ما شيڭرۇي بۇراتالا موڭعۇل اۆتونوميالى وبلىسىنىڭ جىڭ اۋدانىندا تەكسەرۋ ـ زەرتتەۋ جۇرگىزدى
نەگىزگى ساتىنىڭ قوعامدىق باسقارۋ ونىمدىلىگىن ۇزدىكسىز جوعارىلاتىپ، اۋدان ٴوڭىرى ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ كەرەك
4 - ايدىڭ 22 - كۇنى اۆتونوميالى رايوندىق پارتكومنىڭ شۋجيى ما شيڭرۇي بۇراتالا موڭعۇل اۆتونوميالى وبلىسىنىڭ جىڭ اۋدانىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي شينجياڭ حوۋۋاڭ كەن كاسىبى شەكتى جاۋاپكەرشىلىك سەرىكتەستىگىنىڭ نىسان جۇمىس باسىنا كەلىپ، بارلاۋ، اشۋ جاعدايىن كوزدەن كەشىرىپ، جىڭ اۋدانىنىڭ كەن كاسىبىن دامىتۋ قىزمەتى جونىندەگى تانىستىرۋىن تىڭداۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 22 ـ كۇنى جىڭنان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 ـ ايدىڭ 22 ـ كۇنى بۇراتالا موڭعۇل اۆتونوميالى وبلىسىنا كەلىپ، جىڭ اۋدانىن ىشكەرىلەي ارالاپ، نەگىزگى ساتىنىڭ قوعامدىق باسقارۋى، اۋدان ٴوڭىرى ەكونوميكاسىن دامىتۋ، ەكولوگيانى قورعاۋ قىزمەتى جونىندە تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى جانە باياندى تىنىشتىق باس نىساناسىن مىقتاپ يگەرىپ، نەگىزگى ساتىنى يگەرىپ نەگىز قالاۋعا تاباندى بولىپ، نەگىزگى ساتىنىڭ قوعامدىق باسقارۋ ونىمدىلىگىن ۇزدىكسىز جوعارىلاتىپ، قوعامدىق كەلەلى جاعدايدىڭ ورنىقتىلىعىن باتىل ساقتاپ، اۋدان ٴوڭىرى ەكونوميكاسىنىڭ، قوعامىنىڭ جوعارى ساپالى دامۋىن جەدەل ىلگەرىلەتىپ، ٴار ۇلت بۇقاراسىنىڭ حالىق تۇرمىسى قۇت ـ ىرىسىن ارتتىرۋ كەرەك.
ما شيڭرۇي جىڭ اۋدانى قالاشىق ساقشى بولىمشەسىنە بارىپ، نەگىزگى ساتىداعى ساقشىلاردان ساقشى كۇشىن تومەنگە ٴتۇسىرۋ قىزمەتىنىڭ ناتيجەسىن ەگجەي ـ تەگجەيلى سۇراستىرىپ، قاراستى اۋماقتىڭ نەگىزگى احۋالى، كۇندەلىكتى قىزمەت شارالارى سياقتىلاردى ۇعىسىپ، كوپشىلىككە ەگجەي ـ تەگجەيلىلەندىرىپ باسقارۋ دەڭگەيىن جوعارىلاتۋدى ارقاۋ ەتىپ، حاۋىپ ـ قاتەرگە دالمە ـ ٴدال تۇجىرىم جاساۋدى كۇشەيتۋ، تۇرلەر بويىنشا ٴونىمدى ٴبىر جاقتى ەتۋ جاعىندا ۇزدىكسىز كۇش سالىپ، كىناراتتاردان كۇنى بۇرىن ساقتانىپ، حاۋىپسىزدىك، ورنىقتىلىق تومەنگى شەگىن شىن مانىندە ساقتاۋدى تاپسىردى. سودان كەيىن ما شيڭرۇي جىڭ اۋداندىق قوعام اماندىعىن كەشەندى باسقارۋ ورتالىعىنا كەلىپ، ورتالىقتىڭ قۇرىلۋ، جۇمىس جۇرگىزۋ احۋالىن كورىپ، قوعامدىق قىزمەت، ارىز ـ ارمان قىزمەتى سياقتى احۋالداردى ۇعىسىپ، اۋدان دارەجەلى كەشەندى جونگە سالۋ ورتالىعىن جۇيەلىلەندىرۋ قۇرىلىسىنىڭ مىندەتىن، تالاپتارىن مۇقيات تياناقتاندىرىپ، ٴار جاقتاعى بايلىقتى بىرىكتىرىپ، بۇقارانىڭ تالاپتارىن ”ٴبىر بەكەت ۇلگىسىندە“ شەشۋدى تىڭعىلىقتى ىلگەرىلەتىپ، قايشىلىقتاردى، داۋ ـ شارلاردى شىن مانىندە نەگىزگى ساتىدا شەشۋدى اتاپ كورسەتتى. ما شيڭرۇي بىلاي دەپ باسا دارىپتەدى: نەگىزگى ساتىنىڭ باسقارۋ ونىمدىلىگىن جوعارىلاتۋدى ماڭىزدى نەگىزدىك قىزمەت رەتىندە ۇدايى بوساڭسىتپاي يگەرىپ، ٴارى ەلەۋلى حاۋىپ ـ قاتەرلەردى پارمەندى، ٴونىمدى شەشىپ، ٴارى بۇقارانىڭ قيىنشىلىقتارىن، تالاپ ـ تىلەكتەرىن دەن قويا، سۇيىسپەنشىلىكپەن شەشىپ، قوعامدىق كەلەلى جاعدايدىڭ ورنىقتىلىعىن باتىل قورعاۋ بارىسىندا ٴار ۇلت بۇقاراسىنىڭ باقىتتى تۇرمىسى نەگىزىن بەكەمدەۋ كەرەك.
ما شيڭرۇي شينجياڭ حوۋۋاڭ كەن كاسىبى شەكتى سەرىكتەستىگىنىڭ جىلدىق ٴونىم مولشەرى ميلليون توننالىق كوپ ٴتۇرلى مەتال سۇرىپتاۋ زاۆودىنا، كەسەك مىس قورىتۋ نىسانى ورنىنا كەلىپ، بارلاۋ، اشۋ احۋالىن تەكسەرىپ كورىپ، بۇراتالا وبلىسىنىڭ، جىڭ اۋدانىنىڭ كەن كاسىبىن دامىتۋ قىزمەتى جونىندەگى تانىستىرۋدى تىڭداپ، كەن بايلىعى قىزمەتىن ٴوڭىردىڭ جوعارى ساپالى دامۋىنىڭ ماڭىزدى مازمۇنى ەتىپ، ستراتەگيالىق كەن بايلىعىن كوزدەپ، قوردى ارتتىرىپ ٴونىمدى جوعارىلاتۋدى ۇزدىكسىز ىلگەرىلەتىپ، ەرەكشەلىككە، باسىمدىققا يە كاسىپ سالالارىن زور كۇشپەن جەتىلدىرۋدى باسا دارىپتەدى.
تەكسەرۋ ـ زەرتتەۋ بارىسىندا ما شيڭرۇي ەبنۇر كولى سازدىعى مەملەكەتتىك جاراتىلىستىق قورىعىنىڭ قىزمەت تانىستىرۋىن تىڭدادى. ول بىلاي دەپ باسا دارىپتەدى: عىلمي پوزيتسياعا تاباندى بولىپ، وبيەكتيۆ زاڭدىلىققا بويسۇنىپ، ەبنۇر كولى الابى ەكولوگياسىن قورعاۋ جانە قالپىنا كەلتىرۋ قىزمەتىن شىندىقتى ٴىس جۇزىنەن ىزدەي وتىرىپ ويداعىداي ىستەپ، ەكولوگيالىق ورتانى قورعاۋ مەن ەكونوميكالىق، قوعامدىق دامۋدىڭ ٴبىر ـ بىرىنە ساي كەلۋىن جۇزەگە اسىرۋ كەرەك. الاپتىڭ جالپى تۇلعاسىن تياناق ەتىپ، سۋ بايلىعىمەن قامداۋدى كۇشەيتىپ جانە ساپالىلاندىرىپ، وندىرىسكە، تۇرمىسقا، ەكولوگياعا پايدالانىلاتىن سۋدى ۇيلەسىمدى ۇلەستىرىپ، سۋ بايلىعىنىڭ ەكونوميكانى دامىتۋ مەن ەكولوگيالىق ورتانى قورعاۋداعى تىرەكتىك، قامتاماسىزدىق يقۋاتىن ۇزدىكسىز جوعارىلاتۋ كەرەك.
ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: دامۋ مەن حاۋىپسىزدىكتى ونان ارى ٴبىر تۇتاس جوسپارلاپ، اۋدان ٴوڭىرىنىڭ جالپىلىق قۋاتىن ۇزدىكسىز زورايتۋ كەرەك. قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، اماندىقتا جاماندىقتىڭ بولارىن ويلاپ، قىزمەتتەردى ەگجەي ـ تەگجەيلى، ناقتى يگەرىپ، ورنىقتىلىق ارقىلى دامۋعا شىنايى كەپىلدىك ەتۋ، دامۋ ارقىلى ورنىقتىلىقتى جەبەۋ كەرەك. جىڭ — ٴبىر توراپ، وڭىرلىك ورىن باسىمدىعىن تولىق ساۋلەلەندىرىپ، اۋدان ٴوڭىرىنىڭ دامۋ ومىرشەڭدىگىن ۇزدىكسىز قاۋلاتىپ، بايلىق ەرەكشەلىگىنە سۇيەنىپ تىرەكتى كاسىپ سالالارىن جەتىلدىرىپ، زورايتىپ، قالا ـ قالاشىقتاندىرۋ قۇرىلىسىن بەلسەنە ىلگەرىلەتىپ، ەكونوميكالىق دامۋدى جانە حالىق تۇرمىسى دەڭگەيىن ۇزدىكسىز جوعارىلاتۋ كەرەك.
ما شيڭرۇي بىلاي دەپ باسا دارىپتەدى: سۋ بايلىعى قىزمەتىن جۇيەلى ويلاۋ، جالپى جاعدايلىق وي ٴورىسى، ۇزاق بولاشاقتىق كوز ايا ارقىلى ويداعىداي ىستەپ، سۋ ۇنەمدەۋدى، سۋ ساقتاۋدى، سۋ رەتتەۋدى، سۋ مولايتۋدى ٴبىر تۇتاس جوسپارلاپ، سۋ بايلىعىنان پايدالانۋ ونىمدىلىگىن ۇزدىكسىز جوعارىلاتىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەرياسىن تىڭعىلىقتى ىلگەرىلەتىپ، وڭىرلىك ەكولوگيالىق جۇيە فۋنكتسياسىنىڭ جالپى تۇلعالىق جوعارىلاۋىن ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: شىنايىلىقتى الدىڭعى ورىنعا قويۋعا، ىستەۋدى ماڭداي الدى ورىنعا قويۋعا تاباندى بولىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، ٴار دارەجەلى باسشى كادرلاردىڭ ستيل قۇرىلىسىن ۇزدىكسىز تەرەڭدەتۋىن ىلگەرىلەتىپ، دۇرىس ناتيجە كوزقاراسىن ورناتىپ، ىشكەرىلەي تەكسەرۋ ـ زەرتتەۋ جۇرگىزىپ، كورنەكتى ماسەلەلەردى شەشىپ، تاڭداۋلى ستيل ارقىلى جاۋاپكەرشىلىك ارقالاپ ىسكەرلىك كورسەتۋدى، ٴىس تىندىرىپ ناتيجە شىعارۋدى ٴونىمدى قامتاماسىز ەتۋ كەرەك.
