ءتورت قابىلەتتى امالياتتا ايگىلەۋ، جازۋ ستيلىن جاقسارتۋ | ەگىنشىلەر قۇمدى شولدە جۇڭي ٴدارى ٴشوبىن ەگۋدى ۇيرەندى

انار بۇلت \ شينجياڭ گازەتىنىڭ ٴتىلشىسى ساۋ حۋا

　　ۋانحۋايۋان قۇم كاسىپ سالاسى تاجىريبە بازاسىنداعى تارام - تارام قارا ءتۇستى تامشىلاتىپ سۋارۋ تاسپاسى الىستارعا سوزىلىپ جاتىر. سۋرەتتى انار بۇلت \ شينجياڭ گازەتىنىڭ ءتىلشىسى ساۋ حۋا تۇسىرگەن

　　55 جاستاعى روزى ٴيۇسۇپ كلاپاندى اشتى، تۇنىق سۋ تامشىلاتىپ سۋارۋ تاسپاسىنداعى تەسىكتەردەن باياۋ اتقاقتاپ، جىپىرلاتا بۇركىلدى، الىستا جاڭادان ەگىلگەن جۇڭي ٴدارى ماتەريالدارى بۇرشىك جارىپ، ومىرشەڭدىك كۇشى قاۋلاۋدا.

　　”ەندى ٴبىر ايدان كەيىن بۇل جەر جاسىل تۇسكە بولەنىپ، گۇلدىڭ حوش ٴيىسى اڭقيدى“، ـ دەدى روزى ٴۇمىتتى بەينەدە.

　　روزى كەريا اۋدانى ويتوعراق اۋىلى جار ٴمالى قىستاعىنىڭ تۇرعىنى، ٴبىر ايدىڭ الدىندا ول شينجياڭ تيانيۋان اۋىل شارۋاشىلىق عىلىم ـ تەحنولوگيا شەكتى سەرىكتەستىگىنىڭ قىزمەتكەرى بولىپ، ۋانحۋايۋان قۇم كاسىپ سالاسى تاجىريبە بازاسىندا كۋپەر، بانلانگىن، توماعا ٴشوپ، اق ورىك سياقتى 36 ٴتۇرلى جۇڭي ٴدارى ماتەريالىن ەگۋدى باستادى، سىناق رەتىندە ەگۋ ارقىلى قۇمدى شولدە ەگۋگە ەڭ ۇيلەسەتىن سورتتاردى تاۋىپ، قۇم كاسىپ سالاسىن دامىتۋ تاجىريبەلەرى جونىندە ىزدەنىس جاسادى.

　　30 جىل جەر ەككەنىمەن، بۇل روزىنىڭ جۇڭي ٴدارى ماتەريالدارىمەن تۇڭعىش رەت اينالىسۋى سانالادى، قالاي مايسا وتىرعىزۋ، تۇقىم سەبۋ، سۋارۋ كەرەك؟ ول بۇل جاعىندا مۇلدە تاجىريبەسىز، 36 ٴتۇرلى جۇڭي ٴدارى ماتەريالىنان تەك بانلانگىندى عانا ەستىگەن بولاتىن.

　　”جۇڭي ٴدارى ماتەريالدارىنان مۇلدە حابارسىز بولسام دا، ٴبىر ٴتاۋىرى، ەگىن ەگىپ كەلەمىن، وسى اسىلداردى باپتاۋدىڭ ەگىن ەگۋمەن ۇقساستىعى بار، تەك ۇيرەنسەم بولعانى يگەرە الامىن“، ـ دەدى روزى كامىل سەنىممەن.

　　تەحنيكتەردىڭ جەتەكشىلىگىندە، روزى الدىمەن تۇقىم ٴسىڭىرۋدى ۇيرەنىپ الدى، تۇقىمنىڭ توپىراققا ٴسىڭىرىلۋ تەرەڭدىگى تۇقىم ديامەترىنىڭ 25 ەسەسىندەي بولۋى كەرەك، توپىراق قاباتى وتە تاياز بولسا، تامىر جۇيەسى تامىر تارتا المايدى، وتە تەرەڭ بولسا وڭاي كوكتەمەيدى.

　　روزى كۇرەكپەن قۇمداۋىت توپىراقتى قازىپ، تەرەڭدىگىن ەسەپتەپ، تۇقىمدى قۇمداۋىت توپىراققا سەۋىپ، كومىپ، تامشىلاتىپ سۋارۋ بەلدەۋىمەن قۇمداۋىت توپىراقتى ابدەن سۋارىپ، تۇقىمنىڭ كوكتەۋىنە تاماشا ورتا ازىرلەدى.

　　”جالبىز، اق شۇعىنىق، مۋدان سۋدى كوبىرەك قاجەت ەتەدى، ويماقگۇلدى، ٴشول جالبىزىن ازىراق سۋارۋ كەرەك“. روزى ٴاربىر جۇڭي ٴدارى ماتەريالىنىڭ سۋ پايدالانۋ مولشەرىن ەسىنە ساقتاپ، ٴار كۇنى ارالاپ تەكسەرگەن كەزدە قۇمداۋىت توپىراقتى اۋدارىپ كورىپ، دىمقىلدىق جاعدايىن تەكسەردى.

　　ۋانحۋايۋان قۇم كاسىپ سالاسى تاجىريبە بازاسىنا كوشىرىلگەن اق ورىك اعاشى. سۋرەتتى انار بۇلت \ شينجياڭ گازەتىنىڭ ءتىلشىسى ساۋ حۋا تۇسىرگەن

　　وڭتۇستىك شينجياڭدا كوكتەم ماۋسىمىندا قۇم توپىراقتى، بوراندى اۋا رايى ٴبىرشاما كوپ بولادى، جاڭا كوكتەگەن مايسانىڭ قۇمدى بورانعا قارسىلىق قۋاتى ٴالسىز بولادى، روزى مەن قىزمەتتەستەرى بازانى ٴبىر اينالىپ شىعىپ، بيىكتىگى 1.6 مەتر، ۇزىندىعى 3200 مەتر كەلەتىن تىك قۇم توسقاۋىلىن ورناتىپ، قورعانىس جاسادى. ”كەي كەزدەرى ىستىق جەل مايسالاردى قۇرعاتىپ جىبەرەدى، دەر كەزىندە بايقاپ جانە تولىقتاپ ەگىپ، تۇتاس بازاداعى مايسانىڭ تۇگەل كوكتەۋىنە كەپىلدىك ەتۋ كەرەك“، ـ دەدى روزى.

　　ۋانحۋايۋان قۇم كاسىپ سالاسى تاجىريبە بازاسىنداعى جۇمىسشىلاردىڭ ىشىندە 10 ادام جاقىن ماڭداعى قىستاق تۇرعىنى، كوپشىلىك ٴۇيىنىڭ ماڭىندا جۇمىس ىستەيتىن وسى قىزمەتتى ەرەكشە قاستەرلەيدى، قىسقا عانا ٴبىر ايدا ولار داعدىلى باپتاۋ تەحنولوگياسىن جەتىك يگەردى.

　　”وتباسىمىزدا 9 مۋ جەر بار، نەگىزىنەن ٴبيداي مەن جۇگەرى ەگەمىز، كىرىسىمىز از. قازىر بازادا جۇمىس ىستەيمىن، ايلىق ەڭبەكاقىم 2800 يۋان، جىلدىق كىرىسىمنىڭ ٴبىر ەسە ارتۋىنان ٴۇمىت بار“، ـ دەدى روزى.

　　ٴسوز اراسىندا كەنەت بوران سوعىپ، اتىزداعى تامشىلاتىپ سۋارۋ بەلدەۋىنىڭ ويپىل ـ تويپىلىن شىعاردى، شينجياڭ تيانيۋان اۋىل شارۋاشىلىق عىلىم ـ تەحنولوگيا شەكتى سەرىكتەستىگىنىڭ باس ديرەكتورى شۇي گويىڭ دەرەۋ روزى ءيۇسىپتى تامشىلاتىپ سۋارۋ بەلدەۋىن رەتتەۋگە شاقىردى.

شۇي گويىڭ جەل ۇشىرعان تامشىلاتىپ سۋارۋ تاسپاسىن رەتتەۋدە. سۋرەتتى انار بۇلت \ شينجياڭ گازەتىنىڭ ءتىلشىسى ساۋ حۋا تۇسىرگەن

　　بىلتىر كۇزدە قۇمدى جەردى تەگىستەگەننەن بيىل 3 ـ ايدا جۇڭي ٴدارى ماتەريالدارىن كەڭ كولەمدە ەگۋگە دەيىن شۇي گويىڭ ٴار كۇنى اتىز باسىنان شىقپادى، ٴوڭى كۇنگە كۇيىپ قاپ ـ قارا بولىپ كەتتى.

　　”سەرىكتەستىك 3 ميلليون 500 مىڭ يۋان قارجى قوسىپ، ۋانحۋايۋان باقشاسىنان 1000 مۋ جەردى اشىپ، جۇڭي ٴدارى ماتەريالدارىن سىناق رەتىندە ەكتى. ٴبىر سورتتى 10 مۋ جەرگە سىناق رەتىندە ەگۋ جوسپارى بويىنشا، 1 - 2 جىل ىشىندە ٴبىز كەريا اۋدانىندا ەگۋگە ۇيلەسەتىن جۇڭي ٴدارى ماتەريالدارىن تاڭداپ الىپ، بىرتىندەپ كولەمدەندىرىپ جالپىلاستىرامىز“. شۇي گويىڭ بىلاي دەدى: جۇڭي ٴدارى ماتەريالدارىن ەگۋ جەرگىلىكتى ورىننىڭ قۇم كاسىپ سالاسىنىڭ دامۋىنا دەم بەرۋمەن بىرگە، بازار حاۋىپ ـ قاتەرىن جويۋعا دا ٴتيىمدى.

　　2024 ـ جىلى كەريا اۋدانى 40 مىڭ مۋلىق ۋانحۋايۋان قۇمايتتانۋدان ساقتانۋ، قۇمدى تىزگىندەۋدەن ۇلگى كورسەتۋ اۋماعىن جوبالاپ، قۇمدى ٴشول روزا گۇلى مەن جۇڭي ٴدارى ماتەريالدارىن ەگۋدى دامىتۋ ارقىلى ۋانحۋايۋاندى كەريا اۋدانىنىڭ جۇڭي ٴدارى ماتەريالدارىن ەگۋ بازاسىنا اينالدىرىپ، جەرگىلىكتى ورىننىڭ جۇڭي ٴدارى ماتەريالدارى كاسىپ سالاسىنىڭ دامۋىن ىلگەرىلەتۋدى جوسپارلادى.

　　”قازىر 36 ٴتۇرلى جۇڭي ٴدارى ماتەريالى ەگىلىپ بولدى، باسىم كوپ ساندىسى كوكتەدى. وسىدان كەيىن ٴبىز 6 ـ، 7 ـ ايداعى ىستىق جەل سىن ـ سايىسىنا توتەپ بەرىپ، اناعۇرلىم كوپ جۇڭي ٴدارى ماتەريالدارىن ەگۋ تاجىريبەسى جونىندە ىزدەنىس جاسايمىز“، ـ دەدى شۇي گويىڭ.

ءتىلشى اسەرى: ۋانحۋايۋاندا ەڭ كوركەم گۇلدەردىڭ قۇلپىرا اشىلۋىن ٴۇمىت ەتەمىز

　　القىزىل روزا گۇلى، سولعىن كۇلگىن ٴتۇستى اسەم سالۆيا گۇلى، سارى ٴتۇستى بانلانگىن گۇلى، اق ٴتۇستى اق شۇعىنىق گۇلى... كەريا اۋدانى ۋانحۋايۋان قۇم كاسىپ سالاسى تاجىربيە بازاسىنىڭ كورمە تاقتاسىنداعى ٴتۇرلى جۇڭي ٴدارى ماتەريالدارىنىڭ گۇل اشقان سۋرەتتەرىن كورگەندە كوڭىلگە ٴۇمىت ۇيالايدى: بىرنەشە جىلدان كەيىن وسىناۋ قۇمدى ٴشول گۇل تەڭىزىنە اينالا ما؟

　　جاۋابى — ارينە سولاي.

　　كەريا اۋدانىنىڭ ”جۇڭگوداعى ەتتى سۇڭعىلا مەكەنى“ دەگەن تاماشا اتى بار، ول _ شينجياڭداعى ەتتى سۇڭعىلا ەگۋ جونىندە ەڭ ەرتە ىزدەنىس جاساعان وڭىرلەردىڭ ٴبىرى، اۋدان بويىنشا ەتتى سۇڭعىلا ەگىلگەن جەر اۋدانى 214 مىڭ مۋعا جەتىپ، ەگۋ، وڭدەۋ، ساتۋ سياقتىلار ٴبىر تۇلعالانعان ٴبىرشاما كەمەلدى كاسىپ سالاسى تىزبەگىن قالىپتاستىردى. وسى تابىستى اماليات ۋانحۋايۋان جۇڭي ٴدارى ماتەريالدارى بازاسىنىڭ قۇرىلىسىنا، دامۋىنا امالياتتىق جەتەكشىلىك ازىرلەپ، سەنىم ۇستەيدى.

　　كەريا اۋدانىندا كادرلار مەن بۇقارانىڭ باتىلدىقپەن قامال الىپ، باتىلدىقپەن سىناق جۇرگىزۋ، باتىلدىقپەن ٴورىس اشۋ رۋحىن سەزىنە الاسىز. شينجياڭ تاكلاماكان ٴشول جيەگى توسقاۋىل شايقاسىن جاپپاي باستاعاننان بەرى، كەريا اۋدانى باتىلدىقپەن ىزدەنىس جاساپ، ”ۇكىمەت جەتەكشىلىك ەتۋ، جالپى حالىق ات سالىسۋ، كوللەكتيۆ كىرىستى ارتتىرۋ، شارۋا وتباسىلارى يگىلىككە كەنەلۋ، قۇمدى تىزگىندەۋ باياندى بولۋ“ سىندى كەريا ٴادىسىن قالىپتاستىردى ٴارى ونى بۇكىل شينجياڭدا جالپىلاستىردى.

　　پارتيا مۇشەلەرى، كادرلار باستان ـ اياق بۇقارامەن بىرگە بولدى، مەيلى قۇمدى تىزگىندەۋدىڭ ٴبىرىنشى شەبىندە بولسىن، الدە اتىز باسىندا بولسىن، بارىنەن ولاردىڭ بەينەسىن كورۋگە بولادى. بۇقارانىڭ تىرەگى بار بولدى، كوپشىلىك قيىنشىلىقتى بىرگە جەڭە السا، جۇمىستى، ٴسوزسىز، تىندىرىمدى ىستەي الادى.

　　بۇرىنعى ۋانحۋايۋان قۇم توبەشىكتەرگە تولى ەلسىز رايون بولاتىن، قازىر ۋانحۋايۋان ەكولوگيامەن حالىقتى بايىتاتىن كاسىپ سالاسى رايونىنا بەت الۋدا. كوپ وتپەي بۇل ارانىڭ ٴوز ەسىمىندەي ”بارلىق گۇل شەشەك اتقان“ ومىرشەڭ كۇشىن ايگىلەيتىندىگىنە سەنەمىز.