انار بۇلت \ شينجياڭ گازەتىنىڭ تىلشىلەرى شى رۋشيۇڭ، ما ينيڭ 4 ـ ايدىڭ 17 ـ كۇنى ۇرىمجىدەن حابارلايدى. 4 ـ ايدىڭ 17 ـ كۇنى ساعات نولدە ٴۇرىمجى تيانشان حالىقارالىق اۋەجايى سولتۇستىك تەرمينال اۋماعىنىڭ جۇمىس جۇيەسىنىڭ ىسكە قوسىلۋىنا ىلەسە، ٴۇرىمجى حالىقارالىق اۆياتسيا تورابى قۇرىلىسىنىڭ دامۋى تىڭ ساتىعا قادام قويدى، ەندى جىلدىق جولاۋشى قابىلداۋ ـ جونەلتۋ مولشەرىن 48 ميلليون ادامعا (رەت)، زات، جولداما قابىلداۋ ـ جونەلتۋ مولشەرىن 550 مىڭ تونناعا جەتكىزەتىن قامتاماسىز ەتۋ قابىلەتىن ازىرلەپ، شينجياڭنىڭ ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋىنا تاعى دا تىڭ قوزعاۋشى قۋات ۇستەيتىن بولادى.
تاڭ راۋانداپ، تاڭعى ساعات 8 بولعان شاقتا جۇڭگو وڭتۇستىك اۆياتسياسىنىڭ CZ6901 كەزەكشى ۇشاعى سولتۇستىك تەرمينال اۋماعىنىڭ جاڭا سىرعىما جولىمەن زىمىراپ بارىپ كوككە كوتەرىلدى.
”ايرىقشا جاقسى اسەرگە يە بولدىم، جاڭا تەرمينال اۋماعى ٴتىپتى دە وزىق جول نۇسقاۋ قۇرىلعىسىنا، اناعۇرلىم جوعارى ٴونىمدى جۇمىس جۇيەسىنە، ٴتىپتى دە حاۋىپسىز ۇشۋ قامتاماسىزدىعىنا يە“، ـ دەدى CZ6901 كەزەكشى ۇشاعىنىڭ ۇشاق باستىعى ني جىچياڭ.
2019 ـ جىلى قۇرىلىس باستاعان سولتۇستىك تەرمينال اۋماعى بۇگىنگە دەيىن شينجياڭداعى كولەمى ەڭ ۇلكەن حالىقتىق اۆياتسيا قۇرىلىس ينجەنەرياسى بولىپ، جاڭادان 2 سىرعىما جول جانە قۇرىلىس اۋدانى 500 مىڭ شارشى مەتر كەلەتىن جاڭا تەرمينال عيماراتىن سالۋمەن بىرگە، ۇشاققا شىعۋ جۇمىستارىن اۆتوماتتى ٴبىتىرۋ، جۇك جونەلتۋ، ادام بەتىن پارىقتاۋ سياقتى بۋىندارعا جالپى بەتتىك زەردەلى جۇيە ەنگىزىپ، جولاۋشىلاردىڭ جولاۋشىلاۋ اسەر ـ سەزىمىن زور دارەجەدە جوعارىلاتتى. جاڭادان سالىنعان قاتىناس ورتالىعىندا تەرمينال عيماراتىنان شىقپاي ـ اق مەترو، كوشە اۆتوبۋزى، كىرە اۆتوكولىگى سياقتى قاتىناس قۇرالدارىنا اۋىسىپ وتىرۋعا بولادى.
”بۇگىن تاڭەرتەڭ ۇرىمجىدەن بەيجيڭگە ۇشارىمدا سولتۇستىك تەرمينال اۋماعى ماعان اسا ۇلكەن كۇتپەگەن قۋانىش سيلادى، مىنە بۇل قازىرگى شينجياڭ دامۋىنىڭ بەينەسى“، ـ دەدى CZ6901 كەزەكشى ۇشاعىنداعى جولاۋشى نۇرگۇل مامەت ماقتانىشپەن.
وزگەشە وڭىرلىك باسىمدىققا جانە مەملەكەت جالپى جاعدايىنداعى شينجياڭنىڭ ستراتەگيالىق ورنىنا سۇيەنگەن ٴۇرىمجى حالىقارالىق اۋەجايى ”رايون قاقپاسىنداعى كەشەندى حالىقارالىق اۆياتسيا تورابى“ بولىپ تۇراقتاندىرىلدى.
”شەتەلگە ەسىك اشۋ دەڭگەيىنىڭ تەرەڭدەۋىنە جانە شينجياڭنىڭ ەكونوميكالىق، قوعامدىق دامۋىنا ىلەسە، اۋەجايدىڭ جولاۋشى ـ زات تاسىمال مولشەرى جەدەل ارتىپ، اۋەلگى بار 3 تەرمينال عيماراتى قاجەتتى قامداي الماي قالدى“، ـ دەدى شينجياڭ اۋەجاي توبى ٴۇرىمجى حالىقارالىق اۋەجايى بولىمشە سەرىكتەستىگىنىڭ باس ديرەكتورى ياڭ حۇڭفىڭ.
2011 ـ جىلى ٴۇرىمجى حالىقارالىق اۋەجايىنىڭ جولاۋشى قابىلداۋ ـ جونەلتۋ مولشەرى 10 ميلليون ادامنان (رەت) اسىپ، ”10 ميلليون دارەجەلى“ كولەمدى اۋەجايلار قاتارىنان ورىن الدى؛ 2016 ـ جىلى 20 ميلليون ادامنان (رەت) استى؛ 2024 ـ جىلى 27 ميلليون 765 مىڭ 700 ادامعا (رەت) جەتتى. 2024 ـ جىلى ٴۇرىمجى حالىقارالىق اۋەجايىنىڭ ۇشاق قاتىنايتىن جالپى اۋە جەلىسى 259عا جەتتى، مۇنىڭ ىشىندە 26 حالىقارالىق جولاۋشى تاسىمال اۋە جەلىسى بار، ٴۇرىمجى مەن شەتەلدىڭ 22 قالاسى، شينجياڭ سىرتىنداعى 71 قالا جانە شينجياڭ ىشىندەگى 21 قالا اراسىندا ۇشاق قاتىنادى.
”سولتۇستىك تەرمينال اۋماعىنىڭ ىسكە قوسىلۋى ٴۇرىمجى حالىقارالىق اۋەجايىنىڭ شينجياڭ ٴىشىن شارپىعان، ەل ٴىشىن تۇتاستىرعان، ازيا - ەۆروپانى جالعاعان حالىقارالىق اۆياتسيا تورابى قابىلەت دارەجەسىن بارىنشا جوعارىلاتتى“. حالىقتىق اۆياتسيا شينجياڭ باسقارۋ مەكەمەسىنىڭ باستىعى جاڭ جۇنپيڭ مىنالاردى ٴبىلدىردى: ٴۇرىمجى حالىقارالىق اۋەجايى ٴاربىر تارماق جەلىدەگى اۋەجايلارمەن ٴبىر وزەك، كوپ تارماقتى، سايكەسە بىرلەسىپ ارەكەتتەنەتىن، ٴونىمدى ۇشتاساتىن فۋنكتسيا جۇيەسىن بىرتىندەپ قالىپتاستىرىپ، شينجياڭنىڭ ”نەگىزگى جەلى مەن تارماق جەلىلەر تۇتاسقان، تۇتاس تور بىرلەسكەن“ اۆياتسيا تاسىمالى قىزمەت وتەۋ تورابى قۇرىلىسىنىڭ اناعۇرلىم جوعارى دەڭگەيگە، اناعۇرلىم جوعارى ساتىعا قاراي دامۋىن ىلگەرىلەتەدى.
سولتۇستىك تەرمينال اۋماعىنىڭ ىسكە قوسىلۋىنا ىلەسە، ٴۇرىمجى حالىقارالىق اۋەجايىنىڭ T1، T2 ،T3 تەرمينال عيماراتى 4 ـ ايدىڭ 17 ـ كۇنى ساعات نولدەن باستاپ پايدالانۋدان ۋاقىتشا توقتاتىلادى، بارلىق ەل ٴىشى، حالىقارالىق جانە شياڭگاڭ، اۋمىن، تايۋان رايوندارىنا قاتىنايتىن كەزەكشى ۇشاقتار تۇگەلدەي سولتۇستىك تەرمينال اۋماعى ارقىلى قاتىنايدى.
