4 - ايدىڭ 23 - كۇنى مەملەكەت ءتوراعاسى شي جينپيڭ كليمات جانە ءادىل تيپ جاڭالاۋ باسشىلار بەينە ەكران ماجىلىسىنە ارناۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 4 ـ ايدىڭ 23 ـ كۇنى بەيجيڭنەن بەرگەن حابارى. 4 ـ ايدىڭ 23 ـ كۇنى مەملەكەت ٴتوراعاسى شي جينپيڭ كليمات جانە ٴادىل تيپ جاڭالاۋ باسشىلار بەينە ەكران ماجىلىسىنە ارناۋ ٴسوز سويلەدى.
شي جينپيڭ بىلاي دەپ اتاپ كورسەتتى: بيىل — «پاريج كەلىسىمى» جاسالعاندىعىنىڭ 10 جىلدىعى ٴارى بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. قازىر دۇنيە ٴجۇزىنىڭ 100 جىلدىق وزگەرىسى جەدەل قۇبىلۋدا، ادامزات قوعامى جاڭا جول ايىرىعىنا كەلدى. ٴىشىنارا ٴىرى ەل سىڭار جاقتىلىققا، قورعامپازدىققا بەرىلىپ، حالىقارالىق ەرەجە مەن حالىقارالىق تارتىپكە اۋىر سوققى جاساعانىمەن، الايدا تاريح قاشاندا بۇراڭ جولدا العا ىلگەرىلەيدى. تەك سەنىمدى بەكەمدەپ، ىنتىماقتى، سەلبەستىكتى كۇشەيتكەندە عانا تەرىس اعىمدى، ٴسوز جوق، بۇزىپ، الەمدىك كليماتتى وڭاۋ مەن دۇنيە ٴجۇزىنىڭ بارلىق العاباسار ىستەرىنىڭ ورنىقتى قاداممەن الىسقا جەتۋىن ىلگەرىلەتۋگە بولادى.
ٴبىرىنشى، كوپ جاقتىلىققا تاباندى بولۋ كەرەك. بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ٴتارتىپتى باتىل قورعاپ، حالىقارالىق ادىلدىكتى، تۋراشىلدىقتى باتىل قورعاۋ كەرەك. زاڭمەن باسقارۋ رۋحىن ۇستانىپ، ۋادەنى بەرىك ساقتاپ، جاسىل، تومەن كومىر قىشقىل گازدى دامۋدى كوزدەپ، كوپ جاقتىلى وڭاۋ ارقىلى كليمات داعدارىسىنا بىرگە توتەپ بەرۋ كەرەك.
ەكىنشى، حالىقارالىق سەلبەستىكتى تەرەڭدەتۋ كەرەك. اشىق، سيىسىمدى بولۋ ارقىلى ارازدىقتان، قاقتىعىستان اتتاپ ٴوتىپ، سەلبەستىك جاساۋ ارقىلى تەحنولوگيادا جاڭالىق اشۋدى جانە كاسىپ سالاسى وزگەرىسىن جەبەپ، ساپالى جاسىل تەحنولوگيا مەن ونىمدەردى ەركىن اينالىمعا سالىپ، ٴار ەلدىڭ، اسىرەسە، قالىڭ وركەندەپ كەلە جاتقان ەلدەردىڭ پايدالانۋىنا بولۋىنا، پايدالانا الۋىنا، ويداعىداي پايدالانۋىنا مۇمكىندىك جاساۋ كەرەك. جۇڭگو تۇستىك ەلدەر سەلبەستىگىن بار كۇشپەن تەرەڭدەتىپ، وزگە وركەندەپ كەلە جاتقان ەلدەرگە ۇزدىكسىز قولىنان كەلگەنشە كومەكتەسەدى.
ٴۇشىنشى، ٴادىل تيپ جاڭالاۋدى ىلگەرىلەتۋ كەرەك. حالىقتى وزەك ەتۋگە تاباندى بولىپ، حالىق تۇرمىسى قۇت ـ ىرىسىن جاقسارتۋدى جانە كليماتتى وڭاۋدى سايكەسە ىلگەرىلەتىپ، قورشاعان ورتانى قورعاۋ، ەكونوميكانى دامىتۋ، جۇمىستانۋ ورايىن جاراتۋ، كەدەيلىكتى جويۋ سياقتى كوپ نىسانانى ٴبىر تۇتاس جوسپارلاۋ كەرەك. وركەندەگەن ەلدەردىڭ وركەندەپ كەلە جاتقان ەلدەرگە كومەك بەرىپ جانە قولداۋ كورسەتىپ، الەمنىڭ جاسىل، تومەن كومىر قىشقىل گازدى تيپ جاڭالاۋىنا كومەكتەسىپ، ٴار ەل حالقىنىڭ ورتاق جانە باياندى قۇت ـ ىرىسىن ارتتىرۋ مىندەتى بار.
ٴتورتىنشى، ناقتى ارەكەتتى كۇشەيتۋ كەرەك. ٴارقايسى جاق مۇمكىندىكتىڭ بارىنشا قۇلشىنىس جاساپ، ەكونوميكانى دامىتۋ جانە ەنەرگيانىڭ تيبىن جاڭالاۋدى ٴبىر تۇتاس جوسپارلاۋ نەگىزىندە، مەملەكەتتىڭ دەربەس ۇلەس قوسۋ ارەكەت باعدارناماسىن جاساۋى جانە اتقارۋى كەرەك. جۇڭگو بىرلەسكەن مەملەكەتتەر ۇيىمى كليمات وزگەرىسى بەيلام جينالىسىنان ىلگەرى تۇتاس ەكونوميكالىق اۋماقتى شارپيتىن بارلىق جىلىجاي گازدارىن قامتيتىن 2035 ـ جىلعى مەملەكەتتىڭ دەربەس ۇلەس قوسۋ نىساناسىن جاريالايدى.
شي جينپيڭ بىلاي دەپ باسا دارىپتەدى: ادام مەن تابيعات جاراسىمدى قاتار ٴومىر ٴسۇرۋ — جۇڭگو ۇلگىسىندەگى وسىزامانداندىرۋدىڭ ايقىن ەرەكشەلىگى. جۇڭگو — دۇنيە ٴجۇزى جاسىل دامۋىنىڭ باتىل ارەكەتتەنۋشىسى، ماڭىزدى ۇلەس قوسۋشىسى، 5 جىلدىڭ الدىندا مەن كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جاريالاعاننان بەرى، جۇڭگو الەمدە كولەمى ەڭ ۇلكەن، دامۋى ەڭ تەز قايتا تۋىندايتىن ەنەرگيا جۇيەسىن ورناتىپ، الەمدە ەڭ ۇلكەن، ەڭ كەمەلدى جاڭا ەنەرگيا كاسىپ سالاسى تىزبەگىن قۇرىپ، جەر شارىنداعى جاڭادان قوسىلعان جاسىل اۋماققا تورتتەن ٴبىر ۇلەس قوستى. مەيلى حالىقارالىق جاعداي قالاي وزگەرسە دە، جۇڭگونىڭ كليمات وزگەرىسىنە بەلسەنە توتەپ بەرۋ ارەكەتى باسەڭدەمەيدى، حالىقارالىق سەلبەستىكتى جەبەۋ قۇلشىنىسى السىرەمەيدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ امالياتى توقتامايدى. جۇڭگو ٴارقايسى جاقپەن بىرگە ورتاق، الايدا پارىقتى جاۋاپكەرشىلىكتى شىنايى اتقارىپ، قولىنان كەلگەنىنشە ىستەپ، ىنتىماقتاسا ىستەستىك جاساپ، تازا، كورىكتى، باياندى دۇنيە ٴجۇزىن بىرگە قۇرۋدى ىلگەرىلەتۋدى قالايدى.
