انار بۇلت \ شينجياڭ گازەتىنىڭ ٴتىلشىسى رىن حۋا 4 ـ ايدىڭ 24 ـ كۇنى ۇرىمجىدەن حابارلايدى. 4 ـ ايدىڭ 23 ـ كۇنى مەملەكەتتىك قوس قولداۋداعى ۇلگىلى قالالارعا (اۋدان) اتاق بەرۋ جينالىسى بەيجيڭدە اشىلدى. شينجياڭداعى 22 جەرگە (بيڭتۋاندى قامتيدى) مەملەكەتتىك قوس قولداۋداعى ۇلگىلى قالا (اۋدان) اتاعى بەرىلدى.
بۇل 22 جەر جەكە ـ جەكە مىنالار: ٴۇرىمجى قالاسى، ىلە قازاق اۆتونوميالى وبلىسى، ساۋان قالاسى، قابا اۋدانى، قارامايلى قالاسى، بۇراتالا قالاسى، سانجى قالاسى، قۇمىل قالاسى، تۇرپان قالاسى، كورلا قالاسى، اقسۋ قالاسى، اتۇش قالاسى، قاشقار قالاسى، حوتان قالاسى، جاڭاشار اۋدانى، كۇيتۇن قالاسى، شيحۋ قالاسى، بايىنعولين موڭعۇل اۆتونوميالى وبلىسى، كۇشار قالاسى، شىحىزى قالاسى، ارال قالاسى، تۇمسىق قالاسى.
ٴۇرىمجى قالاسى 10 ـ رەت مەملەكەتتىك قوس قولداۋداعى ۇلگىلى قالا اتاعىن الىپ، ٴۇرتىس ”10 جىل اعا جۇلدەگەر“ بولدى. تۇرپان قالاسى، كورلا قالاسى، اقسۋ قالاسى، قاشقار قالاسى سىندى 4 جەر 8 رەت مەملەكەتتىك قوس قولداۋداعى ۇلگىلى قالا اتاعىن الدى. سانجى قالاسى 7 رەت مەملەكەتتىك قوس قولداۋداعى ۇلگىلى قالا اتاعىن الدى، قارامايلى قالاسى، قۇمىل قالاسى 6 رەت مەملەكەتتىك قوس قولداۋداعى ۇلگىلى قالا اتاعىن الدى، شيحۋ قالاسى، ساۋان قالاسى، قابا اۋدانى، بۇراتالا قالاسى، حوتان قالاسى 5 رەت مەملەكەتتىك قوس قولداۋداعى ۇلگىلى قالا (اۋدان) اتاعىن الدى. ىلە قازاق اۆتونوميالى وبلىسى، بايىنعولين موڭعۇل اۆتونوميالى وبلىسى تۇڭعىش رەت مەملەكەتتىك قوس قولداۋداعى ۇلگىلى قالا اتاعىن الدى. شىحىزى قالاسى ىلگەرىندى ـ كەيىندى 7 رەت مەملەكەتتىك قوس قولداۋداعى ۇلگىلى قالا اتاعىن الدى.
اۆتونوميالى رايوندىق قوسىننان بوساعان اسكەريلەر ىستەرى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: سوڭعى جىلدارى شينجياڭنىڭ جەر ـ جەرى، قاتىستى تاراۋلارى ارميا قۇرىلىسى رەفورماسىن بەلسەنە قولداپ جانە وعان قىزمەت وتەپ، قامتاماسىز ەتىپ قامقورلىق جاساۋ، ورنالاستىرۋ قامتاماسىزدىعىن اناعۇرلىم كۇشەيتىپ، اسكەريلەردىڭ وتباسىنداعىلاردى جۇمىستاندىرۋ بويىنشا كومەكتەسۋ ـ سۇيەمەلدەۋ، اسكەريلەردىڭ پەرزەنتتەرىنە وقۋ ـ اعارتۋ جاعىندا قامقورلىق جاساۋ قىزمەتىن ورىستەتتى، شينجياڭدا تۇراتىن اسكەري بولىمدەردىڭ جەرگىلىكتى ورىننىڭ ەكونوميكالىق، قوعامدىق دامۋىنا كومەكتەسىپ بەلسەنە ىسكەرلىك كورسەتىپ، جاراتىلىستىق اپاتتاردان اراشالاۋ، قۇتقارۋ ـ كومەكتەسۋ جانە توسىن تۋىلعان وقيعالارعا توتەپ بەرۋگە ات سالىسۋ بارىسىندا اتويشى بولىپ، ارميا مەن ۇكىمەتتىڭ، ارميا مەن حالىقتىڭ بولاتتاي بەرىك قاتىناسىن ۇزدىكسىز بەكەمدەدى، دامىتتى.
