ما شيڭرۇي ٴۇرىمجى ەكونوميكالىق، تەحنولوگيالىق اشۋ رايونىندا (توۋتۇنحى رايونى) تەكسەرۋ ـ زەرتتەۋ جۇرگىزدى
ٴتۇيىندى كاسىپ سالالارىنىڭ جانە نىسانداردىڭ تىرەك بولۋىن، جەتەكشىلىگىن كۇشەيتىپ، دامۋ قوزعالىس قۋاتىن جەتىلدىرۋگە، دامۋ ارىنىن ارتتىرۋعا كۇش سالۋ كەرەك
جاڭ جۋ تەكسەرۋ ـ زەرتتەۋگە قاتىناستى
4 ـ ايدىڭ 18 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي ٴۇرىمجى ەكونوميكالىق، تەحنولوگيالىق اشۋ رايونىندا (توۋتۇنحى رايونى) تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي ٴۇرىمجى تيانشانشيڭ باعالى مەتال شەكتى سەرىكتەستىگىندە كاسىپورىننىڭ شارۋاشىلىق ونىمدىلىگىن جانە شينجياڭ ٴتۇستى مەتال توبىنىڭ شارۋاشىلىق، دامۋ جاعدايىن ەگجەي ـ تەگجەيلى ۇعىسۋدا.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 18 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 ـ ايدىڭ 18 ـ كۇنى ٴۇرىمجى ەكونوميكالىق، تەحنولوگيالىق اشۋ رايونىندا (توۋتۇنحى رايونى) ٴتۇيىندى كاسىپ سالالارىنىڭ جانە نىسانداردىڭ دامۋ قىزمەتى جونىندە تەكسەرۋ ـ زەرتتەۋ جۇرگىزىپ، بىلاي دەپ باسا دارىپتەدى: شينجياڭنىڭ ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن قۇرۋىمەن بەلسەنە توعىسىپ، نازاردى ٴتۇيىندى كاسىپ سالالارىنا جانە كاسىپ سالاسى تىزبەگىنىڭ شەشۋشى بۋىندارىنا شوعىرلاندىرىپ، نەگىزدى كۇشەيتەتىن، ولقىلىقتاردى تولىقتايتىن، تيپ وزگەرتۋدى جەبەيتىن نىسان قۇرىلىستارىن جەدەل ىلگەرىلەتىپ، كاسىپ سالاسى دامۋىنىڭ قابىلەت دەڭگەيىن ۇزدىكسىز جوعارىلاتىپ، ەكونوميكانىڭ ارتۋ قوزعالىس قۋاتىن بەلسەنە جەتىلدىرىپ، اناعۇرلىم كوپ امالياتتىق ونىمدىلىكتەر ارقىلى وڭىرلىك جوعارى ساپالى دامۋعا پارمەندى تىرەك ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ تەكسەرۋ ـ زەرتتەۋگە قاتىناستى.
ما شيڭرۇي داداۋ ساۋدا ـ ونەركاسىپ قارجى قوسۋ شەكتى سەرىكتەستىگىنىڭ ورتاشا قالىڭدىقتاعى تاقتايشالى تيەۋ جابدىعى جانە قالىپ پىشىندەۋ نىسانى جۇمىس باسىنا بارىپ، سول جەردىڭ وزىندە نىسان جوبالاۋ، قۇرۋ اياق الىسىن جانە كولىك كورمەسىن تەكسەرىپ كورىپ، ٴۇرىمجىنىڭ اۆتوكولىك جاساۋ كاسىپ سالاسىنىڭ دامۋ جاعدايىن ىشكەرىلەي ۇعىسىپ، كاسىپ سالاسى تىزبەگىندەگى قاتىستى كاسىپورىنداردىڭ جاۋاپتىلارىمەن پىكىر اۋىستىرىپ، بىلاي دەپ باسا دارىپتەدى: ساياساتتىق قامداۋدى بەلسەنە زەرتتەپ، ساپالىلاندىرىپ، اۆتوكولىك جاساۋ سايكەستى كاسىپ سالالارىن جەرگىلىكتەندىرىپ، كولەمدەندىرىپ، شوعىرلاندىرىپ دامۋعا جەتەكتەپ، كاسىپ سالاسى تىزبەگىنىڭ دامۋ دەڭگەيىن جەدەل جوعارىلاتىپ، جابدىق جاساۋ كاسىپ سالاسىن قۇلشىنا ساپالىلاندىرۋ، كۇشەيتۋ، زورايتۋ كەرەك.
جولاڭ شينجياڭ زەردەلى ماشينا شەكتى سەرىكتەستىگىندە ما شيڭرۇي سەحتىڭ ٴوندىرىس اينالىم جاعدايىن تەكسەرىپ كورىپ، كاسىپورىننىڭ شارۋاشىلىق، دامۋ قىزمەتى جونىندەگى تانىستىرۋدى تىڭدادى. ول بىلاي دەدى: شينجياڭ ماقتانى سول جەردىڭ وزىندە وڭدەۋ، كادەگە جاراتۋ قابىلەتىن جوعارىلاتۋدى زور كۇشپەن ورنالاستىرۋدا، ماقتا جانە توقىماشىلىق، كيىم ـ كەشەك كاسىپ سالاسى شوعىرىنىڭ دامۋ بولاشاعى كەڭ. كاسىپ سالاسى تۇتاس تىزبەگىنىڭ سايكەستى دامۋىن كوزدەپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ۇزدىكسىز ىلگەرىلەتىپ، كاسىپ سالاسى كولەمىن ۇزدىكسىز كەڭەيتۋدى، تۇتاس تۇلعالىق ناقتى قۋاتتى ۇزدىكسىز جوعارىلاتۋدى جەبەۋ كەرەك. كاسىپورىنداردىڭ وزىندىك باسىمدىقتارىن ساۋلەلەندىرىپ، دامۋ ساپاسىن، ونىمدىلىگىن كۇشەيتىپ، شينجياڭنىڭ ەرەكشەلىككە، باسىمدىققا يە كاسىپ سالالارىنىڭ دامۋىنا بەلسەندى ۇلەس قوسۋىن ٴۇمىت ەتەمىن.
ما شيڭرۇي تاعى ٴۇرىمجى تيانشانشيڭ باعالى مەتال شەكتى سەرىكتەستىگىنە كەلىپ، التىن سۇرىپتاۋ تەحنولوگياسى ٴتارتىبى، كاسىپورىننىڭ شارۋاشىلىق ونىمدىلىگى سياقتىلاردى ەگجەي ـ تەگجەيلى ۇعىسىپ، شينجياڭ ٴتۇستى مەتال توبىنىڭ شارۋاشىلىق جۇرگىزۋ دامۋ جاعدايىن ەگجەي ـ تەگجەيلى ۇعىسىپ، كاسىپورىنعا بازار ورايىن مىقتى يگەرىپ، شينجياڭنىڭ باسىمدىققا يە كەن بايلىعىن ارقاۋ ەتىپ، ٴتۇيىندى نىسانداردىڭ تياناقتانىپ ونىمدىلىك كورسەتۋىن جەدەل ىلگەرىلەتىپ، كەن كاسىبىنىڭ جوعارى ساپالى دامۋىندا تىڭ سەرپىلىستى جۇزەگە اسىرۋدى تاپسىردى. قىزمەتتىڭ باعىتتامالىلىعىن جانە ناقتى ونىمدىلىگىن جوعارىلاتىپ، كوزسىزدىكپەن پايداعا بوي ۇرۋدان ساقتانىپ، ٴىستى ٴبىر ـ بىردەن تىندىرىمدى ىستەۋگە شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: شينجياڭنىڭ بايلىق ارتىقشىلىعىن مىقتاپ تياناق ەتىپ، ”ون ٴىرى كاسىپ سالاسى شوعىرىن“ قۇرۋدى ارقاۋ ەتىپ، ٴداستۇرلى كاسىپ سالاسىنىڭ تيپ جاڭالاپ، دارەجەسىن جوعارىلاتۋدى جانە ستراتەگيالىق جاڭادان گۇلدەنگەن كاسىپ سالالارىن جەتىلدىرۋدى، زورايتۋدى ٴبىر تۇتاس جوسپارلاپ، ناقتى ەكونوميكانى تىرەك ەتكەن وسىزاماندانعان كاسىپ سالاسى جۇيەسىن جەدەل قۇرىپ، ەكونوميكانىڭ ساپاسىن، ونىمدىلىگىن جانە وزەكتى باسەكەلىك قۋاتتى ۇزدىكسىز جوعارىلاتۋ كەرەك. كاسىپ سالاسى نەگىزدىك قابىلەتىن جانە كاسىپ سالاسى تىزبەگىن وسىزامانداندىرۋ دەڭگەيىن جەدەل جوعارىلاتىپ، ٴتۇيىندى كاسىپ سالاسى تىزبەگىنە، باستاماشى كاسىپورىندارعا، كەلەلى قارجى قوسۋ نىساندارىنا ۇزدىكسىز كۇش سالۋدى ٴجىتى قاداعالاپ، ولقىلىق ورىن تەپكەن كاسىپ سالالارىنىڭ تىزبەكتى تولىقتاۋىن، باسىمدىققا يە كاسىپ سالالارىنىڭ تىزبەكتى ۇزارتۋىن، ٴداستۇرلى كاسىپ سالالارىنىڭ تىزبەك دارەجەسىن جوعارىلاتۋىن، جاڭادان گۇلدەنگەن كاسىپ سالالارىنىڭ تىزبەك قۇرۋىن ىلگەرىلەتىپ، تۇتاس كاسىپ سالاسى تىزبەگىن ساپالىلاندىرۋدى، دارەجەسىن جوعارىلاتۋدى جەدەلدەتۋ كەرەك. شوعىردى، تىزبەكتى جەتەكتەۋ قۋاتى كۇشتى، ٴوندىرىس كولەمى زور، جاڭالىق اشۋ دەڭگەيى جوعارى، وزەكتى باسەكەلىك قۋاتى كورنەكتى، بازار بولاشاعى كەڭ ٴبىر توپ باستاماشى كاسىپورىندى كۇش سالا جەتىلدىرىپ، زورايتىپ، كاسىپ سالاسى شوعىرىنىڭ ”شوعىر باسى“ كاسىپورىندارىن جانە كاسىپ سالاسى تىزبەگى ”تىزبەك باسى“ كاسىپورىندارىنىڭ باستاماشىلدىق ەتۋ، جەتەكتەۋ رولىن ساۋلەلەندىرىپ، كاسىپ سالاسى دامۋىنىڭ ساپاسىن، ونىمدىلىگىن ارتتىرۋعا ٴونىمدى دەم بەرۋ كەرەك.
تەكسەرۋ ـ زەرتتەۋ بارىسىندا ما شيڭرۇي ٴۇرىمجى ەكونوميكالىق، تەحنولوگيالىق اشۋ رايونىنىڭ ەكونوميكالىق، قوعامدىق دامۋىنا جانە وسىزاماندانعان كاسىپ سالاسى جۇيەسى قۇرىلىسىنا قاتىستى جاعدايلار جونىندەگى تانىستىرۋدى تىڭداپ، بىلاي دەپ باسا دارىپتەدى: كوز ايانى ۇزدىكسىز كەڭەيتىپ، رەفورما جاساپ، جاڭالىق اشىپ، وڭىرلىك دامۋدىڭ تۇتاس تۇلعالىق ورنالاسىمىن ونان ارى ساپالىلاندىرىپ، دامۋ كەڭىستىگى كومەسكى كۇشىن ٴونىمدى جارىققا شىعارىپ، بايلىقتى، مال ـ مۇلىكتى جانداندىرىپ، دامۋ ومىرشەڭ كۇشىن قاۋلاتىپ، جەتەكشى كاسىپ سالالارىن، تىرەكتى كاسىپ سالالارىن كۇش سالا جەتىلدىرىپ، زورايتىپ، ەكونوميكالىق جۇيەنى ساپالىلاندىرۋدى، دارەجەسىن جوعارىلاتۋدى ىلگەرىلەتىپ، حاۋىپ ـ قاتەردەن ساقتانۋ جانە ونى جويۋ قىزمەتىن بەلسەنە ۇتىمدى ويداعىداي ىستەپ، ۇزدىكسىز نەگىزدى بەكەمدەپ، قوزعالىس قۋاتتى جەتىلدىرىپ، ارىندى ارتتىرىپ، جوعارى ساپالى دامۋدىڭ اناعۇرلىم زور قادام تاستاۋىن جەبەۋ كەرەك.
جين جىجىن تەكسەرۋ ـ زەرتتەۋگە قاتىناستى.
