انار بۇلت \ شينجياڭ گازەتىنىڭ ٴتىلشىسى حي حۇڭۋي 4 ـ ايدىڭ 18 ـ كۇنى ۇرىمجىدەن حابارلايدى. جۇڭگو - ازيا - ەۆروپا كورمەسى حاتشىلار باسقارماسىنان ۇعىسۋىمىزشا، 2025 ـ جىلعى (جۇڭگو) ازيا - ەۆروپا تاۋار ساۋدا كورمەسىنىڭ (تومەندە قىسقارتىلىپ ”تاۋار ساۋدا كورمەسى“ دەلىنەدى) حالىقارالىق كورمە اۋماعىنا ساۋداگەر شاقىرۋ، كورمەگە شاقىرۋ قىزمەتى جاپپاي باستالعان، 4 ـ ايدىڭ 16 ـ كۇنىنە دەيىن قىرعىزستان، تۇركيا، ۆيەتنام، يران، پاكيستان، ۋرۋگۆاي، اراب بىرىككەن امىرلىگى، كامبودجا سياقتىلاردى قامتىعان 19 مەملەكەت كورمەگە، ماجىلىسكە قاتىناسۋدى العاشقى ادىمدا بەكىتكەن، كورمە بۇيىمدارى ساپالى ازىق ـ تۇلىك، توقىما بۇيىمدارى، كۇندەلىكتى بۇيىمدار، اشەكەي بۇيىمدار جانە دالالىق سپورت ونىمدەرى سياقتىلارعا سايادى.
وسى كەزەكتى ساۋدا كورمەسىنىڭ حالىقارالىق كورمە اۋماعى ”جىبەك جولى ەكونوميكالىق بەلدەۋى وزەكتى رايونىنىڭ“ باسىمدىعىن تياناق ەتىپ، ازيا - ەۆروپا ەلدەرىنىڭ تاۋار ساۋداسىنىڭ، كاسىپ سالاسىنىڭ ۇشتاسۋىنىڭ جوعارى دەڭگەيلى تۇعىرىن كۇش سالا قالىپتاستىردى، كەزەكتەگى جاعدايدان قاراعاندا، كورمەگە قاتىناسقان ەلدەردىڭ سانى الدىڭعى كەزەكتەگىدەن كورنەكتى ارتتى. حالىقارالىق كورمە رايونىندا تاعى مەملەكەتتەر نەگىزگى تاقىرىپ سارايى، شەكارا اتتاعان قىزمەت وتەۋ ارناۋلى رايونى جانە جەلىدەگى بۇلتتىق كورمە تۇعىرى قۇرىلىپ، ”كورمە بۇيىمدارىنىڭ تاۋارعا اينالۋىن، كورمەگە قاتىناسقان ساۋداگەرلەردىڭ قارجى قوسۋشى ساۋداگەرگە اينالۋىن“ ىلگەرىلەتىپ، ازيا - ەۆروپا كاسىپ سالاسى تىزبەگىنىڭ تەرەڭدەي توعىسۋىنا دەم بەرىلەدى.
نازار اۋدارۋعا تاتيتىنى، 8 ـ كەزەكتى جۇڭگو - ازيا - ەۆروپا كورمەسى جەتىستىكتەرى نەگىزىندە، سەربيا مەملەكەتتىك سارايى ٴۇرىمجى كەشەندى قورعامالى باجى اۋماعىنىڭ ”ورتا، شىعىس ەۆروپا شاڭىراعىنا“ رەسمي ىرگە تەۋىپ، شينجياڭعا تۇڭعىش رەت ىرگە تەپكەن ورتا، شىعىس ەۆروپا ەلدەرىنىڭ ەرەكشە تاۋارلارىن كورمەلەۋ، ساتۋ تۇعىرىنا اينالدى. قازىر سەربيانىڭ جەمىس ـ جيدەگى براندي Rakija، تىسىلا قىزىل اراعى، جابايى شيە بۇلدىرگەن شىرىنى سياقتى 100گە جۋىق ٴونىم وسى تۇعىر ارقىلى شينجياڭ بازارىنا كىرىپ، كۇندىك ورتاشا ساتىلۋ سوماسى 200 مىڭ يۋاننان اسىپ، ورتا، شىعىس ەۆروپا ونىمدەرىنىڭ جۇڭگو بازارىنا ٴورىس اشۋىنا جاڭا جول اشتى.
ۇعىسۋعا قاراعاندا، تاۋار ساۋدا كورمەسى كەزىندە تاعى ازيا - ەۆروپا كاسىپ سالاسىنا قارجى قوسۋ باسشىلار ٴماجىلىسىن جانە نەشە ونداعان سايكەستى قيمىل وتكىزىلىپ، ساۋداعا قول قويۋ مەن نىسانداردىڭ تياناقتانۋىن ىلگەرىلەتەدى ەكەن.
كورمە حاتشىلار باسقارماسى بىلاي دەدى: شينجياڭنىڭ ”شىعىسپەن بىرلەسىپ باتىسقا شىعارۋ“ سىندى ەسىك اشۋ جاعدايىنا سۇيەنىپ، ”ٴبىر بەلدەۋ، ٴبىر جولدى“ بىرگە قۇراتىن مەملەكەتتەردەگى اناعۇرلىم كوپ كاسىپورىنداردى كورمەگە قاتىناسۋعا ۇزدىكسىز باۋراپ، ازيا - ەۆروپا ەكونوميكا ـ ساۋداسىنىڭ ”التىن ارناسىن“ بىرگە قۇرۋعا تىڭ قوزعالىس قۋات ۇستەيمىز.
