— باس شۋجي شي جينپيڭنىڭ اۆتورلى ماقالاسى جۇڭگو — ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا جەتەكشىلىك ەتتى
شينحۋا اگەنتتىگىنىڭ تىلشىلەرى \ ليۋ يىڭلۇن، لي چيڭ، زوۋ شۋەميان
4 ـ ايدىڭ 14 ـ كۇنى حانويدا ۆيەتنامدا مەملەكەتتىك ساپاردا بولۋ ساتىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنامنىڭ «حالىق گازەتىندە» «مۇراتتاس بولىپ قول ۇستاسا العا تارتىپ، الدىڭعىلاردىڭ ٴىزىن باسىپ بولاشاققا جول اشىپ، ۇزدىكسىز جاڭا تاراۋ جازايىق» دەگەن تاقىرىپتا اۆتورلى ماقالا جاريالاپ، ستراتەگيالىق مانگە يە جۇڭگو — ۆيەتنام تاعدىرلاس ورتاق تۇلعاسىن قۇرۋ ەكى ەلدىڭ ورتاق مۇددەسىنە ۇيلەسەدى، ٴوڭىردىڭ، اۋەلى، دۇنيە ٴجۇزىنىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنۋىنە ٴتيىمدى، بۇل تاريحتىڭ تاڭداۋى، حالىقتىڭ تاڭداۋى دەپ اتاپ كورسەتتى.
ۆيەتنامنىڭ ٴار سالا قايراتكەرلەرى شينحۋا اگەنتتىگىنىڭ تىلشىلىگىن قابىلداعاندا مىنانى ٴبىلدىردى: باس شۋجي شي جينپيڭ اۆتورلى ماقالاسىندا قانىق قىزىل گەن، تەرەڭ ساياسي ٴوزارا سەنىمدىلىك، سۇبەلى سەلبەستىكتىڭ قۇنارلى توپىراعى، قويۋ گۋمانيتارلىق اۋىس ـ كۇيىس سياقتى جاقتاردان جۇڭگو — ۆيەتنام تاعدىرلاس ورتاق تۇلعاسىن بايىمدادى، جۇڭگو — ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا جەتەكشىلىك ەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوستى.
قىزىل حيكايانى جاقسى بايانداپ، جۇڭگو مەن ۆيەتنامنىڭ ستراتەگيالىق ٴوزارا سەنىمدىلىگىن تەرەڭدەتتى
”جۇڭگو — ۆيەتنام تاعدىرلاس ورتاق تۇلعاسى قانىق قىزىل گەنگە مۇراگەرلىك ەتەدى“، باس شۋجي شي جينپيڭنىڭ اۆتورلى ماقالاسىنداعى وسى بايىمداۋى ۆيەتنام ۆيەتنام — جۇڭگو دوستىق قوعامىنىڭ ورىنباسار ٴتوراعاسى رۋان رۇڭگۋاڭنىڭ ۇندەستىگىن تۋدىردى. ول بىلاي دەدى: ۆيەتنام مەن جۇڭگو ەكى ەل كوممۋنيستىك پارتيانىڭ باسشىلىعىنا جانە سوتسياليستىك تۇزىمگە تاباندى بولىپ كەلەدى. قىزىل جۇرتتاردى قورعاۋ جانە ۇگىتتەۋ توتەنشە ماڭىزدى، ويتكەنى ”ولاردا ەكى ەل حالقىنىڭ ەركى ۇيىسقان، ونان دا ماڭىزدىسى، بۇقارادان پارتيا مۇشەلەرىنە دەيىنگى تىعىز ىنتىماق بەينەلەنگەن“.
”بۇگىن تاڭەرتەڭ باس شۋجي شي جينپيڭنىڭ اۆتورلى ماقالاسىن وقىدىم. ٴسوز ـ سويلەمدەرى، اسىرەسە، ۆيەتنام مەن جۇڭگونىڭ ٴداستۇرلى دوستىعى جونىندەگى سۋرەتتەۋى وتە تەرەڭ“. 82 جاستاعى ۆيەتنامدىق قاريا چىن ميڭيۋە ەرتەرەكتە گۋاڭشي گۇيلين يۇيساي مەكتەبىندە وقىعان. ول بىلاي دەدى: ”بۇل اۆتورلى ماقالا جۇڭگوداعى ۇمىتىلماس كەشىرمەلەرىمدى ەسىمە سالدى. جۇڭگو پارتياسى، ۇكىمەتى جانە حالقى بىزگە شىنايى كومەك بەردى... ونداعى ٴاربىر ادامدى ۇمىتا المايمىن“. چىن ميڭيۋە بىلاي دەپ قارادى: ۆيەتنام — جۇڭگو دوستىعىنىڭ قىزىل حيكاياسىن ويداعىداي بايانداپ، ”جاس ۇرپاقتاردىڭ ەكى ەل حالقىنىڭ دوستىق سەلبەستىك ٴداستۇرىن تولىق تۇسىنۋىنە، قورعاۋىنا جانە اسقاقتاتۋىنا مۇمكىندىك جاساۋ وتە قاجەتتى“.
كەزىندە ۆيەتنام قوعامدىق عىلىمدار اكادەمياسىندا قىزمەت ىستەگەن ادەبيەت دوكتورى رۋانشى مەيجۋان باس شۋجي شي جينپيڭنىڭ اۆتورلى ماقالاسىن زەرتتەپ وقىعاننان كەيىن تەرەڭ اسەر الدى، وندا ايتىلعان ”ۆيەتنام مەن جۇڭگونىڭ دوستىق سۇيىسپەنشىلىگى تەرەڭ، جولداس ۇستىنە باۋىرلاس“ دەگەن ٴسوز جونىندە اسەرلى سەزىممەن «ۆيەتنام — جۇڭگو دوستىعى» اتتى ولەڭ جازدى: ”ۆيەتنام مەن جۇڭگو تاتۋ كورشى، ابزال دوس، قىزىل تۋ جەلبىرەدى بيىكتە تەڭ كۇش قوسىپ. ’التى اناعۇرلىم‘ بويىنشا بىرگە قانات قاعىپ، باۋىرلاستار جۇرەگى تىپتەن توعىستى“.
”ەكى ەل مەملەكەت باسشىلارىنىڭ ٴجيى ٴوزارا ساپاردا بولۋى، سونداي ـ اق ەكى ەلدىڭ تىعىز ىقپالداستىعى وسكەلەڭ ستراتەگيالىق ٴوزارا سەنىمدىلىكتى ايگىلەيدى“. حانوي شەتەل ٴتىلى جانە تەحنولوگيا شۋەيۋانى جۇڭگو ٴتىلى فاكۋلتەتىنىڭ مەڭگەرۋشىسى ديڭ گۇڭجۇن باس شۋجي شي جينپيڭنىڭ اۆتورلى ماقالاسىنداعى ”جۇڭگو — ۆيەتنام تاعدىرلاس ورتاق تۇلعاسى تەرەڭ ساياسي ٴوزارا سەنىمدىلىكتەن باستاۋ الادى“ دەگەن بايىمداۋىن ەرەكشە قۇپتادى. ”بۇل باس شۋجي شي جينپيڭنىڭ بيىلعى تۇڭعىش ساپارى، سونداي ـ اق ونىڭ ۆيەتنامداعى 4 ـ رەتكى مەملەكەتتىك ساپارى، بۇل ونىڭ ەكى ەلدىڭ كورشىلىك تاتۋلىعىن، دوستىعىن تەرەڭدەتۋگە، ەكى ەلدىڭ سەلبەستىگىن كەڭەيتۋگە باسا ٴمان بەرگەندىگىن ايگىلەدى“.
باس شۋجي شي جينپيڭ اۆتورلى ماقالاسىندا بىلاي دەپ اتاپ كورسەتتى: جۇڭگو توڭىرەكتىك ديپلوماتيا ساياساتىنىڭ ۇلاسپالىلىعى مەن ورنىقتىلىعىن ساقتاپ، تاتۋ، ادال، قايىرىمدى، كەڭ پەيىل بولۋ ۇستانىمىنا جانە كورشىلەرمەن تاتۋ ٴوتۋ، كورشىلەردى سەرىك تۇتۋ باعىتىنا تاباندى بولىپ، توڭىرەكتەگى ەلدەرمەن دوستىق سەلبەستىكتى تەرەڭدەتىپ، ازيانىڭ وسىزاماندانۋ اياق الىسىن بىرگە ىلگەرىلەتەدى.
”مەن باس شۋجي شي جينپيڭنىڭ وسى بايىمداۋلارىن ەرەكشە قۇپتايمىن. ’تاتۋ بولۋ‘ تاتۋ كورشى، دوس بولۋدى مەڭزەيدى، ’ادال بولۋ‘ شىن نيەتىمەن مامىلە جاساۋعا ۋاكىلدىك ەتەدى، ’قايىرىمدى بولۋ‘ ٴوزارا پايدا جەتكىزىپ تەڭ يگىلىكتەنۋدى دارىپتەيدى، ’كەڭ پەيىل بولۋ‘ سيىسىمدى بولۋدى، ٴوزارا ۇلگى الۋدى ايگىلەيدى“. ۆيەتنام حابار اگەنتتىگى حالىقارالىق ٴبولىمىنىڭ بۇرىنعى ورىنباسار مەڭگەرۋشىسى فان فۋفۋ بىلاي دەدى: ”سوڭعى جىلدارى حالىقارالىق جانە وڭىرلىك جاعداي ورنىقسىزدىق پەن ايقىنسىزدىققا تولى بولدى. بۇل ۇستانىم بەيبىتشىلىكتى وزەك، ادالدىقتى ىرگە تاس، ٴوزارا پايدا جەتكىزۋدى جول، سيىسىمدىلىقتى دارقان پەيىل ەتكەن قارىم ـ قاتىناس جاساۋ جولىن ايگىلەدى“.
ناقتى ىستەر سەلبەستىگىن كۇشەيتىپ، ەكى ەل حالقىن اناعۇرلىم ويداعىداي باقىتقا كەنەلتتى
”ەكى ەل ۇكىمەتىنىڭ ’ٴبىر بەلدەۋ، ٴبىر جولدى‘ بىرگە قۇرۋ مەن ’ەكى ٴدالىز، ٴبىر شەڭبەر‘ جۇلگەسىن ٴتۇيىلىستىرۋ جونىندەگى سەلبەستىك جوباسىن ويداعىداي تياناقتاندىرۋ“، ”ۆيەتنامنىڭ سولتۇستىگىندەگى ولشەمدى رەليستى 3 تەمىر جول نىسانى سەلبەستىگىن ىلگەرىلەتۋ“، ”زەردەلى شەكارا وتكەلىن قۇرۋ“، ”5G، جاساندى زەردە، جاسىل دامۋ سياقتى جاڭادان گۇلدەنگەن سالالارداعى سەلبەستىكتى كەڭەيتۋ“... باس شۋجي شي جينپيڭنىڭ اۆتورلى ماقالاسىنداعى جۇڭگو مەن ۆيەتنامنىڭ ناقتى ىستەر سەلبەستىگىن كۇشەيتۋ جونىندەگى بايىمداۋلارى ۆيەتنام جاق قايراتكەرلەرىن ۇمىتكە بولەدى.
” ’ ٴبىر بەلدەۋ، ٴبىر جولدى‘ بىرگە قۇرۋ باستاماسى مەن ’ەكى ٴدالىز، ٴبىر شەڭبەر‘ جۇلگەسى نىسانا جانە بەتالىس جاعىندا جوعارى دەڭگەيدە قابىسىپ، ۆيەتنام مەن جۇڭگونىڭ جاپپاي ستراتەگيالىق سەلبەستىك سەرىكتەستىك قارىم ـ قاتىناسىنىڭ تەرەڭدەۋىنە ۋاكىلدىك ەتىپ، ەكى ەلدىڭ ٴوزارا پايدا جەتكىزىپ تەڭ يگىلىككە كەنەلۋدى جۇزەگە اسىرۋىن پارمەندى ىلگەرىلەتىپ، ەكى ەلدىڭ ٴداستۇرلى دوستىق قارىم ـ قاتىناسىن ونان ارى بەكەمدەيدى جانە دامىتادى“. ۆيەتنام قوعامدىق عىلىمدار اكادەمياسى شىعىس وڭتۇستىك ازيا جانە ازيا ـ تىنىق مۇحيت زەرتتەۋ ورنى ۆيەتنام — جۇڭگو قارىم ـ قاتىناسىن زەرتتەۋ ورتالىعىنىڭ مەڭگەرۋشىسى ياڭ ۋىنحۇي باس شۋجي شي جينپيڭنىڭ اۆتورلى ماقالاسىن مۇقيات زەرتتەپ وقىعاننان كەيىن بىلاي دەدى: كەزەكتە ەكى جاق ولشەمدى رەليستى تەمىر جول نىسانى، زەردەلى شەكارا وتكەلى سياقتى جاقتاردا ىلگەرىلەۋشىلىككە قول جەتكىزدى، نەگىزدىك قۇرىلعىلاردى تۇتاستىرۋ، ۇلاستىرۋ بولاشاقتاعى اناعۇرلىم جوعارى ٴونىمدى، اناعۇرلىم تىعىز سەلبەستىككە مىعىم نەگىز قالايدى.
ۆيەتنام ونەركاسىپ ـ ساۋدا مينيسترلىگى ونەركاسىپ ـ ساۋدانى دامىتۋ، قارجى قوسۋدى جەبەۋ ورتالىعىنىڭ ورىنباسار مەڭگەرۋشىسى رۋان بوحاي بىلاي دەپ قارادى: تەمىر جول نىسانى سەلبەستىگى ۆيەتنام مەن جۇڭگونىڭ زات اينالىمى سەلبەستىگىنە ساپالىق قارىشتاۋ اكەلەدى. ”ۆيەتنام — جۇڭگو ەكى ەل اراسىنداعى تەمىر جولدى تۇتاستىرۋ زات اينالىمى وزىندىك قۇنىن ۇشتەن ٴبىر ۇلەس، اۋەلى، جارتىسىنداي تومەندەتەدى ٴارى ۆيەتنامنىڭ اۋىل شارۋاشىلىعى ونىمدەرىنىڭ كەدەننەن ٴوتۋ ۋاقىتىن بارىنشا قىسقارتادى. سونىمەن بىرگە ۆيەتنام — جۇڭگو حالىقارالىق بىرلەسكەن تاسىمال سۋىق تىزبەك تاسىمال قۋاتى اۋىل شارۋاشىلىعى ونىمدەرىن جاس كۇيىندە ساقتاۋدى قامتاماسىزداندىرىپ، جۇڭگو تۇتىنۋشىلارىن اناعۇرلىم ساپالى، باعاسى ارزان ٴدامدى ازىق ـ تۇلىكتەردەن يگىلىكتەندىرەدى“.
”ۆيەتنام مەن جۇڭگو اراسىندا گۇل ـ ٴشوپ ساۋداسىمەن شۇعىلدانعان كوپ جىلدان بەرى، مەن ەكى ەلدىڭ ەكونوميكا ـ ساۋدا سەلبەستىگىنىڭ بارعان سايىن تەرەڭدەۋىنە ٴوز كوزىممەن كۋا بولدىم“. ۆيەتنام بايلان يمپورت ـ ەكسپورت شەكتى سەرىكتەستىگىنىڭ جاۋاپتىسى رۋان سۇييۇن اۆتورلى ماقالادا العا قويىلعان ”جۇڭگو — ۆيەتنام تاعدىرلاس ورتاق تۇلعاسى سۇبەلى سەلبەستىكتىڭ قۇنارلى توپىراعىنا تامىر تارتتى“ جونىندە ناقتى اسەرگە يە. ول 2018 ـ جىلدان باستاپ يۇنناننىڭ گۇل ـ ٴشوبىن ۆيەتنامعا ساتادى، قازىر اي سايىن جۇڭگو مەن ۆيەتنام اراسىندا شاپقىلايدى. ”ۆيەتنام مەن جۇڭگونىڭ ۆيەتنامنىڭ سولتۇستىگىندەگى ولشەمدى رەليستى 3 تەمىر جول نىسانى سەلبەستىگىن ىلگەرىلەتۋى، زەردەلى شەكارا وتكەلىن قۇرۋى، شەكارا اتتاعان ساۋدامەن شۇعىلداناتىن بىزدەر جونىنەن العاندا، قاتىناستىڭ اناعۇرلىم قولايلى بولعاندىعىن، سەلبەستىكتىڭ اناعۇرلىم جيىلەگەندىگىن اڭعارتادى“.
ۆيەتنام قوعامدىق عىلىمدار اكادەمياسى «شىعىس وڭتۇستىك ازيانى زەرتتەۋ» جۋرنالىنىڭ بۇرىنعى باس رەداكتورى چىن چيڭ جۇڭگونىڭ قاتىناس نەگىزدىك قۇرىلعىلارىنا قارجى قوسۋ قۇرىلىسى سالاسىندا تاجىريبەسى مول، جەتىستىكتەرى كورنەكتى، بۇل ەكى جاقتىڭ تەمىر جول، تاس جول تاسىمال جۇيەسىنىڭ دامۋى جاعىندا اناعۇرلىم كولەمدى، اناعۇرلىم جوعارى ٴونىمدى سەلبەستىك ورىستەتۋىنە مىعىم نەگىز قالايدى، ماڭىزدى وراي ازىرلەيدى دەپ قارادى.
چىن چيڭ باس شۋجي شي جينپيڭنىڭ اۆتورلى ماقالاسىنداعى ”ساۋدا شايقاسى، كەدەن باجىسى شايقاسىندا جەڭىمپاز بولمايدى“ دەگەن بايىمداۋىن بۇكىلدەي قۇپتايدى. ول بىلاي دەدى: حالىقارالىق ساۋدادا ٴار ەل ەكونوميكاسىنىڭ ٴبىر ـ بىرىنە سۇيەنۋى كۇن سايىن تەرەڭدەدى. الايدا سوڭعى جىلدارى الەمدىك باسقارۋ جۇيەسى قاتاڭ سىن ـ سايىستارعا ٴدوپ كەلدى، ”ۆيەتنام — جۇڭگو ەكى ەلدىڭ حالىقارالىق زاڭدى نەگىز ەتكەن حالىقارالىق ٴتارتىپتى قول ۇستاسا قورعاۋىنا بولادى“.
گۋمانيتارلىق اۋىس ـ كۇيىستى جيىلەتىپ، تاعدىرلاس بولۋ جاڭا تاراۋىن ۇزدىكسىز جازدى
باس شۋجي شي جينپيڭ اۆتورلى ماقالاسىندا جۇڭگو — ۆيەتنام تاعدىرلاس ورتاق تۇلعاسى قويۋ گۋمانيتارلىق اۋىس ـ كۇيىس بارىسىندا ىلگەرىلەگەندىگىن اتاپ كورسەتتى ٴارى دىتيان (بانيۋە) سارقىراماسى شەكارا اتتاعان ساياحات سەلبەستىك رايونىنىڭ رەسمي ىسكە قوسىلعاندىعىن اۋىزعا الدى. بۇل ۆيەتنام گاۋپيڭ ساياحات جارنا سەرىكتەستىگىنىڭ ەل ارالىق سارقىراما شەكارادان كىرىپ ـ شىعۋ كاسىبىنىڭ جاۋاپتىسى شۇي شىليدى ايرىقشا جىگەرلەندىردى. ول بىلاي دەدى: سەلبەستىك رايونى ٴار كۇنى ەكى ەلدىڭ قىرۋار ساياحاتشىسىن قابىلدايدى، ساياحاتشىلار كوركەم كورىنىستەردى تاماشالاۋمەن بىرگە، ٴوزارا ٴتۇسىنىسۋدى دە كۇشەيتتى. مۇنداي سەلبەستىك ۇلگىسى شەكارا ساياحاتىنىڭ دامۋىن جەبەپ، قىرۋار جۇمىس ورنىن ازىرلەۋمەن بىرگە، ەكى ەلدىڭ ٴداستۇرلى دوستىعىن بەكەمدەۋگە دە ٴتيىمدى.
باس شۋجي شي جينپيڭنىڭ اۆتورلى ماقالاسىندا ەكى ەل ساياحاتشىلارىن قارسى جاقتاعى ەلگە ”قىدىرۋعا“، ”بارۋعا“ ىنتالاندىرعاندىعىن اۋىزعا العاندا، ۆيەتنامنىڭ اۆانگارد جاستار شەشۋ جوباسى ساياحات كووپەراتيۆىنىڭ ديرەكتورى لين شىشۇن ەرەكشە تەبىرەندى. ”باس شۋجي شي جينپيڭنىڭ بۇل ٴسوزى جۇڭگو جاقتىڭ ەكى ەلدىڭ گۋمانيتارلىق اۋىس ـ كۇيىسىن كۇشەيتۋدەگى بەلسەندى تىلەگىن بەينەلەپ، ەكى ەلدىڭ ساياحات كاسىبىنە تىڭ وراي اكەلدى. ٴبىز ورايدى مىقتى يگەرىپ، بازاردى كەڭەيتىپ، ارناۋلى ونىمدەردى جوبالاپ، جۇڭگولىق سەرىكتەرىمىزبەن سەلبەستىكتى كۇشەيتىپ، قاريدارلارىمىزعا ەڭ جاقسى سەزىنۋ اسەرىن سيلايمىز“.
باس شۋجي شي جينپيڭ اۆتورلى ماقالاسىندا جۇڭگونىڭ كينو ـ تەلەۆيزيا تۋىندىلارى، ەلەكتروندى ويىندارى ۆيەتنام جاستارىنىڭ قىزۋ تالقى تاقىرىبىنا اينالىپ، ۆيەتنامدا ”جۇڭگو ٴتىلى ورلەۋىنىڭ“ ۇزدىكسىز كوتەرىلۋىنە دەم بەرگەندىگىن اۋىزعا الدى. حانوي مەملەكەتتىك داشۋەسى جۇڭگو ٴتىلى فاكۋلتەتىنىڭ وقۋشىسى لي ميڭيىڭ بۇدان تەرەڭ اسەر الدى، ويتكەنى ول جۇڭگو كينو ـ تەلەفيلمدەرىنىڭ ”جان كۇيەرى“. ”قازىر جۇڭگو ٴتىلىن ۇيرەنگىسى كەلەتىن ۆيەتنام جاستارى بارعان سايىن كوبەيۋدە، جۇڭگونىڭ كوپتەگەن كينو ـ تەلەۆيزيا تۋىندىلارى ۆيەتنامدا ’ايرىقشا ٴوتىمدى‘ “. لي ميڭيىڭ بىلاي دەدى: ”ۆيەتنامنىڭ ٴدامدى تاعامدارىن، مىسالى، حىفىندى كوپتەگەن جۇڭگولىق ۇناتادى“.
ۆيەتنامنىڭ ايگىلى قولباسشىسى حۇڭشۇيدىڭ جيەن قىزى، ۆيەتنام حابار اگەنتتىگى «ۆيەتنام سۋرەتتى جۋرنالىنىڭ» ورىنباسار باس رەداكتورى حىشى شياڭچيۋ باس شۋجي شي جينپيڭنىڭ اۆتورلى ماقالاسىن مۇقيات وقىعاننان كەيىن بىلاي دەدى: باس شۋجي شي جينپيڭ ”ەكى ەل حالقىنىڭ دوستىق حيكاياسىن ويداعىداي بايانداپ، جۇڭگو — ۆيەتنام دوستىعىنىڭ ۇتىلامالى تاياقشاسىن ۇرپاقتان ـ ۇرپاققا جالعاستىرۋىمىز كەرەك“ دەپ باسا دارىپتەدى، مۇنى مەن تەرەڭ سەزىندىم، ”تالاي جىلدان بەرى، مەنىڭ باستى شۇعىلدانعان قىزمەتىم ۆيەتنامنىڭ جەرگىلىكتى سالت ـ ساناسىن جۇڭگولىق دوستارعا تانىستىرۋ، سونداي ـ اق جۇڭگوعا قاتىستى جاعدايلاردى ۆيەتنامدىق تىڭدارماندارعا بايانداۋ بولدى“. مەنىڭشە، جاستار — ۆيەتنام — جۇڭگو دوستىعىن جالعاستىراتىن ماڭىزدى كۇش، ەكى ەل حالقى، اسىرەسە، جاستار اۋىس ـ كۇيىس پەن ۇيرەنۋدى كۇشەيتىپ، ”ٴىس جۇزىندىك ارەكەتتەرى ارقىلى ەكى ەلدىڭ دوستىق قارىم ـ قاتىناسىنىڭ دامۋىنا جانە تاعدىرلاس ورتاق تۇلعا قۇرىلىسىنا تىڭ ۇلەس قوسۋلارى كەرەك“.
رۋان رۇڭگۋاڭ باس شۋجي شي جينپيڭ مەن ۆيەتنام باسشىلارىنىڭ كەزدەسۋىنە تالاي رەت قاتىناسقان، سونداي ـ اق «شي جينپيڭ ەل باسقارۋ جونىندە» 1 ـ تومىنىڭ ۆيەتنام ٴتىلى نۇسقاسىن اۋدارۋ قىزمەتىنە دە قاتىناسقان. باس شۋجي شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمى ونى تەرەڭ اسەرلەندىردى. ”ۆيەتنام مەن جۇڭگو ەكى ەل مەيلى قانداي سىرتقى حاۋىپ ـ قاتەرگە، سىن ـ سايىسقا ٴدوپ كەلسە دە، اۋەلگى ماقساتتى ۇمىتپاۋى كەرەك، سوندا عانا ۆيەتنام — جۇڭگو قارىم ـ قاتىناسىنىڭ تولقىن جارا العا ىلگەرىلەۋىنە، ورنىقتى قاداممەن العا باسۋىنا مۇمكىندىك جاساپ، سول ارقىلى ستراتەگيالىق مانگە يە ۆيەتنام — جۇڭگو تاعدىرلاس ورتاق تۇلعاسىن قۇرا الادى“.
(قاتىناسقان تىلشىلەر حۋ جيالي، جاۋ شۇي، ۋاڭ شيانسى، ۋ شياۋياڭ، دۋ جۋان، چاڭ تيانتۇڭ، ليۋ شيۋليڭ)
(شينحۋا اگەنتتىگىنىڭ 4 ـ ايدىڭ 14 ـ كۇنى حانويدان بەرگەن حابارى)
