ەركىن تۇنياز شاڭحاي سەلبەستىك ۇيىمى تورەلىك ايتۋ زاڭ تالقى مىنبەرىنە قاتىناسقان سيلى قوناقتارمەن كەزدەستى
حى جۇڭيوۋ، چىن ميڭگو كەزدەسۋگە قاتىناستى
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 24 ـ كۇنى ۇرىمجىدەن حابارلايدى. 4 ـ ايدىڭ 24 ـ كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ۇرىمجىدە شاڭحاي سەلبەستىك ۇيىمى تورەلىك ايتۋ زاڭ تالقى مىنبەرىنە قاتىناسقان جۇڭگولىق، شەتەلدىك سيلى قوناقتارمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى، ساياسي ـ زاڭ كوميتەتىنىڭ شۋجيى چىن ميڭگو كەزدەسۋگە قاتىناستى.
ەركىن تۇنياز جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى مەن اۆتونوميالى رايوندىق حالىق ۇكىمەتى اتىنان سيلى قوناقتاردىڭ كەلگەندىگىن قارسى الاتىندىعىن ٴبىلدىردى. ول بىلاي دەدى: وسى رەتكى تالقى مىنبەر — شاڭحاي سەلبەستىك ۇيىمى جۇلگەسىندە وڭىرلىك زاڭمەن باسقارۋدىڭ سايكەسۋىن ىلگەرىلەتىپ، تالاس ـ تارتىستى شەشۋدىڭ جولىن قاراستىرۋداعى ماڭىزدى تۇعىر. ٴبىز وسىنى وراي ەتىپ، ”شاڭحاي رۋحىن“ اسقاقتاتىپ، تورەلىك ايتۋعا قىزمەت وتەۋدىڭ حالىقارالانۋ دەڭگەيىن ۇزدىكسىز جوعارىلاتىپ، اناعۇرلىم تىعىز وڭىرلىك ەكونوميكا ورتاق تۇلعاسىن قۇرامىز.
جۇڭگو ساۋدانى جەبەۋ قوعامىنىڭ ورىنباسار باستىعى، جۇڭگو حالىقارالىق ەكونوميكا ـ ساۋداعا تورەلىك ايتۋ كوميتەتىنىڭ ورىنباسار مەڭگەرۋشىسى يۇي جيانلۇڭ تالقى مىنبەرىنىڭ جاعدايىن تانىستىردى ٴارى وسى رەتكى تالقى مىنبەرىنىڭ تورەلىك ايتۋ ٴتۇزىمىنىڭ باسىمدىعىن تولىق ساۋلەلەندىرىپ، وڭىرلىك ەكونوميكا ـ ساۋدا قارىم ـ قاتىناسىنىڭ گۇلدەنۋى مەن ورنىقتىلىعىنا دەم بەرىپ، شەكارا اتتاعان شارۋاشىلىق ـ ساۋدا ورتاسىن ساپالىلاندىرۋدى، باياندى دامۋدى جۇزەگە اسىرۋدى زاڭمەن باسقارۋ جاعىنان قامتاماسىز ەتۋدى ماقسات ەتەتىندىگىن ٴبىلدىردى.
ٴىشىنارا جۇڭگولىق، شەتەلدىك سيلى قوناقتار ٴسوز سويلەپ، وسى رەتكى تالقى مىنبەرىنەن پايدالانىپ وڭىرلىك ەكونوميكا ـ ساۋدا تالاس ـ تارتىسىن شەشۋ مەحانيزمىن بىرگە تالقىلاپ، اناعۇرلىم ٴادىل، ۇيلەسىمدى حالىقارالىق ەكونوميكالىق ٴتارتىپ ورناتۋعا زاڭمەن باسقارۋ كۇشىن قوساتىندىقتارىن ٴبىلدىردى.
شاڭحاي سەلبەستىك ۇيىمى وڭىرىندەگى 18 مەملەكەتتى قامتىعان جيىنى 24 مەملەكەت پەن رايوننىڭ ونەركاسىپ ـ ساۋدا، زاڭ سالاسىنداعى سيلى قوناقتار، جۇڭگونىڭ قاتىستى تاراۋلارىنىڭ، قۇرىلىمدارىنىڭ سيلى قوناقتارى، باسقا ولكە، رايون، قالالاردىڭ قاتىستى تاراۋلارىنداعى، ورىندارىنداعى جانە قوعامدارىنداعى ۋاكىلدەر كەزدەسۋگە قاتىناستى.
جۋ ليفان، اۆتونوميالى رايوننىڭ قاتىستى ورىندارىنداعى جانە قوعامدارىنداعى جاۋاپتى جولداستار كەزدەسۋگە قاتىناستى.
