— جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعى بايلانىسىمەن
شينحۋا اگەنتتىگىنىڭ ٴتىلشىسى
1925 ـ جىل — 2025 ـ جىل.
بيىل جۇڭحۋا مەملەكەتتىك باس جۇمىسشى ۇيىمدارى قۇرىلعاندىعىنىڭ 100 جىلدىعى. 100 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، جۇڭگو جۇمىسشى ۇيىمى سان ميلليونداعان جۇمىسشى ـ قىزمەتكەر قاۋىمىن ىنتىماقتاسا كۇرەس جۇرگىزۋگە، ەڭبەك ٴسىڭىرىپ ۇلەس قوسۋعا جۇمىلدىرىپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋگە جانە مەملەكەتتىڭ باي ـ قۇدىرەتتى بولۋىن، حالىقتىڭ باقىتىن جۇزەگە اسىرۋعا اقىل ـ پاراساتى مەن كۇش ـ قۋاتىن ارنادى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ۇزاق ۋاقىت بيلىك جۇرگىزۋىنىڭ تاپتىق نەگىزى مەن بۇقارالىق نەگىزىن بەكەمدەۋگە نازار اۋدارىپ، پارتيانىڭ جۇمىسشى ۇيىمى قىزمەتىنە باسشىلىعىنا تاباندى بولىپ، جۇڭگوشا سوتسياليستىك جۇمىسشى ۇيىمى دامۋ جولىمەن بۇلجىماي ٴجۇرىپ، پارتيانىڭ جۇمىسشىلار قوزعالىسى ىستەرى مەن جۇمىسشى ۇيىمى قىزمەتىنە ايرىقشا ٴمان بەرىپ جانە ونى بار كۇشپەن ىلگەرىلەتىپ، جاڭا داۋىردەگى جۇمىسشىلار قوزعالىسى ىستەرى مەن جۇمىسشى ۇيىمى قىزمەتىنىڭ جاڭا جاعدايىن اشىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ۇردىسىندە ”ٴبىز جۇمىسشىلاردا كۇش ـ قۋات بار“ دەگەن نەگىزگى اۋەندى اسقاقتاتتى.
پارتيامەن تىلەكتەس بولىپ، پارتياعا ىلەسىپ كۇرەس جۇرگىزدى: پارتيا تۋىنىڭ كورسەتكەنى جۇمىسشىلار قوزعالىسى ىستەرىنىڭ بەتالىسى بولدى
4 ـ ايدا كوكتەم شۋاعى توگىلىپ، كۇللى تىرشىلىك جانداندى.
گۋاڭجوۋ قالاسى يۋەشيۋ وڭتۇستىك جولى جاسىل جەلەك جامىلىپ، ماقتا اعاش گۇلدەرى وتتاي جاينادى، سارى ٴتۇستى قۇرىلىس وسى ارادا تىپ ـ تىنىش قاسقايىپ تۇر. ٴۇي توبەسىنە ىلىنگەن جۇڭحۋا مەملەكەتتىك باس جۇمىسشى ۇيىمىنىڭ كونە ورنى دەپ جازىلعان ماڭدايشالىق ونىڭ ۇزاق جىلدار مەن شۇعىلالى تاريحتى باستان وتكەرگەندىگىن ايگىلەپ تۇر.
1925 ـ جىلى 5 ـ ايدىڭ 1 ـ كۇنى گۋاڭجوۋدا اشىلعان 2 ـ رەتكى مەملەكەتتىك ەڭبەك جينالىسىندا جۇڭحۋا مەملەكەتتىك باس جۇمىسشى ۇيىمى قۇرىلعاندىعى جاريالاندى.
”سىزدەر ۋاكىلدىك ەتكەن كۇش ۇلى، ارقالاعان جاۋاپكەرشىلىكتەرىڭىز دە اۋىر...“ جۇڭگو كوممۋنيستىك پارتياسى قۇتتىقتاۋ حاتىن جولداپ، زور ٴۇمىت ارتىپ، ماڭىزدى مىندەت جۇكتەدى.
”ەلىمىزدىڭ جۇمىسشىلار قوزعالىسى ىستەرى پارتيانىڭ باسشىلىعىندا دامىعان، جۇمىسشى ۇيىمى — پارتيانىڭ باسشىلىعىنداعى جۇمىسشى تابىنىڭ بۇقارالىق ۇيىمى. پارتيانىڭ جۇمىسشى ۇيىمىنا جالپى بەتتىك باسشىلىعىنا تاباندى بولۋدان ٴارقانداي ۋاقىتتا، ٴارقانداي جاعدايدا اۋىتقۋعا بولمايدى، باعداردان اداسۋعا بولمايدى.“ 2023 ـ جىلى 10 ـ ايدىڭ 23 ـ كۇنى باس شۋجي شي جينپيڭ جۇڭحۋا مەملەكەتتىك باس جۇمىسشى ۇيىمىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەندە وسىلاي دەپ باسا دارىپتەدى.
عاسىرلىق سان وزگەرىستى باستان كەشىرسە دە، اۋەلگى ماقساتتان اينىمادى. پارتيانىڭ ٴاربىر تاريحي داۋىردەگى وزەكتى مىندەتىن ارقاۋ ەتكەن جۇڭگو جۇمىسشى ۇيىمى پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ باي ـ قۇدىرەتتى بولۋىن، حالىقتىڭ باقىتىن جۇزەگە اسىرۋ جولىندا ايبىندى دا سالتاناتتى جۇمىسشىلار قوزعالىسى داستانىن جازدى.
جاڭا دەموكراتيالىق توڭكەرىس كەزىندە جۇمىسشى ۇيىمى وزىق يدەيا ارقىلى جۇمىسشىلار قاۋىمىنىڭ ساناسىن وياتىپ، پارتيا تۋى ارقىلى جۇمىسشىلاردىڭ كۇش ـ قۋاتىن ۇيىستىرىپ، جۇمىسشىلار قوزعالىسىنىڭ دابىرالى ورلەۋىن كوتەرىپ، جۇمىسشىلار قاۋىمىن يمپەرياليزمگە، فەوداليزمگە، بيۋروكرات كاپيتاليزمگە قارسى توڭكەرىستىڭ تاسقىنىنا بەلسەنە ات سالىسۋعا ىنتىماقتاستىردى جانە جۇمىلدىردى.
سوتسياليستىك توڭكەرىس پەن قۇرىلىس مەزگىلىندە جۇمىسشى ۇيىمى جۇمىسشى ـ قىزمەتكەرلەردىڭ ساياسي، مادەنيەت، تەحنولوگيا تاربيەسىن كۇشەيتىپ، سوتسياليستىك ەڭبەك باسەكەسىن ورىستەتىپ، جۇمىسشى ـ قىزمەتكەرلەردىڭ ٴوندىرىس، تۇرمىس شارت ـ جاعدايىن جاقسارتىپ، قالىڭ جۇمىسشى ـ قىزمەتكەرلەردى جاڭا ومىرگە كەلگەن حالىق بيلىگىن بەكەمدەۋدە، سوتسياليستىك نەگىزگى ٴتۇزىمدى ورناتۋدا، دەربەس، كەمەلدى ونەركاسىپ جۇيەسى مەن حالىق شارۋاشىلىعى جۇيەسىن قۇرۋدا ماڭىزدى رول اتقارۋعا ىنتىماقتاستىردى، جۇمىلدىردى.
رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا داۋىرىندە جۇمىسشى ۇيىمى قالىڭ جۇمىسشى ـ قىزمەتكەرلەر قاۋىمىن رەفورما بارىسىنداعى مۇددە قاتىناسىن رەتتەۋگە دۇرىس مامىلە جاساۋعا ىنتىماقتاستىرىپ جانە جەتەكتەپ، رەفورما جاساۋ، ەسىك اشۋ ۇلى ىسىنە جابال ات سالىسىپ، قوعامدىق وندىرگىش كۇشتەردى ازات ەتۋگە جانە دامىتۋعا، سوتسياليستىك وسىزامانداندىرۋدى جەدەل ىلگەرىلەتۋگە ماڭىزدى ۇلەس قوستى.
جۇڭگوشا سوتسياليزم جاڭا داۋىرىندە ٴار دارەجەلى جۇمىسشى ۇيىمى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ جۇمىسشى تابى جانە جۇمىسشى ۇيىمى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ سىندى ٴداۋىر نەگىزگى تاقىرىبىن مىقتى يگەرىپ، قالىڭ جۇمىسشى ـ قىزمەتكەرلەردى ٴار كاسىپتە، ٴار سالادا جاڭالىق اشىپ، جاسامپازدىق جاراتىپ، جاپپاي دوڭگەلەك داۋلەتتى قوعام ورناتۋدا، جۇڭگو ۇلگىسىندەگى وسىزامانداندىرۋدى ىلگەرىلەتۋدە جاۋاپكەرشىلىك ارقالاۋعا، ىسكەرلىك كورسەتۋگە ۇيىمداستىردى جانە جۇمىلدىردى.
شۇعىلالى 100 جىلدىق جۇمىسشىلار قوزعالىسى تاريحى — جۇڭگو جۇمىسشى ۇيىمىنىڭ پارتيانىڭ باسشىلىعىندا جۇمىسشى تابى مەن قالىڭ ەڭبەكشى بۇقارانى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ٴبىر نيەتپەن كۇرەس جۇرگىزۋگە ىنتىماقتاستىرۋ، جۇمىلدىرۋ تاريحى.
پارتيا 18 ـ قۇرىلتايىنان بەرى، باس شۋجي شي جينپيڭ جۇڭگو جۇمىسشى ۇيىمىنىڭ مەملەكەتتىك قۇرىلتايىنا 3 رەت قاتىناستى ٴارى جۇڭحۋا مەملەكەتتىك باس جۇمىسشى ۇيىمىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسىپ، پارتيانىڭ باسشىلىعىن باستان ـ اياق كۇشەيتۋدى باسا دارىپتەدى:
”جۇمىسشى ۇيىمى قىزمەتىنىڭ جاقسى ىستەلگەن ـ ىستەلمەگەندىگىندە، كورنەكتى ناتيجەگە قول جەتكەن ـ جەتپەگەندىگىندە، باستىسى، دۇرىس ساياسي بەتالىسقا تاباندى بولعان ـ بولماعاندىعىنا قاراۋ كەرەك“.
”پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، باستان ـ اياق ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋ كەرەك“.
” ’مەملەكەتتىڭ زور ٴىسىن‘ ەستە بەرىك ساقتاپ، جۇمىسشى ۇيىمى قىزمەتى مەن پارتيانىڭ وزەكتى مىندەتىنىڭ ۇشتاسۋ ٴتۇيىنىن، كىرىسۋ ٴتۇيىنىن، كۇش سالۋ ٴتۇيىنىن ٴدال تاۋىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ جۇمىسشى ۇيىمى جۇيەسىندە ناقتىلانۋىن، تياناقتانۋىن ىلگەرىلەتۋ كەرەك“.
كوكتەمدە تايحاڭشان تاۋىندا شاپتول گۇلى قۇلپىرا اشىلدى. توعان سۋى جوڭكىلىپ، حۇڭچي توعانى رۋحى باستان ـ اياق كوزدىڭ جاۋىن الاتىن ٴداۋىر شۇعىلاسىن شاشتى.
2022 ـ جىلى 10 ـ ايدىڭ 28 ـ كۇنى تۇستەن بۇرىن باس شۋجي شي جينپيڭ حىنان ولكەسى انياڭ قالاسى لينجوۋ قالاسى حۇڭچي توعانى ەسكەرتكىش سارايىنا كەلدى. ول بىلاي دەپ اتاپ كورسەتتى: حۇڭچي توعانىنىڭ ٴوزى ەسكەرتكىش، وندا لينشياندىقتاردىڭ تاعدىرعا باس يمەۋ، جەڭىلىسكە مويىنسال بولماۋ، تابيعاتپەن باتىلدىقپەن شايقاسۋداي قاھارماندىق جىگەرى ەستەلىككە الىنعان. حۇڭچي توعانى رۋحىمەن حالىقتى، اسىرەسە، قالىڭ جاستار مەن ورەندەردى تاربيەلەۋ كەرەك، سوتسياليزم سايىسۋمەن كەلگەن، ىستەۋمەن كەلگەن، قۇرباندىق بەرۋمەن كەلگەن، بۇرىندارى وسىلاي عانا ەمەس، جاڭا داۋىردە دە وسىلاي بولادى.
تۋى ايقىن ٴسوز جۇمىسشى ۇيىمىنىڭ قالىڭ جۇمىسشى ـ قىزمەتكەرلەر قاۋىمىنا جەتەكشىلىك ەتۋىنە ايقىن بەتالىس كورسەتتى.
بيىل 3 ـ ايدا انياڭ قالالىق باس جۇمىسشى ۇيىمىنىڭ باس بولىپ ۇيىمداستىرۋىندا، ”جۇڭگو جۇمىسشىلارى ۇلكەن يدەيا ـ ساياسي ساباعى“ — انياڭ ”جەلەكتىلەر ەڭبەك ەرلەرىنىڭ، شەبەرلەرىنىڭ ۇگىت لەكسياسىنىڭ“ تۇڭعىش رەتكى قيمىلى لينجوۋدا وتكىزىلدى. جاس وقۋشىلار ەڭبەك ەرلەرىنىڭ ىزگى ىستەرىن تىڭداپ، حۇڭچي توعانى رۋحىن سەزىنىپ، شەبەرلىك ارقىلى دارىندى بولۋ، شەبەرلىك ارقىلى وتان ٴۇمىتىن اقتاۋ جولىمەن ٴجۇرۋ سەنىمى مەن بەكىمىن نىعايتتى.
پارتيانىڭ تۋىن تۋ، پارتيانىڭ ەركىن ەرىك، پارتيانىڭ بورىشىن بورىش ەتتى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز جۇمىسشى تابى پارتيانىڭ توڭىرەگىنە تىعىز ىنتىماقتاسىپ، ٴتۇرلى حاۋىپ ـ قاتەرلەر مەن سىن ـ سايىستارعا توتەپ بەرۋ بارىسىندا اۋىر مىندەتتى باتىلدىقپەن ارقالاپ، قايراتتانا ناقتى ىستەپ، پارتيا مەن مەملەكەت ىستەرىندە تاريحي تابىستارعا قول جەتۋىن، تاريحي وزگەرىستەر تۋىلۋىن ىلگەرىلەتۋگە ماڭىزدى ۇلەس قوستى.
كەدەي، مەشەۋ اۋىل شارۋاشىلىق ەلىنەن دامىپ، دۇنيە جۇزىندەگى ٴبىرىنشى ٴىرى ونەركاسىپ ەلىنە، ٴبىرىنشى ٴىرى زات ساۋداسى ەلىنە، ٴبىرىنشى ٴىرى شەتەل اقشاسى زاپاس ەلىنە اينالىپ، مەملەكەتتىڭ جالپىلىق قۋاتى ۇزدىكسىز جوعارىلادى؛
تەمىر شەگە مەن سىرىڭكەگە دەيىن يمپورت ەتۋدەن ”شىنجوۋدىڭ“ اسپانعا ۇشۋىنا، ”بەيدوۋدىڭ“ تور قالىپتاستىرۋىنا، ”جۋرۇڭنىڭ“ مارستى بارلاۋىنا دەيىن ىشكى قوزعاۋشى كۇش اناعۇرلىم كۇشەيدى؛
ىشەر اس، كيەر كيىمگە جارىماۋدان كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەيىن جۇڭحۋانىڭ بايتاق دالاسىندا جاپپاي دوڭگەلەك داۋلەتتىلىك جۇزەگە اسىپ، حالىق تۇرمىسى بارعان سايىن باقىتتى بولا ٴتۇستى...
تاريحي ۇردىستەگى ٴار رەتكى سەكىرىستىڭ بارىنە سان ميلليونداعان ەڭبەكشى بۇقارانىڭ جۇرەك قانى مەن ماڭداي تەرى، اقىل ـ پاراساتى مەن جاسامپازدىعى سىڭگەن.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە بىلاي دەپ ايقىن اتاپ كورسەتىلدى: كەزەكتەگى جانە بۇدان بىلايعى ٴبىر مەزگىل — جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى مەزگىلى.
100 جىلدىق بارىستى باسىپ وتكەن جۇڭگو جۇمىسشى ۇيىمى نازاردى پارتيانىڭ وزەكتى مىندەتىنە شوعىرلاندىرىپ، ٴسوز جوق، قالىڭ جۇمىسشى ـ قىزمەتكەرلەر قاۋىمىن اسقاق رۋحاني كۇيمەن جانە العان بەتىنەن قايتپايتىن كۇرەس بەينەسىمەن جاپپاي سوتسياليستىك وسىزاماندانعان مەملەكەت قۇرۋدىڭ جالىندى امالياتىنا ات سالىسۋعا ىنتىماقتاستىرادى جانە جەتەكتەيدى.
وزەكتى ارقاۋ ەتىپ، كەلەلى جاعدايعا قىزمەت وتەدى: پارتيانىڭ وزەكتى مىندەتىن جۇزەگە اسىرۋ جولىندا ىنتىماقتاسا كۇرەس جۇرگىزدى
جۇمىسشى ۇيىمى قىزمەتىن سان سالالى دەگەنىمىزبەن، ەڭ ٴتۇبىرلىسى — قالىڭ جۇمىسشى ـ قىزمەتكەرلەر بۇقاراسىن پارتيانىڭ توڭىرەگىنە تىعىز ىنتىماقتاستىرىپ، پارتيانىڭ وزەكتى مىندەتىن جۇزەگە اسىرۋ جولىندا ىنتىماقتاسا كۇرەس جۇرگىزۋ بولىپ تابىلادى.
باس شۋجي شي جينپيڭ بىلاي دەپ تەرەڭ اتاپ كورسەتتى: ”ەلىمىز جۇمىسشىلار قوزعالىسىنىڭ داۋىرلىك تاقىرىبى — جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ“؛ ”ەلىمىزدەگى قالىڭ جۇمىسشى ـ قىزمەتكەرلەر جۇڭگو ارمانىن جۇزەگە اسىرۋ جولىندا كۇرەس جۇرگىزۋ ٴداۋىر تاقىرىبىن مىقتى يگەرىپ، وزدەرىنىڭ بولاشاق تاعدىرىن مەملەكەت پەن ۇلتتىڭ بولاشاق تاعدىرىمەن تىعىز بايلانىستىرۋى، جەكە ارماندارىن جۇڭگو ارمانىمەن تىعىز بايلانىستىرۋى كەرەك“.
100 جىلدىق بوران ـ شاشىندا مويىماي ىلگەرىلەپ، 100 جىلدىق اۋەلگى ماقسات بەرىك بولدى. 100 جىلدىق جۇمىسشىلار قوزعالىسى تاريحىن پاراقتاساق، جۇڭگو جۇمىسشى ۇيىمى پارتيانىڭ وزەكتى مىندەتىن باستان ـ اياق جۇمىسشىلار قوزعالىسى مەن جۇمىسشى ۇيىمى قىزمەتىنىڭ نەگىزگى تاقىرىبى جانە بەتالىسى ەتكەن.
شاڭحاي قالاسى جيڭ ـ ان رايونىنداعى جۇڭگو ەڭبەك بىرلەستىگى شۋجيبۋىنىڭ كونە جۇرتىنىڭ كىرەر اۋزىنداعى ”پارتيامىزدىڭ نەگىزگى مىندەتى ونەركاسىپ جۇمىسشى ۇيىمىن قۇرۋ“ دەگەن ۇران ەرەكشە كوز تارتادى.
1921 ـ جىلى پارتيانىڭ 1 ـ قۇرىلتايىندا ماقۇلدانعان «كەزەكتەگى ٴىس جۇزىندىك قىزمەت جونىندەگى قاراردا» ”پارتيامىزدىڭ نەگىزگى مىندەتى ونەركاسىپ جۇمىسشى ۇيىمىن قۇرۋ“ دەپ ايقىن بەلگىلەنگەن. وسىدان كەيىن جۇڭگو ەڭبەك بىرلەستىگىنىڭ شۋجيبۋى شاڭحايدا قۇرىلىپ، پارتيانىڭ جۇمىسشىلار قوزعالىسىنا باسشىلىق ەتۋدەگى تۇڭعىش اشىق قۇرىلىمىنا اينالدى.
100 جىلدان بەرى، جۇڭگو كوممۋنيستىك پارتياسىنىڭ باستاۋىندا، جۇڭگو جۇمىسشى ۇيىمى باستان ـ اياق پارتيا مەن مەملەكەتتىڭ وزەكتى مىندەتىن ارقاۋ ەتىپ، قالىڭ جۇمىسشى ـ قىزمەتكەرلەر قاۋىمىن ىنتىماقتاستىرىپ جانە جۇمىلدىرىپ، توڭكەرىستىڭ، قۇرىلىستىڭ، رەفورمانىڭ ٴاربىر تاريحي كەزەڭىندە ماڭىزدى رول اتقاردى.
جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوستى.
پارتيانىڭ 20 ـ قۇرىلتايىندا: ”قازىردەن باستاپ جۇڭگو كوممۋنيستىك پارتياسىنىڭ وزەكتى مىندەتى — بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“، ـ دەپ العا قويىلدى. جۇڭگو جۇمىسشى ۇيىمى تاعى ٴبىر رەت تاريحتىڭ الدىڭعى لەگىندە تۇرىپ، باتىلدىقپەن بورىش ارقالاپ، ٴورىس اشا جاڭالىق جاراتىپ، سان ميلليونداعان جۇمىسشى ـ قىزمەتكەرلەر قاۋىمىن ىنتىماقتاستىرىپ جانە جەتەكتەپ، جاپپاي سوتسياليستىك وسىزاماندانعان مەملەكەت قۇرۋعا كۇش قوستى.
— ٴوزارا سالىستىرىپ، ٴوزارا ۇيرەنىپ، ەڭبەك جانە شەبەرلىك باسەكەسى ارقىلى قالىڭ جۇمىسشى ـ قىزمەتكەرلەردىڭ ەڭبەك ىنتاسىن، جاسامپازدىق كومەسكى قۋاتىن قاۋلاتىپ، قالىڭ ەڭبەكشىلەردىڭ ٴار كاسىپ، ٴار سالادا نەگىزگى قوسىندىق رولىن تولىق ساۋلەلەندىرۋىنە مۇمكىندىك جاسادى.
عارىش عىلىم ـ تەحنولوگيا توبى 6 ـ مەكەمەسى شي ـ ان عارىش موتورى شەكتى سەرىكتەستىگىنىڭ باس قۇراستىرۋ سەحىنا بارعانىمىزدا دانەكەرلەۋشى شى شۋايشۋاي بەت قالقا تاعىپ، قولىنا دانەكەرلەگىش الىپ، وت ۇشقىندارى ىشىندە بەرىلە ىستەپ، قولىنداعى قۇبىر بولشەكتەرىن دەن قويا مايدالاپ جاتىر ەكەن.
بىلتىر 9 ـ ايدىڭ 13 ـ كۇنى ول دانەكەرلەۋشىلەر جارىسىنىڭ اعا جۇلدەگەرى سالاۋاتىمەن 8 ـ كەزەكتى مەملەكەتتىك جۇمىسشى ـ قىزمەتكەرلەردىڭ كاسىپتىك شەبەرلىك جارىسى شەشۋشى جارىسىنىڭ سيلىق ساحناسىندا بوي كورسەتتى. ٴار رەتكى جارىستا شى شۋايشۋاي باستان ـ اياق ”ٴوزارا سالىستىرۋ، ٴوزارا ۇيرەنۋ“ سىندى العا باسۋ كۇيىن ساقتاپ، جارىستا ۇيرەنگەن الدىڭعى لەكتىك ۇستانىم مەن ىسىلعان شەبەرلىكتى كۇندەلىكتى ٴوندىرىس جۇمىسىندا قولدانىپ، ۇزدىك ونەرگە تالپىنۋ جولىندا ۇزدىكسىز العا باستى.
2024 ـ جىلى ٴار دارەجەلى جۇمىسشى ۇيىمدارى سان ميلليونداعان جۇمىسشى ـ قىزمەتكەر قاۋىمىن ۇلەس قوسىپ ناتيجە شىعارۋعا كەڭ كولەمدە جۇمىلدىرىپ، 8 ـ كەزەكتى مەملەكەتتىك جۇمىسشى ـ قىزمەتكەرلەردىڭ كاسىپتىك شەبەرلىك جارىسى، تۇڭعىش كەزەكتى مەملەكەتتىك ”قىزىلتۋ ساۋىتى“ بان ـ گرۋپپا باستىقتارى جارىسى جانە 127 ٴتۇرلى مەملەكەتتىك جەتەكشىلىك سيپاتتى ەڭبەك جانە شەبەرلىك جارىسى قيمىلىن ۇيىمداستىرىپ ورىستەتتى، بۇل 500 مىڭنان استام كاسىپورىن، ٴىسورىندى قامتىپ، 60 ميلليوننان استام جۇمىسشى ـ قىزمەتكەر قاتىناستى.
— ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، ەڭبەك ەرلەرىنىڭ، ۇستالاردىڭ ۇلگىلىك، جەتەكشىلىك رولىن ويداعىداي ساۋلەلەندىرىپ، قالىڭ جۇمىسشى ـ قىزمەتكەردى قاجىرلى ەڭبەك، ادال ەڭبەك، جاسامپاز ەڭبەك بارىسىندا ارمانعا قول جەتكىزۋگە شابىتتاندىردى.
”حابارلاسۋ كەلىسىمىنىڭ قالىپسىز تۇيىندەرىن دارەجە بويىنشا ٴبىر ـ بىردەن تەكسەرىپ، كىنارات تۇيىندەرىن ٴبىر ـ بىردەن تۇراقتاندىرامىز“. اۆتوماتتاندىرىلعان زەردەلى ايىرىپ ـ قوسقىشتى سىناقتان وتكىزۋ ورنىندا وڭتۇستىك ەلەكتر تورى گۇيجوۋ تۇڭرىن ەلەكترمەن قامداۋ مەكەمەسى تور ۇلەستىرۋدى اۆتوماتتاندىرۋ بانىنىڭ ورىنباسار باستىعى حۋاڭ لەي سىناق جۇرگىزۋشىلەرگە جۇمىس باسىندا قولما ـ قول ۇيرەتتى. بيىلعى ”1 ـ مامىر“ قارساڭىندا ول گۇيجوۋ ولكەسىنىڭ ەڭبەك ەرى بولىپ سايلاندى.
تاڭداعان جۇمىسىن ٴومىر بويى ىستەدى؛ كاسىبىنە شەبەر بولدى. ٴبىرىنشى شەپتە تامىر تارتقان 16 جىلدا حۋاڭ لەي ىزدەنۋدى قيىن ماسەلەلەردى شەشۋدىڭ ”كىلتى“ ەتىپ، 7 ٴتۇرلى پاتەنت جەتىستىگىن زەردەلى سىناقتان وتكىزۋ قۇرىلعىسى، كىناراتتىڭ ورنىن تۇراقتاندىرۋداعى ەسەپتەۋ امالى سياقتى قولدانىلمالى قۇرالدارعا اينالدىردى. ونىڭ باستاۋىندا ۇجىم ەلەكتر تورىنىڭ تور ۇلەستىرۋدەگى كىناراتتارىن ٴبىر جاقتى ەتۋ ونىمدىلىگىن ٴساتتى تۇردە شامامەن %60 جوعارىلاتتى.
"جاڭا داۋىردە قالىڭ جۇمىسشى ـ قىزمەتكەرلەر قايراتتى، ارىندى، تالاپتى بولۋى، ۇزدىكسىز ىزدەنۋى، ۇزدىكسىز جاڭالىق اشۋى كەرەك“، ـ دەدى حۋاڭ لەي.
ەڭبەك ەرلەرى — حالىقتىڭ ۇلگىسى. ەڭبەك ەرى رۋحى، ەڭبەك رۋحى، ۇستا رۋحى — بۇكىل پارتيانى، بۇكىل ەلدەگى ٴار ۇلت حالقىن بوران ـ شاشىنعا بوگەلمەي، ٴورىس اشا العا ىلگەرىلەۋگە جىگەرلەندىرەتىن قۇدىرەتتى رۋحاني قوزعاۋشى كۇش.
سوڭعى جىلدارى ٴار دارەجەلى جۇمىسشى ۇيىمدارى ”ٴىرى ەل ۇستاسى جىل تۇلعاسىن“ جاريالاپ، ەڭبەك ەرلەرىن جانە وزات قىزمەتكەرلەردى تاڭداۋ قىزمەتىن ورىستەتىپ، 2021 ـ جىلدان 2024 ـ جىلعا دەيىن جيىنى 1059 ادامعا مەملەكەتتىك 1 ـ مامىر ەڭبەك ەرى سيلىعىن، 4286 ادامعا 1 ـ مامىر مەدالىن، 4331 ادامعا اۆانگارد اتاعىن بەردى. قالىڭ ەڭبەكشىلەر ەڭبەك ەرلەرى مەن وزات قىزمەتكەرلەردىڭ اسقاق رۋحى مەن اسىل قاسيەتى ارقىلى وزدەرىن جىگەرلەندىرىپ، قاجىرلى ەڭبەكتى، ادال ەڭبەكتى، جاسامپاز ەڭبەكتى سانالى ارەكەتكە اينالدىردى.
— ونەركاسىپ جۇمىسشىلارى قوسىنى قۇرىلىسى رەفورماسىن تەرەڭدەتىپ، ٴبىلىمدى، شەبەر، جاسامپاز ونەركاسىپ جۇمىسشىلارى ٴىرى قوسىنىن جەدەل قۇردى.
چاي گولياڭ جينچۋان توبى نيكەل قورىتۋ زاۆودى نيكەلدى ەلەكتروليزدەۋ 1 ـ سەحى ەلەكتروليزدەۋ بانىنىڭ بانجاڭى. الدىڭعى شەپتەن شىققان وسى جۇمىسشى ىلگەرىندى ـ كەيىندى مەملەكەت دارەجەلى شەبەرلىك ۇستاسى جۇمىس كەڭسەسىنىڭ جەتەكشىسى، گانسۋ ولكەسىنىڭ تەحنولوگيالىق شەبەرلىك سالاسىنداعى ۇزدىك باستاماشى دارىندى، مەملەكەتتىك كەڭەستىڭ ۇكىمەت ەرەكشە قوسىمشا قاراجاتىنان يگىلىكتەنەتىن مامان بولىپ باعالانىپ، جارقىراعان ”جۇمىسشىلار جۇلدىزىنا“ اينالدى.
چاي گولياڭنىڭ ەسەيۋ بارىسى ونەركاسىپ جۇمىسشىلارى قوسىنى قۇرىلىسى رەفورماسى ”ۇدەۋىنىڭ“ ىقشام كورىنىسى.
2017 ـ جىلى 4 ـ ايدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا داۋىردەگى ونەركاسىپ جۇمىسشىلارى قوسىنى رەفورماسى جوباسىن» باسىپ تاراتىپ، 5 جاقتان 25 تارماقتى باعىتتامالى رەفورما شاراسىن العا قويىپ، سونىمەن ونەركاسىپ جۇمىسشىلارى قوسىنى قۇرىلىسى رەفورماسىنىڭ شىمىلدىعىن اشتى. 8 جىلدان بەرى ٴار دارەجەلى جۇمىسشى ۇيىمدارى ەرلىكپەن جاۋاپكەرشىلىك ارقالاپ، بەلسەندى ىسكەرلىك كورسەتىپ، رەفورمانىڭ كورنەكتى ناتيجەلەرگە قول جەتكىزۋىن ىلگەرىلەتتى.
ونەركاسىپ جۇمىسشىلارىنىڭ ەسەيۋ، دارىندى بولۋ ارناسى اناعۇرلىم ىركىلىسسىزدەندىرىلدى. 14 ـ كەزەكتى مەملەكەتتىك حالىق قۇرىلتايى ۋاكىلدەرىنىڭ ىشىندە ٴبىرىنشى شەپ جۇمىسشىلارى، شارۋا ۋاكىلدەر ۋاكىلدەر جالپى سانىنىڭ %16.69ىن ۇستادى؛ جۇڭگو جۇمىسشى ۇيىمى 18 ـ قۇرىلتايى ۋاكىلدەرىنىڭ ىشىندە جۇمىسشىلار %26.7تى ۇستادى؛ 2018 ـ جىلدان بەرى، مەملەكەتتىك 1 ـ مامىر ەڭبەك مەدالىمەن ماراپاتتالعانداردىڭ ىشىندە ونەركاسىپ جۇمىسشىلارىنىڭ سالىستىرماسى %40تەن استى.
ونەركاسىپ جۇمىسشىلارىنىڭ تەحنولوگيالىق شەبەرلىگى، ساپاسى كورنەكتى جوعارىلادى. مەملەكەتتىك باس جۇمىسشى ۇيىمى ”1+1+N“ ۇستالار شۋەيۋان جۇيەسىن ورناتىپ، قازىر 1000نان استام ۇستالار شۋەيۋانى قۇرىلدى؛ ”شەبەرلىك جاعىنداعى قۋاتتى ەل — مەملەكەتتىك ونەركاسىپ جۇمىسشىلارى ۇيرەنۋ الەۋمەتتىك اۋماعىن“ قۇرىپ، جالپى تاربيەلەنگەن جۇمىسشى ـ قىزمەتكەرلەر 200 ميلليون ادام ـ رەتتەن استى؛ وقۋ ـ اعارتۋ مينيسترلىگىمەن بىرلەسىپ شارۋا جۇمىسكەرلەردىڭ ”ٴبىلىم قۋىپ، ارمانعا ۇمتىلۋ ارەكەتىن“ ورىستەتىپ، 2 ميلليون 400 مىڭنان استام شارۋا جۇمىسكەردىڭ وقۋ ماعلۇماتى مەن شەبەرلىگىن جوعارىلاتۋىنا كومەكتەستى.
ۇقىق ـ مۇددەنى دەن قويا قورعاپ، سۇيىسپەنشىلىكپەن قىزمەت كورسەتتى: پارتيانىڭ قامقورلىعىن جۇمىسشى ـ قىزمەتكەرلەر قاۋىمىنا جەتكىزدى
ۋاقىت وتسە دە جالعاستىرۋ وزگەرمەدى. 100 جىلدان بەرى، جۇمىسشى ۇيىمى باستان ـ اياق جۇمىسشى ـ قىزمەتكەرلەردىڭ وتاۋى، جۇمىسشى ۇيىمى كادرلارى باستان ـ اياق جۇمىسشى ـ قىزمەتكەرلەردىڭ ”توركىنى“ بولدى.
باس شۋجي شي جينپيڭ بىلاي دەپ اتاپ كورسەتتى: جۇمىسشى ۇيىمى جۇمىسشى ـ قىزمەتكەرلەر مۇددەسىنىڭ ۋاكىلى جانە قورعاۋشىسى رەتىندە، ۇقىق ـ مۇددەنى قورعاۋعا قىزمەت كورسەتۋ نەگىزگى مىندەتىن مۇقيات اتقارۋى كەرەك. ”جۇمىسشى ۇيىمى جۇمىسشى ـ قىزمەتكەرلەر قاۋىمىنىڭ سەنىمىنە جانە قولداۋىنا يە بولۋ ٴۇشىن، ٴسوز جوق، جۇمىسشى ـ قىزمەتكەرلەر قاۋىمىنىڭ ٴتول مۇددەسىن قورعاۋ قىزمەتىن ويداعىداي ىستەپ، قوعامدىق ادىلدىكتى، تۋراشىلدىقتى جەبەۋى كەرەك“.
سوڭعى جىلدارى ٴار دارەجەلى جۇمىسشى ۇيىمى ەڭبەك تالاس ـ تارتىسىن كوپ نەگىزدى شەشۋ مەحانيزمىن اقاۋسىزداندىرىپ، جاڭا داۋىردەگى ”فىڭچياۋ تاجىريبەسىنىڭ“ جۇمىسشى ۇيىمى امالياتىن جاپپاي ىلگەرىلەتىپ، ”جۇمىسشى ۇيىمى + سوت مەكەمەسى + پروكۋراتۋرا + ادام كۇشى بايلىعى جانە قوعامدىق قامتاماسىزداندىرۋ +ٴادىليا“ سياقتى سەلبەسىپ بىرگە ىستەۋ مەحانيزمىن ىلگەرىلەتىپ، جاراسىمدى ەڭبەك قاتىناسىن ورناتتى؛ جاڭا جۇمىستانۋ فورماتسياسىنداعى ەڭبەكشىلەردىڭ ۇقىق ـ مۇددەسى بويىنشا كەڭەسۋ، سايكەسۋ مەحانيزمىنىڭ قۇرىلۋىن ىلگەرىلەتىپ، ”ٴبىر ۇلگى، ەكى نۇسقاۋدى“ توپتىق كەڭەسۋ، قابىلەت دارەجەسى بويىنشا ەڭبەكاقىنى توپتىق كەڭەسۋ سياقتى تاجىريبەلەردى، ادىستەردى قورىتىندىلاپ، جالپىلاستىرىپ، تۇعىر كاسىپورىنداردىڭ زاڭ بويىنشا جۇيەلى تۇردە ادام ىستەتۋىن جەبەدى؛ مەملەكەتتىك جۇمىسشى ۇيىمى قاتىناسقان اۋدان دارەجەلىدەن جوعارى ەڭبەك قاتىناسىن سايكەستىرۋ ٴۇش جاق مەحانيزمىنىڭ قامتۋ مولشەرى %90تەن استى.
نەگىزگى ساتى ٴبىرىنشى شەبىندەگى ەڭبەكشىلەرگە كوڭىل ٴبولۋ، قامقورلىق جاساۋ ٴۇشىن جۇمىسشى ـ قىزمەتكەرلەردىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشۋ، اسىرەسە، جاڭا جۇمىستانۋ فورماتسياسىنداعى ەڭبەكشىلەر، شارۋا جۇمىسكەرلەر، قالالارداعى قيىنشىلىعى بار جۇمىسشى ـ قىزمەتكەرلەر سياقتى قاۋىمعا بارىنشا كوڭىل ٴبولىپ، پارتيا مەن ۇكىمەتتىڭ قامقورلىعىن قيىنشىلىعى بار بۇقارانىڭ جۇرەگىنە جەتكىزىپ، ولارعا سوتسياليستىك ۇلى شاڭىراقتىڭ مەيىرىن سەزىندىرۋ كەرەك.
سىچۋاننىڭ دانليڭىندە اۋداندىق باس جۇمىسشى ۇيىمى وتباسىندا ەكونوميكالىق قيىنشىلىعى بار وقۋشىلارعا وقۋ كومەك قاراجاتىن بەرۋگە تاباندى بولىپ، ٴبىر بالانىڭ دا قاتاردان قالماۋىنا شىنايى كەپىلدىك ەتتى؛
جىجياڭنىڭ حاڭجوۋىندا جۇمىسشى ۇيىمى كوپتەگەن تاراۋلارمەن بىرلەسىپ كوك جاعالىلار جاتاقحاناسىن ورنالاستىرىپ، جەدەل جەتكىزۋشى، تاپسىرىسپەن تاماق جەتكىزۋشى، ينتەرنەتتە كەلىسەتىن كولىك شوفەرى، اس ـ سۋ بويىنشا قىزمەت كورسەتۋ كاسىبىمەن شۇعىلدانۋشىلار سياقتىلارعا ناقتى تيىمدىلىك، ساپالى قونالقى ازىرلەدى؛
حۋناننىڭ چاڭشاسىندا نەگىزگى ەمدەۋ قامسىزداندىرۋ بويىنشا ەسەپتەن كوتەرۋ، جۇمىسشى ـ قىزمەتكەرلەرگە مەديتسينالىق ٴوزارا جاردەمدەسۋدىڭ تۇڭعىش رەتكى جاردەماقىسى سياقتى ٴتۇرلى جاردەماقىنى، قۇتقارۋدى شىعارىپ تاستاعاننان كەيىن تالاپقا ۇيلەسەتىن جۇمىسشى ـ قىزمەتكەرلەر مەديتسينالىق ٴوزارا جاردەمدەسۋدىڭ ”2 ـ رەتكى جاردەماقىسىن“ الۋعا ٴوتىنىش بەرۋىنە بولاتىن بولدى ...
100 جىلدىق بوران ـ شاشىن داڭققا جەتكىزدى، ەسە قوسىپ، ەڭبەك ٴسىڭىرۋدىڭ ٴدال كەزى جەتتى.
قىم ـ قۋىت كۇردەلى حالىقارالىق، ەل ٴىشى جاعدايى الدىندا جۇمىسشى ۇيىمى ۇيىمدىق رولىن اناعۇرلىم ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ، ۇلتتىڭ گۇلدەنۋىن جۇزەگە اسىرۋدىڭ قۇدىرەتتى وڭ ەنەرگياسىن ۇيىستىرۋى كەرەك.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇمىسشى ۇيىمى رەفورماسى جانە قۇرىلىسى قىزمەتىنە ايرىقشا ٴمان بەردى. 2015 ـ جىلى 11 ـ ايدا باس شۋجي شي جينپيڭ 18 ـ كەزەكتى پارتيا ورتالىق كوميتەتى رەفورمانى جاپپاي تەرەڭدەتۋ باسشىلىق گرۋپپاسىنىڭ 18 ـ ٴماجىلىسىن باسقارىپ اشتى، جيىندا «مەملەكەتتىك باس جۇمىسشى ۇيىمىنىڭ رەفورمانى تۇيىندە سىناق ەتۋ جوباسى» قاراپ ماقۇلداندى.
وسى رەفورما جۇمىسشى ۇيىمى قىزمەتىنىڭ جانە جۇمىسشى ۇيىمدارىنىڭ ساياسي سيپاتىن، العاباسارلىق سيپاتىن، بۇقارالىق سيپاتىن ساقتاۋ جانە كۇشەيتۋ سىندى نەگىزگى جەلىنى تىعىز ارقاۋ ەتىپ، ماسەلەنى باعدار ەتۋگە تاباندى بولىپ، جۇمىسشى ۇيىمى قىزمەتىنىڭ دامۋىنا بوگەت بولعان كورنەكتى ماسەلەلەردى كۇش سالا شەشتى.
جۇمىسشى ۇيىمى ورگانى كادرلارىنىڭ نەگىزگى ساتىدا تۇيىندە تۇرۋ قىزمەتىن ۇدايىلاندىرىپ، باياندىلاندىرىپ، تۇزىمدەندىرىپ ورىستەتۋدەن ”اۋدان دارەجەلى جۇمىسشى ۇيىمىن كۇشەيتۋ جىلى“ ارناۋلى قىزمەتىن ورىستەتۋگە دەيىن ادام كۇشىنىڭ، زاتتىق كۇشتىڭ، قازىنالىق كۇشتىڭ نەگىزگى ساتىعا بەيىمدەلۋىن جەبەۋگە دەيىن؛ جاڭا جۇمىستانۋ فورماتسياسىنداعى ەڭبەكشىلەردىڭ ۇيىمعا كىرۋ شوعىرلى ارەكەتىن، ادام سانى 100دەن اساتىن كاسىپورىنداردىڭ جۇمىسشى ۇيىمىن قۇرۋ ارناۋلى ارەكەتىن جانە قوعامدىق ۇيىمداردىڭ جۇمىسشى ۇيىمىن قۇرۋ ارناۋلى ارەكەتىن ورىستەتۋدەن ٴار دارەجەلى جۇمىسشى ۇيىمدارىنىڭ، اسىرەسە، نەگىزگى ساتى جۇمىسشى ۇيىمدارىنىڭ جاڭالىق اشۋ ٴادىسىن جانە تيپتىك ٴىس مىسالدارىن قورىتىندىلاۋعا، ۇگىتتەۋگە، جالپىلاستىرۋعا دەيىن مەملەكەتتىك باس جۇمىسشى ۇيىمى اماليات بارىسىندا نەگىزگى ساتى جۇمىسشى ۇيىمدارىنىڭ جەتەكشىلىك ەتۋ قابىلەتىن، ۇيىمداستىرۋ قابىلەتىن، قىزمەت كورسەتۋ قابىلەتىن ۇزدىكسىز كۇشەيتتى.
بۇكىل ەلدەگى باستى قالالاردا جانە قالالاردىڭ ٴتۇيىندى اۋماقتارىندا 15 مينۋتتىق قىزمەت كورسەتۋ شەڭبەرىندە قاشاندا جۇمىسشى ۇيىمى بەكەتىن كورۋگە بولادى. مەيىرلى بەكەت تۇيىندەرىن ورنالاستىرىپ، جىل بويى دەمالۋ جانە دارەتحانا پايدالانۋ، سۋ ٴىشۋ جانە سالقىنداۋ، تاماق جىلىتۋ، سۋىقتان ىقتاپ، جاڭبىردان تاسالانۋ، قول تەلەفوندى زاريادتاۋ سياقتى قىزمەت كورسەتۋ قولايلىلىقتارىن ازىرلەپ، تەز ريتىممەن جۇمىس ىستەيتىن ەڭبەكشىلەرگە تىنىستاۋدىڭ ”باياۋ كەڭىستىگىن“ ازىرلەدى. 2024 ـ جىلدىڭ سوڭىنا دەيىن بۇكىل ەل بويىنشا 186 مىڭ 100 جۇمىسشى ۇيىمى بەكەتى قۇرىلىپ، كۇنىنە 2 ميلليون 309 مىڭ 700 ادامعا (رەت) قىزمەت كورسەتتى، تۇتاس جىلدا 800 ميلليونعا تاياۋ جۇمىسشى ـ قىزمەتكەرگە (رەت) قىزمەت كورسەتتى.
سان ميلليون جۇمىسشى ـ قىزمەتكەر قاۋىمىنا تىكەلەي قىزمەت كورسەتەتىن ”جۇمىسشى ـ قىزمەتكەرلەر ٴۇيى APPىن“ قۇردى، پسيحيكالىق كەڭەس بەرۋ ىستىق لەنياسىن اشۋ ارقىلى ەڭبەكشىلەردىڭ پسيحيكالىق مازاسىزدىعىن شەشتى، جۇمىسشى ـ قىزمەتكەرلەرگە قامقورلىق جاساۋ ينتەرنەت تۇعىرىن ۇسىندى... باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جۇمىسشى ۇيىمى جۇمىسشى ـ قىزمەتكەرلەر قاۋىمىنا دالمە ـ ٴدال، ەتەنە قىزمەت كورسەتۋدى قۇلشىنا ازىرلەپ، بۇقاراعا قىزمەت كورسەتۋدىڭ ناقتى ونىمدىلىگى ارقىلى جۇرت كوڭىلىن تەبىرەنتۋ، جۇرت كوڭىلىنە مەيىر سيلاۋ، جۇرت كوڭىلىنە ىقپال ەتۋ، جۇرت قالاۋىنان شىعۋ جولىندا ۇزدىكسىز ىزدەنىس جاسادى.
جۇمىسشى ۇيىمى قىزمەت جۇيەسىن قۇلشىنا قۇردى. جۇمىسشى ۇيىمىنىڭ نەگىزگى قىزمەت جاۋاپكەرشىلىگىن نەگىز ەتىپ، كاسىپ جۇمىستارىن جۇيەلى سالالاپ، جۇمىسشى ۇيىمى كاسىپ جۇيەسىنىڭ قۇرىلىمىن جاساپ، جۇمىسشى ۇيىمى قىزمەتىنىڭ ولشەمدى جۇيەسىن كۇش سالا قۇرىپ، كەلەسى قادامداعى سان ميلليون جۇمىسشى ـ قىزمەتكەر قاۋىمىنا اناعۇرلىم جوعارى ٴونىمدى، اناعۇرلىم جوعارى ساپالى قىزمەت كورسەتۋگە بەرىك نەگىز قالادى.
ٴبىر نيەتپەن كۇش سالىپ ۇلى ىستەر تىندىرىپ، قايراتتانا ەكپىندەي ىلگەرىلەپ، جاڭا جورىققا اتتاندى.
جاڭا ٴداۋىردىڭ جاڭا جورىعىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو جۇمىسشى ۇيىمى سان ميلليون جۇمىسشى ـ قىزمەتكەر قاۋىمىن اناعۇرلىم كۇشتى تاريح سانالىلىعىمەن جانە ىرىقتىلىق رۋحىمەن مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋگە جاڭا دا اناعۇرلىم زور ۇلەس قوسۋعا ۇيىمداستىرادى، جۇمىلدىرادى.
(شينحۋا اگەنتتىگىنىڭ 4 ـ ايدىڭ 27 ـ كۇنى بەيجيڭنەن بەرگەن حابارى)
