اۆتونوميالى رايوندىق ساياسي كەڭەس ايلىق كەڭەس اڭگىمە ٴماجىلىسىن اشتى
ۇلتتار ىنتىماعى مەن نەگىزگى ساتىنى باسقارۋدى ٴونىمدى توعىستىرۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ يانفاڭ 4 ـ ايدىڭ 16 ـ كۇنى ۇرىمجىدەن حابارلايدى. 4 ـ ايدىڭ 16 ـ كۇنى اۆتونوميالى رايوندىق ساياسي كەڭەس ايلىق كەڭەس اڭگىمە ٴماجىلىسىن اشىپ، ”ۇلتتار ىنتىماعى قىزمەتى مەن نەگىزگى ساتى قوعامدىق باسقارۋىن ٴونىمدى توعىستىرۋدى ىلگەرىلەتۋ“ نەگىزگى تاقىرىبىن ارقاۋ ەتە وتىرىپ ۇكىمەت ٴىسىن كەڭەستى، اقىلداستى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴماجىلىستى باسقاردى ٴارى ٴسوز سويلەدى.
ماجىلىستە ساياسي كەڭەس مۇشەسىنەن، دەموكراتيالىق پارتيا ـ توپتاردىڭ ۋاكىلىنەن 13 ادام ٴماجىلىس نەگىزگى تاقىرىبىن ارقاۋ ەتىپ تۇرلىشە تۇرعىدان اقىل ـ كەڭەس بەرىپ، ۇكىمەت ٴىسىن كەڭەستى. كوپشىلىك بىلاي دەپ قارادى: ۇلتتار ىنتىماعى قىزمەتى مەن نەگىزگى ساتى قوعامىن باسقارۋدى ٴونىمدى توعىستىرۋدى ىلگەرىلەتۋ جۇيەلى قىزمەت، كوپ جاقتىڭ كۇش سالۋىن قاجەت ەتەدى. نەگىزگى ساتىنى مادەنيەت ونىمدەرىمەن قامداۋدى اناعۇرلىم مولايتىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋ تەبىنىن ارتتىرىپ، ينتەرنەتتىڭ، جاڭا مەديانىڭ كۇشىن ساۋلەلەندىرىپ، ٴار ۇلت بۇقاراسىنىڭ جۇڭحۋا ۇلتى ورتاق تۇلعا تانىمىن ۇزدىكسىز ارتتىرىپ، قوعامدىق ۇيىمداردىڭ نەگىزگى ساتىنى باسقارۋعا ات سالىسۋىن ىلگەرىلەتىپ، كاسىپ سالاسىنىڭ توعىسا دامۋى ارقىلى ٴار ۇلت بۇقاراسىن كەڭ كولەمدە ارالاسۋعا، ىشتەسۋگە، توعىسۋعا جەتەكتەۋدى ۇسىنامىز.
نۇرلان ٴابىلماجىن بىلاي دەپ اتاپ كورسەتتى: باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، استە اۋىتقىماي پارتيانىڭ باسشىلىعىن ۇلتتار ىنتىماعى قىزمەتى مەن نەگىزگى ساتى قوعامدىق باسقارۋىنىڭ ٴونىمدى توعىسۋىن ىلگەرىلەتۋدىڭ تۇتاس بارىسىنا ٴسىڭىرۋ كەرەك. نازاردى ساياسي جەتەكشىلىككە شوعىرلاندىرىپ، ”ٴونىمدى توعىسۋدىڭ“ نەگىزگى تىرەگىن بەكەمدەپ، پارتكوم باسشىلىق ەتەتىن، ۇكىمەت جاۋاپتى بولاتىن، دەموكراتيالى كەڭەسەتىن، قوعام سايكەسەتىن، الەۋمەت ات سالىساتىن، زاڭمەن باسقارۋ قامتاماسىز ەتەتىن، عىلىم ـ تەحنولوگيا تىرەك بولاتىن قوعامدىق باسقارۋ جۇيەسىن ورناتىپ، اقاۋسىزداندىرىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن قالىپتاستىرۋ كەرەك.
نۇرلان ٴابىلماجىن بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ”ٴونىمدى توعىسۋدىڭ“ سەنترگە تارتۋ كۇشىن كۇشەيتىپ، ۇگىتتەۋ، تاربيەلەۋدىڭ ۇدايىلانعان مەحانيزمىن جەدەل قۇرىپ، شينجياڭنىڭ كوپ ۇلت شوعىرلى قونىستانۋ، كوپ مادەنيەت توپتالۋ، كوپ ٴدىن قاتار ٴومىر ٴسۇرۋ تاريحي حيكاياسىن ويداعىداي بايانداپ، ۇلتتار ىنتىماعىندا، العاباسارلىعىندا وزات بولۋدى ىشكەرىلەي ورىستەتۋ كەرەك. مادەنيەتپەن نارلەندىرۋدى كورنەكتىلەندىرىپ، ”ٴونىمدى توعىسۋدىڭ“ ىشكى كۇشىن جانداندىرىپ، جۇڭحۋانىڭ تاڭداۋلى ٴداستۇرلى مادەنيەتىنىڭ نەگىزگى ساتىنى باسقارۋداعى مورالمەن باسقارۋ رولىن ساۋلەلەندىرىپ، مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىن جاپپاي كۇشەيتۋدى شەشۋشى سيپاتتى، نەگىزدىك سيپاتتى قىزمەت رەتىندە يگەرىپ، باعىتتامالى تۇردە تاڭداۋلى ٴداستۇرلى مادەنيەت بايلىعىن اشىپ، بىرىكتىرىپ، جۇڭحۋا مادەنيەتىنىڭ بەلگىسىن جانە وبرازىن بەلسەندى تۇلعالاپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. دامۋدى كەلەلى ٴىس رەتىندە قاراۋعا تاباندى بولىپ، ”ٴونىمدى توعىسۋدىڭ“ قاينار كۇشىن تاسقىنداتىپ، عىلىم ـ تەحنولوگيادا جاڭالىق اشۋدى بار كۇشپەن ىلگەرىلەتىپ، ەرەكشەلىككە، باسىمدىققا يە كاسىپ سالاسىن جەتىلدىرىپ، زورايتىپ، قوعامدىق ىستەردى دامىتۋداعى ولقىلىقتاردى تولىقتاپ، دامۋ جەتىستىكتەرىن جۇرت تىلەگىندە وزگەرىس تۋدىرۋدىڭ، جۇرت تىلەگىنە قول جەتكىزۋدىڭ، جۇرت تىلەگىن بەكەمدەۋدىڭ جەتىستىگىنە اينالدىرۋ كەرەك.
اۆتونوميالى رايوننىڭ ورىنباسار ٴتوراعاسى مۇقيات جارمۇقامەت ماجىلىسكە قاتىناسقانداردىڭ ۇسىنىس ـ پىكىرلەرىنە جاۋاپ قايتاردى. اۆتونوميالى رايوندىق ساياسي كەڭەستىڭ ورىنباسار ٴتوراعالارى جاروللا يسامدين، كۇڭ شيڭلۇڭ، ابدۇرىقىپ ٴتومۇرنياز، نۇرىم سىمايىلقان، ازەز مۇسا، پۋ شۋەمەي، اسەنجان احمەت، باتۋ ماجىلىسكە قاتىناستى. اۆتونوميالى رايوندىق ۇلت ىستەرى كوميتەتىنىڭ قاتىستى جاۋاپتىلارى جاعدايدى تانىستىردى، قاتىستى تاراۋلار جاۋاپ قايتاردى.
