انار بۇلت \ شينجياڭ گازەتىنىڭ ٴتىلشىسى گاۋ فىڭ
”قامبا تەمپەراتۋراسى 10 سەلتسي گرادۋس، استىقتىڭ ورتاشا تەمپەراتۋراسى نولدەن تومەن 4 سەلتسي گرادۋس...“. 4 ـ ايدىڭ 7 ـ كۇنى تۇستەن كەيىن ورتالىق زاپاس استىق ٴۇرىمجى توتە قاراستى قامباسى شەكتى سەرىكتەستىگىنىڭ قامباشىسى ليۋ في ٴبىر استىق قامباسىنىڭ قاقپاسىن اشتى، كىرەر اۋىزداعى ەلەكتروندى ەكراندى اشسا بولعانى، وسى استىق قامباسىنىڭ استىق جاعدايى ينفورماتسياسىن تەكسەرىپ كورۋگە بولادى.
بۇل — ورتالىق زاپاس استىق باسقارۋ توبى شەكتى سەرىكتەستىگى ٴۇرىمجى توتە قاراستى قامباسى شەكتى سەرىكتەستىگى تاياۋدا دارەجەسىن جوعارىلاتقان زەردەلى استىق قامباسىن شوعىرلى باسقارۋ ـ مەڭگەرۋ تۇعىرى فۋنكتسيالارىنىڭ ٴبىرى. بۇل باسقارۋ ـ مەڭگەرۋ تۇعىرى استىق قامباسىنداعى تەمپەراتۋرا ولشەۋ جەلىسى، كامەرا سياقتى جابدىقتارعا ورنالاستىرىلىپ، استىق قامباسىنا ”قىراعى كوز“ ورناتتى، سوناۋ شالعايداعى بەيجيڭدەگى جۇڭگو زاپاس استىق باسقارۋ توبى شەكتى سەرىكتەستىگىنىڭ قاتىستى قىزمەتكەرلەرى استىق جاعدايىن دەر كەزىندە باقىلاپ ـ مەڭگەرە الادى.
”بۇل استىق قامباسىنىڭ ىشىنە كولدەنەڭىنە 7 قاتار، تىگىنە 11 قاتار بويىنشا تەمپەراتۋرا ولشەۋ جەلىسى ورنالاستىرىلعان، استىق قامباسىنداعى استىقتى 4 قاباتقا ٴبولىپ تەكسەرەدى، الدا ـ جالدا ٴمالىم ورىنداعى استىق تەمپەراتۋراسىندا قالىپسىزدىق بايقالسا، كىرەر اۋىزداعى ەكراندا (ياعني ەلەكتروندى زات ورنى كارتچكاسى) دەرەۋ كورسەتىلىپ، ٴبىزدىڭ قالىپسىز جاعدايدى دەر كەزىندە بايقاۋىمىزعا جانە ٴبىر جاقتى ەتۋىمىزگە قولايلىلىق اكەلەدى“، ـ دەدى ليۋ في.
ورتالىق زاپاس استىق باسقارۋ توبى شەكتى سەرىكتەستىگى ٴۇرىمجى توتە قاراستى قامباسى شەكتى سەرىكتەستىگى ىشكى اينالما اعىستىق تەمپەراتۋرانى تىزگىندەپ استىق ساقتاۋ تەحنولوگياسىن قولدانىپ، قىس ماۋسىمىندا استىق قامباسىنا كىرگەن سۋىق اۋادان پايدالانىپ استىق ٴۇيىندىسىنىڭ ىشكى بولەگىندە سۋىق قاينار قالىپتاستىرىپ، قامبا تەمپەراتۋراسى مەن بەتكى قاباتتاعى استىق تەمپەراتۋراسىن تىزگىندەپ، تومەن تەمپەراتۋرادا استىقتى جاسىل ساقتاۋدى جۇزەگە اسىردى. زەردەلى استىق قامباسىن شوعىرلى باسقارۋ ـ مەڭگەرۋ تۇعىرى سىندى تەحنولوگيالىق ساقتانۋ، تەحنولوگيالىق مەڭگەرۋ نىسانىن اتقارعاننان كەيىن، قامباشىلاردىڭ داعدىلى تەكسەرۋدەن تىس قامباعا كىرۋ رەت سانىن ازايتىپ، سۋىق قاينارىنىڭ تارالۋىن ازايتىپ، استىقتى ٴتىپتى دە جاقسى ساقتاۋعا سەپتىگىن تيگىزەدى. سونىمەن بىرگە وسى باسقارۋ ـ مەڭگەرۋ تۇعىرى استىق جاعدايى ينفورماتسياسىنان كومپيۋتەردىڭ مەڭگەرۋ ۇشى مەن ەلەكتروندى زات ورنى كارتچكاسى اراسىندا ساندى مالىمەتتەن بىرگە يگىلىكتەنۋدى جۇزەگە اسىرىپ، ساندى مالىمەت ينفورماتسياسىنىڭ ارناعا تۇسپەۋى، بىركەلكى بولماۋى سياقتى ماسەلەلەردى ٴونىمدى شەشەدى. استىق جاعدايى ساندى مالىمەتىنەن الىس ارالىقتان بىرگە يگىلىكتەنۋ ورتالىقتىڭ ٴىس ۇقىعى كولەمىندەگى ٴتۇرلى استىقتى ”جاپپاي“ ينتەرنەتتە شوعىرلى باقىلاۋ ـ باسقارۋدى جانە تۇتاس تىزبەك بويىنشا قۋزاستىرىپ ـ باسقارۋدى دا جۇزەگە اسىردى.
ورتالىق زاپاس استىق ٴۇرىمجى توتە قاراستى قامباسى شەكتى سەرىكتەستىگى 2023 ـ جىلدان باستاپ زەردەلى استىق قامباسىن شوعىرلى باسقارۋ ـ مەڭگەرۋ تۇعىرى نىسانىن تۇيىندە سىناق ەتىپ اتقارىپ، بىلتىر جاپپاي جالپىلاستىرىپ پايدالاندى. قازىر بۇل باسقارۋ ـ مەڭگەرۋ تۇعىرى زەردەلى قامباعا كىرگىزۋ ـ قامبادان شىعارۋ، سيفرلى قامبادا ساقتاۋ، AI ارقىلى ساقتاندىرۋ جانە استىق قامباسىن كورۋگە بولۋ سىندى ٴتورت ۇلكەن يقۋات ازىرلەدى.
ورتالىق زاپاس استىق باسقارۋ توبى شەكتى سەرىكتەستىگى ٴۇرىمجى توتە قاراستى قامباسى شەكتى سەرىكتەستىگىنىڭ باس ديرەكتورى يۇي زىحاي مىنانى ٴبىلدىردى: تەحنولوگيالىق ساقتانۋ، تەحنولوگيالىق مەڭگەرۋ جۇيەسىن ۇزدىكسىز ويداعىداي قولدانىپ، ينفورماتسيالاندىرۋ، زەردەلىلەندىرۋ تەحنولوگياسى ارقىلى ”ٴىرى ەل استىق قامباسىن“ ويداعىداي باسقارامىز.
