4 ـ ايدىڭ 16 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق قاتىناس ـ تاسىمال مەڭگەرمەسىندە جانە دەنە تاربيە مەكەمەسىندە تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي اۆتونوميالى رايوندىق قاتىناس ـ تاسىمال مەڭگەرمەسى شينجياڭ جالپىلىق قاتىناس ـ تاسىمال قولباسشىلىق ورتالىعىندا بۇكىل شينجياڭداعى ٴتۇيىندى قاتىناس جولدارىن جوبالاپ سالۋدىڭ اياق الىسى جونىندەگى تانىستىرۋدى تىڭداۋدا.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 16 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 ـ ايدىڭ 16 ـ كۇنى اۆتونوميالى رايوندىق قاتىناس ـ تاسىمال مەڭگەرمەسىندە جانە دەنە تاربيە مەكەمەسىندە تەكسەرۋ ـ زەرتتەۋ جۇرگىزگەن كەزدە بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قاتىناستا قۋاتتى ەل قۇرۋ كەلەلى جاعدايىمەن بەلسەنە توعىسىپ، ستراتەگيالىق سيپاتتى، جالپى جاعداي سيپاتتى، نەگىزدىك سيپاتتى كەلەلى ينجەنەريا نىساندارىن ٴجىتى قاداعالاپ، جالپىلىق، ستەرەولدى قاتىناس تورى قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋدى جۇيەلى ىلگەرىلەتىپ، قاتىناستى باسقارۋ قابىلەتىن جوعارىلاتىپ، شينجياڭنىڭ وسىزامانداندىرۋ قۇرىلىسىنا ٴتىپتى دە قۋاتتى تىرەك ازىرلەۋ كەرەك. شينجياڭ ەرەكشەلىگىنە يە باسىمدىقتى تياناق ەتىپ، بۇقارالىق دەنە تاربيەنىڭ قارىشتاپ دامۋىن بەلسەندى جوسپارلاپ، ىلگەرىلەتىپ، باسەكەلىك دەنە تاربيەنىڭ دەڭگەيىن قۇلشىنا جوعارىلاتىپ، دەنە تاربيەنىڭ جالپىلىق قۇنىن جانە وزگەشە يقۋاتىن اناعۇرلىم ويداعىداي جارىققا شىعارىپ، شينجياڭ دەنە تاربيە ىستەرى دامۋىنىڭ جاڭا جاعدايى ارقىلى دەنە تاربيەدە قۋاتتى ەل قۇرۋعا كۇش ـ قۋات ارناۋ كەرەك.
اۆتونوميالى رايوندىق قاتىناس ـ تاسىمال مەڭگەرمەسىندە ما شيڭرۇي شينجياڭ جالپىلىق قاتىناس ـ تاسىمال قولباسشىلىق ورتالىعىنا كىرىپ، وڭتۇستىك ـ سولتۇستىك شينجياڭنىڭ قاتىناس ماڭىزدى جولدارىنداعى كولىك قاتىناۋ جاعدايىن بەينە ەكراندا تەكسەرىپ كورىپ، جول قاتىناس حاۋىپسىزدىگىن باسقارۋ جاعدايىن ۇعىسىپ، ورتالىق قالا شەڭبەرى تاس جولىن ىركىلىسسىزدەندىرۋ ينجەنەرياسىن اتقارۋ، تۇتاس شينجياڭنىڭ ٴتۇيىندى قاتىناس جولدارى جوبا قۇرىلىسىنىڭ اياق الىسى جونىندەگى تانىستىرۋدى تىڭدادى. ول بىلاي دەپ باسا دارىپتەدى: شينجياڭنىڭ جوعارى ساپالى دامۋىن جەبەۋدە، وسىزامانداندىرۋ قۇرىلىسىن ىلگەرىلەتۋدە قاتىناس — ەڭ كورنەكتى كەدەرگىلەردىڭ ٴبىرى. جالپى جاعداي تانىمىن جانە جۇيە وي جەلىسىن شىنايى كۇشەيتىپ، يدەيالىق كوزقاراستا بۇرىلىس جاساپ، باتىلدىقپەن جاۋاپكەرشىلىك ارقالاپ ىسكەرلىك كورسەتىپ، اناعۇرلىم كۇشتى جاۋاپكەرشىلىك سەزىم، بورىشتىلىق سەزىم ارقىلى قاتىناس قۇرىلىسىنىڭ ٴتۇيىندى قىزمەتتەرىن ىلگەرىلەتىپ، قاتىناس نەگىزدىك قۇرىلعىلارىنىڭ ورنالاسۋىن كەمەلدەندىرۋدى جانە ستەرەولدى ۇلاستىرۋدى جەدەلدەتىپ، وسىزاماندانعان كەشەندى قاتىناس جۇيەسىن ورناتىپ، زاتتىڭ ىركىلىسسىز تاسىمالدانۋىن، ادامداردىڭ ىركىلىسسىز ساپارعا شىعۋىن اناعۇرلىم ويداعىداي جۇزەگە اسىرىپ، شينجياڭنىڭ ەكونوميكالىق، قوعامدىق دامۋىنا پارمەندى تىرەك جانە قامتاماسىزدىق ازىرلەۋ كەرەك. تەكسەرۋ ـ زەرتتەۋ بارىسىندا ما شيڭرۇي ٴىشىنارا كەلەلى جول قاتىناس نىسانىنىڭ جوبالانۋ، سالىنۋ جاعدايىن ەگجەي ـ تەگجەيلى ۇعىسىپ، قاتىستى جاۋاپتى جولداستارمەن جۇمىس باسىندا ىلگەرىلەتۋ قىزمەتىن اقىلداسىپ، بىلاي دەپ باسا دارىپتەدى: ”15 ـ بەسجىلدىقتاعى“ تاس جول، قاتىناس جوباسىن جاساۋمەن تىعىز بىرلەستىرىپ، جالپى جاعدايعا جانە ۇزاق بولاشاققا ساياتىن كەلەلى قاتىناس نىساندارىن تىعىز كوزدەپ، قۇرىلىس تەبىنىن ۇزدىكسىز ارتتىرىپ، قاتىناس تامىرىن ۇزدىكسىز ىركىلىسسىزدەندىرىپ، جوعارى ساپالى دامۋعا تىرەك بولۋ قابىلەتىن جوعارىلاتۋ كەرەك. ٴوندىرىس حاۋىپسىزدىگى ارقاۋىن باستان ـ اياق مىقتاپ شيراتىپ، سالىنۋ ۇستىندەگى ينجەنەريالاردىڭ حاۋىپسىزدىك باسقارۋىن كۇشەيتىپ، ادامعا، اۆتوكولىككە، جولعا، كاسىپورىندارعا ساياتىن قاتىناس حاۋىپسىزدىگى كومەسكى كىناراتتارىن ىشكەرىلەي وڭاپ، قاتىناسقا قىزمەت وتەۋ، باسقارۋ دەڭگەيىن جوعارىلاتۋ كەرەك. جوعارى ساپالى، ماماندانعان كادرلار قوسىنىن كۇش سالا قۇرىپ، ستيل قۇرىلىسىن كۇشەيتىپ، كادرلار قوسىنىنىڭ وسى زامانعى كەشەندى قاتىناس ـ تاسىمال دامۋىنىڭ تالابىنا سايكەسۋ قابىلەتىن ۇزدىكسىز كۇشەيتۋ كەرەك.
اۆتونوميالى رايوندىق دەنە تاربيە مەكەمەسىندە ما شيڭرۇي قىزمەت تانىستىرۋىن تىڭداپ، شينجياڭنىڭ بۇقارالىق دەنە تاربيە، باسەكەلىك دەنە تاربيە، جاستار مەن ورەندەر دەنە تاربيەسى سياقتى ٴتۇرلى قىزمەتتەرىنىڭ اياق الىسىن، ونىمدىلىگىن مۇقيات ۇعىستى. ول بىلاي دەپ باسا دارىپتەدى: ماسەلەنى باعدار ەتۋگە تاباندى بولىپ، جالپى جاعدايدى جوسپارلاۋعا، ٴتۇيىندى يگەرۋگە شەبەر بولىپ، بۇقارالىق دەنە تاربيە مەن باسەكەلىك دەنە تاربيەنىڭ جان ـ جاقتى دامۋىن جەبەپ، شينجياڭ دەنە تاربيە ىستەرى دامۋىنىڭ تىڭ ساتىعا كوتەرىلۋىن ىلگەرىلەتۋ كەرەك. ”ٴۇش ۇلكەن دوپ“ جانە قار ـ مۇز سپورتى سياقتىلاردى ارقاۋ ەتە وتىرىپ ۇزدىكسىز كۇش سالىپ، شينجياڭنىڭ باسىمدىعىن جانە ەرەكشەلىگىن ايگىلەيتىن دەنە تاربيە نىساندارىن جەدەل جەتىلدىرىپ، شىنايى ونىمدىلىك جاراتىپ، بۇقارالىق دەنە تاربيەنى، جاستار مەن ورەندەر دەنە تاربيەسىن جانە دەنە تاربيە كاسىپ سالاسىنىڭ جەدەل دامۋىن ٴونىمدى جەتەكتەۋ كەرەك. تاكلاماكاندى اينالۋ حالىقارالىق راللي جارىسى دەڭگەيىن جوعارىلاتۋدى مۇقيات زەرتتەپ، ۇيىمداستىرۋ، قىزمەت وتەۋ، قامتاماسىز ەتۋ قابىلەتىن جوعارىلاتىپ، باۋراۋ قۋاتىن، ىقپال كۇشىن ۇزدىكسىز كەڭەيتىپ، شينجياڭنىڭ ٴتۇيىندى حالىقارالىق جارىس ىستەرىنىڭ تانىمال ماركاسىن تۇلعالاپ، سايرام كولىن اينالۋ (حالىقارالىق) تاس جول ۆەلوسيپەد جارىسى سياقتى ماڭىزدى جارىس قيمىلدارىن ۇزدىكسىز ويداعىداي وتكىزۋ كەرەك. سوڭىنان ما شيڭرۇي قاتىستى باسقارما، كەڭسەلەرگە كىرىپ، ٴارقايسى الاڭ، سارايلاردىڭ جاتتىعۋ، جارىسقا دايىندالۋ جاعدايىن بەينە ەكراندا ۇعىستى ٴارى ارگۇڭ دەنە تاربيە جاتتىعۋ ورتالىعىنا كەلىپ، شينجياڭنىڭ باسەكەلىك دەنە تاربيە ىستەرىنىڭ دامۋ بارىسى جانە قول جەتكىزگەن داڭقتارىنىڭ جاعدايىنان مالىمەت تىڭدادى، باسكەتبول سارايىنا، جەڭىل اتلەتيكا سارايىنا كەلىپ سول جەردەگى جاتتىعۋدى كوردى. ما شيڭرۇي ۇزدىك سپورتشىلار ۋاكىلدەرىمەن ىقىلاسپەن اڭگىمەلەسىپ، ولاردى كۇش ۇستىنە كۇش قوسىپ، اناعۇرلىم زور ناتيجەگە قول جەتكىزۋگە ىنتالاندىردى، قاتىستى جاۋاپتى جولداستارعا رەفورمانى ۇزدىكسىز تەرەڭدەتىپ، ىنتالاندىرۋ، قامتاماسىز ەتۋ مەحانيزمىن زەرتتەپ، كەمەلدەندىرىپ، ٴتىپتى دە كوپ ۇزدىك دەنە تاربيە دارىندىلارىن قۇلشىنا جەتىلدىرىپ، مەملەكەتكە داڭق اپەرىپ، شينجياڭنىڭ ابىرويىن اسىرۋدى تاپسىردى.
ۋاڭ گاڭ، قايسار قيۇم قاتىستى تەكسەرۋ ـ زەرتتەۋگە قاتىناستى.
