انار بۇلت \ شينجياڭ گازەتىنىڭ ٴتىلشىسى جاڭ يانفاڭ 4 ـ ايدىڭ 24 ـ كۇنى ۇرىمجىدەن حابارلايدى. جاقىندا 2025 ـ جىلعى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىن ىلگەرىلەتۋ ٴماجىلىسى اشىلىپ، شي جينپيڭ مادەنيەت يدەياسىن جانە پارتيا ورتالىق كوميتەتىنىڭ شينجياڭدى مادەنيەتپەن نارلەندىرۋ قىزمەتى جونىندەگى ستراتەگيالىق ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، بيىلعى شينجياڭدى مادەنيەتپەن نارلەندىرۋدى ىلگەرىلەتۋ قىزمەتىن ورنالاستىردى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ۋاڭ جيانشين ماجىلىسكە قاتىناستى ٴارى ٴسوز سويلەدى، قايسار قيۇم باسقاردى.
ٴماجىلىس مىنالاردى اتاپ كورسەتتى: شينجياڭدى مادەنيەتپەن نارلەندىرۋ وزىندىك ٴمانىن بايىتۋ، قۋات ۇستەپ ونىمدىلىكتى ارتتىرۋ سىندى قامال الۋ كەزەڭىنە ٴوتتى، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتى يگەرىپ، شىنايى مويىنداۋدى كۇشەيتۋ نىساناسىمەن تىعىز بايلانىستىرىپ، ٴبىر تۇتاس جوسپارلاپ جوبالاۋدى كۇشەيتىپ، قىزمەت ٴتۇيىنىن كورنەكتىلەندىرىپ، شينجياڭدى مادەنيەتپەن نارلەندىرۋ قىزمەتىنىڭ ساپاسىن جوعارىلاتىپ ونىمدىلىگىن ارتتىرۋدى دالمە ـ ٴدال، پارمەندى ىلگەرىلەتۋ كەرەك.
ٴماجىلىس مىنالاردى باسا دارىپتەدى: نازاردى ”يدەيالىق جەتەكشىلىك“ ٴتۇبىرلى تۇيىنىنە شوعىرلاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋعا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جۇيەلىلەنگەن، عىلمي قاعيدالى زەرتتەۋدى، ٴتۇسىندىرۋدى ۇزدىكسىز تەرەڭدەتىپ، اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىن دەن قويا ويداعىداي وتكىزۋ كەرەك. ”جۇڭحۋا مادەنيەتىنىڭ“ كۇش سالۋ ٴتۇيىنىن كورنەكتىلەندىرىپ، جۇڭحۋا مادەنيەتى بەلگىسى مەن جۇڭحۋا ۇلتى وبرازى ۇلگى كورسەتۋ ٴتۇيىنى قۇرىلىسىن ىلگەرىلەتىپ، كوپ نەگىزدى، ٴبىر تۇلعالى جۇڭحۋا مادەنيەتىن جاندى ايگىلەۋ كەرەك؛ ”مادەنيەت مۇرالارىنىڭ“ قامال الۋ ٴتۇيىنىن مىقتى يگەرىپ، باتىس ٴوڭىر باسقاقتىعى ەسكى جۇرتى شوعىرى سياقتىلاردى قورعاۋدى، پايدالانۋدى كۇشەيتۋ كەرەك؛ ”وڭتۇستىك شينجياڭ شاحمات كوزى“ شەشۋشى ٴتۇيىنىن ويداعىداي يگەرىپ، ٴار ۇلت بۇقاراسىن وسى زامانعى وركەنيەتتى تۇرمىسقا تالپىنۋعا جەتەكتەۋ كەرەك؛ ”ٴىس پەن كاسىپ سالاسىنىڭ“ ارتۋ ٴتۇيىنىن جانداندىرىپ، جۇڭگو شينجياڭ حالىقارالىق ۇلتتار ٴبي فەستيۆالى سياقتىلاردى ويداعىداي وتكىزىپ، ساياحاتتىڭ ارالاسۋ، ىشتەسۋ، توعىسۋدى جەبەۋ ماڭىزدى رولىن ساۋلەلەندىرۋ كەرەك؛ ”نەگىزگى ساتى نەگىزىنىڭ“ تابان تىرەر تياناعىن بەكەمدەپ، مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىن كۇشەيتىپ، نەگىزگى ساتى مادەنيەت قيمىلىن ويداعىداي ورىستەتۋ كەرەك. ىرىقتىلىقپەن جاۋاپكەرشىلىك ارقالاپ ىسكەرلىك كورسەتىپ، شينجياڭدى مادەنيەتپەن نارلەندىرۋ قىزمەتىنىڭ جاڭا جاعدايىن اشۋ كەرەك.
