شي جينپيڭ كامبودجا مەديالارىندا اۆتورلى ماقالا جاريالادى
قوس باعىتتا اتتانىپ، ٴوزارا تابىسقا جەتكىزىپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسى قۇرىلىسىنىڭ ورنىقتى قاداممەن الىسقا جەتۋىن ىلگەرىلەتەيىك
شينحۋا اگەنتتىگىنىڭ 4 ـ ايدىڭ 17 ـ كۇنى پنومپەننەن بەرگەن حابارى. 4 ـ ايدىڭ 17 ـ كۇنى پنومپەنگە بارىپ كامبودجادا مەملەكەتتىك ساپاردا بولۋ قارساڭىندا مەملەكەت ٴتوراعاسى شي جينپيڭ كامبودجانىڭ «گاۋميان ۋاقىت گازەتىندە»، «جيانحۋا گازەتىندە» جانە كامبودجا ”جاڭا حابار“ سايتىندا «قوس باعىتتا اتتانىپ، ٴوزارا تابىسقا جەتكىزىپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسى قۇرىلىسىنىڭ ورنىقتى قاداممەن الىسقا جەتۋىن ىلگەرىلەتەيىك» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:
قوس باعىتتا اتتانىپ، ٴوزارا تابىسقا جەتكىزىپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسى قۇرىلىسىنىڭ ورنىقتى قاداممەن الىسقا جەتۋىن ىلگەرىلەتەيىك
جۇڭحۋا حالىق رەسپۋبليكاسىنىڭ ٴتوراعاسى شي جينپيڭ
كامبودجانىڭ ٴداستۇرلى جاڭا جىلى قارساڭىندا ۇسىنىسپەن جاقسى دوسىمىزدىڭ ۇيىنە كەلىپ قوناق بولعانىما قاتتى قۋانىشتىمىن، باۋىرلاس كامبودجا حالقىنا ەڭ تاماشا جاڭا جىلدىق ىزگى تىلەك بىلدىرەمىن. بۇل مەنىڭ اراعا 9 جىل سالىپ كامبودجاعا تاعى دا ساپارلاي كەلۋىم، وسى رەتكى ساپاردىڭ جۇڭگو - كامبودجا تاعدىرلاس ورتاق تۇلعاسى قۇرىلىسىنىڭ اناعۇرلىم زور ىلگەرىلەۋشىلىككە قول جەتكىزۋىنە جەتەكشىلىك ەتۋىن ٴۇمىت ەتەمىن.
تاتۋ كورشى، دوس بولۋ — جۇڭگو - كامبودجا تاعدىرلاس ورتاق تۇلعاسىنىڭ تاريحي نەگىزگى بوياۋى. جۇڭگو مەن كامبودجا جاعراپيالىق جاقتان جاقىن، دوستىق بارىس ـ كەلىسىن 2000 جىلدىڭ الدىنا تاياۋ كەزگە دەيىن قاراستىرۋعا بولادى. جۇڭگونىڭ تاڭ داۋىرىندە جىنلا پاتشا اۋلەتىنىڭ مۇشەسى جۇڭگونىڭ چاڭ ـ انىنا ساپارلاي بارىپ، قۇرمەتتەلىپ ”بينحان“ دەپ اتالعان. سول كەزدەن باستاپ ەكى ەل توقتاۋسىز ٴجيى بارىس ـ كەلىس جاساعان. جۇڭگونىڭ فارفور ىدىستارى، سىرلى ىدىستارى تەڭىز جىبەك جولى ارقىلى كامبودجاعا جەتكىزىلگەن، كامبودجانىڭ حوش ٴيىستى زاتتارى، ارشىلماعان جىبەك سياقتى ەرەكشە ونىمدەرىن جۇڭگو حالقى ايرىقشا ۇناتقان، باروڭ بۇتحاناسىنىڭ بۇدىر ورنەكتەرى تاريحتا ەكى ەل ساۋداسىنىڭ كوركەيكەن سالتاناتىن قايتالاي ەلەستەتەدى. كامبودجانىڭ كوپتەگەن مارتەبەلى موناحتارى كەزىندە جۇڭگوعا بارىپ نوم جەتكىزىپ، بۇددا جوسىنىن ساۋلەلەندىرگەن، جۇڭگونىڭ يۋان داۋىرىندە جوۋ داگۋان جازعان «جىنلانىڭ جەرگىلىكتى سالت ـ سانا ەستەلىكتەرى» كامبودجا تاريحىن زەرتتەۋدەگى ماڭىزدى دەرەككە اينالدى. ۇلى جۇڭحۋا وركەنيەتى مەن گاۋميان وركەنيەتى سالقار تاريح كوشىنەن اتتاپ ٴوتىپ، ٴبىر ـ بىرىنە شۇعىلا شاشىپ كورىك بەردى.
كولدەي كوڭىل، ىستىق ىقىلاس — جۇڭگو - كامبودجا تاعدىرلاس ورتاق تۇلعاسىنىڭ ايقىن ەرەكشەلىگى. ٴتوراعا ماۋ زىدۇڭ، زۇڭلي جوۋ ىنلاي قاتارلى جۇڭگونىڭ اعا بۋىن باسشىلارى مەن سىحانوك حانزادا — جۇڭگو - كامبودجا دوستىق ىستەرىنىڭ ورتاق نەگىزىن سالۋشىلار. 70 جىلدىڭ الدىندا سىحانوك حانزادا مەن جوۋ ىنلاي زۇڭلي باندۇڭ ماجىلىسىندە العاش جولىققاندا ـ اق ٴبىرىن ـ ٴبىرى ەجەلگى تانىسىنداي كوردى، كامبودجا قابات ـ قابات توسقاۋىلداردى تالقانداپ 1958 ـ جىلى جاڭا جۇڭگومەن ديپلوماتيالىق قارىم ـ قاتىناس ورناتتى، جۇڭگو كامبودجانىڭ سىرتقى شاپقىنشىلىققا قارسى تۇرۋ، مەملەكەتتىڭ يەلىك ۇقىعىن، تاۋەلسىزدىگىن قورعاۋ ادىلەتتى كۇرەسىنە بار كۇشپەن قولداۋ كورسەتتى. ٴبىر ـ ٴبىرىنىڭ كومەگىنە ەڭ مۇقتاج بولعان كەزدە ەكى جاق بەينەت پەن زەينەتتى بىرگە وتكەرىپ، ٴبىر ـ بىرىنە قارايلاستى. سىحانوك حانزادا جۇڭگودا 40 جىلعا جۋىق تۇرمىس كەشىرىپ، جۇڭگونى ەكىنشى مەكەنىنە بالادى، ول جازعان «جۇڭگوعا ساعىنىش» سياقتى جۇڭگو - كامبودجا دوستىعىن جىرلايتىن ٴان بۇگىنگە دەيىن ايتىلىپ كەلەدى. سيحاموني پاتشا مەن پاتشا اناسى مونيلە جىل سايىن جۇڭگوعا كەلەدى، مەن كوپ رەت ەكى مارتەبەلى قوناقپەن كەزدەسىپ اڭگىمەلەستىم. 2020 ـ جىلى مەن پاتشا اناسى مونيلەگە جۇڭحۋا حالىق رەسپۋبليكاسىنىڭ ”دوستىق وردەنىن“ بەردىم. وسى سالماقتى وردەن جۇڭگو حالقىنىڭ كامبودجا حالقىنا دەگەن تەرەڭ دوستىق سۇيىسپەنشىلىگىنە ۋاكىلدىك ەتەدى. عاسىرلىق ىندەت الدىندا سول كەزدەگى باس ٴۋازىر حۇڭسىن مۇشكىل كۇيگە قاراماي جۇڭگوعا ساپارلاي كەلدى، جۇڭگو كوپتەگەن ەمدەۋ اترەتىن كامبودجاعا كومەك كورسەتۋگە جىبەردى، ەكى جاق ٴبىرىن ـ ٴبىرى قىرۋار ەمدەۋ زات ماتەريالدارىمەن قامدادى. كۇردەلى حالىقارالىق جانە وڭىرلىك جاعداي الدىندا ەكى جاق قارسى جاعىنىڭ وزەكتى مۇددەسىن قورعاۋىنا قولداۋ كورسەتىپ، حالىقارالىق ادىلدىكتى، ادىلەتتىلىكتى قول ۇستاسا قورعاپ، جۇڭگو مەن كامبودجانىڭ قۇرىشتاي بەرىك دوستىعىن سومدادى.
تەڭ تۇرعىدا ٴوزارا پايدا جەتكىزۋ — جۇڭگو - كامبودجا تاعدىرلاس ورتاق تۇلعاسىنىڭ قۇدىرەتتى قوزعاۋشى كۇشى. جۇڭگو ۇزاق ۋاقىت بويى كامبودجانىڭ ەڭ ۇلكەن ساۋدا سەرىك ەلى جانە ەڭ ۇلكەن قارجى قوسۋشى قاينار ەلى بولىپ كەلدى، ەكى ەلدىڭ كاسىپ سالاسى تىزبەگى، قامداۋ تىزبەگى سەلبەستىگى ۇزدىكسىز تەرەڭدەدى. جۇڭگو - كامبودجا ەركىن ساۋدا كەلىسىمىنىڭ شىعىس جەلىنەن پايدالانىپ، بانان، ماڭگو، لۇڭيان جەمىسى سياقتى كامبودجانىڭ ساپالى اۋىل شارۋاشىلىعى ونىمدەرى جۇڭگونىڭ سان مىڭ وتباسىنا جەتتى. جۇڭگو - كامبودجا سەلبەسىپ اشقان سىحانوك پورتى ەكونوميكالىق ەرەكشە رايونى 200دەن استام حالىقارالىق كاسىپورىندى ىرگە تەبۋگە باۋراپ، كامبودجانىڭ ونەركاسىپتى وسىزامانداندىرۋىنا بەرىك نەگىز قالادى. كامبودجانىڭ تۇڭعىش جوعارى قارقىندى تاس جولى، تۇڭعىش تاۋ جوتاسىنان اتتاعان اسپالى كوپىرى، تۇڭعىش ۇلكەن ەلەكتر ستانسياسى، ەڭ ۇلكەن دەنە تاربيە سارايى سياقتى جۇڭگو قولداۋ كورسەتىپ سالعان نەگىزدىك قۇرىلعى نىساندارى كامبودجا حالقىنا ناقتى پايدا جەتكىزدى ٴارى كامبودجانىڭ ۇزاق ۋاقىتتىق دامۋىنا پارمەندى تىرەك ازىرلەدى. جۇڭگونىڭ ماماندارى تاعى كامبودجانىڭ ٴارقايسى ولكە، قالالارىن تەگىس ارالاپ، وسى زامانعى اۋىل شارۋاشىلىعى كاسىپ سالاسىن دامىتۋ جوباسىن دايىنداۋىنا كومەكتەستى. جۇڭگو مەن كامبودجانىڭ ”الماستىڭ التى قىرى“ سەلبەستىگى كامبودجانىڭ دامۋىن جەبەدى.
سيىسىمدى بولۋ، ٴوزارا ۇلگى الۋ — جۇڭگو - كامبودجا تاعدىرلاس ورتاق تۇلعاسىنىڭ تەرەڭ نەگىزى. جۇڭگو جىبەرگەن ارحەولوگيالىق زەرتتەۋ، گەولوگيالىق بارلاۋ، مادەنيەت ـ تاريح، قۇرىلىس ونەرى سياقتى جاقتارداعى كوپتەگەن ماماندار كامبودجادا 30 جىلعا جۋىق ۋاقىت تامىر تارتىپ، ىلگەرىندى ـ كەيىندى جوۋسا كيەلى بۇتحاناسى، چاجياۋ بۇتحاناسى، اڭكور پاتشا ورداسى ەسكى جۇرتىن قالپىنا كەلتىرۋ ينجەنەرياسىن جۇرگىزىپ، اڭكور ەجەلگى ەسكەرتكىشتەرى سىندى ادامزات وركەنيەتىنىڭ وسى ٴبىر اسىل قازىناسىنا قايتا شۇعىلا شاشتىردى. اناعۇرلىم كوپ جۇڭگولىق ساياحاتشىلار كامبودجاعا بارىپ، مايەكتى تاريحي مادەنيەتتى سەزىندى. اناعۇرلىم كوپ كامبودجالىق دوستار جۇڭگو ٴتىلىن ۇيرەنىپ، بايىرعى جۇڭحۋا وركەنيەتى مەن جۇڭگو ۇلگىسىندەگى وسىزامانداندىرۋدىڭ كەرەمەتىن سەزىندى. وسى بىرنەشە جىلدان بەرى، جۇڭگو كامبودجادا ”دوستىق جولىن“ سالدى، ”باقىت بۇلاعىن“ قازدى، جۇڭگو - كامبودجا دوستىعى بويىنشا كەدەيلەردى سۇيەمەلدەۋدەن ۇلگى كورسەتۋ قىستاعىن قۇردى. كامبودجاعا جىبەرگەن جۇڭي ەمدەۋ اترەتى ەستىمەي قالعان قىز بالاعا ومىرىندەگى تۇڭعىش ”شەشە“ دەگەن ٴسوزدى ايتقىزدى، ۇزاق ۋاقىت دوڭگەلەكتى ورىندىقپەن جۇرگەن ناۋقاستى قايتادان ورنىنان تۇرعىزدى.
جارتى عاسىرعا تاياۋ ۋاقىتتان بەرى، ازيا جالپى تۇلعالىق جاقتان بەيبىتشىلىكتى، ورنىقتىلىقتى ساقتاپ، ەكونوميكاسى جىلدام ارتىپ، دۇنيە ٴجۇزى دامۋ تاريحىنداعى ”ازيا كەرەمەتىن“ جاراتتى. بۇگىنگى تاڭدا دۇنيە ٴجۇزىنىڭ 100 جىلدىق وزگەرىسى جەدەل قۇبىلۋدا، ازيا تۇتاس تۇلعالىق گۇلدەنۋدى جۇزەگە اسىرۋدىڭ جاڭا باستاماسىندا تۇر. جۇڭگو تاتۋ، ادال، قايىرىمدى، كەڭ پەيىل بولۋ ۇستانىمىنا جانە كورشىلەرمەن تاتۋ ٴوتۋ، كورشىلەردى سەرىك تۇتۋ باعىتىنا ۇزدىكسىز تاباندى بولىپ، توڭىرەكتەگى ەلدەرمەن دوستىق سەلبەستىكتى تەرەڭدەتىپ، جۇڭگو ۇلگىسىندەگى وسىزامانداندىرۋ جەتىستىكتەرى ارقىلى توڭىرەككە ٴتىپتى دە كوپ يگىلىك جەتكىزىپ، ٴوڭىردىڭ بەيبىتشىلىگىن، ورنىقتىلىعىن بىرگە قورعاپ، ازيانىڭ وسىزاماندانۋ ٴۇردىسىن قول ۇستاسا ىلگەرىلەتەدى.
ازيا ۇلكەن شاڭىراعىنىڭ ماڭىزدى مۇشەسى رەتىندە، جۇڭگو - كامبودجا ەكى ەل تاريح اعىمىنا ۇيلەسىپ، حالىقتىڭ تىلەگىنە جاۋاپ قايتارىپ، قوس باعىتتا اتتانىپ، ٴوزارا تابىسقا جەتكىزىپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن تياناقتاندىرۋدىڭ الدىمەن اتقارۋشىسى جانە ۇلگى كورسەتۋشىسى بولىپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسى قۇرىلىسىنىڭ ورنىقتى قاداممەن الىسقا جەتۋىن ىلگەرىلەتۋى كەرەك.
— اناعۇرلىم جوعارى دەڭگەيدەگى ساياسي ٴوزارا سەنىمدىلىكتى تەرەڭدەتۋ كەرەك. جوعارى جىكتەگىلەردىڭ قويۋ بارىس ـ كەلىسىن ساقتاپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسى قۇرىلىسى جوباسىن ستراتەگيالىق تۇرعىدان كەسكىندەۋگە تاباندى بولۋ كەرەك. جۇڭگو جاق كامبودجا جاقتىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىن ٴوزى تاڭداۋىن، مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن، حالىقارالىق ساحنادا اناعۇرلىم زور رول ساۋلەلەندىرۋىن باتىل قولدايدى. ەكى جاق ديپلوماتيا، مەملەكەت قورعانىسى سياقتى جاقتاردا ستراتەگيالىق بايلانىستى كۇشەيتىپ، سىرتقى كۇشتەردىڭ ىشكى ىستەرگە كيلىگۋىنە، اراعا ىرتكى سالۋىنا، جۇڭگو - كامبودجا دوستىعىن بۇلدىرۋىنە باتىل قارسى تۇرىپ، ساياسي حاۋىپسىزدىكتى بىرگە قورعاۋى كەرەك.
— اناعۇرلىم جوعارى ساپالى ٴوزارا پايدا جەتكىزۋ سەلبەستىگىن كەڭەيتۋ كەرەك. دامۋدى الدىمەن ويلاستىرۋعا، حالىقتى نەگىز ەتۋگە تاباندى بولىپ، جۇڭگو - كامبودجا ۇكىمەتتەر ارا سايكەستىرۋ كوميتەتى مەحانيزمىنىڭ رولىن ساۋلەلەندىرىپ، ”ٴبىر بەلدەۋ، ٴبىر جولدى“ بىرگە قۇرۋ باستاماسى مەن كامبودجانىڭ ”بەس بۇرىش ستراتەگياسىن“ ٴتۇيىلىستىرۋدى ىلگەرىلەتىپ، ”ونەركاسىپتى دامىتۋ ٴدالىزى“ جانە ”بالىق، كۇرىش ٴدالىزى“ قۇرىلىسىن تەرەڭدەتۋ كەرەك. كوپ جاقتى ساۋدا ٴتۇزىلىسىن بىرگە قورعاپ، كاسىپ سالاسى تىزبەگى، قامداۋ تىزبەگى سەلبەستىگىن ىلگەرىلەتىپ، وزىق جاساۋ، جاسىل دامۋ، سيفرلى ەكونوميكا سياقتى سالاداعى سەلبەستىكتى كۇشەيتىپ، ”الماستىڭ التى قىرى“ سەلبەستىگىن اناعۇرلىم شۇعىلا شاشتىرىپ جانە ونى بەكەمدەپ، ٴبىر ـ ٴبىرىنىڭ وسىزاماندانۋ ۇردىسىنە كۇش قوسۋ كەرەك.
— اناعۇرلىم جوعارى دەڭگەيدەگى حاۋىپسىزدىك قامتاماسىزدىعىن بەكەمدەۋ كەرەك. كيلىگۋگە قارسى تۇرۋ، بولشەكتەۋشىلىككە قارسى تۇرۋ، ”ٴتۇستى توڭكەرىستەن“ ساقتانۋ جانە وعان توتەپ بەرۋ اۋىس ـ كۇيىسىن، سەلبەستىگىن كۇشەيتىپ، بىرلەسكەن مانەۆر، بىرلەسكەن جاتتىعۋ، ”ٴبىر بەلدەۋ، ٴبىر جولدى“ بىرگە قۇرۋ نىسان حاۋىپسىزدىگىن قورعاۋ، شۇعىل جاعدايعا توتەپ بەرۋدى باسقارۋ سياقتى سەلبەستىكتى كۇشەيتىپ، تەلەگراف، ينتەرنەت الدامشىلىعى سياقتى قىلمىستىق ارەكەتتەرگە قاتاڭ سوققى بەرىپ، ەكى ەلدىڭ دامۋىنا حاۋىپسىز ورتا جاراتۋ كەرەك. ورتاق، جالپىلىق، سەلبەسەتىن، باياندى حاۋىپسىزدىك كوزقاراسىنا تاباندى بولىپ، حاۋىپسىزدىك ۇستانىمىن ٴتۇيىلىستىرۋدى بەلسەندى ىلگەرىلەتىپ، ٴوڭىردىڭ جانە دۇنيە ٴجۇزىنىڭ بەيبىتشىلىگىن، تىنىشتىعىن بىرگە جەبەۋ كەرەك.
— اناعۇرلىم جوعارى جيىلىكتەگى گۋمانيتارلىق ىستەر اۋىس ـ كۇيىسىن ورىستەتۋ كەرەك. ٴبىر جاعادان باس، ٴبىر جەڭنەن قول شىعارۋعا، جاراسىمدى قاتار ٴومىر سۇرۋگە تاباندى بولىپ، وركەنيەتتەردىڭ بايلانىسىن، تىلدەسۋىن كۇشەيتىپ، ەل باسقارۋ تاجىريبەلەرى اۋىس ـ كۇيىسىن تەرەڭدەتىپ، الۋان تۇردەگى مادەنيەت ـ ساياحات، مۇرالاردى قورعاۋ ـ قالپىنا كەلتىرۋ، جاستاردىڭ اۋىس ـ كۇيىس جاساۋى سياقتى سەلبەستىكتەردى ورىستەتىپ، حالىق تىلەگىنىڭ توعىسۋىن جەبەپ، ازيا قۇن كوزقاراسىن جانە بۇكىل ادامزاتتىڭ ورتاق قۇندىلىعىن بىرگە اسقاقتاتۋ كەرەك.
— اناعۇرلىم جوعارى ولشەمدەگى ستراتەگيالىق ىستەستىكتى كۇشەيتۋ كەرەك. بەيبىت قاتار تۇرۋدىڭ بەس پرينسيبى مەن باندۇڭ رۋحىنان اقىل ـ پاراسات قابىلداپ، بەيبىتشىلىككە جانە گۇلدەنىپ ـ كوركەيۋگە بەت العان لانساڭجياڭ ـ مەكونگ مەملەكەتتەرى تاعدىرلاس ورتاق تۇلعاسىن قۇرۋدى جەدەلدەتىپ، بەيبىت، تىنىش، گۇلدەنگەن، كوركەم، دوس، قاتار ٴومىر سۇرەتىن ازيا مەكەنىن قول ۇستاسا قۇرۋ كەرەك. زورەكەرلىككە، وكتەمدىك ساياسيعا، توپقا ٴبولىنىپ قارسىلاسۋعا بىرگە قارسى تۇرىپ، ەكى ەلدىڭ جانە وركەندەپ كەلە جاتقان ەلدەردىڭ ورتاق مۇددەسىن قورعاپ، تەرەزەسى تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەپ، دۇنيە ٴجۇزىنىڭ بەيبىتشىلىگىن، ورنىقتىلىعىن جانە حالىقارالىق ادىلدىكتى، ادىلەتتىلىكتى قورعاۋعا كۇش سالىپ، قورعامپازدىققا بىرگە قارسى تۇرىپ، اشىق، سەلبەسكەن حالىقارالىق ورتانى قورعاۋ كەرەك.
”ەجەلگى دوستىق ساپ التىنداي، سان سىننان وتكەن ٴارى قاسيەتىن جوعالتپايدى“. مەن ەكى جاقتىڭ ورتاق قۇلشىنۋىندا، جىلداردىڭ سىنىنان جانە بوران ـ شاشىننىڭ سىناعىنان وتكەن جۇڭگو - كامبودجانىڭ قۇرىشتاي بەرىك دوستىعىنىڭ، ٴسوز جوق، اۋەلگى ماقساتىنان مىزعىمايتىنىنا، نەگىزىنىڭ بەكەمدەلە تۇسەتىنىنە سەنەمىن. جۇڭگو جاق كامبودجا جاقپەن بىرگە بەيبىتشىلىكتى بىرگە قورعاپ، دامۋدى بىرگە كوزدەپ، گۇلدەنىپ ـ كوركەيۋدى بىرگە جاراتىپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسى قۇرىلىسىن تىڭعىلىقتى ىلگەرىلەتىپ، وزگەرىس پەن بىلىقپالىق قاباتتاسقان دۇنيە جۇزىنە اناعۇرلىم كوپ ورنىقتىلىق جانە ايقىندىلىق ۇستەۋدى قالايدى.
