جۇڭگو ارمانىن، ارميانى قۇدىرەتتەندىرۋ ارمانىن بىرگە جۇزەگە اسىرۋدىڭ ايبىندى تاراۋىن جازدى
— جاڭا داۋىردەگى قوس قولداۋ قىزمەتى جونىندە جالپى شولۋ
شينحۋا اگەنتتىگىنىڭ تىلشىلەرى \ مەي شىشيۇڭ، لي بيڭشۋان
” ارميا مەن ۇكىمەت، ارميا مەن حالىق ىنتىماعى ارميامىزدىڭ جەڭىسكە جەتۋىنىڭ اسىلى ەكەندىگىن ايقىندادىق“.
2024 ـ جىلى 6 ـ ايدىڭ 17 ـ كۇنىنەن 19 ـ كۇنىنە دەيىن ورتالىق اسكەري ىستەر كوميتەتىنىڭ ساياسي قىزمەت ٴماجىلىسى شانشيدىڭ يان ـ انىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى. ماجىلىستە باس شۋجي شي جينپيڭ جاڭا داۋىردە ارميانى ساياسي جاقتان قۇرۋدىڭ تاريحي تابىستارىن جۇيەلى قورىتىندىلاپ، ارميا مەن ۇكىمەت، ارميا مەن حالىق ىنتىماعىن جاڭا داۋىردە ارميانى ساياسي جاقتان قۇرۋ جالپى جوباسىنداعى ”10 ايقىننىڭ“ ٴبىرى ەتتى. 6 ـ ايدىڭ 17 ـ كۇنى تۇستەن كەيىن ساعات 3 مولشەرىندە باس شۋجي شي جينپيڭ اسكەري ىستەر كوميتەتى القاسىنداعىلاردى جانە ٴارقايسى تاراۋلارداعى، ورىندارداعى نەگىزگى جاۋاپتى جولداستاردى باستاپ ۋاڭجياپيڭ توڭكەرىستىك بايىرعى جۇرتىن ىزەت ـ قۇرمەتپەن كوردى. ”تاۋلين الاڭىنان“ وتكەندە، باس شۋجي شي جينپيڭ شانشي - گانسۋ - نيڭشيا شەكارا رايونىنىڭ قوس قولداۋ قوزعالىسىن جاسامپازدىقپەن ورىستەتۋ جاعدايىن ۇعىسىپ، سول جىلدارداعى توڭكەرىستىك ۇمىتكەرلىك رۋحقا تولى جاۋىنگەرلىك ٴومىردى كوپشىلىكپەن بىرگە ەسكە الدى.
ايبىندى باۋتاشان تاۋى مەن جوڭكىلە اققان يانحى وزەنى قوس قولداۋ قوزعالىسىنىڭ 82 جىلدىق دامۋ بارىسىنا كۋا بولدى. وسى جولدا پارتيانىڭ باسشىلىعىنداعى قوس قولداۋ قىزمەتى سوعىس ورتىندە دۇنيەگە كەلىپ، كۇرەس بارىسىندا العا ىلگەرىلەدى، ارميا مەن حالىق نيەتتەس بولىپ، تىزە قوسا كۇرەس جۇرگىزىپ، ىنتىماقتاسا ەكپىندەي ىلگەرىلەپ، ارت ـ ارتىنان شۇعىلالى جەڭىسكە قول جەتكىزدى. بۇگىنگى تاڭدا جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ۇلى جورىعىنا قادام قويعاندا، ارميا مەن ۇكىمەت، ارميا مەن حالىق ىنتىماعى ٴالى دە ٴباز ـ باياعىسىنداي ٴبىزدىڭ كۇش قاينارىمىز.
باس شۋجي شي جينپيڭ ارميا مەن ۇكىمەت، ارميا مەن حالىق ىنتىماعىنا ايرىقشا ٴمان بەردى، قوس قولداۋ ماڭىزدى قيمىلدارىنا ٴوزى قاتىناسىپ، ٴبىر قىدىرۋ ماڭىزدى نۇسقاۋ بەرىپ، جاڭا داۋىردەگى قوس قولداۋ قىزمەتىنىڭ دامۋىنا العا باسۋ بەتالىسىن ايقىن كورسەتىپ، ٴتۇبىرلى بويسۇنۋ ولشەمىن ازىرلەدى. 2020 ـ جىلعى مەملەكەتتىك قوس قولداۋداعى ۇلگىلى قالالارعا (اۋدان) اتاق بەرۋ جانە قوس قولداۋداعى ۇلگىلى ورىندار مەن جەكەلەردى ماداقتاۋ ـ سيلاۋ جينالىسىنان بەرى، ارميا مەن جەرگىلىكتى ٴار دارەجەلى ورىندار باس شۋجي شي جينپيڭنىڭ قوس قولداۋ قىزمەتى جونىندەگى ماڭىزدى بايىمداۋلارىن مۇقيات دايەكتىلەندىرىپ، پارتيا مەن مەملەكەتكە قىزمەت وتەۋ قىزمەت كەلەلى جاعدايىن، مەملەكەت قورعانىسى مەن ارميا قۇرىلىسى جالپى جاعدايىن اناعۇرلىم ويداعىداي كوزدە ۇستاپ، قوس قولداۋ داڭقتى ٴداستۇرىن بار كۇشپەن اسقاقتاتىپ، جاڭا داۋىردەگى قوس قولداۋ قىزمەتىن ىشكەرىلەي، تىڭعىلىقتى ويداعىداي ىستەپ، ارميا مەن ۇكىمەت، ارميا مەن حالىق ىنتىماقتاسا كۇرەس جۇرگىزۋدىڭ تاماشا داستانىن جازدى.
وتاندى ٴسۇيىپ ارميانى قولدادى، اسكەرلىك تۇتاس قوعام قۇرمەتتەيتىن كاسىپكە اينالدى
”ٴبىزدىڭ مەملەكەت قورعانىسىمىز — جالپى حالىقتىڭ مەملەكەت قورعانىسى، مەملەكەت قورعانىسى مەن ارميانىڭ وسىزاماندانۋىن ىلگەرىلەتۋ — بۇكىل ارميانىڭ، بۇكىل ەل حالقىنىڭ ورتاق ٴىسى. ورتالىق جانە مەملەكەت ورگاندارى، جەرگىلىكتى ٴار دارەجەلى پارتكومدار مەن ۇكىمەتتەر مەملەكەت قورعانىسى تانىمىن كۇشەيتىپ، مەملەكەت قورعانىسى جانە ارميا قۇرىلىسى رەفورماسىن كوكىرەك تولى ىقىلاسپەن قولداپ، ارميانى قۇدىرەتتەندىرۋ ٴۇشىن تاماشا شارت ـ جاعداي جاساۋى، پارمەندى تىرەك ازىرلەۋى كەرەك“. باس شۋجي شي جينپيڭنىڭ ماڭىزدى نۇسقاۋى بەتالىستى ايقىن كورسەتىپ، ەكپىندەي ىلگەرىلەۋگە جىگەرلەندىردى.
”ەڭ سوڭعى ٴبىر كەسە كۇرىشتى ارمياعا اپاردى، ەڭ سوڭعى ٴبىر كەز ماتانى اسكەري كيىم تىگۋگە اپاردى، ەڭ سوڭعى ٴبىر كونە ماقتا كورپەنى زۋزانىڭ ۇستىنە جاپتى، ەڭ سوڭعى ٴبىر باۋىر ەتىن مايدانعا جونەلتتى“. سوعىس جىلدارىندا كەڭ تارالعان وسى حالىق ٴانى حالىق بۇقاراسىنىڭ ٴوز پەرزەنت اسكەرلەرىنە قويۋ سۇيىسپەنشىلىگىن جىرلاعان.
جاڭا داۋىرگە قادام تاستاعاننان بەرى، ٴار دارەجەلى پارتكومدار، ۇكىمەتتەر جانە قالىڭ حالىق بۇقاراسى دامىعاندا ارميانى قولداۋدى ۇمىتپاۋعا، جايشىلىقتا سوعىس كەزدەرىن ۇمىتپاۋعا باستان ـ اياق تاباندى بولىپ، اسكەري ٴبولىم قۇرىلىسىن قولداپ، ارميانى قولداۋ قىزمەت وتەۋىن ويداعىداي ىستەۋدى بۇلتارتپاس جاۋاپكەرشىلىك ەتىپ، اسكەري ٴبولىم جانە وفيتسەر ـ اسكەرلەر ٴۇشىن دەن قويا، سۇيىسپەنشىلىكپەن ناقتى ٴىس، جاقسى ٴىس ىستەدى.
مەملەكەت قورعانىسى جانە ارميا قۇرىلىسى رەفورماسىن بار كۇشپەن قولدادى —
2024 ـ جىلى بەلگىلى اسكەري ٴبولىم بۇيرىق بويىنشا نيڭشيانىڭ يىنچۋانىنا قورعانىستىق ورىن اۋىستىردى. نيڭشيا حۇيزۋ اۆتونوميالى رايوندىق ۇكىمەت ارناۋلى اسكەري ىستەردى كەڭەسۋ ٴماجىلىسىن اشىپ، اسكەري ٴبولىم قۇرىلىسىن ىلگەرىلەتۋگە، وعان قولداۋ كورسەتۋگە قاتىستى قىزمەتتەردى اقىلداستى. 16 جەرگىلىكتى فۋنكتسيالىق تاراۋ جاۋاپكەرشىلىك ٴبولىسى جانە ٴبىتىرۋ ۋاقىت شەگى بويىنشا شۇعىل ٴىستى جەدەل ٴبىتىرىپ، ەرەكشە ٴىستى ارنايى ٴبىتىرىپ، اسكەري ٴبولىم مەن وفيتسەر ـ اسكەرلەردىڭ 23 ٴىس جۇزىندىك قيىنشىلىعىنىڭ دالمە ـ ٴدال، جوعارى ٴونىمدى شەشىلۋىن ىلگەرىلەتتى.
اسكەري ٴبولىم قاي جەرگە قورعانىسقا تۇرۋعا اۋىستىرىلسا، سول جەر وفيتسەر ـ اسكەرلەردىڭ ەكىنشى مەكەنى بولدى.
سوڭعى جىلدارى مەملەكەت قورعانىسى جانە ارميا قۇرىلىسى رەفورماسى ۇزدىكسىز تەرەڭدەتىلىپ، جەر ـ جەر جاڭادان رەتتەلىپ قۇرىلعان جانە قورعانىستا تۇرعان ورنى اۋىستىرىلعان اسكەري بولىمدەرگە قىزمەت وتەۋ، قامتاماسىز ەتۋ قىزمەتىن ىرىقتىلىقپەن ويداعىداي ىستەپ، اسكەري ٴبولىم مەن وفيتسەر ـ اسكەرلەر كوڭىل بولگەن، نازار اۋدارعان ماڭىزدى، قيىن ماسەلەلەردى كۇش سالا شەشتى.
پارتيا 19 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە قارالىپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جونىندەگى قاۋلىسى» مەن «پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جوباسىندا» ارميا مەن جەرگىلىكتى ورىن اتتاعان رەفورمانى تەرەڭدەتۋ ماڭىزدى مازمۇن بولدى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە تاعى ارميا مەن جەرگىلىكتى ورىن اتتاعان رەفورمانى تەرەڭدەتۋ جونىندە ورنالاستىرۋ جاسالدى.
پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋمەن ۇشتاستىرىپ، قارۋلى ساقشى ٴبولىمىنىڭ، حالىق جاساقتارىنىڭ جانە زاپاس قوسىننىڭ ارميا مەن جەرگىلىكتى ورىن اتتاعان رەفورماسىن تەرەڭدەتتى؛ قوعام حاۋىپسىزدىگى مىندەتتەگى بولىمدەر رەفورماسىن ىلگەرىلەتتى؛ اۋە قاتىناسىن باسقارۋ ٴتۇزىلىسى رەفورماسىن اتقارىپ، ورتالىق اۋە قاتىناسىن باسقارۋ كوميتەتىن قۇردى؛ مەملەكەت قورعانىسىنا جۇمىلدىرۋ ٴتۇزىلىسى رەفورماسىن ىلگەرىلەتىپ، وسى زامانعى مەملەكەت قورعانىسىنا جۇمىلدىرىلاتىن كۇشتەر جۇيەسىن تۇلعالادى... ورتالىقتاعى مەملەكەت قۇرىلىمدارى جانە جەر ـ جەردەگى پارتكومدار مەن ۇكىمەتتەر، قوعامداعى ٴار سالا رەفورمانى قولداۋدىڭ، رەفورماعا قىزمەت وتەۋدىڭ ٴبىر قىدىرۋ ساياسات ـ شاراسىن جابال العا قويىپ، ارميا مەن جەرگىلىكتى ورىن رەفورمانى ىلگەرىلەتۋدىڭ قۇدىرەتتى بىرىككەن كۇشىن ۇيىستىردى.
اسكەري بولىمدەردىڭ سوعىسقا دايىندالۋىنا، سوعىس جۇرگىزۋىنە قىزمەت وتەۋدى كورنەكتىلەندىردى —
2023 ـ جىلى 4 ـ ايدا ورتا بولىك سوعىس رايونىنداعى بەلگىلى اسكەري ٴبولىمنىڭ الىستان بەلگىلى جاتتىعۋ الاڭىنا كەلىپ تۇراقتاپ تۇرىپ جاتتىعۋ جاسايتىندىعىن بىلگەن سوڭ، حۋبەيدىڭ حۋاڭگاڭىنداعى ارميا ورىندارى مەن جەرگىلىكتى ورىن دەر كەزىندە ارميانى قولداپ، الدىڭعى شەپكە كومەك بەرۋ جوباسىن ىسكە قوسىپ، قاتىناس، سۋ يگىلىگى سياقتى تاراۋلاردى سايكەستىرۋ ٴماجىلىسىن اشۋعا ۇيىمداستىرىپ، تۇراقتاپ تۇرىپ جاتتىعۋ جاسايتىن اسكەري ٴبولىمنىڭ جاتتىعۋ كەمەجايى، وفيتسەر ـ اسكەرلەردىڭ قونالقىسى، سۋدان، ەلەكتردەن پايدالانۋ، جانار ماي ماتەريالدارىمەن قامداۋ سياقتى ىستەرىن شەشىپ، تۇراقتاپ تۇرىپ جاتتىعۋ جاسايتىن اسكەري ٴبولىمنىڭ جايعاسا سالىسىمەن جاتتىعۋعا كىرىسۋىنە شىنايى كەپىلدىك ەتتى.
”سوعىسقا نە قاجەت بولسا، الدىڭعى شەپكە كومەك بەرۋدە سونى قامتاماسىز ەتەمىز؛ اسكەري بولىمدە نە تاپشى بولسا، الدىڭعى شەپكە كومەكتەسۋدە سونى دايىندايمىز“.
نازاردى ”سوعىس رايونىنىڭ نەگىزگى شايقاسىنا“ قىزمەت وتەۋگە شوعىرلاندىردى، سوڭعى جىلدارى سوعىس رايونىنداعى ارميانى قولداپ الدىڭعى شەپكە كومەك بەرۋ بويىنشا ارميا مەن جەرگىلىكتى ورىندى سايكەستىرۋ مەحانيزمى ۇزدىكسىز اقاۋسىزداندىرىلدى، كەمەلدەندىرىلدى، ٴارقايسى جاق ىركەس ـ تىركەس ارميانى قولداپ، الدىڭعى شەپكە كومەك بەرۋ جاتتىعۋىن ۇيىمداستىرىپ، قاتىستى ولكەلەر ارميا مەن جەرگىلىكتى ورىن بىرلەسكەن قولباسشىلىق شتابىن قۇرىپ، سوعىس جوسپارىن جاساپ، سوعىستى اقىلداسىپ، ٴبىر قىدىرۋ ساياساتتىق مەحانيزم جانە سوعىسقا دايىندالۋ جەتىستىكتەرىن قالىپتاستىردى.
جەرگىلىكتى ٴار دارەجەلى پارتكومدار، ۇكىمەتتەر جانە حالىق بۇقاراسى ارميانى قولداپ، الدىڭعى شەپكە كومەكتەسۋ ٴداستۇرىن اسقاقتاتىپ، اسكەري بولىمدەردىڭ بىرلەسكەن مانەۆرى، بىرلەسكەن جاتتىعۋى، ٴوڭىر اتتاپ اۋىسۋ، تەڭىزدە ۇقىق قورعاۋ، لاڭكەستىككە قارسى تۇرىپ ورنىقتىلىقتى قورعاۋ سياقتى الۋان تۇرلىلەنگەن اسكەري مىندەتتەردى وتەۋىن بار كۇشپەن قولداپ، مانەۆر ـ جاتتىعۋ الاڭى، قاتىناس ـ تاسىمال، حاۋىپسىزدىك بويىنشا ساقتاندىرۋ، ارتقى شەپتى قامداۋ سياقتىلاردى قامتاماسىزداندىرۋ قىزمەتتەرىن تىڭعىلىقتى ويداعىداي ىستەدى.
جەر ـ جەر تاعى جەرگىلىكتى ورىننىڭ بايلىق باسىمدىعىن بەلسەنە ساۋلەلەندىرىپ، اسكەري بولىمدەردىڭ جابدىق ـ سايمانداردىڭ دەڭگەيىن كوتەرىپ جاڭالاۋىن قولدادى، اسكەري ارەكەتتە تەحنولوگيالىق قامتاماسىزدىقتىڭ بىرگە ٴجۇرۋىن ويداعىداي ىستەدى، جاڭاشا سوعىس جۇرگىزۋ دارىندىلارى مەن جوعارى تەحنولوگيالىق جاڭالىق اشۋ دارىندىلارىن تاربيەلەۋدى، باۋلۋدى قولدادى... اسكەري بولىمدەردىڭ سوعىسقا جاتتىعۋىنىڭ، جەرگىلىكتى ورىنداردىڭ الدىڭعى شەپكە كومەكتەسۋگە جاتتىعۋىنىڭ جاندى كارتيناسى چاڭجياڭنىڭ تۇستىگى مەن تەرىستىگىندە بىرتىندەپ جايىلدى.
اسكەريلەردىڭ، اسكەريلەر وتباسىنداعىلاردىڭ ”شۇعىل، قيىن، ۋايىمداعان، ٴزارۋ“ ىستەرىن زور كۇشپەن شەشتى —
اسكەرلىكتى بۇكىل قوعام قۇرمەتتەيتىن كاسىپكە اينالدىرۋدى كوزدەپ، پارتيا مەن ۇكىمەت وفيتسەر ـ اسكەرلەردىڭ ٴتول مۇددەسىنە ساياتىن ٴىس جۇزىندىك ماسەلەلەردى شەشۋ جاعىندا ۇزدىكسىز كۇش سالدى.
”كەيىنگى جولدى“ كەڭەيتىپ، شارا جانە ساياسات شىعارىپ، قوسىننان شەگىنگەن اسكەريلەردى ورنالاستىرۋدى بار كۇشپەن قامتاماسىز ەتتى، ٴار دارەجەلى پارتيا، ۇكىمەت ورگاندارى، مەملەكەت مەنشىگىندەگى كاسىپورىندار، ٴىسورىندار، اسىرەسە، ورتالىق كاسىپورىندارى كەيبىر قوسىننان شەگىنگەن اسكەريلەردى لايىقتى تۇردە قابىلداپ، قوسىننان شەگىنگەن اسكەريلەردىڭ كوپ بولىپ شارۋاشىلىق قۇرۋعا، جالپى قاۋىم جاڭالىق اشۋعا ات سالىسۋىن زور كۇشپەن قولدادى.
”ارتقى اۋلانى“ بەكەمدەپ، قامقورلىق جاساۋ، تيىمدىلىك جەتكىزۋ ساياسات جۇيەسىن كەمەلدەندىرىپ، قامقورلىق جاساۋ مامىلە دەڭگەيىن ۇزدىكسىز جوعارىلاتىپ، ارميادان دەمالىسقا، زەينەتكە شىققان كادرلاردىڭ ساياسي مامىلەسىن، تۇرمىس مامىلەسىن جاپپاي تياناقتاندىردى. اسكەريلەر وتباسىنداعىلاردى اۋىستىرىلسا بىرگە اپارۋ، جۇمىسقا ورنالاستىرۋ، شارۋاشىلىق قۇرۋىن قولداۋ سياقتى قىزمەتتەردى ويداعىداي ىستەدى.
”ۇرپاقتارىن“ سۇيەمەلدەدى، ۇكىمەت، قوعام جانە مەكتەپ اسكەريلەر پەرزەنتتەرىنىڭ ٴبىلىم الۋىنا اناعۇرلىم كوپ كوڭىل ٴبولىپ، قازىرگى تيىمدىلىك جەتكىزۋ ساياساتىن ويداعىداي تياناقتاندىرىپ، ساپالى وقۋ ـ اعارتۋ بايلىعىن ورنالاستىرۋ، جاقىن جەردە مەكتەپكە ٴتۇسۋ، اتا ـ اناسىنىڭ اۋىستىرىلۋىمەن بىرگە مەكتەپ اۋىستىرۋ سياقتى جاقتاردا قولداۋ كورسەتتى، اسىرەسە، شەت، شالعاي، جاپالى وڭىرلەردەگى اسكەريلەردىڭ پەرزەنتتەرىنە قارايلاستى.
”شەكارا، تەڭىز قورعانىسى وفيتسەر ـ اسكەرلەرىن كوكەيدەن شىعارماۋدان” “نازاردى الدىڭعى شەپكە شوعىرلاندىرا كۇش توپتاپ قيىندىقتارىن شەشۋگە“ دەيىن، ”قىزمەتتى قۇرمەتتەۋ شاراسىنان” “يمىڭ جاڭا توڭكەرىسشىل ايەلدەرىنە“ دەيىن، ”قوس قولداۋ باقشاسىنان” “اسكەريلەر بەكەتىنە“ دەيىن... جۇرەكتى مەيىرگە بولەپ، اسكەريلەرگە تيىمدىلىك جاساۋ شارالارىندا، ارميانى قولداۋ، ارمياعا تيىمدىلىك جەتكىزۋ ماركالارىندا حالىقتىڭ پەرزەنت اسكەرلەرگە قويۋ سۇيىسپەنشىلىگى قامتىلىپ، بۇكىل قوعامنىڭ قاھارمانداردى قاستەرلەۋ، اسكەريلەردى قۇرمەتتەۋ سىندى قۇن تالپىنىسى اڭعارتىلدى. ارميانى ٴسۇيۋ، ارميانى قولداۋ داڭقتى ٴداستۇرى جالعاستىرىلۋ بارىسىندا اسقاقتاتىلدى، ساۋلەلەندىرىلۋ بارىسىندا ايشىقتالىپ نۇرلانا ٴتۇستى.
حالىقتى ٴسۇيىپ ٴوزىن ارنادى، پەرزەنت اسكەرلەر قاشاندا حالىقپەن تىنىستاس، تاعدىرلاس، تىلەكتەس بولدى
”حالىق ارمياسى قاشاندا حالىقپەن تىنىستاس، تاعدىرلاس، تىلەكتەس بولىپ، حالىق ٴۇشىن تولىق ٴارى ٴۇزىلدى ـ كەسىلدى كۇرەس جۇرگىزەدى، قاي جەردە جاۋ، قاي جەردە قاتەر، قيىندىق بولسا، حالىقتىڭ پەرزەنت اسكەرلەرى سول جەردەن تابىلادى“. باس شۋجي شي جينپيڭنىڭ ماڭىزدى نۇسقاۋى جۇرەكتەردى جىگەرلەندىرىپ، كۇش ـ قۋات ۇيىستىردى.
حالىق ٴۇشىن ىستەدى، حالىققا ارقا سۇيەدى، حالىققا قىزمەت كورسەتتى — 90 نەشە جىلدان بەرى، پارتيانىڭ باسشىلىعىنداعى حالىق ارمياسى ۇزدىكسىز جەڭىستەن ـ جەڭىسكە جەتىپ، باستان ـ اياق حالىق بۇقاراسىمەن بالىق پەن سۋداي ەتەنە، تامىرلاس بولدى.
حالىق قيىندىققا جولىققاندا حالىقتىڭ پەرزەنت اسكەرلەرى قاشاندا كەۋدە كەرە العا شىعىپ، بار كۇشتەرىن سالدى.
2023 ـ جىلى 4 ـ ايدا سۋداندا قارۋلى قاقتىعىس بولعاندا جۇڭگو تەڭىز ارمياسى بۇيرىق بويىنشا سۋدانداعى جۇڭگولىقتاردى شۇعىل شەگىندىرۋ مىندەتىن اتقاردى. باسقارىلمالى بومبىلى قۋعىنشى كەمە — ناننيڭ كەمەسى، كەشەندى قامداۋ كەمەسى — ۋيشانحۋ كەمەسى تۇندەلەتە زاۋلاپ، جوعارى دارەجەلى ورىن تالاپ ەتكەن ۋاقىتتان 7 ساعات بۇرىن جەتىپ باردى. قاتىستى ادامداردى قابىلداپ العان سوڭ، وفيتسەر ـ اسكەرلەر جاتىن بولمەنىڭ كوبىن بوساتىپ، اسپازدار ٴبانى كۇنى بويى دەمالماي، باۋىرلاستاردىڭ تىنىش ۇيىقتاپ، ىستىق تاماق ىشۋىنە بار كۇشتەرىن سالدى.
ازاتتىق ارميا كەلدى دەگەن ٴبىر ٴتۇرلى حاۋىپسىزدىك سەزىمى بار، وتانىم ۇيگە الىپ قايتادى دەگەن ٴبىر ٴتۇرلى باقىت سەزىمى بار. جۇڭگو تەڭىز ارمياسى 940 جۇڭگو ازاماتىن شۇعىل شەگىندىرىپ، حالىق بۇقاراسىنىڭ جاپپاي القاۋىنا بولەنىپ، حالىق ارمياسى حالىق ٴۇشىن ىستەيدى دەگەن ايبىندى ۋادەنى تاعى ٴبىر رەت امالياتتا ايگىلەدى.
حالىقتىڭ ۇندەۋى ماڭگى پەرزەنت اسكەرلەردىڭ العا باسۋ بەتالىسى، حالىقتىڭ اماندىعى ماڭگى پەرزەنت اسكەرلەردىڭ ەڭ قام جەيتىن ٴىسى.
2024 ـ جىلى 7 ـ ايدىڭ 5 ـ كۇنى حۋنان حۋارۇڭ اۋدانى تۋانجوۋ اۋىلى تۋانبەي قىستاعى تۋانجوۋيۋانداعى دۇڭتيڭحۋ كولىنىڭ ٴبىرىنشى شەبىندەگى توسپانى سۋ ورىپ، تۋانجوۋيۋان ٴوڭىرىن سۋ باسىپ كەتتى. اسكەري بولىمدەگى وفيتسەر ـ اسكەرلەر، حالىق جاساقتارى بۇيرىقتى ەستي سالا اتتانىسقا كەلىپ، تاسقىنعا قارسى اتتانىپ قاتەردەن اراشالاۋدىڭ ەڭ الدىڭعى شەبىندە شايقاس جاسادى. جۇنشان، ميلو، پيڭجياڭ سياقتى جەرلەردىڭ تاسقىننان ساقتانۋ، اپاتتان قۇتقارۋ، قاتەردەن اراشالاۋ ٴبىرىنشى شەبىنىڭ بارلىق جەرىندە ميسايفۋ كيىمىن كيگەن بەينەلەر كەزدەسەدى. حالىقتىڭ پەرزەنت اسكەرلەرى تاسقىننان ساقتانۋ، اپاتتان قۇتقارۋ، قاتەردەن اراشالاۋ اتويشىلارىنا، ەكپىندىلەر اترەتىنە، ورنىقتىرعىشقا اينالدى.
اپات الدىندا جاۋاپكەرشىلىك تاۋداي اۋىر!
2025 ـ جىلى 1 ـ ايدىڭ 7 ـ كۇنى ساعات 9دان 5 مينۋت وتكەندە شيزاڭنىڭ رىكازى قالاسى ديڭرى اۋدانىندا 6.8 بال جەر سىلكىنىسى تۋىلىپ، جەر سىلكىنىسىندە اۋىر ٴولىم ـ ٴجىتىم تۋىلىپ، قىرۋار ٴۇي قۇلادى.
اپات دەگەنىمىز بۇيرىق. ساعات 9دان 40 مينۋت وتكەندە شيزاڭ اسكەري رايونى بەلگىلى تۋانىنىڭ ٴبىرىنشى قۇتقارۋ كۇشى جەر سىلكىنگەن رايونعا جەتىپ، ديڭرى اۋدانىنداعى حالىق جاساقتارىمەن بىرگە ٴبىر ـ بىرلەي تەكسەرۋ جۇرگىزدى. ىزدەۋ ـ قۇتقارۋ ٴبىرىنشى شەبىندە، ەمدەۋ پۋنكتتەرىندە، قامداۋ تۇيىندەرىندە، جەر سىلكىنگەن ٴوڭىردىڭ بارلىق جەرىنەن بۇقارانىڭ ”جينجۋماميا گۋدۋ (ازاتتىق ارميا جاقسى)“ دەگەن سوزدەرىن ەستۋگە بولادى.
ٴار رەتكى ”ەڭ ارداقتى قارسى اتتانۋشىلاردىڭ“ ەرلىك ىستەرى، جان تەبىرەنتەرلىك اتوي دابىلى، شايقاس ورنىنان تاپجىلماعان بەينەلەر، قاي جەردە حاۋىپ ـ قاتەر بولسا، سول جەردە حالىقتىڭ پەرزەنت اسكەرلەرى تابىلادى! حالىقتىڭ پەرزەنت اسكەرلەرى حاۋىپ ـ قاتەرگە قارسى ٴجۇرىپ، حالىق بۇقاراسىمەن تىزە قوسا شايقاس جاساپ، ەل بىرلىگىنەن بەرىك قامال تۇرعىزدى. تاريح حالىق ارمياسىنىڭ اتى زاتىنا ساي پارتيا باسشىلىعىنداعى ارميا، ايتسا ايتقانداي مەملەكەتتى قورعايتىن، حالىقتى قورعايتىن قۇرىش قورعان ەكەندىگىن تاعى ٴبىر رەت دالەلدەدى.
”جەرگىلىكتى ورىنداردىڭ ەكونوميكالىق قۇرىلىسىنا كومەكتەسۋدى ماڭىزدى مىندەت ەتىپ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ، وقۋعا كومەك بەرىپ وقۋ ـ اعارتۋدى گۇلدەندىرۋ، ەمدەۋ جاعىنان سۇيەمەلدەۋ، جاڭاشا اۋىل ـ قىستاق قۇرىلىسىنا كومەكتەسۋ سياقتى قىزمەتتەردى ىشكەرىلەي ويداعىداي ىستەۋ كەرەك“. بۇكىل ارمياداعى اسكەري بولىمدەر باس قولباسشىنىڭ بۇيرىعىنا بويسۇنىپ، جەرگىلىكتى ورىنداردىڭ ەكونوميكالىق، قوعامدىق قۇرىلىسىنا بەلسەنە ات سالىسىپ جانە كومەكتەسىپ، ٴىس جۇزىندىك ارەكەتتەرى ارقىلى حالىق بۇقاراسىن باقىتقا كەنەلتىپ، يگىلىكتى ىستەر ىستەدى.
2024 ـ جىلى 10 ـ ايدا تەڭىز ارمياسى اسكەري مەديتسينا داشۋەسىنە قاراستى 2 ـ شيپاحاناداعى اسكەري شيپاگەرلەر سىچۋان ولكەسى باجۇڭ قالاسى باجوۋ رايونى شۇينيڭسى قالاشىعى حۋاشي باستاۋىش مەكتەبىنە تاعى دا كەلىپ كومەكتەسىپ قۇرۋ، كومەكتەسۋ ـ سۇيەمەلدەۋ جانە تەڭىز قورعانىسى تاربيەسى قيمىلىن ورىستەتتى. 2010 ـ جىلدان باستاپ بۇل شيپاحانا وسى مەكتەپپەن كومەكتەسىپ قۇرۋ، كومەكتەسۋ ـ سۇيەمەلدەۋ قاتىناسىن ورناتىپ، ”چاڭجىڭ حۋاشي باستاۋىش مەكتەبىندەگى قيىنشىلىعى بارلارعا كومەكتەسۋ، وقۋعا كومەك بەرۋ قورىن“ قۇرىپ، قيىنشىلىعى بار 120دان استام وقۋشىعا (رەت) قارجىلاي كومەكتەستى.
سوڭعى جىلدارى ٴارقايسى اسكەري ٴبولىم بۇكىل ارميا بويىنشا ٴتۇيىندى تۇردە سۇيەمەلدەيتىن 4100 قىستاقتىڭ گۇلدەنۋىن، دامۋىن ساتىلار بويىنشا دالمە ـ ٴدال ىلگەرىلەتىپ، وقۋعا كومەك بەرۋ، وقۋ ـ اعارتۋدى گۇلدەندىرۋ، ەمدەۋ جاعىنان كومەكتەسۋ ـ سۇيەمەلدەۋ جانە شەكارانى گۇلدەندىرىپ حالىقتى بايىتۋ سياقتى كومەكتەسىپ قۇرۋ ارەكەتتەرىن ۇدايى ورىستەتىپ، 360 ”1 ـ تامىز حالىقتى ٴسۇيۋ مەكتەبىن“، 1701 اۋىل ـ قىستاق مەكتەبىن كومەكتەسىپ سالدى، 28 شەكارا اۋداندىق شيپاحانا مەن 60 قامقورلىق شيپاحاناسىن قۇرۋعا كومەكتەستى.
قالىڭ وفيتسەر ـ اسكەر ”تۇرعان جەرىن اتا مەكەنىندەي، حالىقتى اتا ـ اناسىنداي كورىپ“، تۇرعان جەرىندە مىندەتتى اعاش ەگۋگە بەلسەنە ات سالىسىپ، ۇشاقپەن تۇقىم سەۋىپ ورمان ٴوسىرۋ، جاساندى جولمەن جاڭبىر جاۋدىرۋ سياقتى ارەكەتتەردى اتقاردى، ارميانىڭ كومەكتەسىپ سالۋ ”كونە ماركالارى“ تىڭ ومىرشەڭ كۇشىن ۇزدىكسىز قاۋلاتتى.
ارميانىڭ جەڭىستى شايقاس جۇرگىزۋىندەگى سۇيەنىشى — حالىق. حالىق ارمياسى بۇكىل ىنتا ـ پەيىلىمەن حالىق ٴۇشىن قىزمەت ىستەۋ ٴتۇبىرلى ماقساتىن ەستە بەرىك ساقتاپ، قاشاندا حالىق سەنەتىن، حالىق قولدايتىن، حالىق قىزۋ سۇيەتىن پەرزەنت ارميا بولدى.
ارميا مەن حالىقتىڭ ىنتىماعى مەملەكەتتى قۇدىرەتتەندىرۋدىڭ، ارميانى كوركەيتۋدىڭ تەلەگەي كۇشىن توپتادى
”ۇكىمەتتى قولداپ حالىقتى ٴسۇيۋ، ارميانى قولداپ اسكەريلەردىڭ ٴۇي ىشىندەگىلەرگە قامقورلىق جاساۋ داڭقتى ٴداستۇرىن اسقاقتاتىپ، جاڭا داۋىردەگى ارميا مەن ۇكىمەت، ارميا مەن حالىق ىنتىماعىن بەكەمدەپ، دامىتىپ، تۇتاس قوعامدا مەملەكەت قورعانىسىنا كوڭىل بولەتىن، مەملەكەت قورعانىسىن قىزۋ سۇيەتىن، مەملەكەت قورعانىسىن كوركەيتەتىن، مەملەكەت قورعانىسىن قورعايتىن قويۋ راي قالىپتاستىرىپ، مەملەكەتتىڭ ٴبىر تۇلعالانعان ستراتەگيالىق جۇيەسى مەن قابىلەتىن بەكەمدەۋگە، جوعارىلاتۋعا، مەملەكەتتىڭ قۇدىرەتتەنۋىن، ارميانىڭ قۇدىرەتتەنۋىن ىلگەرىلەتۋگە قۋاتتى كۇش ۇيىستىرۋ كەرەك“. باس شۋجي شي جينپيڭنىڭ ماڭىزدى نۇسقاۋى پارتيانىڭ، ارميانىڭ، حالىقتىڭ تىلەگىن ۇيىستىردى.
جەر توڭكەرىسى سوعىسى كەزىندەگى ”ميلليونداعان جۇمىسشى ـ ديقاندى وياتىپ، ٴبىر نيەت، ٴبىر تىلەكتە بولا وتىرىپ ىستەۋدەن“ جاپون شاپقىنشىلارىنا قارسى سوعىس كەزىندەگى ”جاۋدى قۇردىمعا جىبەرۋگە“ دەيىن؛ ازاتتىق سوعىس كەزىندەگى ”جوڭكىلگەن قول اربا مەن زۋزا اترەتىنەن“ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى كەزىندەگى ”بۇكىل ەل بويىنشا جوعارىدان تومەنگە دەيىن ٴوزىنىڭ زاتتىق كۇشىن، قازىنا كۇشىن ارناۋعا پەيىل بولۋعا“ دەيىن ارميا مەن ۇكىمەت، ارميا مەن حالىق ىنتىماعىنىڭ ۇلى كۇشىن ايگىلەدى.
جاڭا داۋىردە ەكپىندەي ىلگەرىلەپ، جاڭا جورىققا قادام تاستاعاندا، ارميا مەن ۇكىمەتتىڭ، ارميا مەن حالىقتىڭ بولاتتاي بەرىك ىنتىماعى ماڭگى ٴبىزدىڭ بارلىق قيىنشىلىقتار مەن حاۋىپ ـ قاتەرلەردى، كەدەرگىلەردى جەڭىپ، جەڭىستەن ـ جەڭىسكە ۇزدىكسىز جەتۋىمىزدەگى ماڭىزدى اسىلىمىز.
يدەيانى ۇيرەنىپ، جالپى جوبانى كوزدەپ، ورتاق تانىم ۇيىستىرىپ، جاۋاپكەرشىلىكتى كۇشەيتىپ، ارميا مەن حالىقتىڭ ٴبىر نيەت، ٴبىر تىلەكپەن پارتياعا تالپىنۋ، ىنتىماقتاسا كۇرەس جۇرگىزۋ يدەيالىق نەگىزىن اناعۇرلىم بەكەمدەدى.
— مەملەكەتتىك قوس قولداۋ قىزمەتى باسشىلىق گرۋپپاسىنىڭ جۇمىس قاعيداسى، ٴتۇزىمى اناعۇرلىم كەمەلدەنىپ، ”قوس قولداۋ قىزمەت مەحانيزمىن كەمەلدەندىرۋ“ ماڭىزدى رەفورما مىندەتى تارتىپپەن ورىستەتىلىپ، جاڭا داۋىردەگى قوس قولداۋ قىزمەتىن كۇشەيتۋ جونىندەگى پىكىر جەر ـ جەردە ىركەس ـ تىركەس شىعارىلىپ، تياناقتانىپ، قوس قولداۋ قىزمەتى مەحانيزمى ۇزدىكسىز ساپالىلاندى.
— ”جاڭا داۋىردەگى ەڭ ارداقتى توڭكەرىستىك اسكەريلەردىڭ“، ”ارميانى قولدايتىن ەڭ ارداقتى تۇلعالاردىڭ“ ىزگى ىستەرى جۇرت جۇرەگىن جەلپىندىردى، ”قالام الا قارۋعا بەت الىپ، ەرتەڭگى كۇننىڭ قاھارمانى بولۋ“ اتتى جوعارى مەكتەپ وقۋشىلارىن اسكەرلىككە قابىلداۋ اشىق ساباعى ينتەرنەت جەلىسىندە تاراتىلدى، ”وتاندى قورعاپ، شەكارانى كۇزەتۋدىڭ جاستىق كوكتەم حيكاياسى“ ۇگىت لەكسياسى جوعارى مەكتەپتەرگە، كاسىپورىندارعا باردى، قوس قولداۋ ۇگىت ـ تاربيەسى ۇزدىكسىز تەرەڭدەدى.
— جاڭا داۋىردەگى قوس قولداۋ بەلگىسى رەسمي جاريالاندى، قوس قولداۋ تاقىرىپتىق كۇيى كەڭ كولەمدە شىرقالدى، 20 دان استام قوس قولداۋ قىزىل سارا ساياحات جەلىسى ىركەس ـ تىركەس شىعارىلدى، قوس قولداۋ مادەنيەت ٴداستۇرى جالعاستىرىلدى جانە ساۋلەلەندىرىلدى.
— 16 مىڭ ارميا مەن حالىق بىرگە قۇرۋ ٴتۇيىنىنىڭ بىرگە قۇرۋ، بىرگە تاربيەلەۋ قيمىلى قالىپتى ورىستەتىلدى، ”قالا مەن ليان بىرگە قۇرۋ“، ”قالا مەن اسكەري كەمە بىرگە قۇرۋ“، ”تۋان مەن قىستاق جۇپ قۇراۋ“ سياقتىلار بىرتىندەپ ارميا مەن حالىق بىرگە سوتسياليستىك رۋحاني وركەنيەت قۇرۋ قيمىلىنىڭ جارقىن ماركاسىنا اينالىپ، ارميا مەن حالىق ىنتىماعى گۇلى بارلىق جەردە قۇلپىرا اشىلدى.
ٴبىزدىڭ ارميامىز — حالىق ارمياسى، ٴبىزدىڭ مەملەكەت قورعانىسىمىز — جالپى حالىقتىق مەملەكەت قورعانىسى.
2025 ـ جىلى كوكتەم مەرەكەسىنىڭ الدىندا بۇكىل ەلدەگى 176 مەملەكەتتىك قوس قولداۋداعى ۇلگىلى قالادان (اۋدان) 100 مىڭنان استام كادر ـ بۇقارانىڭ 71 مىڭ حال سۇراۋ سالەم ـ ساۋقىتى مەن حاتى شەكارا، تەڭىز قورعانىسى وفيتسەر ـ اسكەرلەرىنىڭ قولىنا جەتكىزىلدى. 2021 ـ جىلدان باستاپ، ”شەكارا، تەڭىز قورعانىسى وفيتسەر ـ اسكەرلەرىنە سۇيىسپەنشىلىك“ اتتى كوكتەم مەرەكەسى بايلانىسىمەن ارناۋلى حال سۇراۋ قيمىلى ٴۇرتىس 5 جىل ورىستەتىلدى.
قۇربان چىن شياڭرۇڭ كوزى تىرىسىندە تۇرعان اسكەري بولىمنەن سولتۇستىكتەگى شەكارا وڭىردەگى اسكەري كازارمالارعا دەيىن، وفيتسەر ـ اسكەرلەر العىس حات جازۋ، العىس تۋ ۇسىنۋ، بەينە ەكران ارقىلى مەرەكەنى قۇتتىقتاۋ سياقتى تاسىلدەر ارقىلى حال سۇراۋشى قالالارمەن ىقپالداسىپ، اۋىس ـ كۇيىس جاسادى. حال سۇرالعان نەگىزگى ساتى ليان ـ دۇيلەر مەن حال سۇراۋشى ولكەلەردەگى ورتا، باستاۋىش مەكتەپتەر بەينە ەكران بايلانىس ارقىلى ”بىرگە مەملەكەت تۋىن شىعارۋ“ قيمىلىن ورىستەتتى.
مەملەكەت تۋى شەكارا، تەڭىز قورعانىسىنىڭ ٴبىرىنشى شەبىندە جانە ورتا، باستاۋىش مەكتەپ اۋلاسىندا باياۋ كوتەرىلىپ، ”ٴمولدىر ماحابباتىم تەك جۇڭگوعا ارنالادى“ دەگەن سەنىم الاۋىن شاشىپ، ادالدىقپەن شەكارانى قورعاۋدىڭ جانە وتاننىڭ ٴۇمىتىن اقتاۋعا بەل بايلاۋدىڭ قۇدىرەتتى رۋحاني كۇشىن ۇيىستىردى.
”اۋىلىم — يۇيماي، وتانىم — جۇڭگو“. ورنى شالعاي، شارت ـ جاعدايى جاپالى بولعاندىقتان، شيزاڭنىڭ شاننان قالاسى لۇڭزى اۋدانى يۇيماي اۋىلىندا ٴبىر مەزەت قىستاق تۇرعىنى ساڭجيەچۇيبا وتباسىنداعى ٴۇش جان عانا بولىپ، ”ٴۇش ادامدىق اۋىل“ دەپ اتالعان ەدى. نەشە ون جىلدان بەرى، ساڭجيەچۇيبا وتباسى تاباندىلىقپەن شەكارا وڭىردە مال باعىپ، مەملەكەت جەرىن قورعادى. كەيىن شيزاڭ اسكەري رايونىنىڭ بەلگىلى شەكارا قورعانىس ليانى يۇيمايعا ورنالاسىپ، زاڭزۋ بۇقاراسىمەن بىرگە اتا مەكەندى قورعاپ، اتا مەكەندى گۇلدەندىردى. قازىر يۇيماي اۋىلىنىڭ جان سانى 200دەن اسىپ، بەس جۇلدىزدى قىزىل تۋ بارلىق وتباسىنىڭ توبەسىندە جەلبىرەدى.
2024 ـ جىلى 9 ـ ايدا وسى ليانعا ”مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلى كوللەكتيۆ“ اتاعى بەرىلدى، يۇيمايداعى ارميا مەن حالىق بۇعان ەرەكشە شاتتاندى. بۇل شەكارا قورعانىس ليانىنىڭ بۇقارالىق قىزمەتىن تۇراقتاندىرۋ عانا ەمەس، ودان دا ماڭىزدىسى، يۇيمايداعى ارميا مەن حالىقتىڭ ٴبىر نيەتپەن سەلبەسىپ، اتا مەكەندى بىرگە قورعاعاندىعىنا بەرىلگەن ماداق.
مەملەكەت قورعانىسى تاربيەسى ۇزاق بولاشاققا، جالپى جاعدايعا سايادى.
2020 ـ جىلى 8 ـ ايدا تەڭىز ارمياسىنىڭ جانجياڭ كەمەسى داڭقپەن قوسىننان شەگىنىپ، مەملەكەت قورعانىسى تاربيەسىن ورىستەتۋدىڭ جاندى دانەكەرىنە اينالدى؛ 2021 ـ جىلدىڭ سوڭىندا جاڭا ۇرپاق جانجياڭ كەمەسى قاتارعا قوسىلىپ، كەمە اتى مەن كەمە ٴنومىرىن جالعاستىرىپ، تەرەڭ بورىش سۇيىسپەنشىلىگىندە اسكەر جاتتىقتىرۋ، سوعىسقا دايىندالۋ ىسىنە بەلسەنە ات سالىستى. ٴبىر ەسىم، جانارلار توعىسىپ، ىزدەر بىرلەستى، ارميا مەن جەرگىلىكتى ورىن ٴبىر نيەتپەن تەڭىز قورعانىسىنا نازار اۋدارىپ، تەڭىز شەكاراسىن قورعادى.
سوڭعى جىلدارى حالىق ارمياسى بايلىق باسىمدىعىن ساۋلەلەندىرىپ، جەرگىلىكتى ورىننىڭ مەملەكەت قورعانىسى تاربيەسى قىزمەتىندە جاڭالىق اشۋىنا پارمەندى تىرەك ازىرلەپ، مەكتەپتەردىڭ مەملەكەت قورعانىسى تاربيەسى مازمۇنىن ورنالاستىرۋىنا، مەملەكەت قورعانىسى تاربيەسى قيمىلىن جوسپارلاۋىنا، مەملەكەت قورعانىسى تاربيەسى جونىندە ساباق وتۋىنە، اسكەري جاتتىعۋ ورىستەتۋىنە،ت.ب. كومەكتەسىپ، باي امالياتتىق قيمىل بارىسىندا وتاندى ٴسۇيۋ، ارميانى قاستەرلەۋ سۇيىسپەنشىلىگىن بەكەمدەپ، ٴبىر نيەت، ٴبىر تىلەكپەن قۇرىش قورعان ورناتتى.
ارميا حالىقتى سۇيەدى، حالىق ارميانى قولدايدى، ارميا مەن حالىق ٴبىر ٴۇيلى جانداي بەرەكەلى.
”بۇكىل قالا قوس قولداۋدىڭ شاتتىعىنا بولەندى، ارميا، حالىق شىن جۇرەكتەن ٴبىرىن ـ ٴبىرى سۇيەدى“. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇلى جورىعىندا ۇدەرە العا تارتقان قالىڭ ارميا مەن حالىق ۇكىمەتتى قولداپ حالىقتى ٴسۇيۋ، ارميانى قولداپ اسكەريلەر وتباسىنا قامقورلىق جاساۋ داڭقتى ٴداستۇرىن اسقاقتاتىپ، جاڭا داۋىردەگى ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەپ جانە دامىتىپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋعا قۇدىرەتتى كۇش توپتادى.
(شينحۋا اگەنتتىگىنىڭ 4 ـ ايدىڭ 22 ـ كۇنى بەيجيڭنەن بەرگەن حابارى)
