ما شيڭرۇي قارامايلى قالاسىندا تەكسەرۋ ـ زەرتتەۋ جۇرگىزدى
جاڭا ەنەرگيانىڭ جوعارى ساپالى دامۋىن جەدەل ىلگەرىلەتىپ، ٴتۇيىندى كاسىپ سالالارىنىڭ ساپاسىن جوعارىلاتىپ ونىمدىلىگىن ارتتىرۋدى، تيبىن جاڭالاپ دارەجەسىن ٴوسىرۋدى اناعۇرلىم ويداعىداي قامتاماسىز ەتۋ كەرەك
4 - ايدىڭ 20 - كۇنى اۆتونوميالى رايوندىق پارتكومنىڭ شۋجيى ما شيڭرۇي قارامايلى قالاسى ورقى رايونىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي قارامايلى فىڭچىڭ مۇنايلىعىنىڭ جوعارى تەمپەراتۋرالى جارىق، جىلۋ تەحنيكاسىنان پايدالانۋ جەتەكشى سىناق نىسانى قۇرىلىسىنىڭ جۇمىس باسىنا بارىپ، جارىق، جىلۋ تەحنيكاسىنان پايدالانىپ بۋ شىعارۋ ارقىلى قويۋ مۇناي الۋ سىناعىن جۇرگىزۋدىڭ اياق الىسى مەن قولدانىلۋ بولاشاعى سياقتى جاعدايلاردى ۇعىسۋدا.
□ سۋرەتتى انار بۇلت\ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 20 ـ كۇنى قارامايلىدان حابارلايدى. 4 ـ ايدىڭ 20 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي قارامايلى قالاسى ورقى رايونىندا ەنەرگيا كاسىپ سالاسى نىسانىنىڭ دامۋ قىزمەتىنە تەكسەرۋ ـ زەرتتەۋ جۇرگىزىپ، بىلاي دەپ باسا دارىپتەدى: شينجياڭنىڭ مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋىن كوزدەپ، جاڭا ەنەرگيانىڭ جوعارى ساپالى دامۋىن جەدەل ىلگەرىلەتىپ، ٴداستۇرلى كاسىپ سالاسىنىڭ تيبىن جاڭالاپ دارەجەسىن وسىرۋگە، ستراتەگيالىق جاڭادان گۇلدەنگەن كاسىپ سالالارىن جەتىلدىرۋگە، زورايتۋعا اناعۇرلىم ويداعىداي تىرەك بولىپ جانە ونى قامتاماسىز ەتىپ، ٴتۇيىندى كاسىپ سالالارىنىڭ ساپاسىن جوعارىلاتىپ ونىمدىلىگىن ارتتىرۋعا، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن قۇرۋعا ۇزدىكسىز ۇلەس قوسۋ كەرەك.
ما شيڭرۇي شينجياڭ جيڭپين جاڭا ەنەرگيا شەكتى سەرىكتەستىگىنە كەلىپ، ٴتۇيىندى ونىمدەر كورمەسىن جانە سەحتاردىڭ ٴوندىرىس ناقتى جاعدايىن تەكسەرىپ كورىپ، 12GW جوعارى ٴونىمدى جاي كريستالدى كرەمني تاياقشاسى جانە كرەمني جاپىراقشاسى نىسانى قۇرىلىسىنىڭ اياق الىسىن ىشكەرىلەي ۇعىسىپ، كاسىپورىن جاۋاپتىلارىن شينجياڭنىڭ جاڭا ەنەرگيا باسىمدىعىنان تولىق، ويداعىداي پايدالانىپ، كاسىپورىننىڭ تەحنولوگيا شەبەرلىگى، وزىندىك قۇنى سياقتى جاقتارداعى باسىمدىقتارىن ساقتاپ، ”ارنايىلانعان، كەمەلدەنگەن، ەرەكشەلەنگەن، جاڭاشالانعان“ باسەكە جولىن كوزدەپ، تىنباي قۇنتتى ىستەپ، وزەكتى باسەكەلىك قۋاتى مەن دامۋ ونىمدىلىگىن ۇزدىكسىز ارتتىرۋعا شابىتتاندىردى. ارالىقتا ما شيڭرۇي قاتىستى جاۋاپتى جولداستارمەن جاڭا ەنەرگيانى دامىتۋ قىزمەتتەرىن ىشكەرىلەي اقىلداسىپ، قارامايلىنىڭ نازاردى ەلەكتر كوزىن، جەلىسىن، كوتەرىمدىلىگىن، ەنەرگيا ساقتاۋدى ٴبىر تۇلعالى دامىتۋعا شوعىرلاندىرىپ، جاڭا ەنەرگيا بازاسى قۇرىلىسىن تەزدەتىپ جوسپارلاپ ىلگەرىلەتۋىن ٴۇمىت ەتتى. باستاماشى كاسىپورىنداردىڭ جەتەكشىلىگىن كۇشەيتىپ، تيجارات تۇلعالارىنىڭ بەلسەندىلىگىن جۇمىلدىرىپ، ٴتۇرلى ەلەكتر كوزدەرىنىڭ كولەمى مەن قۇرامىن ساپالىلاندىرىپ، ەنەرگيا ساقتاۋ قۇرىلىسىن بەلسەندى ىلگەرىلەتىپ، ەلەكتر كوزىن، جەلىسىن، كوتەرىمدىلىگىن، ەنەرگيا ساقتاۋدى سايكەستىرۋ، ٴوزارا كومەكتەسۋ قابىلەتىن جوعارىلاتۋ كەرەك. جاڭا ەنەرگيانى اشۋ مەن قابىلداۋعا تەڭ كۇش سالۋعا تاباندى بولىپ، كاسىپ سالاسى مەن نىساننىڭ ورنالاسىمىن ساپالىلاندىرۋدى بولجامدىلىقپەن ويداعىداي ىستەپ، جوعارى، جاڭا تەحنولوگيالىق كاسىپورىندارعا، جاڭادان گۇلدەنگەن كاسىپ سالاسى نىساندارىنا ساۋداگەر شاقىرىپ قارجى ەنگىزۋ تەبىنىن ارتتىرىپ، جاڭا ەنەرگيانىڭ جاڭاشا وندىرگىش كۇشتەردى جەتىلدىرۋ مەن دامىتۋ بارىسىندا اناعۇرلىم زور رول ساۋلەلەندىرۋىنە مۇمكىندىك جاساۋ كەرەك.
ما شيڭرۇي قارامايلى فىڭچىڭ مۇنايلىعى جوعارى تەمپەراتۋرالى جارىق، جىلۋ تەحنيكاسىنان پايدالانۋدى جەتەكشىلىكپەن سىناق ەتۋ نىسانى قۇرىلىسىنىڭ جۇمىس باسىنا بارىپ، جارىق، جىلۋ تەحنيكاسىنان پايدالانىپ بۋ شىعارۋ ارقىلى قويۋ مۇناي الۋ سىناعىن جۇرگىزۋدىڭ اياق الىسى مەن قولدانىلۋ بولاشاعى سياقتىلاردى ۇعىسىپ، مۇناي ـ گاز الۋدا تازا ەنەرگيادان پايدالانۋ، جاڭا ەنەرگيانى جوسپارلاپ دامىتۋ سياقتى جاعدايلار جونىندەگى تانىستىرۋدى تىڭداپ، بىلاي دەپ باسا دارىپتەدى: مۇناي ـ گازبەن قامداۋدى قامتاماسىز ەتۋ جانە جاسىل، تومەن كومىر قىشقىل گازدى تيپ جاڭالاۋدى ٴبىر تۇتاس جوسپارلاپ، مۇناي ـ گاز بەن جاڭا ەنەرگيانىڭ توعىسا دامۋ جولىن بەلسەنە كەڭەيتىپ، جاسىل مۇناي ـ گاز الابى بويىنشا ۇلگى كورسەتۋ قۇرىلىسىن ىلگەرىلەتىپ، مۇناي ـ گاز كاسىپ سالاسىنىڭ تيبىن جاڭالاپ دارەجەسىن ٴوسىرۋدى جەدەلدەتۋ كەرەك. ما شيڭرۇي تاعى مۇناي الابىنداعى مۇناي ـ گاز ٴوندىرىسىنىڭ اياق الىسىن، ونىمدىلىگىن ەگجەي ـ تەگجەيلى سۇراستىرىپ، كاسىپورىنداردىڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋدى كوزدە ۇستاپ، مۇناي ـ گاز بارلاۋ ـ اشۋ جانە قورىن مولايتىپ ٴونىمىن ارتتىرۋدى ٴۇرتىس ىلگەرىلەتىپ، ٴتۇيىندى ٴوندىرىس قۋاتى نىسانى قۇرىلىسىن كۇشەيتىپ، مۇناي ـ گازدىڭ ٴونىمىن ارتتىرىپ، قامداۋدى قامتاماسىز ەتۋدى ٴونىمدى ىلگەرىلەتۋىن ٴۇمىت ەتتى.
ما شيڭرۇي تەكسەرۋ ـ زەرتتەۋدە بىلاي دەپ باسا دارىپتەدى: شينجياڭنىڭ جاڭاشا ەلەكتر قۋاتى جۇيەسىن قۇرۋىن ارقاۋ ەتىپ، جاڭا ەنەرگيا مەن ٴتۇيىندى كاسىپ سالالارىنىڭ سايكەسە دامۋىن جەدەلدەتىپ، تازا ەنەرگيانى جاقىن ماڭدا، سول ورىندا قابىلداۋدى زور كۇشپەن جەبەپ، وزىق، جوعارى كوتەرىمدىلىكتەگى كاسىپ سالالارىنىڭ جاسىل، تومەن كومىر قىشقىل گازدى دامۋىن ىلگەرىلەتىپ، جاڭا ەنەرگيانىڭ كاسىپ سالالارىنىڭ جوعارى ساپالى دامۋىنداعى تىرەك بولۋ، قامتاماسىز ەتۋ قابىلەتىن ۇزدىكسىز جوعارىلاتىپ، شينجياڭنىڭ ەنەرگيا بايلىعى باسىمدىعىن رەال وندىرگىش كۇشكە ۇزدىكسىز اينالدىرۋدى اناعۇرلىم ويداعىداي قامتاماسىز ەتۋ كەرەك. عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن جەدەلدەتىپ، كاسىپورىننىڭ جاڭالىق اشۋداعى تۇلعالىق ورنىن كۇشەيتىپ، شەشۋشى، وزەكتى تەحنولوگيالاردى زەرتتەۋ ـ اشۋدان قامال الۋدى كۇشەيتىپ، عىلىم ـ تەحنولوگيا جەتىستىكتەرىن كادەگە جاراتۋ مەن كاسىپ سالالاندىرۋ دەڭگەيىن جوعارىلاتىپ، جاڭاشا وندىرگىش كۇشتەردى جەرگىلىكتى جاعدايعا قاراي جەتىلدىرۋ، دامىتۋ كەرەك. جاسىل، تومەن كومىر قىشقىل گازدى دامۋ بەتالىسىنا تاباندى بولىپ، ٴداستۇرلى كاسىپ سالالارىنىڭ باسىمدىعىن ۇزدىكسىز بەكەمدەپ، تيبىن جاڭالاپ دارەجەسىن ٴوسىرۋدى جەدەل ىلگەرىلەتىپ، ستراتەگيالىق جاڭادان گۇلدەنگەن كاسىپ سالالارىن زور كۇشپەن دامىتىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىسانا ـ مىندەتتەرىن تياناقتاندىرۋ بارىسىندا جاڭا كاسىپ سالاسىنىڭ باسەكەلىك باسىمدىعىن تۇلعالاۋ كەرەك.
تەكسەرۋ ـ زەرتتەۋ بارىسىندا ما شيڭرۇي تاعى ورقى رايونى باتىس بولىك ۋجىن قالاشىعىنىڭ مادەنيەت ـ ساياحات نىسانى قۇرىلىسىنىڭ جۇمىس جاعدايىن ۇعىسىپ، بىلاي دەپ باسا دارىپتەدى: شارۋاشىلىق باسقارۋدىڭ ساپاسىن، ونىمدىلىگىن كۇش سالا جوعارىلاتىپ، نىساننىڭ اقاۋسىز، باياندى دامۋىن جەبەپ، اۋىل شارۋاشىلىعى، مادەنيەت ـ ساياحات توعىسقان ەرەكشەلىككە يە ماركا تۇلعالاپ، بۇقارانىڭ جۇمىستانىپ كىرىسىن ارتتىرۋىنا اناعۇرلىم ويداعىداي دەم بەرۋ، اۋىل ـ قىستاقتى جاپپاي گۇلدەندىرۋگە قىزمەت وتەۋ كەرەك.
قادەن كابەن، شى گاڭ تەكسەرۋ ـ زەرتتەۋگە قاتىناستى.
