ۆيەتنامداعى، مالايزياداعى جانە كامبودجاداعى مەملەكەتتىك ساپارىن اياقتاتىپ
شي جينپيڭ بەيجيڭگە قايتىپ كەلدى
شينحۋا اگەنتتىگىنىڭ 4 ـ ايدىڭ 18 ـ كۇنى بەيجيڭنەن بەرگەن حابارى. 4 ـ ايدىڭ 18 ـ كۇنى تۇستەن كەيىن مەملەكەت ٴتوراعاسى شي جينپيڭ ۆيەتنامداعى، مالايزياداعى جانە كامبودجاداعى مەملەكەتتىك ساپارىن ٴساتتى اياقتاتىپ بەيجيڭگە قايتىپ كەلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي، جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، قوعام حاۋىپسىزدىگى مينيسترلىگىنىڭ مينيسترى ۋاڭ شياۋحۇڭ قاتارلى ساپارلاستارى سول ۇشاقپەن بىرگە قايتىپ كەلدى.
شينحۋا اگەنتتىگىنىڭ 4 ـ ايدىڭ 18 ـ كۇنى پنومپەننەن بەرگەن حابارى (ٴتىلشى ما جىڭ). 4 ـ ايدىڭ 18 ـ كۇنى تۇستەن بۇرىن مەملەكەت ٴتوراعاسى شي جينپيڭ كامبودجاداعى مەملەكەتتىك ساپارىن اياقتاتىپ بەيجيڭگە قايتىپ كەلدى.
پنومپەننەن اتتاناردا كامبودجا حالىق پارتياسىنىڭ ٴتوراعاسى، كەڭەس پالاتاسىنىڭ ٴتوراعاسى حۇڭسىن، كەڭەس پالاتاسىنىڭ ٴبىرىنشى ورىنباسار ٴتوراعاسى ۋبوليە، پارلامەنتتىڭ ٴبىرىنشى ورىنباسار ٴتوراعاسى چيانيە، گوسوپا، بۋلاسوكۇن، حانچۇننالو، شاۋسوكا، حۇڭماني قاتارلى 5 ورىنباسار ٴۋازىر، پاتشا اۋلەتى ارمياسى قۇرلىق ارمياسىنىڭ ورىنباسار سىليڭى حۇڭمانى قاتارلى جوعارى دارەجەلى ٴمانساپتىلار اۋەجايعا بارىپ اتتاندىرىپ سالدى.
حۇڭسىن اۋەجايدا ٴتوراعا شي جينپيڭگە ارناپ سالتاناتتى اتتاندىرۋ سالتىن وتكىزدى. شي جينپيڭ حۇڭسىننىڭ سەرىك بولۋىندا قۇرمەت قاراۋىلىن كوزدەن كەشىردى. شي جينپيڭ اتتاندىرۋعا كەلگەن جۇرتقا قول بۇلعاپ قۇرمەت ٴبىلدىردى.
اۋەجايعا بارا جاتقان جولىندا كامبودجاداعى سان مىڭداعان بۇقارا، كامبودجاداعى جۇڭگو قارجىلاندىرعان كاسىپورىندارداعى قىزمەتكەرلەر، سول جەردە وقىپ جاتقان وقۋشىلار جانە حۋاچياۋلار مەن حۋارىندار جولدىڭ ەكى جاعىنا جينالىپ، جۇڭگو ـ كامبودجا ەكى ەلدىڭ مەملەكەت تۋىن بۇلعاپ، قولدارىنا ”جۇڭگو ـ كامبودجا دوستىعى ماڭگى جالعاسادى“ سياقتى قىزىل كەرمە تۋلاردى ۇستاپ، شي جينپيڭنىڭ كامبودجاداعى ساپارىنىڭ تولىق تابىستى بولعاندىعىن قىزۋ قۇتتىقتادى.
سول كۇنى تۇستەن بۇرىن حۇڭسىن باس ٴۋازىر حۇڭمانايدى جانە حۇڭماني، حۇڭمانىنى ەرتىپ شي جينپيڭ تۇسكەن قوناقجايعا ارناۋلى بارىپ، شي جينپيڭمەن قوشتاستى.
