ەركىن تۇنياز تيانشان تاجىريبەحاناسى جانە حۋايروۋ تاجىريبەحاناسى شينجياڭ بازاسى (شينجياڭ زەرتتەۋ ورنى) قۇرىلىسىنىڭ جۇرگىزىلۋ جاعدايىنا تەكسەرۋ ـ زەرتتەۋ جۇرگىزدى
نىسانانى كوزدەپ، جەتىستىككە جەدەل قول جەتكىزۋ، سۇبەلى جەتىستىككە قول جەتكىزۋ، تاماشا جەتىستىككە قول جەتكىزۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 24 ـ كۇنى ۇرىمجىدەن حابارلايدى. 4 ـ ايدىڭ 23 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز تيانشان تاجىريبەحاناسى جانە حۋايروۋ تاجىريبەحاناسى شينجياڭ بازاسى (شينجياڭ زەرتتەۋ ورنى) قۇرىلىسىنىڭ جۇرگىزىلۋ جاعدايىنا تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ عىلىم ـ تەحنولوگيادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ تالابىنا ساي، شينجياڭنىڭ ”مەملەكەتتىك ەنەرگيا بايلىعى ستراتەگيالىق قامتاماسىزدىق بازاسى“ ورنىن كوزدەپ، نەگىزدىك زەرتتەۋدى جانە شەشۋشى تەحنولوگيادان قامال الۋدى كۇشەيتىپ، سەرپىلىس سيپاتتى، ٴتول جاسامپازدىق سيپاتتى، جەتەكشىلىك سيپاتتى اناعۇرلىم كوپ جاڭالىق اشۋ جەتىستىكتەرىن قۇلشىنا جاراتىپ، جەتىستىكتەردى كادەگە جاراتۋدى جەدەلدەتىپ، كاسىپ سالاسىنىڭ دارەجەسىن وسىرۋگە قۋات ۇستەپ، شينجياڭنىڭ جوعارى ساپالى دامۋىنا پارمەندى عىلىم ـ تەحنولوگيا تىرەگىن ازىرلەۋ كەرەك.
تيانشان تاجىريبەحاناسى — جۇڭگو ينجەنەريا اكادەمياسىنىڭ اكادەميگى پىڭ سۋپيڭ ۇجىمى باستاماشى بولىپ، شينجياڭ ينجەنەريا شۋەيۋانى قاتارلى جوعارى مەكتەپتەردى سۇيەنىش ەتىپ بىرگە قۇرعان كومىر سالاسىنداعى تۇڭعىش شينجياڭ تاجىريبەحاناسى. ەركىن تۇنياز الدىمەن دارىندىلار جاتاقحاناسىنا كەلىپ، اكادەميكتەرگە جانە ۇجىم ماماندارىنا امانداسىپ، تۇرمىستى قامتاماسىز ەتۋ جاعدايىن ۇعىسىپ، قاتىستى تاراۋلارعا بايلانىس جاساۋ، قىزمەت وتەۋ قىزمەتىن سۇيىسپەنشىلىكپەن، كۇش سالا ويداعىداي ىستەپ، ٴىس جۇزىندىك ماسەلەلەردى بەلسەنە شەشىپ، كوپشىلىكتىڭ شينجياڭدا الاڭسىز قىزمەت ىستەپ، جايلى تۇرمىس كەشىرۋىنە مۇمكىندىك جاساۋدى تاپسىردى.
وسىدان كەيىن ەركىن تۇنياز شينجياڭ ينجەنەريا شۋەيۋانىنا كەلىپ، تاجىريبەحانا قۇرىلىسىنىڭ اياق الىسى جاعدايىن ۇعىسىپ، تاجىريبەحانا جابدىقتارى، فۋنكتسيالارىنىڭ سايكەسىمدىلىگى سياقتىلاردى تەكسەرىپ كوردى ٴارى اڭگىمە ٴماجىلىسىن باسقارىپ اشىپ، ورىن تەپكەن ماسەلەلەردى سايكەستىرىپ شەشىپ، تاجىريبەحانانىڭ جەدەل قۇرىلىس جۇرگىزۋىن ىلگەرىلەتتى. ول بىلاي دەدى: اۆتونوميالى رايوندىق پارتكوم مەن ۇكىمەتتىڭ تيانشان تاجىريبەحاناسى قۇرىلىسىنا وسكەلەڭ ٴمان بەرىپ، ايرىقشا قولداۋ كورسەتۋىندە ىقىلاستى ٴۇمىت قامتىلعان. ساياسي دەڭگەيدى شىن مانىندە جوعارىلاتىپ، شينجياڭ قىزمەتى كەلەلى جاعدايى بيىگىندە تۇرىپ، اكادەميكتەر ۇجىمىنىڭ كاسىبي باسىمدىعىن ويداعىداي ساۋلەلەندىرىپ، تيانشان تاجىريبەحاناسىن جوعارى باستامامەن، جوعارى ولشەممەن، جوعارى ساپامەن ويداعىداي قۇرىپ، جەتىستىككە جەدەل قول جەتكىزۋگە، سۇبەلى جەتىستىككە قول جەتكىزۋگە، تاماشا جەتىستىككە قول جەتكىزۋگە كۇش سالىپ، اناعۇرلىم كوپ عىلىم ـ تەحنولوگيا جەتىستىگىن رەال وندىرگىش كۇشكە اينالدىرۋدى جەبەۋ كەرەك. كۇتىپ وتىرماي، يەك سۇيەمەي، ىرىقتىلىقپەن ىسكەرلىك كورسەتىپ، نازاردى ٴىرى اشىق كومىر كەندەردى، قۇدىق، زاۆود، كەندەردى حاۋىپسىز، زەردەلى قازۋ سياقتىلارعا شوعىرلاندىرىپ، شەشۋشى، وزەكتى تەحنولوگيادان قامال الىپ، كومىردەن تازا، جوعارى ٴونىمدى پايدالانۋدى ىلگەرىلەتىپ، قاتىستى كاسىپ سالاسىنىڭ تىزبەكتى ۇزارتۋىن، تىزبەكتى تولىقتاۋىن، تىزبەكتى كۇشەيتۋىن ىلگەرىلەتىپ، كومىر تۇتاس كاسىپ سالاسى تىزبەگىنىڭ جوعارى ساپالى دامۋىنا كۇش قوسۋ كەرەك. قاتىستى تاراۋلار قىزمەت وتەۋ، قامتاماسىز ەتۋدى شىن مانىندە ويداعىداي ىستەپ، قيىنشىلىقتاردى، ماسەلەلەردى دەر كەزىندە شەشۋى كەرەك. شينجياڭ ينجەنەريا شۋەيۋانى اكادەميكتەر ۇجىمىن سۇيەنىش ەتە وتىرىپ باسىمدىققا يە پاندەردى تۇلعالاپ، شينجياڭنىڭ وسىزاماندانعان كاسىپ سالاسى جۇيەسىن ورناتۋىنا شۇعىل قاجەتتى اناعۇرلىم كوپ دارىندىلاردى باۋلۋ كەرەك.
حۋايروۋ تاجىريبەحاناسى شينجياڭ بازاسىن (شينجياڭ زەرتتەۋ ورنى) قۇرۋ — شينجياڭنىڭ مۇناي ـ گاز سالاسىنداعى مەملەكەتتىڭ ستراتەگيالىق عىلىم ـ تەحنولوگيا كۇشىن تۇلعالاۋداعى كەلەلى شاراسى. ەركىن تۇنياز جۇڭگو ينجەنەريا اكادەمياسىنىڭ اكادەميگى حۋايروۋ تاجىريبەحاناسى شينجياڭ بازاسىنىڭ مەڭگەرۋشىسى سۇن لۇڭدىمەن پىكىر اۋىستىرىپ، تاجىريبەحانانىڭ اسا تەرەڭ قاباتتاعى مۇناي ـ گازدى بارلاۋ ـ اشۋ، ت . ب زەرتتەۋ اياق الىسى جونىندە بەرىلگەن مالىمەتتى تىڭداپ، تاجىريبەحانا مىندەتىنە العان كەلەلى عىلمي زەرتتەۋ مىندەتى، كەلەلى نەگىزدىك تۇعىر قۇرىلىسى جانە دارىندىلاردى ەنگىزۋ سياقتى جاعدايلاردى ەگجەي ـ تەگجەيلى ۇعىستى. ول بىلاي دەدى: شينجياڭ مۇناي ـ گاز كاسىپ سالاسىنىڭ ٴىس جۇزىندىك جاعدايىمەن جانە دامۋ قاجەتىمەن تىعىز بايلانىستىرىپ، ٴبىر توپ ”القىمداعان“ تەحنولوگيادان كۇش سالا قامال الىپ، شينجياڭنىڭ مۇناي ـ گاز قورىن مولايتىپ، ٴونىمىن ارتتىرۋعا ۇلەس قوسۋ كەرەك. سەلبەستىكتى، اۋىس ـ كۇيىستى كۇشەيتىپ، كاسىپ سالاسىنداعى جوعارى دەڭگەيلى دارىندىلاردى ەنگىزۋمەن بىرگە، شينجياڭنىڭ جەرگىلىكتى مامان دارىندىلارىن جەتىلدىرۋگە باسا ٴمان بەرۋ كەرەك. قاتىستى تاراۋلار قىزمەت وتەۋدى شىن مانىندە ساپالىلاندىرىپ، قامتاماسىز ەتۋدى كۇشەيتىپ، نەگىزدىك قۇرىلعىلاردى سايكەستىرۋ، عىلمي زەرتتەۋ باقشا رايونى قۇرىلىسى سياقتى جاقتاردا قاتار تەكسەرىپ بەكىتۋدى قولدانىپ، جاسىل ارنا اشىپ، جوعارى ساپالى، جوعارى ٴونىمدى، ٴساتتى ىلگەرىلەتۋگە شىنايى كەپىلدىك ەتۋ كەرەك.
قايسار ابدۇكەرىم تەكسەرۋ ـ زەرتتەۋدە بىرگە بولدى.
