اۆتونوميالى رايوندىق پارتكوم تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەندى، دايەكتىلەندىردى
مەملەكەتتىك كەڭەس ٴوندىرىس حاۋىپسىزدىگى كوميتەتىنىڭ قىزمەت تالاپتارىن تياناقتاندىردى، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن جانە ەكونوميكالىق اينالىم قىزمەتىن ىلگەرىلەتۋدى اقىلداستى
ما شيڭرۇي ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 24 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 4 ـ ايدىڭ 24 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ ۆيەتنامدا، مالايزيادا، كامبودجادا مەملەكەتتىك ساپاردا بولعان كەزىندە سويلەگەن ماڭىزدى سوزدەرىنىڭ رۋحىن ۇيرەندى، دايەكتىلەندىردى، مەملەكەتتىك كەڭەس ٴوندىرىس حاۋىپسىزدىگى كوميتەتىنىڭ قىزمەت تالاپتارىن جانە ورتالىقتىڭ ٴتۇيىندى كاسىپ سالالارىنىڭ قۇرىلىمدىق قايشىلىقتارىن شەشىپ، ساپاسىن جوعارىلاتىپ دەڭگەيىن كوتەرۋدى جەبەۋ جونىندەگى قىزمەت ورنالاستىرۋلارىن تياناقتاندىرىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ىلگەرىلەتۋدى اقىلداسىپ، اۆتونوميالى رايوننىڭ ٴبىرىنشى ماۋسىمداعى ەكونوميكالىق اينالىم جاعدايى جونىندەگى مالىمەتتى تىڭداپ، الداعى قىزمەتتەردى ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى اتاپ كورسەتتى: باس شۋجي شي جينپيڭنىڭ ساپارعا شىققان كەزىندە سويلەگەن جەلىلەس ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ توڭىرەكتىك قىزمەت ٴماجىلىسىنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، شينجياڭنىڭ ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋداعى ستراتەگيالىق ورنىن كوزدەپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن ٴوزارا تيىمدىلىك جەتكىزۋ سەلبەستىگىن ۇزدىكسىز تەرەڭدەتىپ، شىعىس وڭتۇستىك ازيا ەلدەرىمەن ەكونوميكا ـ ساۋدا، گۋمانيتارلىق ىستەر سياقتى سالالارداعى اۋىس ـ كۇيىستى بەلسەنە كەڭەيتىپ، شينجياڭنىڭ سىرتقا ەسىك اشۋىنىڭ اناعۇرلىم زور كولەمگە، اناعۇرلىم كەڭ سالاعا، اناعۇرلىم تەرەڭ ساتىعا كەڭەيۋىن ىلگەرىلەتىپ، توڭىرەكتىك تاعدىرلاس ورتاق تۇلعا قۇرۋعا كۇش ـ قۋات ارناۋ كەرەك.
ٴماجىلىس مىنالاردى باسا دارىپتەدى: ٴوندىرىس حاۋىپسىزدىگىن باستان ـ اياق شينجياڭنىڭ جوعارى ساپالى دامۋىندا كورنەكتى ماڭىزدى ورىنعا قويىپ، ٴوندىرىس حاۋىپسىزدىگىن تۇبىرىنەن وڭاۋدان قامال الۋ 3 جىلدىق ارەكەتىن ىشكەرىلەي ىلگەرىلەتىپ، نازاردى ماندىك حاۋىپسىزدىك دەڭگەيىن جوعارىلاتۋعا شوعىرلاندىرىپ، تەحنولوگيالىق ۇسىنىلىمدى ارتتىرۋعا جانە باسقارۋ دەڭگەيىن جوعارىلاتۋعا ٴۇرتىس كۇش سالۋ كەرەك. مەملەكەتتىك كەڭەس ٴوندىرىس حاۋىپسىزدىگى كوميتەتىنىڭ ٴوندىرىس حاۋىپسىزدىگى جانە ٴورت ٴسوندىرۋ، ورتتەن ساقتانۋ قىزمەتىن باعالاۋىندا، شارلاپ تەكسەرۋىندە اڭىس ەتىلگەن ماسەلەلەردى قاداعالاپ، رەتتەۋ ـ تۇزەتۋدى قاتاڭ، مۇقيات، ويداعىداي يگەرىپ، ٴوندىرىس حاۋىپسىزدىگى ٴتۇزىم ـ مەحانيزمىن كەمەلدەندىرۋ كەرەك. ٴوندىرىس حاۋىپسىزدىگى جاۋاپكەرشىلىك ٴتۇزىمىن قاتاڭ تياناقتاندىرىپ، ٴوندىرىس، شارۋاشىلىق ورىندارىنىڭ تۇلعالىق جاۋاپكەرشىلىگىن تياناقتاندىرۋدى كورنەكتى تۇردە ويداعىداي يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك. ”1 ـ مامىر“ دەمالىسى كەلۋ الدىندا تۇر، جەر ـ جەر، تاراۋلار حاۋىپسىزدىك تانىمىن جانە جاۋاپكەرشىلىك ارقالاۋدى كۇشەيتىپ، نازاردى جول ـ قاتىناس، كومىر الابى، كەن، ٴورت ٴسوندىرۋ، ورتتەن ساقتانۋ، ساياحات سياقتى سالالارعا شوعىرلاندىرىپ، حاۋىپسىزدىك حاۋىپ ـ قاتەرىن قاداعالاۋدى، ودان ساقتانۋدى جانە ونى جويۋدى، ٴبىر جاقتى ەتۋدى كۇشەيتىپ، بۇكىل شينجياڭنىڭ ٴوندىرىس حاۋىپسىزدىگىنىڭ ورنىقتى، ٴتارتىپتى بولۋىنا شىنايى كەپىلدىك ەتۋى كەرەك.
ٴماجىلىس مىنالاردى باسا دارىپتەدى: پارتيا ورتالىق كوميتەتىنىڭ ٴتۇيىندى كاسىپ سالالارىن دامىتۋ جونىندەگى ساياسات بەتالىسىن جانە قىزمەت ورنالاستىرۋلارىن تەرەڭ يگەرىپ، شينجياڭنىڭ ”ون ٴىرى كاسىپ سالاسى شوعىرى“ قۇرىلىسىمەن ۇشتاستىرىپ كاسىپ سالاسى ورنالاسىمىن ٴۇرتىس ساپالىلاندىرىپ، كاسىپ سالاسىن رەتتەۋ ـ مەڭگەرۋدى كۇشەيتىپ، كاسىپ سالاسىنىڭ ساپاسىن جوعارىلاتىپ ونىمدىلىگىن ارتتىرۋدى، تيبىن جاڭالاپ دارەجەسىن ٴوسىرۋدى ىلگەرىلەتىپ، شينجياڭنىڭ ەرەكشەلىككە، باسىمدىققا يە بايلىعىنىڭ جانە كاسىپ سالاسىنىڭ مەملەكەتتىڭ ەكونوميكالىق كەلەلى جاعدايىنداعى ماڭىزدى رولىن اناعۇرلىم ويداعىداي ساۋلەلەندىرۋ كەرەك. ٴتۇيىندى مىندەتتەردى تياناقتاندىرىپ، قىزمەتتىڭ كۇش سالۋ ٴتۇيىنىن ٴدال تاۋىپ، مۇناي ـ تابيعي گاز، كومىر، كەن، جاڭا ەنەرگيا سياقتىلاردى ارقاۋ ەتە وتىرىپ كەلەلى وندىرگىش كۇشتەردىڭ جايعاسۋىن ۇيلەسىمدى ورنالاستىرىپ، ٴتۇيىندى كاسىپ سالالارىنىڭ ساپاسىن جوعارىلاتىپ دەڭگەيىن كوتەرۋدى جەبەيتىن ٴونىمدى شارالاردى بەلسەنە جوسپارلاۋ كەرەك. قىزمەتتىڭ جۇيەلىلىگىن، بولجامدىلىعىن، سايكەسىمدىلىگىن كۇشەيتىپ، شىندىقتى ٴىس جۇزىنەن ىزدەۋگە، جەرگىلىكتى جاعدايعا قاراي ىستەۋگە تاباندى بولىپ، قارابايىرلاندىرۋدان، ٴبىر تاياقپەن ايداۋدان ساقتانۋ كەرەك.
ٴماجىلىس ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ جونىندەگى قاتىستى قىزمەت تالاپتارىن ۇيرەنىپ، دايەكتىلەندىرىپ، اۆتونوميالى رايوننىڭ ۇيرەنۋ تاربيەسى جاعدايى جونىندەگى مالىمەتتى تىڭدادى. ٴماجىلىس مىنالاردى باسا دارىپتەدى: ٴار دارەجەلى پارتيالى باسشى كادرلار ۇيرەنۋ تاربيەسىن ورىستەتۋدى ٴبىر رەتكى ماڭىزدى ساياسي شىڭدالۋ ەتىپ، ۇيرەنۋ، زەرتتەۋ ـ تالقىلاۋ، ماسەلەنى تەكسەرىپ ورتاعا سالۋ، شوعىرلى رەتتەۋ ـ وڭاۋ، اشىق تاربيەلەۋ مىندەتتەرىن قاز ـ قالپىندا تياناقتاندىرىپ، ساياسي قابىلەتتى ۇزدىكسىز جوعارىلاتىپ، پارتيالىلىق جەتىلىمدى كۇشەيتىپ، ىسىلعان ستيلدى جەتىلدىرۋى كەرەك. ۇيرەنۋ مەن قولدانۋدى ۇشتاستىرۋعا تاباندى بولىپ، ۇيرەنۋ تاربيەسىن ورىستەتۋدى رەفورما، دامۋ، ورنىقتىلىق قىزمەتتەرىن ىلگەرىلەتۋمەن تىعىز ۇشتاستىرىپ، ٴتۇيىندى سالالارداعى كورنەكتى ماسەلەلەردى رەتتەۋ ـ تۇزەتۋدى كۇشەيتىپ، ارىز ـ ارمانداعى ىركۋلى ىستەردى بەلسەندى، ورنىقتى، ۇيلەسىمدى شەشىپ، ۇيرەنۋ تاربيەسىنىڭ جەتىستىكتەرىن ناقتى ناتيجە، ناقتى ونىمدىلىك ارقىلى سىننان وتكىزۋ كەرەك. قۋزاۋدى، جەتەكشىلىك ەتۋدى كۇشەيتىپ، فورماشىلدىقپەن شۇعىلدانۋدان، كورىنىستە عانا ىستەۋدەن قاتاڭ ساقتانۋ كەرەك.
ٴماجىلىس مىنالاردى اتاپ كورسەتتى: بيىل جىل باسىنان بەرى، بۇكىل شينجياڭ ەكونوميكاسىنىڭ ورنىقتىلىق بارىسىندا جاقسارۋ نەگىزى ۇزدىكسىز بەكەمدەلىپ، ەكونوميكالىق اينالىمنىڭ باستاماسى تاماشا، نەگىزگى كورسەتكىشتەردىڭ بەتالىسى بەلسەندى بولىپ، تۇتاس جىلدىق دامۋدىڭ ٴساتتى باستاماسى جۇزەگە استى. جەر ـ جەر، تاراۋلار ورتالىقتىڭ ەكونوميكالىق قىزمەت ٴماجىلىسىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرىپ، ەكونوميكالىق اينالىمعا تالداۋ جاساۋدى كۇشەيتىپ، كەزەڭدىك ەرەكشەلىكتى دالمە ـ ٴدال يگەرىپ، نازاردى ٴتۇيىندى سالالار مەن شەشۋشى بۋىندارعا شوعىرلاندىرىپ، ەكونوميكانىڭ جوعارى ساپالى دامۋىن باعىتتامالى ىلگەرىلەتۋى كەرەك. ونەركاسىپتىڭ ارتۋىن زور كۇشپەن ورنىقتىرىپ، ٴونىمدى قارجى قوسۋدىڭ جەتەكشىلىگىن كۇشەيتىپ، ”ون ٴىرى كاسىپ سالاسى شوعىرى“، نەگىزدىك قۇرىلعىلار قۇرىلىسى كەلەلى نىساندارىنىڭ جەدەل قۇرىلىس جۇرگىزۋىن بار كۇشپەن ىلگەرىلەتىپ، ٴتۇيىندى كاسىپ سالالارىنىڭ ٴوندىرىس قۋاتىن جارىققا شىعارۋدى، ساپاسى مەن ونىمدىلىگىن جوعارىلاتۋدى ىلگەرىلەتۋ كەرەك. تۇتىنۋدى سەرپىلتۋ ارناۋلى ارەكەتىن تياناقتاندىرىپ، ساياساتتىق قولداۋ مەن تياناقتاندىرۋدى كۇشەيتىپ، تۇتىنۋدىڭ ارتۋ مولشەرىن ۇزدىكسىز اشۋ كەرەك. يمپورت ـ ەكسپورت ساۋداسىن ۇزدىكسىز ورنىقتىرىپ جانە كەڭەيتىپ، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، سىرتپەن سەلبەستىك جاساۋدىڭ تىڭ ٴورىسىن بەلسەنە اشۋ كەرەك. حالىق تۇرمىسىنا قاتىستى ون ٴىرى ناقتى ٴىستى تىڭعىلىقتى ىلگەرىلەتىپ، كاسىپ سالاسىن دامىتۋدى سۇيەنىش ەتە وتىرىپ جۇمىستانۋدى ٴونىمدى كەڭەيتىپ، ٴار ۇلت بۇقاراسىنىڭ، اسىرەسە، ەگىنشى ـ مالشىلاردىڭ كىرىس دەڭگەيىن جوعارىلاتۋ كەرەك. ستراتەگيالىق، جاسامپازدىق، جەتەكشىلىك سيپاتتى رەفورمانى ٴۇرتىس ىلگەرىلەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا قالىپتاستىرۋ كەرەك. قوعام ورنىقتىلىعىن باتىل قورعاپ، ٴتۇيىندى سالالارداعى حاۋىپ ـ قاتەرلەردەن، كومەسكى كىناراتتاردان ٴونىمدى ساقتانىپ جانە ونى جويىپ، جۇيەلىك حاۋىپ ـ قاتەر تۋىلماۋ تومەنگى شەگىن ساقتاۋ كەرەك. ٴماجىلىس مىنالاردى باسا دارىپتەدى: ٴار دارەجەلى باسشى كادرلار دۇرىس ناتيجە كوزقاراسىن شىن مانىندە بەرىك ورناتىپ، شىندىققا جۇگىنىپ ناقتى ٴىس تىندىرىپ، شىنايى يگەرىپ ناقتى ىستەپ، ماسەلەنى شەشۋدى نەگىزگى ماقسات ەتە وتىرىپ ىشكەرىلەي تەكسەرۋ ـ زەرتتەۋ جۇرگىزىپ، قىزمەتتەردىڭ تياناقتانۋىن ىلگەرىلەتىپ، ستيلدىڭ شىنايى بولماۋى، كوز بوياۋشىلىق، جالعاندىق ىستەۋ سياقتى ماسەلەلەردى باتىل تيۋى كەرەك.
