڭشي، يۇننان، حۋبەي، تيانجين قاتارلى جەرلەردى ارالاپ، سول جەردىڭ وزىندە تىلشىلىك جاساۋ قاتارلى تاسىلدەر ارقىلى جۇڭگو ۇلگىسىندەگى وسىزامانداندىرۋدىڭ جالىندى امالياتىن جانە جاڭا داۋىردەگى جۇڭگونىڭ تاسقىنداعان ومىرشەڭ كۇشىن سەزىنىپ، ىشكەرىلەي بايقاۋ جانە اۋىس ـ كۇيىس جاساسۋ بارىسىندا تۇسىنىستىكتى ارتتىرىپ، جۇڭگو — ۆيەتنام دوستىعىنا جاستىق كۇشىن ۇيىستىرادى.
